copione - Silveria Gonzato

SILVERIA GONZATO PASSARELLI
1
(ROMEO E GIULIÉTA)
COMMEDIA IN DUE ATTI
Verona, autunno '98

2
Degli attori stanno provando la tragedia di W. Shakespeare “Romeo e
Giulietta”. L’autore e regista, in questa rilettura dell’opera, si chiama
Gelmo Secapari. Per comodità, i personaggi vengono chiamati con i
nomi di scena anche fuori dalla finzione.
PERSONAGGI
Gelmo Secapari: William Shakespeare.
Messere Montecchi: padre di Romeo.
Messere Capuleti: padre di Giulietta.
Principe di Verona: Della Scala.
Giulietta (Rita Scarpeléti):figlia dei Capuleti.
Romeo (Toni Panséchi): figlio dei Montecchi.
balia: nutrice di Giulietta.
Tebaldo: nipote di Donna Capuleti.
Mercuzio: amico di Romeo e parente del principe.
Donna Capuleti: madre di Giulietta.
Paride: giovane conte parente del Principe.
Benvoglio: nipote dei Montecchi, Amico di Romeo.
Frate Lorenzo: Francescano.
Baldassarre: servitore di Romeo.
servitori
guardie

ATTO PRIMO
3
PROLOGO
GELMO SECAPARI:
Qua a Verona, in sta gran bèla cità
gh'è ci nasse fortunàdo e ci malcunà;
gh'è gente che ragiona usando el çarvèl
e ci invésse no g'à gnénte sóto el capèl.
"Veronesi tuti mati", in che senso no se sà,
fòrsi iè alégri o co’ la suca no i ghe stà.
I pié de le colìne, de 'n verde che spónsa,
ne l'Àdese i se infila come drénto ‘na bigónsa.
Ghe stà le Arche, tante cése, l'Arena
e ‘na mùcia de cocài che su l'onda i se ména…
piére che conta le storie de 'na òlta,
quéle ch’el turista volontiéri el scólta.
‘N castèl sentàdo su la riva bagnà
el slónga ‘n ponte su la parte delà.
Gh’è stradóni driti e vicoli che se intòrcola,
‘n butèl e 'na butèla persi in te 'na còcola.
I spaca el cél i vèci merli dei muri,
ghe sgóla atórno i rondóni scuri.
Vien zó dai pontesèi gerani sgrendenóni,
riva da Piàssa Erbe l’odor dei bombolóni.
El córe l’Àdese lissiàndo le so rive;
da le piòpe, in primavera, vien zó falìve.
La se rompe l’onda sui pilastri dei ponti,
la cóa i sbate i péssi che stà scónti.
El conta l’Àdese le so rosàrie vèce,
con voce che scuna, el te parla ne le réce.
La andava la lavandàra co’ scano e ninsói
e co’ ‘na çésta granda par métarli mói;
la ridéa l’àqua, rumàndo ne la tela,
al bianco la ghe dava el slusór de la stéla.
Quanti lumi la ghe impìssa la luna tonda!
Quante storie d’amor s’à specià ne l’onda!

