Erreaktibo organolitikoak sintesi asimetrikoan, aminen ...

S. Arrasate Doktorego-Tesia
Beraz, lehenengo etapa batean beharrezkoa zen THF-a erabiltzea LiDTBB-a
eratzeko. Baina, elektroizalea, kloruroa eta estekatzaile kirala parte hartzen duten
bigarren etapa batean, hain koordinatzailea ez den disolbatzaile bat erabiltzea
beharrezkoa da. Horregatik, LiDTBB-a THF-tan eratu genuen eta ondoren, Et2O-tan
diluitu genuen. Hala ere, baldintza hauetan hasierako 3,4-dimetoxibentzil kloruroa eta
N-bentziliden-p-anisidina errekuperatu genituen.
Beraz, frogatu dugu, posible dela fenetilaminak sintetizatzea, litiazio
erreduktiboaren bidez prestatutako bentzil-litioen iminen gaineko adizioan oinarrituz eta
Barbier baldintzak erabiliz. Hala ere, erreakzioa (–)-esparteinaren aurrean egiten
denean, lortzen den enantiomeria-soberakina baxua da (%14).
2.5. AMINEN KONFIGURAZIO-ESLEIPENA
Kasu guztietan, enantiomeria-soberakinak, Chiralcel OD zutabea, %2-10
hexano/ i PrOH-ko eluitzaile nahastea eta 0.5-1 mL/min-ko fluxua erabiliz, HPLC-tik
ateratako tontorren integrazioz kalkulatu genituen.
2a,b,d aminen konfigurazio absolutua esleitzeko, Denmark-ek 27 eta Tomioka-k 24
deskribatutako errotazio espezifikozko datuekin konparatu genituen. Egile hauek, [α] 20 D
= +2.74 (c = 1.02, CHCl3) balio positiboa deskribatu dute R konfigurazioa duen 2a
aminarentzat (es %85). Hau, guk lortutako datuekin bat dator, [α] 20 D = +1.4 (c = 2.3,
CHCl3), %34 enantiomeria-soberakinarako. 2a eta 2b aminen S konfigurazioa, fase
kiralean egindako HPLC-ko kromatogramak eta errotazio espezifikozko datuak
aurrekoekin konparatuz ondorioztatu genuen (2.4 Irudia).
Denmark-ek 27 [α] 20 D = -4.0 (c = 2.06, CHCl3) balio negatiboak deskribatu ditu R
konfigurazioa duen 11 aminarentzat (es %91). Datu hauek guk lortutakoekin bat datoz,
[α] 20 D = -4.1 (c = 1.34, CHCl3), %73 enantiomeria-soberakinarako. Era honetan, (−)-
58