ACTA APOSTOLICAE SEDIS - La Santa Sede
ACTA APOSTOLICAE SEDIS - La Santa Sede
ACTA APOSTOLICAE SEDIS - La Santa Sede
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Congregatio de Causis Sanctorum 409<br />
<strong>ACTA</strong> CONGREGATIONUM<br />
CONGREGATIO DE CAUSIS SANCTORUM<br />
VERONENSIS<br />
Beatificationis et Canonizationis Ven. Servae Dei Mariae Dominicae Mantovani<br />
confundatricis et primae antistitae Instituti Parvarum Sororum a S. Familia<br />
(1862-1934)<br />
DECRETUM SUPER MIRACULO<br />
Venerabilis Serva Dei Maria Dominica Mantovani die 12 mensis Novembris<br />
anno 1862 in vico Castelletto di Brenzone dioecesis Veronensis nata est.<br />
Parochum suum Beatum Iosephum Nascimbeni in Congregatione Parvarum<br />
Sororum a Sacra Familia fundanda adiuvit, cui prudens et sedula Superiorissa<br />
Generalis praefuit. Humilitate, caritate et oboedientiae spiritu emicuit<br />
et sanctitatis fama circumfusa, die 2 mensis Februarii anno 1934, in Domino<br />
requievit.<br />
Summus Pontifex Ioannes Paulus II, die 24 mensis Aprilis anno 2001,<br />
virtutes theologales, cardinales et his adnexas heroico gradu coluisse decrevit.<br />
Beatificationis respectu, Causae Postulatio iudicio Congregationis de Causis<br />
Sanctorum assertam subiecit miram sanationem infantis <strong>La</strong>rae Pascal, quae,<br />
sequenti die nativitatis suae, 6 mensis Martii scilicet anno 1999, in nosocomio<br />
italico urbis Sinus Albi in Argentina de cubili matris suae fortuito decidens<br />
caput in pavimentum illisit. Statim medicorum investigationi commissa est,<br />
qui signa irregularis invenerunt respirationis et morarum ipsius respiratus,<br />
necnon cyanosim, cardiaci pulsus tarditatem atque haematoma in occipite<br />
parietali laevo cum fractura lineari eiusdem sedis. Infans ergo in lethargo<br />
comatis versabatur. Paucis post horis tomographia computatoria in alio nosocomio<br />
patrata sanguinis profluvium in meninge fibrosa exhibuit cum aedemate<br />
reagenti trans supradictam fracturam. In prius reducta valetudinarium,<br />
infans in machina incubatrice oxygeni inductione ditata pro curandi<br />
ratione deposita est, ubi vero subsidia respirationis ei suppeditata sunt ac<br />
remedia contra cerebri aedema et convulsiones. Cum res pupillae ita adversae<br />
se haberent, Parva quaedam Soror a Sacra Familia, quae infirmis ministra-