Erreaktibo organolitikoak sintesi asimetrikoan, aminen ...

3. Kapitulua β-aminoalkoholak
eratzeko intentzioz, 28 β-aminoalkohol-eratorria, Pictet-Spengler ziklazio baldintzapean
jarri zen, hots, 1M HCl-z eta formaldehidoz 60 o C-tan 4 egunez, baina saiakuntza
guztietan hasierako produktua berreskuratu zen. Beste saiakuntza batean, formaldehidoa
gehitu zen eta metanoletan birfluxuan jarri zen ordubetez, segidan TiCl4-a gehitu zen
–83 o C-tan, baina oraingoan ere, ez zen lortu nahi genuen produktu ziklatua. Emaitza
hauek ikusita, karbamato taldea kentzea erabaki genuen, honela eratuko litzatekeen β-
aminoalkohola, formaldehidoarekin erreakzionatuz, oxazolidina bihur zitekeen. Era
honetan, 28a β-aminoalkohol-eratorria, diklorometanotan, inguruneko tenperaturatan
eta 5 egunez azido trifluoroazetikoz tratatu zenean, babesturik gabeko β-aminoalkohola
lortu zen. Erreakzioaren bilakaera geruza fineko kromatografiaren bidez jarraitu zen eta
1 H-RMN-az baliatuz egiaztatu zen. Ondoren, diklorometanotan, inguruneko
tenperaturatan eta 6 egunetan zehar, formaldehidoz tratatu zen tamiz molekularraren
presentzian, baina ez zen eratu dagokion oxazolidina. Erreakzio honen lehenengo
pausua egokia zela kontuan izanda, baina bigarren pausuan ez zela ziklazioa gertatzen
ikusita, dibromoetanoa erabiltzea pentsatu genuen dagokion produktu zizklatua
lortzeko. Era honetan, babestuta ez dagoen β-aminoalkohola, potasio karbonatoz tratatu
zen eta jarraian dibromoetanoa gehitu zen, baina oraingoan ere, ez zen produktu ziklatua
azaldu.
Adizio-erreakzioarentzat faboratuta dagoen trantsizio-egoerak erreakzioaren
estereokimika ezartzen du. 27 α-Oxibentzilkarbanioia egonkortuta dago, litioa
karboniloaren oxigenoarekin koordinatuz. Beraz, imina 27 anioiari hurbiltzen bazaio eta
nitrogeno-atomoa litioarekin koordinatzen bada, Si aurpegitik hurbiltzea errezagoa
izango litzateke, trantsizio-egoeran bi feniloen arteko aldarapenak txikiagotzen direlarik
(3.19 Eskema). Bibliografian agertzen diren beste zenbait adibideetan ere, antzeko
87