Erreaktibo organolitikoak sintesi asimetrikoan, aminen ...

S. Arrasate Doktorego-Tesia
5.5.2. TMEDA-ren aurrean gauzatutako 1a iminaren gaineko α-oxibentzil-litioen
adizioa.
Prozedura orokorra:
Dietil eterretan (10 mL) disolbatuta dagoen TMEDA-z (0.16 mL, 1.1 mmol) eta
26a-c karbamatoz (1 mmol) osaturiko disoluzioari s-BuLi-a (1.1 mmol) gehitu zitzaion,
nahastea –78 o C-tan 5 minutuz irabiatzen mantendu zelarik. Jarraian, eterretan
disolbaturiko 1a iminaren (1 mmol) disoluzioa aurreko disoluazioari gehitu zitzaion eta
erreakzio-nahastea –78 o C-tan 2 orduz irabiatzen mantendu zen. Ondoren inguruneko
tenperaturara heltzen utzi zen eta HCl 2M (10 mL) gehitu zen. Faseak banandu ziren eta
fase urtsua Et2O-z (3 × 10 mL) erauzi egin zen. Erauzkin organikoak batu, NaHCO3-z
garbitu eta Na2SO4 anhidroz lehortu ziren. Disolbatzailea hutsean kontzentratu ondoren
eta zutabe-kromatografiaz (silize-gela) purifikatu ondoren treo 28a-c eta eritro 29a-c
konposatuen nahastea lortu zen.
5.5.2.1. (1RS,2RS)-28a-ren eta (1RS,2SR)-29a-ren sintesia.
Prozedura orokorraren arabera, dietil eterretan disolbatutako 26a karbamatoz
(417 mg, 1.38 mmol) eta TMEDA-z (0.23 mL, 1.53 mmol) osatutako disoluzioari s-
BuLi-a gehitu zitzaion (hexanotan dagoen 1.27 M-ko disoluzio baten 1.2 mL, 1.53
mmol) –78 o C-tan. Erreakzio-nahastea 5 minutuz irabiatzen mantendu zen eta 1a N-
bentziliden-p-anisidina (324 mg, 1.53 mmol) gehitu zen, –78 o C-tan 2 orduz eta 30
minutuz mantendu zelarik. Elaborazio-prozedura burutu ondoren lortutako olioa Flash
zutabe-kromatografiaz (silize-gela, hexano/AcOEt %35) purifikatu zen. Era honetan
(1RS,2RS)-28a-ren eta (1RS,2SR)-29a-ren (468 mg, 0.92 mmol, %67) nahastea 33:67-
ko erlazioan lortu zen, nahastearen
1 H-RMN espektruak azaldutako seinale
adierazgarrien integrazioz kalkulatu zelarik. Diastereoisomero biak zutabe-
kromatografiaz banandu eta eterretan kristaldu ziren.
194