SCENA PRIMA
PERSONAGGI: Gelmo, Giulietta, Romeo (fuori dalla finzione scenica)
UNA COMPAGNIA DI GUITTI STA PROVANDO “GIULIETTA E ROMEO
4
ENTRANO IL REGISTA SECAPARI, GIULIETTA E ROMEO.
Fuori dalla finzione scenica
GIULIETTA: (rivolta a Gelmo)
E gnénte el dise de la me tomba, de la me casa
ROMEO: (riferendosi a Giulietta)
Ma che bèla butèla! Mi bisogna che la basa!
SECAPARI:
Fermo lì, che adesso no te stè recitando,
'n atór te sì, ben pagà e al me comando.
ROMEO:
Par piasér, el me fassa recitar la séna d'amor!...
De quando, dal pontesèl, la me buta 'n fior...
De quando me rampégo par darghe ‘n baso...
De quando, imbriàgo d’amor, la vardo e taso...
De quando ghe carésso la ganàssa de velùdo...
De quando me dichiaro e el me cór ghe udo...
SCENA SECONDA
PERSONAGGI: Secapari, Giulietta, Romeo, balia, servitore Montecchi 1 (fuori dalla
finzione scenica)
ENTRANO LA BALIA E UN SERVITORE
BALIA (riferendosi a Secapari):
Solo la tomba quel là el g'à inaménte…
Par lu, l’è la morte che ghe piàse a la gente:
veleni, spade, pugnài e morti dapartùto!...
I buteléti i se spaènta e i siga “aiuto!”
Bèle iè le storie che le finìsse ben,
de morti e desgràssie el mondo l'è pien!
Morir el vól far ‘n bòcolo de butèla
e ‘n zóeno gran bèlo inamoràdo de éla!
Figurève se a la gente ghe piàse sta storia!
Mi gnanca me sfòrso de impararla a memoria.
Almànco sti morosi i fósse ‘na s-ciànta bruti!...
De óvi smarsi, ghe ne sarà par tuti!
SECAPARI:
Le storie come questa sempre le fonsióna:
mi ò scrito de 'n amor nato a Verona.
SERVITORE 1:
E a Verona morto, can da l'ua,
Massa mal la finìsse la storia sua!
SECAPARI
Voàltri, l’arte, no savì gnanca sa l’è
e ci de manco el sà el siga piassè.

Són mi l’autór e són anca el regista;
se, par farve restar, credì che insista,
vien calda la luna e frédo el sól:
robe che crédarghe proprio no se pól.
Voàltri, el bèlo, no savì gnanca sa l’è,
capisse de più ci fa solo “coccodè”.
“Can da l’ua” te ghe lo disi a to pare,
che l’è stà così sémo da sposàr to mare!
Se l’è questo el fruto de quel’unión,
són sempre più convinto de la me opinión.
Lo savéi che, con mi, se fa robe serie…
Sta vita l’è fata de dolori e miserie.
Roéi e gramégna i sòfega el fiór,
pregiudìssi e cativèrie i cópa l’amor.
5
SEVITORE 1
Ma no se pól sempre piànsar, porca miseria!
Se pól anca rìdar co’ ‘na roba seria!
SECAPARI
Se te piàse ste robe, scrìvele ti;
questa l’è la òlta che rido anca mi.
IL SERVITORE ESCE.
SCENA TERZA
PERSONAGGI:Tebaldo, Giulietta, Gelmo, Romeo (fuori dalla finzione scenica)
ENTRA IN SCENA TEBALDO (Fuori dalla finzione scenica)
TEBALDO:
Móro anca mi, recito gran póco…
e dopo el me mostra morto patòco.
Se ne piàse el teatro, el ne fassa recitar!
Ma se dopo dó parole, el ne fa crepar,
va a reméngo l’entusiasmo e anca la passión,
no se pól laoràr sènsa sodisfassión!
GIULIETTA (rivolta a Tebaldo):
Sito me cusìn de pare o de mare
E ci èlo che a le nòsse me fa da compare
TEBALDO:
De mare, credo, de la sióra Capuleti,
mi fasso parte dei parenti piassè stréti.
SECAPARI:
Ehi! Tebaldo, sito pronto par la séna
E ricòrdete che i morti più no i se reména:
apéna te caschi, stà là fermo e muto,
se 'na s-ciànta te te mói, te sassìni tuto.
TEBALDO:

