Le Nostre Parole 06 [Fersina]

Der hirt ont der bolf
A gschicht
glaim en bòlt a vòrt hòts gahòt
an hirt pet schof ont geas. er hòt
nèt gabisst bos za tea’ ont asou ist
er stuf kemmen bavai s hòt nicht
gahòt za tea’. er ist ka pèrg anau
gòngen ont hòt runt laut tschrin:
“hilf! hilf! s ist der bolf! lait laft,
hilf mer, der tuat mer òlla de schof
èssn!”. de pauern as en vèlt gaben
sai’ ont de holzhòcker as en bòlt
gaben sai’ za hòcken holz hon
gaheart de gaschraea van òrm hirt.
de hon schubet de òrbet sai’ galòk
ont sai’ galaft za hèlven en teatn der
bolf. òlla sai’ galaft pet gobln ont
schauvln. der hirt hòt galòcht.
der to derno s glaiche ont asou ver
òndra vert. an scheilen to ist birkle
der bolf kemmen. der hirt hòt en
tsechen pet en maul baet offet.
“hilf! hilf! s ist der bolf! lait laft,
hilf mer, der tuat mer òlla de schof
èssn!”. de lait hom gaheart de
gaschraea van òrm hirt ober de sai’
envire gòngen za òrbetn. nea’met hòt
se gariart. òlla hom tsbunnen as der
hirt bider s glaiche tuat. der bolf ist
gahupft zbischn de schof ont hòt de
lemper, de schof ont de geas pfrèssn.
58