Erreaktibo organolitikoak sintesi asimetrikoan, aminen ...

S. Arrasate Doktorego-Tesia
Ziklazio hauen bilakaera estereokimikoa azaltzeko, Allin, konformazioereduetaz
93 baliatzen da, non substratua, hots, Lewis azidoaren bidez aktibatutako
laktama biziklikoa, N-aziliminio tartekarira eramaten duen.
R = H denean, produktu nagusira eroaten duen A konformazioan, karbonil taldea
aminoalkoholaren gune estereogenikoaren hidrogeno atomoagatik eklipsatuta dago.
Iminio ondoko karbonoaren hidrogeno-atomo angularrak (R = H), ez du oztopo esteriko
handirik jartzen bentziloarekin edo Lewis azidoarekin konplexatuta dauden metiloxi
taldeekin elkarrekintza izateko. Eredu honetan Lewis azidoarekin konplexatuta dagoen
metiloxi taldea ordezkatzaile handitzat hartzen da. Nagusia ez den diastereoisomerora
eroango zuen B konformazioan, bentzil taldea da ordezkatzaile handiena. Kasu honetan,
karbonil taldearen eta Lewis azidoarekin konplexatuta dagoen metiloxi taldearen artean
1,3 elkarrekintza sortuko litzateke.
R = Me denean, A konformazioan dagoen metilo ordezkatzaile angularraren (R
= Me) eraginagatik, kontrako estereokimika erlatiboa duen diastereoisomeroa da nagusi.
C-N loturaren biraketa eginez, txandakatutako B konformazioa eratuko litzateke, non
iminio karbonoko ordezkatzailearen elkarrekintza esterikoa txikiagotuko zen. Era
honetan, estereokimika mantenduz diastereoisomero nagusia lortuko zen, hots, trans
diastereoisomeroa.
4.2.3. Parham ziklazioaren estereoselektibitatea. Enantiomerikoki puruak diren
tetrahidropirroloisokinolonen sintesia.
144
Adizio nukleozalea−N-aziliminio ioien bidezko ziklazioa, tetrahidropirrolo[2,1-
a]isokinolonen sintesi asimetrikoei aplika dakiekeela frogatu ondoren, planteatu genuen
93 a) Eliel, E. L.; Wilen, S. H. Stereochemistry of Organic Compounds, Wiley, NewYork, 1994, p. 876. b)
Cherest, M.; Felkin, H.; Prudent, N. Tetrahedron Lett. 1968, 2199. c) Ahn, N. T.; Eisenstein, O. Nouv. J.
Chim. 1977, 1, 61.