3 di Avrîl 1077 - La Patrie dal Friûl

More documents

Recommendations

Info

Atualitât Scuele e cunvignis Sì dai fruts a la scuele par furlan, ma cuâi mestris? I numars no disin bausiis, i fruts che a sielzin lis lezions in marilenghe a son simpri di plui. Il probleme al è cjatâ insegnants cualificâts Plui di un frut su doi al vûl imparâ il furlan. Chest al è ce che al à declarât il diretôr dal Ufici scolastic regjonâl, Ugo Panetta, intune conference stampe ai 13 di Març. La rilevazion e je stade fate tai comuns furlanofons e si spietin ancjemò ducj i risultâts. Dut câs, i dâts che cumò a son disponibii a pandin une buine percentuâl de domande di bande dai gjenitôrs par che i lôr fîs a imparin il furlan. Al somearès, duncje, che il 60% di gnûfs iscrits tes scuelis cjapadis in considerazion tal scandai al fasarà lenghe furlane: su 15.157 arlêfs a son 8.970 chei che a àn dit di sì. Ancje i dâts dal Servizi identitâts linguistichis, culturâls e coregjonâi tal forest de Regjon Friûl Vignesie Julie a marchin une incressite dai arlêfs cjapâts dentri tai progjets di lenghe minoritarie, che, pe plui part, a riguardin la lenghe furlane: di 29.504 tal an scolastic 2005/06 si è rivâts a 37.493 tal 2007/08. Dut chest a dispiet des polemichis su la gnove leç pe tutele e promozion de lenghe furlane. De ricercje dal Ufici scolastic regjonâl al salte fûr ancje il probleme dai insegnants. Lis scuelis a disin di no La taule dai relatôrs de cunvigne Vinars ai 14 di Març si è tignude a Colonia Caroya, citât argjentine fondade za fa 130 agns di un grup emigrâts furlans, la seconde cunvigne su Lenghis minoritariis, media e emigrazion. L’incuintri, inmaneât de Comunitât culinâr dal Friûl adun cun la Regjon Friûl VJ e la Cooperative di informazion furlane, al è stât trasmetût in Argjentine di Radio FMComunicar, in Friûl e in direte mondiâl su Radio Onde Furlane e, in videocenference, su FriulTV. Esperts di politiche migratorie, dal ALEF, de Union Emigrants Slovens dal FVJ e de Regjon, e la patrie dal friûl _ AVRÎL 2008 _ 12 di gnûfs media, come Luca Peresson dal Centri Friûl Lenghe2000, Sandri Carozzo de Cooperative Serling e Claudio Roya di Radio FM Comunicar, a son intervignûts inte intense zornade di studis. La esperience di migrants furlans e je stade presentade in direte e in prime persone, in gracie dal colegament multimediâl cul Canadà, la Republiche Ceche e la Gjermanie. Intes difarentis relazions si è prospietade la creazion di une rêt virtuâl, ma no par chel mancul concrete, che e cjapi drenti, disfrutant lis gnovis tecnologjis, i furlans di dut il mont, intun Friûl mondiâl e pluricentric. Luche Peresson al à in particolâr marcât come che la strade di fâ e sedi ancjemò tante e al à invidât Regjon e sociis de migrazion a scomençâ pardabon a doprâ in maniere interative lis pussibilitâts ufiertis di Internet. CINZIA PETRIS vê avonde personâl par sodisfâ la domande di insegnament de lenghe furlane. Al è stât calcolât che indi mancjin almancul 200. Inalore no si pues no fâ une riflession su la cuistion des competencis. Al è di tignî cont che, par chel che al inten il furlan, nol esist un percors di formazion ben definît e nancje une certificazion che e puedi garantî lis competencis dai insegnants. E je ben vere che a son stadis fatis diviersis esperiencis di formazion di bande de Universitât e ancje di altris istituzions ma, no vint vût une continuazion o un ricognossiment, a àn lassât i insegnants pluitost demotivâts par vie che no simpri a vegnin valorizâts. In cheste maniere la organizazion dal insegnament dal furlan e riscje di restâ simpri a nivel di sperimentazion e di poiâsi masse dome su la buine volontât dai mestris. L’insegnament di une lenghe minoritarie nol pues permetisi di no smicjâ ae cualitât dai progjets e par rivâ a chest obietîf al è plui che mai impuartant struturâ l’insegnament e meti in condizion cui che al à di puartâlu indenant di vê la juste preparazion e professionalitât. Cunvigne su la rêt a Colonya Caroya Pai 130 agns di fondazion, seconde edizion di “Lenghis minoritariis, media e emigrazion” in direte de citât furlane in provincie di Cordoba (Argjentine) LUCA MELCHIOR No si son però presentadis dome prospetivis pal avignî, ma ancje concretis esperiencis che a viodin la lenghe furlane doprade intai gnûfs media par man