GAVARO - Cindy

DUŜA – Lasu cian karmemoran edzon en paco, Liza Grigorievna,
kaj paku mian fiŝon dum ĝi ŝajnas ankoraŭ freŝa.
LIZA – Ĉu mi ĝin paku kun iom da glacio ĉirkaŭe, patrineto ?
DUŜA – Unue, ci ĝin iom pretigu, entranĉu, malfermu, purigu kaj
salizu.
NIKOLAJ – Kial ne ankaŭ frizi kaj parfumi ?
LIZA (al Nikolaj) – Ci silentu, flavokula kukolo ! (al Duŝa) Volonte !
Ĉu ci fritos ĝin kun terpomoj kaj karotoj ?
NIKOLAJ – Germana sakramento ! Nek terpomoj, nek brasikoj.
Tiu-ĉi fiŝo apartenas al mi. Jen ciaj du Rubloj. Donu ĝin tuj,
patrineto !
DUŜA – Furzo de bufo ! De kie falas tiu seka pediko ? Aŭskultu,
patreto, tiun-ĉi fiŝon aĉetis mi !
NIKOLAJ – Sed ankoraŭ ne pagis, ĉu ne, kunikleto mia ?
DUŜA – Mi pagos morgaŭ, kiam mia edzo Ivan Semjonoviĉ ricevos
sian salajron.
NIKOLAJ – La salajron, kiun li jam fordrinkis. Cia edzo estas ebria
diboĉulo. Mi kraĉas sur cian edzon. Pft !
DUŜA – Insulti mian edzon, ci, latrinpedelo ! Ivan Semjonoviĉ
eltiros la ostojn varmaj el cia aĉa korpo !
NIKOLAJ – Lasu min ridi ! Ĉu ne suke ? Tiu laksigilo por ratoj !
Lepro putrigu lin !
LIZA (al Nikolaj) – Fermu la kranon, ci sepvolva vipuro, aŭ mi
mem ŝtopos al ci la umbilikon. Ci, fekaĵmuldilo, vomrestaĵo !
NIKOLAJ – Nun sufiĉe kun ciaj spicaĵoj. Donu al mi mian fiŝon.
Jen la mono.
LIZA – Kial ci ne prenis pli frue, ci, miskudrita fazeolo !
DUŜA (al Nikolaj) – Cimbredisto, cima pulo !
LIZA (al Duŝa) – Ci aldonu dekon da novaj terpomoj, kelkajn
karotojn, hakitan petroselon, frititan bulbon …
NIKOLAJ – Pesta intesto ! Kial ci babilaĉas kun tia … senĝiba
kamelino ? Donu al mi mian fiŝon, aŭ mi …
LIZA (al Nikolaj) – For, ci frakvestita gorilo !
102