Ewropa ta' lib ertà, sigurtà u ġustizzja - EU Bookshop - Europa

More documents

Recommendations

Info

6 III. IS-SIGURTÀ Il-waqgħa tal-Ħajt ta’ Berlin fl-1989 wasslet għat-tneħħija gradwali ta’ diviżjonijiet qodma madwar il-kontinent Ewropew. L-Ewropa, fis-seklu 21, għadha taffaċċja kwistjonijiet ta’ sigurtà. L-UE trid tieħu azzjoni effettiva biex tiżgura s-sigurtà tal-Istati Membri tagħha. Trid taħdem b’mod kostruttiv mar-reġjuni li jmissu mal-fruntieri tagħha: il-Balkani, l-Afrika ta’ Fuq, il- Kawkasu u l-Lvant Nofsani. Trid tħares ukoll l-interessi militari u strateġiċi tagħha billi taħdem mal-alleati tagħha, speċjalment fi ħdan in-NATO, u billi tiżviluppa politika ġenwina u komuni għas-sigurtà u għad-difiża tal-Ewropa. Is-sigurtà interna u dik esterna huma żewġ naħat tal-istess munita. Il-ġlieda kontra t-terroriżmu u kontra l-kriminalità organizzata tirrikjedi li l-forzi tal-pulizija talpajjiżi kollha tal-UE jaħdmu flimkien mill-qrib. Li l-UE ssir “żona ta’ libertà, sigurtà u ġustizzja” fejn kulħadd ikollu aċċess indaqs għall-ġustizzja u jkun imħares bl-istess mod mil-liġi hija sfida ġdida li tirrikjedi kooperazzjoni mill-qrib bejn il-gvernijiet. Entitajiet bħall-Europol, l-Uffiċċju Ewropew tal-Pulizija, u l-Eurojust (li jippromwovi l-kooperazzjoni bejn il-prosekuturi, l-imħallfin u l-uffiċjali tal-pulizija f’pajjiżi differenti tal-UE) ukoll għandhom rwol attiv u effettiv x’jaqdu. IV. IS-SOLIDARJETÀ EKONOMIKA U SOĊJALI L-Unjoni Ewropea twaqqfet biex jintlaħqu għanijiet politiċi, u mmirat li tilħaqhom permezz tal-kooperazzjoni ekonomika. Il-pajjiżi Ewropej jikkontribwixxu għal perċentwali iżgħar tal-popolazzjoni dinjija. Għalhekk il-pajjiżi Ewropej iridu jkomplu jaħdmu flimkien jekk iridu jiżguraw tkabbir ekonomiku u li jkunu jistgħu jikkompetu ma’ ekonomiji ewlenin oħrajn fiddinja. L-ebda pajjiż individwali tal-UE mhu b’saħħtu biżżejjed biex jirnexxi waħdu fil-kummerċ dinji. Il-kumpaniji Ewropej jeħtieġu bażi usa’ minn sempliċement issuq lokali nazzjonali tagħhom, biex jilħqu ekonomiji tal-kobor u jattiraw klijenti ġodda, u s-suq uniku Ewropew jipprovdi dan. Biex tiżgura li għadd kemm jista’ jkun kbir ta’ nies jibbenefikaw minn dan is-suq mifrux mal-Ewropa ta’ 500 miljun konsumatur, l-UE qed tistinka biex tneħħi l-ostakli għall-kummerċ u qed taħdem biex tneħħi l-burokrazija żejda għan-negozji. © Robert Maass/Corbis
Imma kompetizzjoni ħielsa mal-Ewropa kollha trid tkun ibbilanċjata minn solidarjetà mifruxa mal-Ewropa kollha. Dan għandu benefiċċji tanġibbli u viżibbli għaċ-ċittadini Ewropej: meta jisfaw vittmi ta’ għargħar u ta’ diżastri naturali oħra, huma jirċievu għajnuna mill-baġit tal-UE. Il-“Fondi Strutturali”, li huma mmaniġġjati mill-Kummissjoni Ewropea, jinkoraġġixxu u jissupplimentaw l-isforzi tal-awtoritajiet nazzjonali u reġjonali tal-UE biex jitnaqqsu l-inugwaljanzi bejn ilpartijiet differenti tal-Ewropa. Il-flus mill-baġit tal-UE u s-self mill-Bank Ewropew tal-Investiment (BEI) jintużaw biex tittejjeb l-infrastruttura Ewropea tat-trasport (pereżempju, biex ikun estiż in-netwerk tal-awtostradi u tal-binarji tal-ferroviji b’veloċità għolja), biex b’hekk ikun provdut aċċess aħjar għar-reġjuni l-aktar imbiegħda u tingħata spinta lill-kummerċ trans-Ewropew. Il-kriżi finanzjarja globali tal-2008 tat bidu għall-agħar tnaqqis ekonomiku fl-istorja tal-UE. Il-gvernijiet u l-istituzzjonijiet tal-UE kellhom jaġixxu minnufih biex isalvaw il-banek, u l-UE pprovdiet l-għajnuna finanzjarja lill-pajjiżi li ntlaqtu l-agħar. L-użu ta’ munita waħda serva ta’ protezzjoni għaż-żona tal-ewro mill-ispekulazzjoni u l-iżvalutazzjoni. Imbagħad, fl-2010, l-UE u l-Istati Membri tagħha għamlu sforz