Vègno! Vègno! Mi g'ò sempre da morir!
Rivolto a Giulietta
Ci sia el to compare, mi no lo sò dir.
6
SECAPARI:
Ricordève tuti che par èssar brai atóri,
dei personàgi se g'à da vìvar gioie e dolori;
el to nome no l’è più Rita Scarpeléti,
da adesso te te ciàmi Giuliéta Capuleti.
Desméntega la to rassa, Toni Panséchi,
sentìrte te devi Romeo Montéchi.
E quel che ò dito el val par tuti quanti,
recitar dovì come atóri importanti.
ROMEO:
Mi són Romeo, me lo sento dapartùto,
de quel che ero, desméntego tuto.
TEBALDO:
Mi són Tebaldo e morir no vói,
za, del me sangue, i abiti iè mói.
ESCONO DI SCENA GIULIETTA E LA BALIA.
SCENA QUARTA
PERSONAGGI: Secapari, Tebaldo, Romeo, Mercuzio (nella finzione scenica)
ENTRA MERCUZIO (Fuori finzione scenica)
MERCUZIO:
Mi són Mercùssio, de Romeo l'amìgo,
èco parché dei so afàri me intrìgo.
El bel Tebaldo par mi l'è stà copà,
dopo che lu el m’avéa za sbusà.
Al me caro amìgo el g’à dito “viliàco”,
e lu el stava lì più morto che straco.
”Mi te vói ben!” Romeo el ghe diséa;
l’à fato ‘na figura da no avérghene idea.
Qualchedùn, quéla ofésa, el dovéa vendicar…
Ò ciapàdo la spada par Tebaldo copàr.
G’avéa ‘n nervoso che par póco no s-ciopàvo,
el sangue de ‘n Capuleti mi za me gustavo.
El furbo de Romeo in mèso el s’à messo,
fermo, duro, più sténco de ‘n gesso.
No l’éra da lu mandar zó quel’ofésa;
el so modo de far l’è stà ‘na sorpresa.
Nissùni lo savéa del so amor par Giuliéta,
Tebaldo l’éra el cusìn de quèla bèla buteléta.
A ci volérghe più ben lu no ‘l decidéa;
co’ Romeo in mèso, mi Tebaldo no vedéa.
El ghe n’à subito profità quel can rabióso:
la so spada la m’à mandà a l’eterno riposo.
BENVOGLIO:

Romeo, alóra, el s’à come desmissià
e contro Tebaldo, la so spada l’à ciapà.
Le mandàa s-ciantìsi le lame che se incrosàva…
Scontràndose par aria, sginse le impissàva.
El me amìgo Romeo, par ràbia e amor,
l’à infilà Tebaldo proprio drito nel cór.
7
TEBALDO (Nella finzione)
rivolto a Mercuzio
Se te ciàpo te désfo, dei Montéchi amìgo!
MERCUZIO:
Che són za morto mi alóra te digo;
e ti te sì stà, gran fiól de bòna dòna!
Ma la man de Romeo gnénte la perdona.
MERCUZIO SI GETTA PER TERRA IMITATO DA TEBALDO.
SECAPARI:
Me pàr che ghe sia ‘na s-ciànta de confusión,
èlo quel giusto el vostro copión
BENVOGLIO:
Anca le virgole iè stà tute rispetà,
ma gh’è qualcosa che, par mi, no va.
Gh’è morti che parla e vivi che tase…
Ma se l’è d’avanguardia, el testo el me piàse.
Se va avanti e indrìo come in scunaróla,
ma se l’è modernità, no cambiaréa ‘na parola.
MERCUZIO:(tra sé)
Sto testo l’è stà scrito dopo ‘n litro de Recióto:
me sa, che a Secapari, ghe piàse el gòto.
SECAPARI:
Ma ti, Benvòlio, no t’ài mia copà
BENVOLIO:
Són qua che spèto, vedémo come la va.
SECAPARI:
Qua, el protagonista, l’è l’imprevisto,
l’è ‘n’opera d’avanguardia che no s’à mai visto.
Basta col rimissiàr i classici del teatro!
Adesso l’è ora de far de l’altro:
qualcosa de nóvo, che se destàca dal resto…
ROMEO:
Sta òlta, Secapari, són mi che protesto.
Anca lu el stà copiando da roba de ‘na òlta,
de quéla scrita da gente colta…
Romeo e Giuliéta no iè ‘na novità…
SECAPARI:
El nóvo l’è la forma che se ghe dà.

