versione pdf - Sardegna DigitalLibrary

Ninnende sa fiza«Bella che oro, candida che nie,cumpanza de su sole e de sa luna,mama ti siat sa bona fortunad’esser reina giompas a s’intentu,palattos tenzas e teraccas chentu,ti serenen sas aves nott’e die.Deas ti cosan su ’estire nou,e pro custu su sole agos regalet;a mesanotte s’anghelu ti falet,dias a sa campagna sos colores,inue passas bi nascat fiores,sanet su malture a su risu tou».Goi nende Pedruzza, sa’e duasfi zas, ninnat, in conca hat s’isciallittu.Est sicca sicca e faghet su risittuchin s’anima imbreaga, sonniende,c’hat totta vida campadu penende,bramat gosu a sas caras fi zas suas.In una coghinona manna manna,fatta ’e muros tortos e bistortos,ue sos mannos suos sunu mortos,istat chin su bisonzu onz’ora in paghe,b’hat unu furru cant’unu nuraghee-i sa pinna est intessid’a canna.68dd