ACTA APOSTOLICAE SEDIS
ACTA APOSTOLICAE SEDIS
ACTA APOSTOLICAE SEDIS
Create successful ePaper yourself
Turn your PDF publications into a flip-book with our unique Google optimized e-Paper software.
Acta Benedicti Pp. XVI 621<br />
VII<br />
Templum paroeciale Deo dicatum in honorem Sacratissimi Cordis Iesu in oppido<br />
vulgo Da˛browa Górnicza – Strzemieszyce, Sosnoviensi in dioecesi, ad gradum<br />
Basilicae Minoris evehitur.<br />
BENEDICTUS PP. XVI<br />
Ad perpetuam rei memoriam. — Spiritale omnium Christifidelium bonum<br />
sollicite curantes, laetamur sane quotiescumque occasio Nobis datur<br />
divinum cultum diffundendi atque sacras in toto orbe aedes exornandi. Ideoque,<br />
cum Venerabilis Frater Adam S ´ migielski, Episcopus Sosnoviensis, cleri<br />
populique vota interpretatus, rogaverit ut templum paroeciale Deo dicatum<br />
in honorem Sacratissimi Cordis Iesu in oppido vulgo Da˛browa Górnicza —<br />
Strzemieszyce, intra fines memoratae dioecesis situm, ad dignitatem Basilicae<br />
Minoris eveheretur, petitioni illi libenti animo obsecundare volumus. Scimus<br />
enim hanc ecclesiam non solum magnitudine aedificii et pulchritudine ornamentorum<br />
eminuisse sed praesertim locum fuisse singularis pietatis quam<br />
sacerdotes et fideles ibidem orantes demonstraverunt firmam fidem profitentes.<br />
Itaque de Congregationis de Cultu Divino et Disciplina Sacramentorum<br />
consulto, Apostolicae potestatis Nostrae plenitudine, statuimus ut sacra illa<br />
aedes ad titulum ac dignitatem Basilicae Minoris evehatur, omnibus adiectis<br />
iuribus et privilegiis, quae templis hoc nomine insignibus rite competunt,<br />
secundum Decretum « De titulo Basilicae Minoris », die IX mensis Novembris<br />
anno MCMLXXXIX datum. Contrariis quibusvis non obstantibus.<br />
Datum Romae, apud S. Petrum, sub anulo Piscatoris, die XIX mensis<br />
Augusti, anno MMVIII, Pontificatus Nostri quarto.<br />
Loco e Sigilli<br />
In Secret. Status tab., n. 97.291<br />
De mandato Summi Pontificis<br />
c Tharsicius card. Bertone<br />
Secretarius Status