SIMONE PAOLONIN. 03 — MARÇ 20<strong>07</strong> - (930 DE PATRIE)DIRETÔR RESPONSABIL ANTONI BELINEA ÀN COLABORÂT TA CHEST NUMAR: ERIKA ADAMI, ANTONI BELINE,ARNALT BARACÊT, ZUAN PIERI BIASAT, ANNA BOGARO, LAURACALDANA,WILLIAM CISILINO, DUILI CUARGNÂL, PRISCILLA DEAGOSTINI, TIZIANA DE CANEVA, MAX DELISO, STIEFIN DEVOTI,GIANNI DI LENA, ANTONELLA LANFRIT, MICHELE MESAGLIO, ROMANMICHELOT, LAURIN ZUAN NARDIN, MONICA NARDINI, FAUSTINNAZZI, ALESSANDRO OLIVETTO, SIMONE PAOLONI, ROMEO PATATTI,MARINO PLAZZOTTA, ALESSIO POTOCCO, CHRISTIAN ROMANINI,CHIARA SEGRADO, STIEFIN TABOGHE, DREE VENIER, LEO VIRGILI.L’UFICI DI SEGRETARIE DI GLEMONEAL È VIERT AL PUBLIC CUN CHEST ORARI:OGNI MARTARS DES 15.30 AES 17.30REDAZION E AMINISTRAZIONV. BASILIO BROLLO, 6 — 33013 GLEMONE (UDIN)TEL. 0432 981411 — FAX. 0432 891941LA GNOVE E-MAIL DE PATRIE:info@lapatrie<strong>dal</strong>friul.orgPROGJET GRAFIC E IMPAGJINAZION EKOSTUDIOSTAMPARIE LITHOSTAMPA - PASIAN DI PRÂTMENSÎL AUTORIZAZION TRIBUNÂL DI UDIN N. 20 DAL 21.06.1984ABONAMENT PAR UN AN: 25,00 EUROS(PAL FOREST 30,00 EUROS)SUL CONT CORINT POSTÂL N.12052338INTESTÂT A “LA PATRIE DAL FRIÛL” GLEMONEPROPRIETÂT ANTONI BELINE“LA PATRIE DAL FRIÛL” E VEN PUBLICADE CUL CONTRIBÛTFINANZIARI DE REGJON FRIÛL-V. J.I ARTICUI A SON SCRITS IN LENGHE FURLANEE CU LA GRAFIE UFICIÂL DE REGJON FRIÛL-V. J.UNION STAMPE PERIODICHE TALIANE3 EDITORIÂL I trê cjantons <strong>dal</strong> Friûl ANTONI BELINE4 SPECIÂL FEMINIS Cjalâ daûr par lâ indevant ERIKA ADAMI6 SPECIÂL FEMINIS Universitât <strong>dal</strong> Friûl un voli al feminin PRISCILLA DE AGOSTINI8 SPECIÂL FEMINIS Ritrats di sioris ELISABETTA POZZETTO9 SPECIÂL FEMINIS Une bancje internazionâl atente al particolâr ZUAN PIERI BIASATTI10 MUSICHE Lis Feminis de cjançon furlane LEO VIRGILI11 IL FRIÛL TAL ETERE <strong>La</strong> vôs de «Cjargno» CHRISTIAN ROMANINI12 MUSICHE Tinkara ambassadore <strong>dal</strong> furlan in Slovenie ALESSIO POTOCCO13 LETERATURE Mandi Gianni, citadin di borc LAURIN ZUAN NARDIN14 ANIVERSARIS Une piçule, grande vôs ANTONI BELINE15 RICUART Zanussi artist e inteletuâl furlanist DREE VENIER16 UNIVERSITÂT Indotorâsi in “<strong>Patrie</strong>” CHRISTIAN ROMANINI17 ABONAMENTS 20<strong>07</strong> Pai abonâts une patrie une vore "speciâl" —.18 LETERATURE A torzeon te leterature al feminin LAURIN ZUAN NARDIN19 LIBRIS <strong>La</strong> femine furlane par Otto D’Angelo GOTART MITRI20 NAZIONS <strong>La</strong> strade belgjiche pe autonomie linguistiche CHIARA SEGRADO21 NAZIONS Il patrimoni linguistic sart pôc tutelât de glesie... DUILI CUARGNÂLNAZIONS ... <strong>La</strong> tutele des minorancis in Slovenie WWW.LENGHE.NET22 FURLAN IN MUNICIPI Sportel di Gurize MICHELE MESAGLIO23 FRIÛL OCIDENTÂL Pre Carlo Conforto il furlanist SANDRI OLIVETTO24 BARCON SU LA EUROPE Il câs de Juana CARLI PUP25 L’INTERVENT Un bon an par Aquilee CLAUDIO VIOLINO26 LA PATRIE TECNOLOGJICHE I fantats <strong>dal</strong> flum a fasin podcast! C. ROMANINI, S. DEVOTI, S. TABOGHE28 LETARIS - —30 DAMNATIO MEMORIAE Politiche e tradizion religjose FAUSTIN NAZZI
LA PATRIE DAL FRIÛL _ MARÇ 20<strong>07</strong> _ 3EditoriâlI trê cjantons <strong>dal</strong> FriûlAutonomie e custumANTONI BELINESe no fossin imbombâts di tante retoriche e no fossin stâtsdoprâts in maniere tant sbalade, il prin e plui grant monument ifurlans a varessin di fâlu a la femine. Come atestât diricognossince par un lavôr seguitîf, preziôs, umil, dûr, pazient,gjenerôs. Ma ancje come piçule forme di rifusion pal amôr chechestis creaturis a àn savût dâ in ogni stagjon de lôr vite e in ognistagjon culturâl e sociâl <strong>dal</strong> Friûl. Un amôr cence limit di timp edi spazi, che nol escludeve nissun e nol mandave mai il cont. Unamôr simpri in credit e mai in debit, ma no par chest rineât opintût. Ancje il mont de culture intintude tal sens plui larc enobil e profont de peraule al à un dovê di agrât pes feminis ingjenerâl e pe femine cjapade une par une. Cui aial salvade lanestre lenghe, sigurade la nestre culture, tramandât i nestrisvalôrs e tesaurs, se no lis maris e lis nonis? E si podarès continuâ,parcè che ducj si è obleâts viers di cheste creature che, usance lasapience popolâr, “e ten sù i trê cjantons di cjase” e duncje, parestension logjiche, i trê cjantons <strong>dal</strong> Friûl.No vin nissune intenzion di