8
RENZO:
Messa così, no l’ò mai vista, né sentìa.
Tra sé
Va a reméngo ti e la malcunà de to sia!
SCENA QUINTA
PERSONAGGI: quelli della scena precedente più donna Capuleti.
DONNA CAPULETI ENTRA IN SCENA DI CORSA E SI AVVICINA A
TEBALDO.
DONNA CAPULETI:
L'à copàdo el me caro Tebaldo!
L'è apéna cascà, l'è ancora caldo!
L'è me neódo, el cusìn de me fióla,
no 'l me dirà più gnanca 'na parola.
E adesso, a Giuléta, ci èlo che ghe lo dise
Par el pianto la farà le palpebre slise.
L' assassìn l’è stà dei Montéchi el fiól…
Fidàrse de quéla rassa proprio no se pól.
L'è 'n delinquente co’ la fàcia da angioléto,
al mondo l'è vegnù par farne ‘n dispèto.
I dovéa èssar momenti de contentéssa:
la me Giuliéta a Paride l’è stà promessa.
E, invésse de le nòsse, gh’émo ‘n funeràl…
Ma parché proprio a noàltri tuto sto mal
Sa g’avaràlo mai fato el me pòro Tebaldo!...
G’avénti le scalmàne o gh’è ‘n gran caldo
Dopo el funeràl, mi vago sul Baldo.
DAMA DI COMPAGNIA:
L’è l’agitassión, la se méta chièta!
La g’à da pensar a la so Giuliéta!
Quéla l’è viva e sto qua l’è morto:
desfàndose in làgrime, la ghe fa ‘n torto.
DONNA CAPULETI:
Varda che a mi, no te gh’è da insegnàrme!
Lo sò da sola come g’ò da comportàrme!
DAMA DI COMPAGNIA:
Ò dito dó parole par farghe coràio!
Va a finir che sta léngoa mi me la tàio.
Con éla no se dise mai gnénte de giusto,
a tratàrme mal la ghe tróva gusto.
La dama di compagnia piange.
DONNA CAPULETI:
Piànsito par ti o par el póro Tebaldo
Se l’è solo par ti, no te porto sul Baldo!
Varda che le làgrime te te le sughi al sol:
mi no g’ò el tempo e gnanca el fassól.

9
LA DAMA DI COMPAGNIA TIRA FUORI ILSUO FAZZOLETTO
DAMA DI COMPAGNIA (tra sé)
Sta qua l’è tènara come ‘na grósta de formàio!
Me fasso i òto giorni e dopo me la tàio.
‘N’altra come mi, no la le cata mia:
no se trata come struse le dame de compagnia!
Questa l’è nobile come el Nino Strasse e Ossi
o come el paltàn che fa torbidi i fossi.
SCENA SESTA
PERSONAGGI: quelli della scena precedente più Giulietta e la balia.
GIULIETTA ENTRA IN SCENA CON LA BALIA. VEDE TEBALDO E GLI SI
INGINOCCHIA ACCANTO DISPERATA.
GIULIETTA:
Nò!... Nò!... Nò!... Ci èlo stà quel assassìn
Ci èlo quel desgrassià che à copà me cusìn
Andàino d'acòrdo, zugàino insieme,
Signór, varda in zó e dal copàrme tième!
BALIA:
No l'è gnancóra ora, cara paronçìna,
e, in fin dei conti, te sì solo so cusìna.
GIULIETTA:
Fióla unica mi són, l'éra come 'n fradèl,
tenero de cór e tanto fin de çarvèl.
Zugàino a pìce, a dàrsela, a campanón,
a ciupascóndi, a fassoléto e a cavalón.
ROMEO:
Zugarò mi con ti, cara ànema mia,
'na puéta te crómpo e te fasso compagnia.
Sbusàrlo no voléa, ma el m'à provocà:
‘n me amìgo l'à copàdo e mi alóra l'ò sbusà.
Mi, par Mercùssio, sento drénto ‘n gran dolor,
l'éra come 'n fradèl, el me amìgo del cór.
BALIA: (fuori dalla finzione scenica)
Ma alóra l'è proprio 'na mania!
Qua, i vól tuti morir e farla finìa!
Ci èlo alóra che fa la tragedia
Qua va a finir tuto in comèdia!
SECAPARI:
Tasi, balia, e torna ne la to parte,
co’ ciàcole inutili, te sassìni l’arte.
L’è proprio ‘na tragedia che dovì recitar,
de comèdie no ghe n’ò da farve imparar.
A la to cara paronçìna, vaghe più vissìn,

