I figlioli di Pandora_1

I
figlioli
di Pandora
A stella è u mari

figlioli
di Pandora
I
Jean-Louis Pieraggi
I
figlioli
di Pandora
A stella è u mari
Traduttu da u francesu
da Jérôme Franchi

« Da u cantu di i baleni
les enfants de pandora
à u bulu di l’aculi marini,
da i fiumi chì corrini
à i risi zitiddini,
tutti femi parti
« Da u cantu di i baleni à u bulu di l’aculi marini,
da i fiumi chì corrini à i risi zitiddini,
tutti femi parti di a reta di a vita. »
6
di a reta di a vita. »

•••••
prulogu
« A tarra ùn hè di l’omi,
sò l’omi chì sò di a tarra »
Dettu amerindianu
Era com’eddi l’aviani dittu i sapienti. Tuttu si n’andava à
caterna : u climà duvintava scemu, i spezii si ni spariani,
l’incendii maiò si ni sdrughjiani i furesti sani è i pesti ghjunti
d’ùn si sà erani di più in più numarosi.
U mondu si n’era impazzitu.
L’aviani ditta tutti, climatuloghi è biulugisti, ma pochi l’erani stati à
senta. Ùn era mancu di malvulintà, ma c’erami avvizzati cusì è aviami
cuntinivatu issa strada sensa pinsà à u lindumani, sensa pinsà chì
‘ssa strada ci purtava à u scumpientu, à danni maiò è à a disparizioni
di tuttu ciò chì campava quì. Quì annantu à ‘ssa pianetta persa in
l’immensità di l’universu.
Ma parò, ancu di grazia, tuttu ùn era persu chì in certi lochi a vita
alitava sempri…
9

A chjama marina
•••••
« Corciu quiddu ch’ùn sunieghja »
Dettu arburigenu
Cusì bedda ch’edda era quidda ghjurnata di branu. Una
ghjurnata d’aprili calda comu ci n’hè certi volti, una ghjurnata
chì dava più voglia à a spassighjata cà à u travagliu. Da
a finestra di a so camara, Stella, ghjovana studienti in biulugia, vidia
u mari chì spampigliulava. Era quì, cusì vicinu, ch’edda pudia senta
u so muscu ed era comu un invitu. Ma pà disgrazia, colpu à issa
pandemia, a ghjuvanetta era intannata in casa. Chjudendu tuttu, libri
è urdinatori, Stella si ni surtì in tarrazza, pà mirà a natura. Edda si ni
stava in un paisolu, supranendu u mari è arrimbatu à a muntagna.
Tuttu in giru, a machja, issa vegetazioni tipica di u Miditerraniu, issa
vegetazioni chì mentri millai d’anni s’era avvizzata à i caldamoni è i
sicchini. Ma oghji tuttu cambiava. Ancu i suvari, i listinchi, i mortuli
è altri pianti d’issa machja, pocu à pocu si ni spariani par via di u
mancà d’acqua.
U viru avia toccu millioni di parsoni in u mondu, è a natura ancu
edda patia in ogni lochi. Si n’avvidia, Stella, ma ùn sapia chì fà di
pettu à tuttu issu disturbu di a natura.
Di stizza a zitedda si lampò nantu à a so bicicletta di casa è cuminciò
à appughjà comu una scema annantu à i pedali. A si pigliò cusì forti
chì pocu tempu dopu i so ghjambi li frighjiani è u so cori battia à
più pudè. I studii è u sportu erani, in issi tempi, a sola manera di
cacciassi l’angoscia chì ingutupava a so vita. Pà issa volta à ci avia
11

i figlioli di pandora
fatta à scaccià u mal essa chì a mucava. Piantò è si lampò nantu à u so
lettu circhendu di pinsà à altri affari, è subitu subitu s’addurmintò…
Era quì, di pettu à u mari appruntendusi à lampassi in l’acqua chjara.
Si ciuttò pigliendu via à u largu. Qualchì tempu dopu s’avvidendusi
ch’edda s’era alluntanata assai dà u rinaghju, Stella s’appruntava
à vulassini ed hè tandu ch’edda risintì una vibrazioni strana chì li
curria nantu à u spinu. Un delfinu era quì di pettu à edda. L’animali
a fighjulava, d’un colpu si girò è sparì.
A suspresa passata, a ghjuvanetta pinsò ch’eddu era qualchì ghjovanu
chì s’era alluntanatu da i soi è chì era vinutu à vedala. Era sempri
nuttendu quandi u cetaceu vultò. Ma issa volta ùn era più solu, dui
altri l’accumpagnavani. L’animali s’avvicinoni è d’un colpu, sparini
dinò in a listessa direzzioni. Dopu à avè riflitutu trenta sicondi è
suspresa di issa manera di fà, à Stella li pigliò a voglia di suvitalli.
Davanti à edda c’era una dicina di mammiferi marini tutti accolti in
cerchju chì si spiazzavani pian pianinu. C’era qualcosa di stranu in a
so manera di fà. Stella s’avvicinò è a banda s’aggrupò in giru à edda.
À u centru c’erani i femini cù i so chjuchi, ed hè tandu ch’edda u vidì.
Un delfinu nascitoghju s’era incapiatu in un pezzu di reta è l’animalucciu
ùn si pudia mova. Era à strazziera è in li so ochji si vidia l’addisperu.
Stella s’avvicinò pianamenti è bè. Bisognu ci vulia à fà à a lestra
ma dinò cù dilicateza, chì u capiu di nilonu inturcinatu à i nataghjoli
pudia feriscia l’animalucciu. Dopu à qualchì provi, a ghjuvanetta a li
feci à libaraddu. Era salvu, è u delfinucciu felici di ritruvà a so libartà
si strinsi prima à a mamma è dopu si n’andò à veda à Stella. Ed hè
tandu chì a ghjuvanetta s’avvidì di a luntananza di a riva.
Stella sapia chì u vultà avia da essa longu. Ma disgraziosamenti ci
vulia à rientra. Lacò u so amicucciu è ripigliò via ver di a costa. Ben
ch’edda ùn la s’aspittessi, i delfini sbucconi quì à fiancu à edda.
Filavani comu frecci è si vultavani pà fighjulalla, saltavani è si ghjiravani
à l’aria comu s’eddi erani stantarini fendu u so spitaculu. D’un
colpu sparini è Stella s’avvidì ch’edda ùn era più cà qualchì metri
di u rinaghju. Li paria chì u vultà ùn avia duratu cà qualchì minuti.
Da a costa lampò un sguardu à l’urizonti, erani culà, à mezu à u mari
è nutavani tutti insemi, in banda è libari.
12 13

