Erreaktibo organolitikoak sintesi asimetrikoan, aminen ...

2. Kapitulua Aminak
Era berean, C-4 gunean R konfigurazioa erakusten duen 5a estekatzaile kirala
erabiltzen denean ere, erasoa Re aurpegitik gertatzen da. (−)-Esparteina eta 4, 5d,c eta 6
bis(oxazolidinak) erabiltzerakoan ordea, organolitikoaren erasoa iminaren Si aurpegitik
gertatzen da, R konfigurazioko aminak lortzen direlarik.
2.3. ESTEKATZAILE KIRALEN AURREAN GAUZATUTAKO, IMINEN
GAINEKO ALKILAZIOAREN BIDEZKO 3-FENILPROPILAMINEN SINTESI
ASIMETRIKOA.
2.3.1. Estekatzaile kiralen aurrean gauzatutako erreaktibo organolitikoen N-3-
fenilpropilideno-p-anisidinaren gaineko adizio asimetrikoa.
Estekatzaile kiral egokiak aukeratu ondoren, metodologia hau imina ezberdinei
aplikatzea erabaki genuen. Denmark-ek argitaratu du, hidrozinamaldehidotik
eratorritako 10 iminaren gaineko organolitikoen adizioan, enantioselektibitate altuenak
(–)-esparteina aurrean lortzen direla. 27,1g Hala ere, oxazolidinek indukzio
enantioselektibo altua erakusten dute MeLi-aren adizioan. 30
Hau ikusita, MeLi-ren 10 iminaren gaineko adizioa ikertzea erabaki genuen.
Hainbat saiakuntza egin ziren 3-fenilpropionaldehidoaren eta p-anisidinaren arteko
kondentsazioz, 10 imina prestatzeko. Lehenengo saiakuntzan, eter dietilikotan eta 3Å-
ko bahe molekularra erabiliz birfluxuan mantendu genuen, baina produktu-nahaste bat
lortu genuen. Hurrengo saiakuntzetan, erreakzio-nahastea berotu ez genuen arren eta
erreakzio-denbora murriztu genuen arren, antzeko emaitzak lortu genituen. Honela
egiaztatu genuen α posizioan protoiak dituzten imina enolizagarriak prestatzea, arras
zaila dela. Azkenean, erreakzioan eratzen den ura hartzen duen agentea aldatzea erabaki
genuen, bahe molekularra erabili beharrean sulfato sodikoa erabili genuelarik. Honela p-
anisidina eta 3-fenilpropionaldehidoaren arteko erreakzioa egin genuen sulfato
sodikoaren aurrean. Aldehidoaren adizioa bukatu bezain pronto, iragazi eta ondoren,
47