Communicaziun a las medias - Radiotelevisiun Svizra Rumantscha

www.rtr.ch Via da Masans 2katrin.bearth@rtr.ch CH-7002 CuiraTel. +41 (0)81 255 75 75Fax +41 (0)81 255 75 00Communicaziun a las mediasTrubadur – Benedetto Vigne e Paulin Nuotclà vegnan quest onn 60e preschentan il 26avel TOP POP RumantschCuira, 27-10-2011 - Suenter la girlgroup spontana P.I.A., las pli giuvnas interpretasd’in TOP POP Rumantsch, vegnan ussa ils chantauturs-tats. Ils trubadursBenedetto Vigne e Paulin Nuotclà festiveschan omadus quest onn lur 60avelanniversari.Ils Dis da litteratura da Domat als fan in omagi cun in concert spezial, ed er RTRRadiotelevisiun Svizra Rumantscha sa metta en retscha dals gratulants, quai cunproducir in TOP POP spezial: in duet chantà dad els dus sez. La chanzun ha BenedettoVigne scrit: ina melodia simpla en il stil quasi western cun finas allusiuns a grondsclassichers sco “Lola” dals Kinks u “Good Vibrations” dals Beach Boys. Il text guardaenavos sin la carriera dals dus chantauturs, quai cun in surrir sin bucca: trubadur danum, ti palaisas dal passà, trubadur da pum, ti manchentas il marchà.Omadus chantauturs han cumenzà lur carrieras avant passa 40 onns, omadus hanpublitgà la fin dals onns 70 lur emprims portatuns: Paulin Nuotclà ses “Che fain oz?” eBenedetto Vigne sias “Carezzas” cun Benni & Others. Omadus èn adina puspè sapreschentads sin tribuna ed han publitgà chanzuns ed albums. Paulin è ils ultims onnssa deditgà pli intensivamain als sgrafits en l’Engiadina, entant che Benedetto haintensivà la lavur da translatar chanzuns. Cun “Lain fabular – ils Beatles per rumantsch”ha el realisà in grond e bel project.“Eu giaiv’ün zich pel muond intuorn, ‘na tscherta buscha sül givè, ‘na gitarra nauschasuot il bratsch, cul tren, per stop ed eir a pè” , uschia l’emprima strofa dal novischemTOP POP Rumantsch, in omagi e revista en il medem mument. Benedetto Vigne ePaulin Nuotclà èn ils dus chantauturs ch’han creà e sviluppà ina schientscha per lachanzun da rock e pop en rumantsch.Trubadur:chant: Benedetto Vigne e Paulin Nuotclàghitarra: Jean-Pierre von Dachbass: Dany Hertachbattaria: Muso Stammchor: Madeleine Raschèrcumposiziun: Benedetto Vignetext: Benedetto Vigne e Paulin Nuotclàproducziun: Manfred Zazzi

La chanzun:eu giaiv’ ün zich pel muond intuorn’na tscherta buscha sül givè’na gitarra nauscha suot il bratschcul tren, per stop ed eir a pèi' gieva cun igl satgadosla ghitarra cotschna sen givicantava cun na vocsch da romdigls tgangs da barba gianandrida glioirs ed er da preditgantsen stavel d'animalse tot igls giouens da la val'na canorta bel anturn igl fitrubadur da numti palaisas dal passàtrubadur da pumti manchentas il martgàsül palc mandura da rebelchavels nairs fin circa gio pro’l schnuogla chantar sü la mort dal nonsainza resguard sün chenin ravuoglmunaida d’eira raritàimporteiva zuond pac in fuondin vist’a la necessitàd’urgiaintamaing müdar il muondtrubadur da numti palaisas dal passàtrubadur da pumti manchentas il martgài' gieva se pigl microfonna pigüra scu d'en spivinteglcantava sur digl mond balurde mintgatant er digl smarvegli' gieva alloura translatondigls gronds ed anc pi grondsco stung e vard oz anavose crei betg ple igl mez da chegltrubadur da numti palaisas dal passànua stascura vase tge fas

trubadurtrubadurtrubadur da numti palaisas dal passàTut ils titels da la seria èn da d’udir sin la pagina da RTR:http://www.rtr.ch/home/dossiers/actual/Top-Pop-Rumantsch.html.Las emprimas 12 chanzuns èn ultra da quai cumparidas sin la DC «TOPPOP Rumantsch vol. 1, 2005-2007», da retrair tar: Radiotelevisiun Svizra Rumantscha,Via da Masans 2, 7002 Cuira, www.rtr.ch, tel. 081 255 75 75.Pretsch da vendita: CHF 20.- + spediziun.Dapli infurmaziuns:René SpeschaTel. 081 255 75 75E-Mail: rene.spescha@rtr.ch