il-Ġimgħa, 22 ta' Frar 2013 - lc.gov.mt

Kunsill Lokali Qrendi
7, Triq il-Knisja, Qrendi
Tel: 21680404
Fax: 21689986
e-mail: qrendi.lc@gov.mt
4. FESTIVAL AGRARJU TAL-PATATA 2013
4.1
4.2
4.3
4.4
4.5
4.6
4.7
Il-Kunsillier Charles Zerafa beda billi qal li saret l-ewwel laqgħa tas-sottokumitat
ta’ din l-attivita’ kulturali.
Qal li kien hemm attendenza mill-għaqdiet kollha tar-raħal, fejn kien hemm
ukoll qbil dwar il-post fejn se jsir dan il-Festival kif ukoll dwar id-data.
Semma’ kif kien hemm ukoll qbil li se nitkellmu mas-Sur Michael Caruana u
s-Sur Raphael Scerri sabiex dawn ikunu l-attrazzjoni prinċipali f’dan il-
Festival bil-prodotti u l-makkinarju tagħhom.
Il-laqgħa li jmiss ta’ dan is-sotto-kumitat se ssir nhar it-Tnejn 18 ta’ Marzu
2013 fis-7pm fejn din id-darba se jiġi diskuss kif se jinqasmu l-istalls.
Staqsa jekk il-Kunsill Lokali uffiċjalment għandux jistaqsi lil Skutu sabiex
jarma stall u forsi jkun hemm possibilita’ li jinbiegħ il-ġelat tal-patata.
Tkellem ukoll dwar it-tazzi tal-inbid li kienu nbiegħu s-sena li għaddiet. Qal
li dawn it-tazzi nistgħu nżidulhom fuqhom is-sena 2013 u b’hekk inkunu
nistgħu nbiegħuhom f’din l-attivita’ u b’hekk nuru li din hija attivita’
annwali u mhux ta’ darba biss.
Fl-aħħarnett tkellem ukoll dwar laqgħa li trid issir mal-Kapijiet tal-Iskejjel
tal-Qrendi sabiex niddiskutu l-involviment tal-iskejjel f’dan il-Festival.
8