Storia Comune

108
Paolo Scaccia Scarafoni
Statuti di Olevano
Rubr. LXXII. De percutientibus
cum armis in facie
Item si aliqui aliquem percusserit
cultello vel ense, clava, lancea,
sagitta, falcione vel lapide
seu baculo et his similibus in facie
cum sanguinis effusione, ita quod
signum turpe appareat et in facie
percussi remaneat, si cum cultello
et his similibus, puniatur in XV libris
denariorum; si cum lapide vel
baculo, in X libris. Mulieres vero
et minores XV annis usque ad decem
annos, si talia commiserint,
puniantur in centum solidis. Et si
offensor penam solvere non poterit
vel neglexerit infra competentem
terminum sibi datum et capi
poterit, secundum iura puniatur.
Et si capi non poterit, procedatur
contra eum ad diffidationem
et publicationem bonorum curie
et offenso pro tertia parte. Et
quod in omnibus percussionibus
percussor cogatur dare pretium
medicaminis percusso, taxatione
tamen castellani seu vicarii.
Statuti di Castro
[Lib. II, rubr. XX]. De percussione
cum armis
Si qui percusserit aliquem
cultello, ense, clavia, lancea seu
sagitta, falcione et baculo ferrato
et hiis armis similibus, cum sanguine
et in facie, ita quod signum
cicatricis appareat et remaneat,
puniatur in quindecim libras et
expellatur de Castro a loge duodem
milia passus et stet exul per
tres menses ad minus. Si vero
percusserit cum lapide, puniatur
in decem libras et maneat exul
per duos menses. Mulieres autem
et pueri decem annorum usque ad
quindecim, si predicta commiserint,
puniantur in tribus libris.
Et si offensores predictas poenas
solvere non poterint nec capi,
procedatur contra eos ad exbandimentum
et ad publicationem omnium
bonorum eorum, applicandorum
curiae et offenso pro tertia
parte; et hoc ordinamus expresse
observare. Et si capi poterit, puniatur
secundum iura.