Erreaktibo organolitikoak sintesi asimetrikoan, aminen ...

Ondorioak
Ondorioak
1. (−)-Esparteinaren, bis(oxazolinen), efedrinaren eta bere eratorrien artean,
lehenengoa izan da estekatzaile egokiena, p-anisidinatik, 4-metoxi-2-metilanilinatik edo
1-aminonaftalenotik datozen iminen gaineko erreaktibo organolitikoen adizioak egiteko.
Era honetan, bentzilaminak, 3-fenilpropilaminak eta N-fenetilaminak enantiomeria-
soberakin altuaz lor daitezke.
2. O-Bentzil karbamatoen eratorriak diren α-oxibentzil litiodunen N-bentziliden-
p-anisidinaren gaineko adizioa, diastereoselektiboa da TMEDA-aren aurrean gertatzen
denean. s-BuLi/(−)-esparteina konplexuaren erabilerak treo β-aminoalkohol eratorriak
sortzen ditu diastereoselektiboki eta enantioselektiboki.
3. Oxoamiden N-aziliminio ioien bidezko ziklazioa diastereoselektiboki
gertatzen da, nitrogenoarekiko α posizioan dagoen gune estereogenikoaren
eraginagatik. Aipatutako oxoamidak, L-DOPA-ren eratorria den N-
fenetilsukzinimidaren gaineko erreaktibo organolitikoen adizio nukleozalearen bidez
eratu dira, hauek, tetrahidropirroloisokinolonen sintesi enantioselektiboa baimentzen
dutelarik. Produktuaren estereokimikak, ziklazio-etapan sortzen den eta berandu
gertatzen den semiaulki erako trantsizio-egoerak ezartzen du. Trantsizio-egoera
honetan, C-5 guneko ordezkatzailea posizio pseudo-ekuatorialean kokatzen da,
nukleozalearen erasoa N-aziliminio ioiaren Re aurpegitik gertatzen delarik.
4. Tetrahidropirroloisokinolonen sintesi asimetrikoa egin daiteke, aipatutako N-
fenetilsukzinimida iodatuari Parham ziklazioa-erredukzioa segida aplikatuz. Parham
ziklazioa diastereoselektiboki gertatzen da, imidaren gune estereogenikoak sortutako 1,3
indukzioagatik, erreadukzioa ordea, konfigurazioa aldatuz gertatzen da.