les enfants de pandora
a chjama marina
Stella aprì i so ochji accicata da u soli chì li era addossu. Ùn sapia
s’eddu era sognu o realità. U so visu era bagnatu di lacrimi, « aghju
pientu » si dissi a ghjuvanetta. Si ramintava issu sognu ed era
cummosa, avia vistu issu delfinu criaturu spavintatu colpu à a scimità
di l’omi. Discitata si lampò à fà ricerchi annantu à internet. Ugnunu
avia intesu parlà d’omi salvi da i delfini ma dubitava di u cuntrariu. Hè
tandu ch’edda s’avidì chì l’affari s’era dighjà pruduttu, micca una sola
volta è chì numarosi erani i casi mintuvati, l’ultimi pocu tempi fà.
• • •
14

les enfants de pandora
Simbiosa
•••••
« A natura sana hè un saviu struitu. »
Dettu urientali
Comu tutti i luni c’era u corsu di biulugia fattu da u prufissori
San Marco, ma dipoi u cunfinamentu i corsi si faciani
in visiocunfarenza. Ben ch’eddu fussi anzianettu, San Marco
avia a simpatia di tutti i so elevi. L’omu chì era appassiunatu da u
so mistieri s’assumigliava à u prufissori Tournesol di Les aventures de
Tintin. U scintificu era cunnisciutu pà i so studii annantu à a simbiosa,
iss’ associu trà dui spezii animali o vegetali, chì era mori sparta in
u mondu di u vivu. A più cunnisciuta era quidda di u curallu. Era
un associu trà un algua è un animali. U curallu si ghjuvava di a
fotosintesa di l’algua è l’algua edda si ghjuvava di i nutrimenti chì
viniani di u planctonu chjappu da u curallu. È cusì chì u curallu s’era
spartutu in u mondu sanu.
Ma u curallu, ben chì vechju di parechji cintinaii di millioni d’anni,
era oghji minacciatu da u riscaldamentu climaticu è da l’acidificazioni
di l’oceani. Ma ancu di grazia chì par Stella, ùn era oghji a
tematica di u ghjornu. U prufissori San Marcu apparì in u screnu :
« Bonghjornu à voi tutti, oghji hà da essa un corsu di biulugia un
puchettu spiciali, arricurdetivi chì v’aghju dighjà parlatu di l’associ
trà l’arburi è certi funzi i « micorisi* ». Issi funzi portani di più acqua
è sali minarali à i pianti assuciati è in scambiu i pianti li dani nutrimenti
è acidi aminati vinuti da a fotosintesa. »
Ben chì i so elevi fubbini cattivati, San Marco s’arristò trenta sicondi :
16
17

les enfants de pandora
simbiosa
« Si sà da pocu ch’eddi sò i micorisi chì assicurani i scambii nutritivi
trà tutti l’arburi di a furesta. I ricerchi novi ani pà risultatu chì tutti
l’arburi di a furesta sò in leia trà eddi è issa leia hè custituita da i
filacci di micorisi comu una reta chì s’assumiglia à Internet è certi l’ani
chjamata u Wood Wide Web, l’Internet di a furesta ».
Dopu qualchì minuti di silenziu u vechju sapienti aghjustò :
« Pari chì a furesta funziunessi comu s’edda era un solu essaru duva
tuttu hè intricciatu è tuttu s’aiuta, à cuntrariu di ciò chì si pinsava
sin’à oghji. »
Issi ricerchi lampavani in tarra a nostra manera di veda a natura.
S’erani classificati da u sempri, l’essari vivi in sfarenti cumpartiment :
l’animali di i pianti, a predazioni di a simbiosa, a selezzioni naturali
di l’aiutu, ma in fattu tuttu era liatu è intricciatu. Stella era maravigliata,
chì tuttu quissu cambiava u nostru raportu cù a natura ma
dava dinò di pussibilità infiniti di ricerca.
U corsu cuntinuvò cù spiigazioni di tutti i provi fatti à tempu à issi
travagli.
À listessu tempu, Stella era quì pinsirosa. Un idea l’era sbucciata in
capu.
Dopu una stonda di riflizzioni dicidò chì à a fini di u corsu à parlanni
à u pruffissori.
I studienti aviani tutti tagliati a visiò ma a ghjuvanetta era sempri
pusata à a so piazza.
U pruffisori cuminiciava à accoglia i so affari, quand’eddu s’avvidì di
a prisenza di Stella.
« Stella, chì c’hè ?
– O sgiò pruffissori, m’eti podassi da piglià pà una tonta, ma dapoi
chì vo eti parlatu di issa leia trà l’arburi m’hè vinutu una idea, è ùn
c’hè manera di cacciammila di u capu.
– A sà o Stella, di l’idei chì pariani scemi sò nati i più grandi scuparti.
Allora avà parla.
18 19