Protocol 15 3 08 - Uniun da pescadurs Mustér

Protocoll dalla radunonza generala dils 15 da mars 2008 el Restaurant Cresta a Segnas
Allas 20.05 uras arva il president la radunonza cun far a tuts presents in cordial beinvegni.
Per la radunonza da questa sera laian perstgisar: Victor Flepp, Pius Schuoler, Silvio
Vincenz, Robert Caduff sen., Carlo Monn.
Presents alla radunonza ein 22 commembers.
Gliesta da tractandas:
1. elecziun dils dumbravuschs
2. aprobaziun dil protocol
3. rendaquen
4. rapport dils revisurs
5. rapport annual dil president
6. elecziun pil cuoz da dus onns:
a) suprastonza (president, assesur)
b) dil revisur da quen
c) in perveseder
7. orientaziun stan actual Fontanivas
8. pesca communabla
9. programm da lavur pigl onn 2008
10. fixaziun dalla contribuziun annuala
11. commembers novs, abdicaziuns
12. honoraziuns
13. varia
1. Elecziun da dus dumbravuschs
Sco dumbravuschs vegnan proponi Pauli Steger e Angelo Vincenz.
Els vegnan elegi unanim.
2. Aprobaziun dil protocol
Il protocol ei vegnius repartius avon la radunonza a tuts commember, per dar la
caschun da legher el.
Il protocol vegn aprobaus unanimameim. Bien engraziament agl actuar dalla sera, Bruno
Lombris.
3. Rendaquen
Nies cassier Kurt Ulmann presenta cuort e detagliau il quen 2007.
Sin nies carnet da spargn havein nus ina facultad da fr. 5090.10.
Sin nies conto corrent havein nus ina facultad da fr. 3285.25.
En nossa cassa sesanflan momentan fr. 311.05.
Quei munta ad ina facultad totala da fr. 8686.40.
Visavi igl onn avon vul quei dir che nus havein fatg anavos per fr. 259.65.
4. Rapport dils revisurs
Il revisur da quen, Christian Caduff rapportescha che il quen seigi vegnius controllaus. Il
quen seigi menaus schuber ed exact.Tut ils mussaments ein avon
maun ed en uorden. El admetta al cassier Kurt Ulmann in grond engraziament
per sia lavur e propona dad aprobar il quen.
Il quen vegn approbaus cun in grond applaus.
5. Rapport dil president
Il president Claudio Deflorin rapportescha cuort sur dil curriu e passau duront igl
onn vargau:
Ils 14.4.2007 ha il president astgau beneventar 16 commembers a Fontanivas, nua che igl ei
vegniu fatg lavur cumina vid ils puoz, dutgs ed era vid la tegia ein differentas lavurs
vegnidas fatgas.
Lu havein nus era menau atras nossa pesca communabla, numnadamein ils
10.06.2007 nua che 13 pescadurs han priu part. Igl ein vegniu pigliau 53 litgivas cun ina
peisa totala da 10.190 kg. Igl onn vargau eran vegniu pigliau 23 litgivas cun ina peisa totala
da 4.790 kg.
Igl ei stau l’emprema ga che nus havein menau atras la pesca communabla cun ina
sentupada a Fontanivas.Tenor la suprastonza crei jeu che quei seigi gartegiau stupent e nus
vegnin a continuar aschia vinavon. Igl ei stau ina biala sera en cumpignia.
Ils 10.11.2007 havein finalmein astgau trèr giu nossas stadivas. Buca meins che 12
commembers eran presents, schegie che ei fuss plitost stau aura dad ir cun skis che da trèr
giu pèschs. Per bein enqualin eis ei stau ina premiera da trèr giu pèschs da neiv. Ord il lag
grond ei vegniu tratg giu ca. 1270 tocs.
Vid nies lag pign stuein nus definitiv far ina megliuraziun pertuccond l’efflusiun.
La suprastonza ha aunc giu ina seduta ils 25.01.2008 per fixar ils termins 2008.
6. Elecziun per il cuoz da dus onns:
a) President
Il president Claudio Deflorin ha buca abdicau,e sedeclara promts da star a disposiziun per
ina ulteriura perioda. El vegn reelegius unanimamein.
Gratulaziun.
a) Assesur
Nies assesur Carlo Monn ha era buca abdicau, aschia che era el vegn reelegius.