konġunt biex inaqqsu d-dejn pubbliku tagħhom. L-isfida l-kbira għall-pajjiżi Ewropej fis-snin li ġejjin se tkun li jibqgħu magħqudin flimkien biex jaffaċċjaw ilkriżijiet globali u biex flimkien isibu mod kif jegħlbu r-reċessjoni u jidħlu fi żmien ta’ tkabbir sostenibbli. V. L-IDENTITÀ U D-DIVERSITÀ EWROPEA F’DINJA GLOBALIZZATA Is-soċjetajiet postindustrijali tal-Ewropa qed isiru dejjem aktar kumplessi. L-istandards tal-għajxien għolew b’mod stabbli, imma għad hemm distakki sinifikanti bejn is-sinjuri u l-foqra. Dawn id-distakki jistgħu jitwessgħu minħabba fatturi bħar-reċessjoni ekonomika, ir-rilokazzjoni industrijali, it-tixjiħ talpopolazzjoni u problemi fir-rigward tal-finanzi pubbliċi. Huwa importanti li l-pajjiżi tal-UE jaħdmu flimkien biex jindirizzaw dawn il-problemi. Li l-pajjiżi jaħdmu flimkien ma jfissirx it-telf tal-identità kulturali u lingwistika distinta tal-pajjiżi individwali. Għall-kuntrarju ta’ dan, ħafna attivitajiet tal-UE jgħinu fil-promozzjoni tal-ispeċjalitajiet reġjonali u tad-diversità rikka tattradizzjonijiet u l-kulturi tal-Ewropa. Fiż-żmien fit-tul, il-pajjiżi kollha tal-UE se jibbenefikaw. 60 sena ta’ integrazzjoni Ewropea wrew li l-UE kollha hija akbar mis-somma tal-partijiet tagħha. Għandha influwenza ekonomika, soċjali, teknoloġika, kummerċjali u politika ħafna akbar milli kieku l-Istati Membri tagħha kellhom jaġixxu b’mod individwali. Hemm valur miżjud meta dawn jaġixxu flimkien u jitkellmu b’leħen wieħed. 7
Page 1 and 2: L-Unjoni Ewropea ta’ Pascal Fonta
Page 3 and 4: L-Ewropa fi 12-il lezzjoni ta’ Pa
Page 5 and 6: paġna 20 Kif taħdem l-UE? paġna
Page 7: I. IL-PAĊI Qabel ma saret għan po
Page 11 and 12: VI. IL-VALURI L-UE tixtieq tippromw
Page 13 and 14: 1. Fid-9 ta’ Mejju 1950, id-Dikja
Page 15 and 16: Għalhekk, f’Marzu 2000, il-mexxe
Page 17 and 18: I. L-UNIFIKAZZJONI TA’ KONTINTENT
Page 19 and 20: Il-“Perla tal-Adrijatiku”, Dubr
Page 21 and 22: L-approċċ sensibbli huwa li jiġi
Page 23 and 24: I. L-ISTITUZZJONIJIET LI JIEĦDU D-
Page 25 and 26: Mill-1 ta’ Novembru 2014, skont i
Page 27 and 28: Il-gruppi politiċi fil-Parlament E
Page 29 and 30: Il-Qorti tal-Ġustizzja tiżgura li
Page 31 and 32: I. IL-POLITIKI TA’ INNOVAZZJONI L
Page 33 and 34: Il-mira tal-UE hija li tonfoq 3 % t
Page 35 and 36: (b) Il-politika agrikola komuni (PA
Page 37 and 38: III. INĦALLSU GĦALL-EWROPA: IL-BA
Page 40 and 41: Is-suq uniku 38 Is-suq uniku huwa w
Page 42 and 43: 40 (b) L-ostakli tekniċi Il-pajji
Page 44 and 45: 42 Regoli ġodda tal-UE dwar it-tme
Page 46 and 47: L-ewro 44 L-ewro hija l-munita unik
Page 48 and 49: 46 It-tielet stadju kien il-proċes
Page 50 and 51: Insejsu fuq l-għerf u l-innovazzjo
Page 52 and 53: 50 (b) L-Istrateġija Il-Kunsill Ew
Page 54 and 55: Xi jfisser li tkun ċittadin Ewrope
Page 56 and 57: 54 II. KIF TISTA’ TEŻERĊITA D-D
Page 58 and 59:
56 programmi għat-TV u films Ewrop
Page 60 and 61:
Ewropa ta’ libertà, sigurtà u
Page 62 and 63:
60 I. IL-MOVIMENT LIBERU FL-UE U L-
Page 64 and 65:
62 Il-kooperazzjoni bejn l-awtorita
Page 66 and 67:
L-UE fuq il-palk dinji 64 L-Unjoni
Page 68 and 69:
66 L-għan tal-politika barranija t
Page 70 and 71:
68 II. POLITIKA KUMMERĊJALI LI HIJ
Page 72 and 73:
X’futur għandha l-Ewropa? 70 “
Page 74 and 75:
72 Se jkun possibbli li tkompli l-
Page 76 and 77:
74 Dati ewlenin fl-istorja tal-inte
Page 78 and 79:
76 1974 Mid-9 sal-10 ta’ Diċembr
Page 80 and 81:
78 2004 L-1 ta’ Mejju - Ċipru, i
Page 82 and 83:
L-Unjoni Ewropea 0 500 km Portugal
Page 84:
© PF L-Ewropa fi 12-il lezzjoni Pa
show all

Ewropa ta' lib ertà, sigurtà u ġustizzja - EU Bookshop - Europa

Create successful ePaper yourself

Delete template?

Save as template?