ACTA APOSTOLICAE SEDIS - La Santa Sede

Acta Pii Pp. XII 275
II
NORVEGIAE SEPTENTRIONALIS
DISTRICTUS SEU MISSIO SUI IURIS NORVEGIAE SEPTENTRIONALIS AD PRAEFEC­
TURAE APOSTOLICAE GRADUM EVEHITUR.
PIUS EPISCOPUS
SERVUS SERVORUM DEI
AD PERPETUAM REI MEMORIAM
Maioris dignitatis gradu insignire congruum sane videtur Missiones
sui iuris, in quibus, indefesso Evangelii praeconum studio, christianum
nomen non mediocre susceperit incrementum. Quod quidem ita, Deo
propitio, esse laeto animo accepimus in districtu, seu Missione sui
iuris, Norvegiae Septentrionalis, anno millesimo nongentesimo trige­
simo primo erecta et Congregationi Missionariorum a S. Familia (de
Grave) concredita. Quare Nos, de venerabilium Fratrum Nostrorum
S. R. E. Cardinalium S. Congregationi de Propaganda Fide praeposi­
torum consilio, omnibus mature perpensis, Missionem illam ad potio­
rem dignitatis gradum, iuxta Sacrorum Canonum normas, evehere sta­
tuimus. Suppleto igitur, quatenus opus sit, quorum intersit vel eorum
qui sua interesse praesumant consensu, certa scientia deque supremae
Nostrae auctoritatis plenitudine, Missionem illam sui iuris Norvegiae
Septentrionalis, eodem servatis nomine ac limitibus, in Praefecturam
Apostolicam erigimus et constituimus, eamque Congregationi quam
supra diximus Missionariorum a S. Familia, cuius sodales in regione
illa sedulo adlaborant studio, etiam in posterum, ad Nostrum tamen et
Apostolicae Sedis beneplacitum, commissam volumus. Novae propterea
huic Praefecturae Norvegiae Septentrionalis eiusque pro tempore Praer
fectis Apostolicis omnia tribuimus iura, privilegia, honores et potestates,
quibus ceterae per orbem Praefecturae Apostolicae earumque Antistites
iure communi fruuntur et gaudent, eosque pariter iisdem adstringimus
oneribus et obligationibus, quibus ceterae Praefecturae Apostolicae ea­
rumque Praesules adstringuntur. Quae omnia, ut supra disposita et
constituta, rata ac valida esse volumus et iubemus, contrariis quibus­
cumque minime obstantibus. Harum vero Litterarum transumptis vel
excerptis etiam impressis, manu tamen alicuius notarii publici sub:
scriptis ac sigillo viri in ecclesiastica dignitate constituti munitis,
eamdem prorsus volumus haberi fidem, quae praesentibus Litteris habe­
retur, si ipsaemet exhibitae vel ostensae forent. Nemini autem hanc