E quei unanimamein. Gratulaziun
b) Revisur da quen
Christian Caduff , il revisur da quen che stat en votaziun sedeclara promts da star per dus
ulteriurs onns. El vegn elegius unanim. Gratulaziun.
c) Perveseder
Nies perveseder Robert Caduff sen. sto deplorablamein abdicar da siu post muort sia
sanadad. Per el vegn elegius Remo Manetsch. Gratulaziun.

2 Cuntinuaziun
7. Orientaziun stan actual Fontanivas
Il president orientesch cuort. La casa dalla tratga da pèschs a Trun vegn sanada totalmein.
Ord quei motiv sto Roland Tomaschett metter en ils pèschs pli baul che usitau.
Numnadamein sil pli tard tochen la fin avrel. Quei munta per nus che nus stuein menar atras
nossa lavur cumina all’entschatta d’avrel e ualti carteivel aunc ina secunda il davos d’avrel.
L’emprema lavur cumina vid ils dutgs e biotops per che els seigien semtgai cu il Roland
vegn cun ils pèschs-
La secunda lavur cumina fuss da far lavurs vid la tegia.
Pertuccond la lavur vid il biotop havein anflau ina sligiaziun en suprastonza. Quella vegn
menada atras a caschun da nossa emprema lavur cumina.
8. Pesca communabla
Il president dat la pusseivladad als commembers da dir lur meinis.
Silvio Giger exprima che tenor siu meini seigi stau bien aschia e fa la proposta da schar ei
vinavon aschia.
Era il president Claudio ei dil medem meini. En ina votaziun vegn votau unanim per schar ei
aschia per igl proxim onn.
9. Programm da lavur pigl onn 2008
Il program da lavur vesa ora suandont:
05.04.2008 radunonza da delegai a Cuera
12.04.2008 lavur cumina a Fontanivas
16.04.2008 Patentas en casa da scola (17.00-18.30 uras)
29.06.2008 Pesca communabla
?????????? Trer giu pèschs
10. Fixaziun dalla contribuziun annuala
La contribuziun resta sco tochen ussa.
11. Commembers novs, abdicaziuns
Sco commember niev vegn Adrian Huonder prius si unanimamein.
Nies commember Placi Lozza mida da commember activ tier commember passiv.Quei che
succeda unanim.Abdicaziuns dat ei neginas.
Denton vegnan tals commembers che han suenter differentas admoniziuns buca pagau la
contribuziun exlaus da l’uniun.Aschia stat ei scret ellas statutas.
12. Honoraziuns
Pèsch grond 2007
Rang Num Prenum Sort Peisa Lunghezia
grams cm
1 Giger Silvio Litgiva 1084 49
2 Lozza Pius Litgiva 770 42
3 Orlik Gieri Litgiva 570 36
4 Manetsch Remo Litgiva 470 33.5
5 Ulmann Simon Litgiva 416 34.5
6 Schmed Roman Litgiva 280 31
7 Vincenz Angelo Artgera 270 30.5
Pèsch grond alla pesca communabla
Gion Zazzi!
Cordiala gratulaziun aunc inagada a quels tals.
13. Varia
Il president Claudio informescha che l’uniun da pescadurs seigi dapi igl onn niev era
online. El seigi vegnius inspiraus d’in colleg da far sez ina homepage. Aschia san ins
adina informar ils commembers sur dil niev stan en pliras caussas.per ex.
leschas.fotis.texts ed aschia vinavon.
Aschia sco la pagina sepresenta actual cuosta quella nuot. Sche ins vegli denton
baghegiar ora ella vinavon cuostas quei denter fr. 80-90 ad onn.Claudio
menziunescha che l’uniun pagavi al president mintgamai igl abo per la gasetta “Petri
Heil” e per quel pagavan ins ca. quei. Cun quei che quels cuosts crodien ussa
savessan ins duvrar quels daner per quei.
Il resun ei positivs, aschia che ei vegn decidiu da baghegiar ora vinavon la homepage.
Il cau da pesca Roland Tomaschett dat aunc informaziuns pertuccond la midada da
patentas.
Nies president Claudio Deflorin engrazia aunc inaga a tuts per la lavur prestada duront
igl onn ora e giavischa a tuts in bien retuorn a casa.
El siara la radunonza en in temps da record allas 20.55 uras.
Mustér, ils 20 da mars 2008
Igl actuar
Lorenz Vincenz