marc 07-def - La Patrie dal Friûl

LA PATRIE DAL FRIÛL _ MARÇ 2007 _ 14AniversarisANTONI BELINEUne piçule, grande vôsUn ricuart di Riedo Puppo a cinc agns de muartdal grant autôr e umorist di SarsêtA son svolâts cinc agns di cuant che RiedoPup al polse te ombrene de plêf diSanteMargarite, ma il vueit che nus à lassât,impen di jemplâsi o di stemperâsi, aldevente simpri plui pesant. Al è di bant:nus mancje! Nus mancje il sotoc su la Vite Catoliche, cheltoc che di tancj, masse agns,al compagnave il nestridrandran e la nestre storie diprovincie apartade e a penesfiliade dai grancj fats emisfats de storie. Nus mancjela sô leture serene, sapienziâl, positive,ironiche de nestre storie e de storie dalmont. Lui, cronist di paîs, anzit diborgade, setemane dopo setemane, alspaziave de cronache locâl, minude,indifarente, insignificante, a la grandecronache mondiâl, cu lis problematichisvitâls simpri plui ingredeadis, cui sieisenaris simpri plui preocupants. E lui,simpri, nus insegnave a lei e a cjalâ dut“sub specie aeternitatis”, come cheimunics medievâi che a misuravin il mont ei siei problemis a partî de imensitât e deinfinitât di chel Diu che denant di lui dutal è grant ma dut al è piçul, dut al èimpuartant ma dut al è relatîf, dut alsemee decisîf ma dut al devente secondarie insignificant. Parcè che Pup nol cjalavelis robis dal so pont di viste personâl, madal pont di viste di chel popul che al durecetant di plui de singule persone e al rive,a fuarce di vitis e tignint dûr, a superâ tantAtile cui siei flagjei che Napoleon cui sieisperons di aur.«al veve capît che ilmecanisim che al rêç lacronache locâl e la storieglobâl al è simprichel pal fat che al è simpricompagn l’om»La sô biografie e je lungje come spazi, vintpassât i otante agns biblics. Ma e je curte,limitade, come spazi gjeografic e culturâl,vint zirât dute ator des culinis dal Friûl dimieç. Pa la cuâl si pues fevelâ di lui comedi un reporter di paîs pluiche di un globe-trotter.Cundut a chel al rivave adâ une dimension globâl alis nestris barufis curtilanise un savôr dumiesti a lisgrandis tensions dal mont.Parcè che al veve capît cheil mecanisim che al rêç la cronache locâl ela storie globâl al è simpri chel pal fat cheal è simpri compagn l’om, cui siei difiets ecu lis sôs virtûts, cu lis sôs bramis e cu lissôs magagnis. Te sô leture armoniche derealtât, nus à insegnât in maniere concretee vive che une barufe di curtîl no jemancul stupide e negative e periculose diune vuere e che la muart di Dreute inGrecie, te sô assurditât, e rapresente ducj imilions di muarts de vuere prime eseconde. Di profession insegnant, peprecision mestri, al à savût mantignî pardute la vite chê virtût didatiche artesanâlche no si stufave mai di ripeti chê e simprichê, partint de realtât plui che des ideis odes ideologjiis, de vite plui che desastrazions. Il so insegnâ al è stât simpriconcret, facil, clâr, sostanziôs. Dutiscualitâts che lui al à puartât cun costance eprofit tes mansions o missions che la vitelu à clamât. Al è stât sindacalist, gjornalist,conferenzîr scoltât cun gust, scritôrpopolâr come pôcs. Al à scrit tant, ma lasô produzion no je cui sa ce bondante. Ailibris al preferive la pagjinute di riflession,di coment, di confront, là che al podevesbrocâ dute la sô ironie mai pesante e fâ lasô critiche mai