Erreaktibo organolitikoak sintesi asimetrikoan, aminen ...

4. Kapitulua Tetrahidropirroloisokinolonak
Fase kiralean egindako 47a eta 47b isokinolonen HPLC-ak (Chiralcel OJ, %10
hexano/iPrOH) %99-ko enantiomeria-soberakina adierazi zigun, hasierako L-DOPA-ren
parekoa hain zuzen ere.
Adizio nukleozalea−N-aziliminio ioien bidezko ziklazioa segidaren bidez
lortutako 47a-b tetrahidropirroloisokinolonen estereokimikaren esleipena, 1 H-RMN
espektroskopiaz baliatuz determinatu genuen. 47a-b tetrahidropirroloisokinolonen H6
protoi metilenikoak eta H5 protoi metinikoa osatzen duten ABX sistemaren
akoplamendu-konstanteak aztertuz, H5 protoiaren antolamendua jakin genuen. Honela,
47a tetrahidropirroloisokinolonaren kasuan, H6 protoiak bikote bikoitz modura agertzen
ziren δ 2.59 ppm-tara (JAX = 3.6 Hz eta JAB = 16.2 Hz) eta δ 3.02 ppm-tara (JBX = 11.2
Hz eta JAB = 16.2 Hz) hurrez hurren. Era berean, 47b tetrahidropirroloisokinolonaren
kasuan, H6 protoiak bikote bikoitz modura agertzen ziren δ 2.61 ppm-tara (JAX = 4.0 Hz
eta JAB = 16.3 Hz) eta δ 3.10 ppm-tara (JBX = 11.5 Hz eta JAB = 16.3 Hz). Beraz, kasu
bietan, ondoan dauden protoien akoplamendu-konstanteen balioak, H5 protoi
metinikoaren pseudo-axial posizioarekin bat datoz.
C5 posizioko gune esteregenikoaren konfigurazio absolutua ezagutzen genuenez,
(S), hurrengo pausua, NOE kendura esperimentuen bidez, ziklazioan eratutako gune
estereogeniko berriaren konfigurazioa determinatzea zen (ikusi 4.1 Taula). 87 Emaitza
aipagarrienak dira, H-5ax protoiaren eta C-10b guneko ordezkatzaileko protoi metilikoen
arteko NOE-a azaltzen zela eta protoi metiliko hauen eta C-5 guneko hidroximetil
taldearen protoi metilenikoen arteko NOE-a azaltzen ez zela. Beraz, 47a-b
tetrahidropirroloisokinolonetan, C-10b eta C-5 posizioetan dauden ordezkatzaileak
trans antolamendu erlatiboan kokatzen dira, C-10b guneko konfigurazioa S izanik (4.2
Irudia).
87 Hall, D. L.; Sanders, J. K. M. J. Am. Chem. Soc. 1980, 102, 5703.
139