ACTA APOSTOLICAE SEDIS - La Santa Sede

Sacra Congregatio Rituum 59
Die 9 Ianuarii a. 1622, ad caelestis Agni nuptias invitata, animam
Deo reddidit.
Leo XIII fel. rec. die 21 Februarii mensis a. 1899 huius Dei Famulae
Beatificationis Causae Introductionis Commissionem signavit. Heroicas
exercuisse virtutes per S. huius Congregationis decretum die 3 Aprilis
a. 1932 editum constat : item constat de tribus miraculis a Deo, ea inter­
veniente patratis, ex decreto diei 21 Martii anni huius.
Unum itaque supererai discutiendum dubium : An stante virtutum
ac trium miraculorum approbatione TUTO procedi possit ad sollemnem
eiusdem Venerabilis Beatificationem. Quod dubium in Generalibus S.
R. C. Comitiis, die 4 Maii mensis huius anni, coram Ssmo D. N. Pio
Papa XII habitis, Rmus Cardinalis Eugenius Tisserant, Causae Ponens
seu Relator, proposuit.
Rmi Cardinales, Officiales Praelati Patresque Consultores unanimi­
ter in affirmativum suffragium concessere. Beatissimus tamen Pater de­
cretoriam sententiam edere distulit donec, communibus adstantium pre­
cibus, maius a Deo lumen imploraretur.
Statuit autem suam mentem hodierno die aperire. Eapropter San­
ctitas Sua, sacrosanto Missae sacrificio religiosissime litato, convocatis
Rmis Cardinalibus Eugenio Tisserant, Causae Ponente, et infrascripto
S. R. C. Praefecto, nec non R. P. Salvatore Natucci Fidei Promotore
generali meque Secretario, pronunciavit : TUTO procedi posse ad sollem­
nem Venerabilis MARIAE TERESIAE A IESU, in saeculo Alexiae Le Giere,
Beatificationem.
Hoc autem decretum promulgari et in acta S. Rituum Congregationis
referri, nec non litteras Apostolicas sub anulo Piscatoris de sollemnibus
Beatificationis, in Vaticana Basilica quandocumque celebrandis, expediri
mandavit.
Datum Romae, die 20 Iunii, in festo Ssñiae Trinitatis, anno Domi­
ni 1943.
L. \B S-
£ß C. Card. SALOTTI, Ep. Praen., Praefectus.
A. Carinci, Secretarius.