You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Speciâl Fumuts<br />
Il fumut al è sostanzialmentri une<br />
caricature che si esprim <strong>di</strong>lunc <strong>di</strong><br />
une storie. Caricature <strong>di</strong> un mût <strong>di</strong><br />
fevelâ, il balloon, essenziâl e smavît;<br />
caricature <strong>di</strong> un mût <strong>di</strong> <strong>di</strong>ssegnâ, ancje<br />
cuant che il <strong>di</strong>ssen al è naturalistic e<br />
nol à nuie a ce spartî cu la “grande” art.<br />
I furlans a jerin grancj contadôrs <strong>di</strong><br />
storiis che a sbrissavin, inte “file”, tes<br />
gnots <strong>di</strong> une volte.<br />
Chest al puartarès a dî che i furlans a<br />
son un popul storichementri <strong>di</strong> grancj<br />
fumetiscj. Nuie <strong>di</strong> plui sbaliât: il grant numar<br />
<strong>di</strong> fumetiscj furlans al è relatevementri<br />
resint.<br />
Tant al è che, tai prins agns che in <strong>Friûl</strong> si à<br />
tacât a fâ fumuts, il tiermin al jere “fâ pipins”,<br />
un vocabul <strong>dal</strong> dut gnûf.<br />
Chest al pues stâi che al <strong>di</strong>pen<strong>di</strong> <strong>dal</strong> sostantîf<br />
“caricature” che, intune societât salde e<br />
oneste, al dave <strong>di</strong> pensâ mâl (“lavore e vonde<br />
fantasiis”) e al jere acetât dome te poesie (si<br />
sa che i poetis a son matucei...) tant che tal<br />
câs <strong>di</strong> Çorut e des sôs barona<strong>di</strong>s <strong>di</strong> Bolzan.<br />
Di fat, gjavât Jacum Pitôr “che al lave a<br />
buiacis daûr <strong>dal</strong> vapôr” - curiôs naïf prime<br />
<strong>dal</strong> sucès dai cravuats tant che Generalic<br />
- nol è che la storie de art furlane e ve<strong>di</strong> vût<br />
tancj autôrs che no si se<strong>di</strong>n inregjimentâts<br />
tai cjanuns des arts nobilis.<br />
Sigûr il baloon al esist in <strong>Friûl</strong> bielzà <strong>di</strong> timp,<br />
sot forme <strong>di</strong> cartili, tai frescs des glesiis, e<br />
ancje par furlan. Ma il fumut al è<br />
resint e, probabil, un dai tancj<br />
prodots <strong>di</strong> une socjetât che<br />
e stâ miôr e e à timp <strong>di</strong><br />
de<strong>di</strong>câsi aes fantasiis e<br />
che e pues permetisi il<br />
lusso <strong>di</strong> ri<strong>di</strong> ancje cence<br />
jessi cjoche (situazion<br />
assolutementri umane:<br />
“Quid est homo? Homo est<br />
animal mortale, rationale,<br />
RISUS CAPAX” Notkero<br />
<strong>La</strong>beon).<br />
DI SUALD, GIORGIO PLACEREANI<br />
Fumuts e fumetiscj furlans, i classics<br />
Storie e protagoniscj de gnove art in <strong>Friûl</strong>: <strong>di</strong> Pagot, che si firmà cussì par proteste<br />
pe talianizazion <strong>dal</strong> cognon, a Altan e Calligaro<br />
la patrie <strong>dal</strong> friûl _ AVRÎL 2008 _ 8<br />
Doi personaçs <strong>di</strong> Nino<br />
Pagot: Calimero e<br />
Grisù. In bande une<br />
vignete <strong>di</strong> Giaiotto.<br />
Parsore par or<strong>di</strong>n orari,<br />
Renato Calligaro, Giorgio<br />
Bor<strong>di</strong>ni, une ilustrazion<br />
<strong>di</strong> Otto, Mario Cubbino,<br />
Umberto Manfrin.<br />
I fumetiscj, invezit, a son creazion resinte.<br />
I fumetiscj che a operin in <strong>Friûl</strong>, inmò plui<br />
resinte parcè che i prins che si son de<strong>di</strong>câts a<br />
cheste art, parie cui ilustradôrs, a àn scugnût<br />
migrâ par fâsi valê: Rino D’Anna a Gjenue,<br />
