versione pdf - Sardegna DigitalLibrary

126 REMUNDU PIRAS46. Piras (43”)L’at nadu: “Toca e persüasu resta”.Como a tie etotu tue pregunta:cando est de su batìjimu sa festach’est s’ànima de Cristos a chelu assuntaJuanne l’’etat s’abba cun sa juntain su Giordanu e l’infundet sa testa.E gai at batijadu a su Messia:tota sa proa est de sa manu mia.47. Sozu (52”)Ambos de su Giordanu fin in mesu:unu fradile de s’àteru acantue sa zente osservende dae tesusu miràculu paret un’ispantu.Da altu in-d-unu raju ’e fogu atzesuest abbasciadu s’Ispìridu Santu.Tando nàschida est sa fide noa:totucantos an bidu cussa proa.48. Piras (44”)Sa manu tenet su ramu mazore,osselva giovanedda e giovaneddu:da ch’andan a s’altare: su retorelis narat ritüale su fäeddue a pena risponden sissignorelis ponet in su póddighe s’aneddu.A l’’ides su matrimónïu cristïanu:totacanta sa fide est in sa manu.