ACTA APOSTOLICAE SEDIS - La Santa Sede

92 Acta Apostolicae Sedis - Commentarium Officiale
annum 1938 ordinaria auctoritate constructus est processus; Rogato-
riales vero in Curiis Taurinensi, Comensi, Mangalorensis Mutinensi,
Spalatensi atque Iadrensi, seu super fama sanctitatis, seu super scri­
ptis, seu super prohibito cultu non praestito.
Scriptis perpensis, Sacra Rituum Congregatio die 27 Maii a. 1941 re­
spondit : Nihil obstare quominus ad ulteriora procedatur, etc. ; quam
responsionem die sequenti Ssmus D. IST. ratam habuit.
Interim plures Postulatoriae Litterae Summo Pontifici oblatae sunt,
huius Dei Famuli introductionis Causam exposcentes : quatuor nempe
Cardinalium, decem Archiepiscoporum, triginta Episcoporum.
Instante itaque Rmo P. Carolo Miccinelli, S. I. generali Postulatore/
in Ordinaria Congregatione ad Vaticanum die 7 Decembris a. 1943 habi­
ta, Emus ac Rmus Cardinalis Ianuarius Granito Pignatelli di Belmonte,
Episcopus Ostien. et Albanen, causae huius Ponens seu Relator, dubium
posuit discutiendum: An signanda sit Commissio Introductionis cau­
sae in casu et ad effectum de quo agitur, atque de more de ea retulit.
Emi ac Rmi Cardinales, relatione hac audita, nec non auditis Officia­
lium Praelatorum suffragiis scripto datis, atque R. P. D. Salvatore
Catucci, Fidei generali Promotore, omnibus mature perpensis, respon­
dere censuerunt : Affirmative, nempe: Signandam esse Commissionem
Introductionis Causae eiusdem Servi Dei, si Sanctissimo placuerit.
Facta autem Ssmo D. N. Pio Papae XII, subsignato die, ab infra­
scripto Cardinali Praefecto relatione, Sanctitas Sua rescriptum Emi­
nentissimorum Patrum ratum habens, Commissionem Introductionis
Causae Servi Dei Richardi Friedl propria manu signare dignata est.
Datum Romae, die 10 Decembris a. D. 1943.
L. % S.
£B C. Card. SALOTTI, Ep. Praen., Praefectus.
A. Carinci, Secretarius.