Ul De Rico, autôr des senis e dai costums <strong>dal</strong><br />
film “<strong>La</strong> storia infinita”, in Baviere...<br />
Chei che a meretin une menzion particolâr<br />
a son:<br />
NINO PAGOT_ nassût a Vignesie (1908) ma<br />
<strong>di</strong> famee furlane <strong>di</strong> Sacîl. Il so personaç<br />
plui famôs al è Calimero, il poleçut neri de<br />
publicitât. Pagot (che al è il non de plume<br />
che si jere sielzût daspò che i fassiscj lu<br />
vevin talianizât in Pagotto) al à vût lavorât<br />
pal “Corrierino”, il “Balilla”, il “Corriere dei<br />
Piccoli” prime <strong>di</strong> fâ furtune te publicitât.<br />
CARLO COSSIO_ <strong>di</strong> U<strong>di</strong>n (1907) che<br />
al à vude cetante furtune te fassiste cun<br />
personaçs tant che Dick Fulmine (1938),<br />
Furio Almirante e, daspò de vuere, cun<br />
Tanks, Kansas Kid, Buffalo Bill... Cun<br />
<strong>di</strong> plui al à lavorât tal film <strong>di</strong> animazion<br />
puartant, par prin in Italie, la tecniche <strong>dal</strong><br />
<strong>di</strong>ssen su trasparent. <strong>La</strong> curiositât e je che<br />
Dick Fulmine, che al ricuardave Carnera,<br />
al doprave esclamazions furlanis tant che<br />
“sacrabolt” co si inrabiave.<br />
VITTORIO COSSIO_ fra<strong>di</strong> <strong>di</strong> Carlo, che al ideâ<br />
Raff pugno d’acciaio (1945) e Mirko (1947)<br />
OTTO_ (Otto D’Angelo) <strong>di</strong> Sant Vît <strong>di</strong> Feagne<br />
grant <strong>di</strong>ssegnadôr <strong>di</strong> contis “rose” realiza<strong>di</strong>s<br />
au lavis (a someavin a fotografiis) par e<strong>di</strong>toriis<br />
francesis. In dì <strong>di</strong> vuê al continue a lavorâ tant<br />
che grant ilustradôr <strong>di</strong> paîs e ambients <strong>dal</strong><br />
<strong>Friûl</strong> <strong>di</strong> une volte.<br />
MARIO CUBBINO_ <strong>di</strong> Gurize, ideatôr <strong>di</strong><br />
Pantera Bionda (1952) alter ego feminîl ed<br />
erotic <strong>di</strong> Tartan, e che al à vût colaborât ancje<br />
cul “Corriere dei Ragazzi”, “Corriere Boy” e<br />
“Blitz”.<br />
ALTAN_ (Francesco Tullio Altan): <strong>di</strong> lui baste<br />
nomenâ la Pimpa par dî dut!<br />
RENATO CALLIGARO_ <strong>di</strong> Buie che al à lavorât<br />
par “Cronache Friulane”, “Linus”, “Vie Nuove”,<br />
“Lotta Continua”... autôr <strong>di</strong> satire politiche e<br />
de famose Donna Celeste.<br />
GIORGIO BORDINI_<br />
<strong>di</strong> Pordenon che al à<br />
colaborât cun “Topolino”<br />
e ideât, par L’Avvenire,<br />
i personaçs de I<br />
Mascherati.<br />
UMBERTO MANFRIN_<br />
<strong>di</strong> U<strong>di</strong>n che par plui<br />
<strong>di</strong> vincj agns al à<br />
realiza<strong>di</strong>s lis storiis plui<br />
impuartantis <strong>di</strong> Cucciolo<br />
e Tiramolla. Al à colaborât<br />
ancje a lis storiis <strong>di</strong> Svicolone,<br />
Gli Antenati, Gatto Felix...<br />
GIORGIO GIAIOTTO_ <strong>di</strong> U<strong>di</strong>n, cetant preseât<br />
par i siei zûcs <strong>di</strong> ironie cu lis letaris.<br />
LORENZO MATTOTTI_ <strong>di</strong> Brescia ma che al<br />
à vivût a lunc a U<strong>di</strong>n. Al vîf a Parîs in Francie<br />
dulà che al è cetant preseât. Al à colaborât se<strong>di</strong><br />
tant che inlustradôr che fumetist cun “Linus”,<br />
“Pilot”, “Métal Hurlant”, “Nuages”...<br />
Par sierâ Emanuele Barison e Romeo<br />
Toffanetti <strong>di</strong> Pordenon.