çérca de consolàrla, caréssela ‘n pochetìn.
Ubidìssi al regista Gelmo Secapàri,
se proàr no te vól dei bocóni amari.
10
BALIA (ritornando a recitare):
Poaréta la me butìna! Basta sangiotàr,
le robe de la vita te le devi soportàr.
Su, su, sughémo sta bèla facéta,
adesso la to balia la te conta 'na storiéta:
Gh'éra 'na òlta ‘n lupo catìo...
DONNA CAPULETI (indicando Romeo)
Ècolo lì, te ghe l'è proprio dedrìo.
GIULIETTA:
Nò! Me sbrégo i cavéi e piànso a tuta bóca,
par sta bruta desgràssia che adesso me tóca:
Tebaldo morto e Romeo 'n assassìn…
i soli du òmeni che me sentivo vissìn.
BALIA:
Par carità! Parla a pian che te sente to papà!
E to mama la ne cópa se del sposalìssio la sà:
de scondón l'è stà fato, in póchi lo savémo;
tasi, par piasér, nei guai se metémo.
BENVOGLIO ESCE
SCENA SETTIMA
PERSONAGGI: QUELLI DELLA SCENA PRECEDENTE PIÚ PARIDE E IL
VECCHIO CAPULETI.
TEBALDO E MERCUZIO SONO STESI PER TERRA. ENTRA IN SCENA IL
VECCHIO CAPULETI CON PARIDE. IL PADRE DI GIULIETTA SI
INGINOCCHIA ACCANTO ALLA FIGLIA.
ENTRA PARIDE.
BALIA:
Èco ci è béco prima ancora de sposàrse!
‘Na bèla rogna ghe tocarà gratàrse!
PARIDE:
Són qua Giuliéta, fior de la vita mia,
mi són to moroso e te porto via.
Da ti mi són corso apéna l'ò savùo,
insieme a to papà, qua són vegnùo.
GIULIETTA:
E adesso che te sì qua, sa pènsito de far,
Crédito, par caso, che te vóia sposàr
Nel dolór, me dà fastidio anca i familiàri…
Ti no te ghe sì tra quei che m’è cari!
MESSER CAPULETI:

Ma sa èlo che te disi Sito fóra de çarvèl
La sèlta mia l’è cascà su sto butèl…
E questo te te lo spósi, sènsa gnanca bufàr!
Ò deciso ch’el sia lu a portàrte a l’altàr.
11
PARIDE:
Fòrsi l’è sconvolta par la morte del cusìn…
Lassémola in pace! Spetémo ‘n pochetìn!
MESSER CAPULETI:
Te gh’è resón: són stà massa precipitoso,
ma, a sentirla parlar, m’è vegnù el nervoso.
L’è stà sempre ubidiènte e piena de creànsa…
Quel che l’à dito no ‘l g’à importànsa.
PARIDE:
Salo sa ghe digo Gnénte ò sentìo,
l’è quéla de sempre, par conto mio!
MESSER CAPULETI:
Mi lo savèa d’avér sèlto gran ben,
e són anca sicuro che a lu la ghe tien.
PARIDE:
Motivo no gh’è par dir el contrario!
Son solo moroso, ma par gnénte precario!
DONNA CAPULETI:
Fìdete, cara, fàtene 'na resón,
spósete Paride e finémo la questión.
A voàltri Montéchi ghe penso mi,
vago dal Principe e in galera finì.
DONNA CAPULETI ESCE, SEGUITA DALLA DAMA DI COMPAGNIA, DAL
MARITO E DA PARIDE
SCENA OTTAVA
PERSONAGGI: QUELLI DELLA SCENA PRECEDENTE, TRANNE DONNA
CAPULETI. SI AGGIUNGE BENVOGLIO.
ENTRA BENVOGLIO.
BENVOGLIO:
Scapa, Romeo, córi a più no posso;
qua, a Verona, ‘n vespàr t'è mosso!
MERCUZIO: (steso a terra , esce dalla finzione scenica)
Par quanto tempo me tóca star qua
G’ò za la schéna tuta sassinà.
Par quei quàtro schèi che tiro a fine mese,
me pàr che Gelmo el g'àbia massa pretese.
TEBALDO: (steso a terra, fuori dalla finzione scenica)
Mercùssio el g'à resón, pòrca miseria,