di furlans sparniçâts pal mont, sedi a nivel di ricercje e di aplicazion, sedi inte forme di un gnûf associazionisim plui reticolâr. Ancje in cheste edizion de cunvigne si è dât spazi a altris lenghis minoritariis, cu la la esperience de socie di migrants de Catalogne in Argjentine “Casal Català di Cordoba”. Une cunvigne une vore interessante, che e à mostrât, daspò dai aspiets plui teorics di chê dal an passât, aplicazions pratichis e gnovis realtât che a viodin la comunicazion par furlan protagoniste tal mont. E che e à puartât a un bon risultât, come che al à marcât Sandri Carrozzo: “O vin creade un rêt, cheste no je une conclusion, al è un principi”.
I II IV VI VIII ‘08 AVRÎL - Numar 03 SOMARI L’impuartance di informâ la int > SPILIMBERC • Spilimberc, un paîs dut di viodi • Scuele di mosaic, vant de citât • Concors leterari “Zâl par furlan” • Tesi di Lauree su Spilimberc • Calendari dai events de istât > BORDAN • Sociâl e culture prime di dut • Associazions: une realtât une vore vive • Screade la gnove stagjon de “Cjase des Paveis” > MERÊT DI TOMBE • O lavorìn pal futûr di Merêt • Piçul comun, ma grande biblioteche • La Tumbare, un misteri ancjemò di scuvierzi Valorizâ lis risorsis locâls e cualificâ il teritori Spieli / spazi di informazion istituzionâl par cure de Tramart snc responsabil organizatîf Luca Zoratti corezion de grafie Elena Zanussi progjet grafic e impagjinazion Anthes Spieli al ven publicât cul contribût finanziari de Regjon Friûl-V.J. su la leç 482/99 comun cjâf file dal progjet Puçui par informazions scrivêt a info@spieli.it La impuartance di informâ la int I comuns si contin in lenghe furlane Tantis voltis al sucêt che fasint une robe, ancje biele, si finìs che po dopo no ducj a vegnin a savê ce che al è stât fat, e une biele iniziative e pues restâ cence cualchidun che al puedi preseâle, o parfin criticâle. Cussì e nas la informazion, une maniere par fâ savê ce che al ven fat. I comuns, o ben lis aministrazions locâls, di lavôrs e progjets an fasin un grum, si impegnin pe comunitât, si dan di fâ, ma no simpri la int dal puest e ven a savê ce che al sucêt e al ven fat dentri dal “palaç”. E “Spieli” alore ur va incuintri, un mieç par meti in comunicazion il comun cui citadins, par puartâ in maniere direte e dentri cjase lis notiziis su ce che al sucêt tal teritori. Ma no dome, in gracie ae disponibilitât dal mensîl “La Patrie dal Friûl” che nus dâ bon acet, intes cjasis al rive ancje chest gjornâl che al è un dai simbui dal Friûl, il mensîl di informazion par furlan plui vieli e autorevul di cjase nestre. SPAZI DI INFORMAZION ISTITUZIONÂL Al è biel fâ lis robis, ma al è ancje gust fâ savê di vêlis fatis. No si sa mai avonde, no si è simpri informâts su dut, par chest Spieli al rive dentri des cjasis, e sore nuie in gracie a di un supuart finanziari de Regjon, par contâ cu la vive vôs dai aministradôrs ce che a son daûr a fâ. In chescj mês de vierte al tocje a 12 comuns di sei contâts, in chest numar o cjatin Spilimberc, Bordan e Merêt di Tombe, trê comuns ben lontans tra di lôr, sedi par distance in chilometris che par difarentis realtâts economichis e sociâls, un comun de alte, un de plane e un “di là da la aghe” (o par di ca, dipent di dulà che lu si viôt). Trê comuns difarents si diseve, ma avuâls te stesse convinzion di fevelâ e comunicâ lis lôr intenzions par furlan, e alore nol reste che zirâ lis pagjinis e viodi ce che di biel a àn di contâ. Luca Zoratti _I
Page 1 and 2: UNE COPIE EUROS 2,50 TASSA PAGATA T
Page 3 and 4: DREE VENIER Il numar Ta chest numar
Page 5 and 6: UN FUMUT PAL INOVÂL Un grup di zov
Page 7 and 8: Fâ tornâ Tarvos? Magari... pussib
Page 9 and 10: OSCAR PUNTEL Lis grandis firmis des
Page 11: CHRISTIAN ROMANINI Fumuts par furla
Page 15 and 16: Concors leterari “Zâl par furlan
Page 17 and 18: acet e po dopo si viodarà… Un po
Page 19 and 20: al servizi che al ven dât. E va an
Page 21 and 22: SANDRI OLIVETTO Sappada Sapade - Pl
Page 23 and 24: ALESSIO POTOCCO Al è vignût a man
Page 25 and 26: CHIARA SEGRADO Sanc tes urnis de Sp
Page 27 and 28: Leo Virgili (tal mieç) intune des
Page 29 and 30: FEDERICA ANGELI Scherç dal 1 n di
Page 31 and 32: PRE JOSEF MARCHET E PRE CHECO PLACE

3 di Avrîl 1077 - La Patrie dal Friûl

Create successful ePaper yourself

Delete template?

Save as template?