GAVARO - Cindy

DUŜA (al Nikolaj) – Senŝela kolbaso, baŝibuzuko !
LIZA (al Duŝa) – La fiŝon ci servu kun la ventron supre kaj garnu
per onoj de citrono.
NIKOLAJ – La ventron supre ? Sankta nazotruo ! Pura herezaĵo !
La bonaj moroj perdiĝas.
LIZA (al Nikolaj) – Iru for, bakita skarabo, ŝima kataplasmo !
NIKOLAJ (al Liza) – Donu mian fiŝon, ci, miskurba kukurbo !
DUŜA (al Nikolaj) – Iru al la hundoj, ci ikonoklasto, fridpisanto !
NIKOLAJ – Fridpisanto, mi ? Fridpisanto ! tion mi ne toleros ! Mi
ŝatus cin murdi post elektitaj turmentoj, ci, abortulino ! Prenu la
putran fiŝon, ĝin manĝu kaj krevu !
GAZETISTO – Petu la lastan eldonon! Morto de Rasputin ! Lasta
novaĵo … Morto de Rasputin !
(Ĉiuj forkuras ekscititaj al la gazetvendisto. Envenas deĵoranta
aerpurigisto kun bonodoriga ŝprucigilo.)
PURIGISTO – Ĉu Rasputin ? Sankta porko li estis ! Kia epoko !
Nun li beate putru. (Post ripeta funkciigo de la pumpilo kaj
profunda enspiro) – Fine la atmosfero estas pli pura.
(Ĉiuj kunkantas kaj dancas laŭ la malnova rusa popolmelodio
“Zdrastvujtje, bubliĉkij !” :
Se vi ne kredas ĝin,
demandu de knabin’
ĉu ŝi ne sentas sin
jam en april’,
sed se vi scias jam,
kunĝoju pri la fam’,
ke mankas en la program’
la krokodil’ !
103