Erreaktibo organolitikoak sintesi asimetrikoan, aminen ...

2. Kapitulua Aminak
ikusi zuen. 24,23 (−)-Esparteina soberakinaren aurrean ordea, MeLi-aren, 1b iminaren
gaineko adizioak, kontrako portaera erakusten du, (R)-3a amina %9-ko enantiomeria-
soberakinaz lortu zelarik (1 sarrera). Era berean, 1c 1-aminonaftalenotik eratorritako
iminak, enantioselektibitate ertainak erakusten ditu (2,3 sarrerak). 1d Tosiliminaren
erabilerak nahaste errazemikoak eratzen ditu. Tamaina handiagoko edo
elektroizaleagoak diren iminen erabilerek, prozesuaren enantioselektibitatea jeisten
dute. Beraz, (−)-esparteina aurrean egiten diren 1 N-feniliminen gaineko organolitikoen
adizioak burutzeko, p-metoxifenil taldea dirudi zati aminikoaren ordezkatzailerik
egokiena.
2.2.5. Bis(oxazolidina) kiralen eta aminoalkohol eratorri kiralen aurrean
gauzatutako, N-bentziliden-p-anisidinaren gaineko, erreaktibo organolitikoen adizio
asimetrikoa.
(−)-Esparteinaren aurrean gauzatutako erreaktibo organolitikoen iminen gaineko
adizio-erreakzioetan lortutako enantioselektibitatea hobetzeko asmoz, estekatzailearen
egituraren eragina aztertzea pentsatu genuen. Era honetan, kapitulu honen sarreran
azaldu dugun moduan, bis(oxazolinak) eta aminoeterrak gure helburua lortzeko
estekatzaile egokiak zirelakoan geunden.
Aldiminek, nagusiki E konfigurazioa erakusten dutenez, bis(oxazolina)-RLi
konplexuaren C2 simetriak erasoa aurpegi enantiotopiko batetik gertatzea eragin
dezake. 28b Honela, bi oxazolidina eraztunen arteko egitura ezberdineko bis(oxazolina)
desberdinak aukeratu genituen. Hauek tamaina ezberdineko ordezkatzaileak dituzte (Ph,
t-Bu). Bestalde, erabilitako erreaktibo organolitikoak, base eta nukleozale sendoak
direnez, bi oxazolidina eraztunak diordezkatutako karbono bategatik elkartuta daude,
enolizazioa eta imino eter funtzioaren gaineko adizioa ekiditeko. Horretaz gain, 4 eta 6
41