Erreaktibo organolitikoak sintesi asimetrikoan, aminen ...

2. Kapitulua Aminak
Hala ere, disolbatzailea aldatuz, etekinetan eta enantiomeria-soberakinetan ez ziren
aldaketa handirik behatu (5, 9 eta 10 sarrerak).
Estekatzaile kiralari dagokionez, kantitate katalitikoak zein estekiometrikoak
erabili genituen. MeLi-a erabili genuenean, (−)-esparteinaren kantitate katalitikoak edo
baliokide bat erabiltzerakoan lortu ziren enantiomeria-soberakinak hobetzeko,
estekatzailearen 2.6 baliokide erabiltzea beharrezkoa izan zen (1-5 sarrerak). Bestalde,
iminaren organolitiko/(−)-esparteina konplexuaren gaineko adizioak (4, 8, 9, 10
sarrerak), zein organolitikoaren imina eta estekatzaile kiralaren gaineko adizioak (1-3,
5, 7, 11-13 sarrerak) antzeko emaitzak erakusten dituzte, lehenengo prozedura
bidezkoena dela pentsa daitekeen arren. Tenperatura aldatuz, ondorio berdinera hel
gaitezke. Adizioa, kasu guztietan –78 o C-tan egin zen, gero, ordubetez –42 o C-tan
irabiatzen mantendu zelarik; 8 eta 9 sarreretako saizkuntzak eta 12 sarrerako saiakuntza
izan ezik, hauek, –94 o C-tan eta –78 o C-tan mantendu baiziren, hurrenez hurren. Hala
ere, enantiomeria-soberakinean igoera txikia behatu genuen, iminaren adizio oso geldoa
burutu genuenean (9 sarrera). Saiakuntza guztietan, etekin kuantitatiboak, baina
enantiomeria-soberakin ertainak lortu genituen.
Zentzu honetan, Denmark-ek 27 antzeko emaitzak lortu ditu (−)-esparteinaren
aurrean gauzatutako N-ariliminen gaineko erreaktibo organolitikoen adizioetan. Kasu
gehienetan, estekatzailearen kantitate estekiometrikoak edo katalitikoak erabilita, N-
arilamina kiralen enantiomeria-soberakinak antzekoak direla ondorioztatu du. Erreakzio
hauetan, oxoaminak 24 edo (S)-prolinatik 31 eratorritako eta etekin altuak erakusten
dituzten estekatzaile kiralak ere, erabili dira.
37