ACTA APOSTOLICAE SEDIS - La Santa Sede

176 Acta Apostolicae Seáis - Commentarium Officiale
ACTA 88. CONGREGATIONUM.
SUPREMA SACRA CONGREGATIO S. OFFICII
DECRETUM
' OPERA PROHIBENTUR
Feria IV, die 17 Maii 19 kk
Decreto 26 Martii 1924 huius Supremae Sacrae Congregationis S. Of­
ficii opera et scripta omnia ERNESTI BUONAIUTI damnata fuerunt; qui
nihilominus perstitit in operibus edendis, etiam fundamenta fidei chri­
stianae evertere nitentibus, quorum aliqua iam a S. Officio proscripta
sunt ; nuperrime autem opus omnino improbandum edidit, cui titulus
« Storia del Cristianesimo ».
Itaque Emi ac Revmi Patres Cardinales Supremae Sacrae Congrega­
tionis Sancti Officii, rebus fidei ac morum tutandis praepositi, in plena­
rio conventu feriae IV, diei 17 Maii 1944, praehabito RR. DD. Consulto­
rum voto, damnaverunt atque in INDICEM librorum prohibitorum inse­
renda mandarunt opera et scripta omnia ab ERNESTO BUONAIUTI post
decretum supradictum usque ad eundem diem 17 Maii 1944 edita.
Et sequenti feria V, die 18 eiusdem mensis et anni, Ssmus D. N. Pius
divina Providentia Papa XII, in solita audientia Excrfto ac Revfiio D.
Adsessori S. Officii impertita, relatam Sibi Eíñorum Patrum resolutio­
nem adprobavit, confirmavit et publici iuris fieri iussit.
Datum Romae, ex Aedibus S. Officii, die 17 Iunii 1944.
Ioannes Pepe, Supr. S. Congr. Sancti Officii Notarius.