ofensive. Parcè che al jereune anime semplice, armoniche, curiose.Al è stât un grant furlan e un grantcristian. Jessint piçul di stature e spaurôsdi temperament, nol varès mai podût fâvueris. Nol à mai frontât di pet i grancj.Le varès pierdude prime di tacâ. Ju àmostrâts ridicui e chest ur à dât inmò pluidam. La sô produzion leterarie, la sôlezion di vite, la sô ereditât spirtuâl eculturâl a son come une risultive di agheche e spissule fûr cidine cidine tra il vert.La sô aghe di sapience e pues distudâancjemò la nestre sêt di veretât e di pâs.Riedo Puppo (Pup) al è nassût a Sarsêtdi Martignà ai 11 di Avost dal 1920 e al à muarta Udin ai 12 di Març dal 2002. Come professional jere mestri elementâr. Al à insegnât a Murùse po al à passade gran part de sô vite comesindacalist. Chest, e la sô vene, i à permetût dideventâ un gjornalist atent, un oratôr gjoldibil esoredut un dai grancj scritôrs furlans. Al ècressût a la scuele di pre Josef Marchet, talgrup de “Risultive”. Al à vût scrit ancje tenestre “Patrie dal Friûl” ai timps di Marchi. Se“Par un pêl” (cun sîs edizions) al reste unclassic de leterature furlane, i furlans si sonsostentâts par agns cul so “cjanton” e cu la sô“letare” su “la Vite catoliche”.Piçule bibliografie: Par un pêl (1960),Si fâs par mût di dî (1977), Lis flabis (1981),Mês par mês (1982) Magari ancje (1983), Bot esclop (1986), Diu nus vuardi (1997)DREE VENIERAUTÔR DAI DISENS DE RUBRICHE «SI FÂS PAR MÛT DI DλRicuardant Riedo.Gjenialitât di esportazionCuant che o ai strenzude laman pe prime volte a RiedoPuppo al è stât daspò di unpâr di agns che o ilustravi lasô batude pe rubriche «Si fâspar mût di dî» su La ViteCatoliche. Al è stât maraveâtche il disegnadôr al fos cussìzovin. Jo no lu vevi maicognossût ben prime di tacâa disegnâ par lui. Ni lui ni,magari cussì no, la sô opare.Leint la sô rubriche sot de«nestre» vignete, o ai discuviertun tesaur, colpe mê inritart. Riedo nol jere nome ungrant umorist, ma un inteletuâlbon di stâi a pari cui editorialiscjtalians plui brâfs.Pup si documentave e alsaveve dut de politichetaliane e europeane. Po dopoal saveve dut dal teritori che istave ator: al jere stimadonde Coldiretti, par dî une. Alcjapave spont dal locâl parspiegânus il globâl o nusspiegave il globâl doprant laesperience dal locâl. Dal Friûl- cjapantlu come tiermin diparagon - nus puartave talmieç dal mont, a capîlu.Riedo al è l’antesignan dalpinsîr «glocâl». Cussì sidisarès cumò cuntun tierminche lui al coionarès sigûr,parcè che par lui al jerenaturâl che nol podeve esistiun pinsîr sleât jenfri globâl elocâl, leât al om. La mêgrande maravee, leint i sieiscrits, e je stade che nol jerepar nuie valutât a livel talian.Ma no i vignivial iniment a dinissun di voltâ i siei scritspar fâju cognossi miôr?Pinsîrs madressûts par furlan– e nol podeve jessi inmaniere divierse - ma che amertavin un feedback pluilarc. Pussibil che nissun ivedi mai pensât? Che jal vediconseât o che lu vedi sburtâta fâlu (lui mi disevin che aljere pegri)? In somis, un gnobalin al è simpri stât cheRiedo Pup al larès voltât partalian. Po dopo o ai moladela intenzion, o ai pensât distâ cidin, egoistichementri.Parcè? Met che une dì micapitàs par câs di deventâ«columnist» di cualchi cuotidian…O savarès cemût vêsucès sigûr: o voi a voltâmipar talian i articui di Pup. Ilgno segret.