versione pdf - Sardegna DigitalLibrary

Abbas de terra225pensende a sas naves de Ispagna,pienas totu ’e plata e de oro,beninde, da lontanu, a s’Alighera,cun sas banderas de sos Bator Moros:tando tronat sa nue, in sa muntagna,a note, iscurighéndesi s’aera,e bies s’abbundantzïa, in sa sicagna,cun sos rios currinde in Logudoroe ti naschet su cantu in sas intragnasprimu ancora chi siat primavera.Si poi sorre tua si disperatca non retzit nemmancu cartolinadae s’isposu ch’est in Alemagnatrabagliende, a cadena, in oficina,o suta terra, in calchi minïera;sa rima tua cantat, cun ispera,un’amore fidele fina a morte,e mandat cun sa rùndine ’e s’aerasaludos e sentidos tantu fortechi su caru amante s’incaminata chircare de nou sa cumpagnaismentigada in terra furistera,che una rosa areste de ispinafïorida in calancas de muntagna.Unu ’ighinu, fizu ’e mala sortepro non perder sos ossos in galerasi ch’est füidu dae sa faìnaa servire sa Legio Istranieradiventende una tigre, in Indocina,in mesu de leones e panteras,issu chi cateddutzu fut de cortema jughiat in manu una banderachi in terra sua fut sempre rea,in mesu ’e roccas, subra su nuraghe,