butâsi su lis celebrazions lirichis osentimentâls o vaiotis par esaltâ “il gjenio feminin”, par puartâ inalt, come che e merte, “chê altre metât <strong>dal</strong> cîl”, par meti in lûs lafuarce <strong>dal</strong> ses debul. Nus pâr che la femine no vedi dibisugne dipoesiis o di celebrazions o di targhis e monuments, ma diconsiderazion, di comprension, di stime, di colaborazion. Diricongossi i compits trements che e je clamade e cjamade,compits che, cu la modernitât no son lâts lafè calant, ma cressintpar vie de complessitât e de contraditorietât <strong>dal</strong> vivi di vuê. Eancje pal fat che la femine no pues plui contentâsi o permetisi direstâ in cjase, dongje <strong>dal</strong> folgolâr, sicu une vestâl o une Penelope<strong>dal</strong> dì di vuê che e sigure calôr, fedeltât, perdon. <strong>La</strong> femine e jeclamade e cjamade dai siei impegns di simpri e in plui e à di rivâ,cun grande fadie e fantasie, a realizâsi te sôpersonalitât, a meti in vore lis sôs cualitâtspersonâls. Nol è just sacrificâ la femine, lapart miôr de umanitât, in funzion divuardian de famee, des memoriis, deidentitât culturâl.<strong>La</strong> femine e à un so puest te societât e chestpuest e à di pratindilu e la societât e à disigurâial, par une sô legjitime aspirazion erealizazion e ancje par podê ufrî a la societâtstesse chel contribût essenziâl che dome lafemine e pues sigurâ. Il fat che laimprenditorie, la politiche, la economie, laaministrazion e la burocrazie, i ganglis desocietât a viodin une presince cussì ridote esacrificade de femine a son un dam no domepe femine, ma par ducj nô. Parcè che lafemine, alenade o obleade di secui a fâ pluifunzions par une economie armoniche <strong>def</strong>amee, e à cheste virtût di sintesi, di misure,di precison, di sensibilitât, di atenzion. Etune societât là che simpri plui e coventarà une presinceinteligjente e sensibile par umanizâ strututis simpri pluidisumanis e burocratichis, la presicne de femine e sarà la grandericjece e la grande briscule di zuiâ. Onôr e agrât duncje a lafemine, ma a la femine in dutis lis sôs potenzialitâts epeculiaritâts.Si sint a dî, di cualchi sturnel, che la femine, se e à voie e se e jeinteligjente, e pues fâ strade. E je la stesse cuistion o coionade <strong>dal</strong>puar rispiet al siôr o <strong>dal</strong> fi di nissun rispiet al fi <strong>dal</strong> paron. Al èevident che se al capite un gjenio de finance, magari cui bregonssbregâts, un imprenditôr inteligjent no sal lasse scjampâ e ipermet di fâ cariere fint al puest di sô competence. Al è evidentche se al capite un insegnant dotât di une preparazion ecomunicative straordenarie, al è ben che al vegni tignût di volipar jessi colocât in alt. <strong>La</strong> diference, o la tragjedie, e je che ipuars a rivin a posizions determinantis dome tai câs fenomenâi,biel che cualcunche fi di siôr o di paron al fâs cariere ancje se al èun mone. Cussì te scuele, tai ospedâi, te aministrazion e pardut.Ancje la femine e pues rivâ in alt, e cualchidune e je rivade, ma sitrate di figuris ecezionâls, biel che i oms a rivin ancje i câs pietôse patetics. E in Friûl o vin dibisugne propit di cheste presince <strong>def</strong>emine. In ducj i setôrs, comprendût, se mi à permetût unriferiment professionâl, in chel de glesie, là che la femine e àtignût sù par secui la barache e no je mai stade ni onorade nivalutade, ma dome doprade o ricatade.O ai sot i vôi il ritrat di feminis cjargnelis di inizi <strong>dal</strong> secul (ilXX). Voi profonts come il cîl e come il mâr, e mistereôs. Musistiradis che no permetin un blec o une espression di debolece.Mans che a tegnin sù il mont. Ognidune di lôr e podarès contâ oscrivi une epopee, ma a tasin, seont la plui colaudade tradizionnostrane. <strong>La</strong> femine e da la vite, e je la vite ma epuarte il so misteri cun se.Mi plasarès e mi auguri di cjatâ la stesse fuarcemorâl e psicologjiche ancje tes feminis di vuê,magari in minicotule e cu lis ceis e i lavrispiturâts. «Une brave femine cui le cjatial? Il sovalôr al è plui grant che no lis pierlis» sidomandave la bibie miârs di agns indaûr (Pr 31,10). Il popul furlan le à cjatade e le cjate orepresint, naturalmentri in edizion moderne.Sperìn di cjatâle ancje doman, par podê sigurâial nestri popul vite e furtune.
Change language