mi g'ò i reumatìsmi, la roba l'è seria.
12
SECAPARI:
Zó!... Zó!... Zó destési voàltri che sì morti!
Ma de comprendonio sì proprio gran corti!
Èlo in sto modo che se recita ‘na parte
TEBALDO: (fuori dalla finzione scenica)
A far el morto, no ghe vól tanta arte!
In sta tragedia, mi me sento sprecà,
par far l’atór, tanti àni ò studià!
M’à batù le mane ‘n saco de gente,
el pùblico mio no’l le bate par gnénte.
Mi, secondo, no són a nissùno,
più brao de mi, no ghe n’è gnanca uno.
La parte de Romeo mi credéa de far,
el ruolo del morto el me fa interpretar!
Par ore e ore stago muto e destéso…
Come òmo e atór, mi me sento oféso.
MERCUZIO: (fuori dalla finzione scenica)
Quel el pretende che gnanca respirémo!
SECAPARI:
De nóvo ve ripeto che qua recitémo!
El morto el stà zó e guai s’el parla!
MERCUZIO: (fuori dalla finzione scenica)
E se, par caso, me scapàsse de farla
SECAPARI:
No te sì 'n buteléto, te pól tegnér duro,
métete zó e òltete verso el muro.
E ti, Tebaldo, fa subito come lu,
se nò, con mi, no te laóri più…
Ma mi, a sti discorsi, crédar no posso!
G’ò da avérghe paura che i se pissa adòsso!
GIULIETTA: (riprende la recitazione)
Come fasso, bàlia, a sposàr quel là
Antipatico el m'è e són anca maridà.
BALIA:
Spèta 'n àtimo che adesso ghe penso…
Ma, par tuto, se sà, gh’è frate Lorènso!
L’è stà lu che, de scondón, el v’à maridà,
anca par el resto, ‘na man el ve darà.
SCENA NONA
PERSONAGGI: TUTTI QUELLI DELLA SCENA PRECEDENTE PIÚ FRATE
LORENZO.
ENTRA IN SCENA FRATE LORENZO.

FRATE LORENZO:
Ècome qua, són el mèio dei frati,
no fasso ciàcole, ma solo fati:
co’ erbéte speciali preparo pastròci,
finti veleni e anca cure par i òci.
Guarìsso la gòta, l'artrite, i reumatismi,
g'ò anca 'na roba par far i gargarismi.
Celebro nòsse anca de scondón,
quando i genitori no i capìsse resón.
Il frate chiama giulietta e Romeo in disparte
Qua, butèi, che ve parlo ne le réce,
mi g'ò solussión de tute le spèce.
Ti, Romeo, te vè fóra dai pié:
te córi a Mantova e là te stè.
I dise che al bando i t’à condanà,
ma pèso la te tóca se te resti qua.
Ti, Giuliéta, te béi sto liquòr,
trista el te fa fermàndote el cór;
ma solo par finta, cara butèla,
viva te torni e ancora più bèla.
Morta i te crede e i te fa el funeràl,
ne la tomba i te méte, ma no te senti mal.
Se i morti te vedi, no stà spaentàrte,
stùpete el naso e òltete da ‘na parte.
Quando vien l'ora de in vita tornar,
alóra Romeo mi mando a ciamàr;
Paride el resta co’ la bóca suta,
mi, par giutàrve, ghe la méto tuta.
13
SECAPARI:
Via i morti che se cambia la sèna,
adesso, Mercùssio, te te spónsi la schéna.
GLI ATTORI LASCIANO LA SCENA.
SCENA DECIMA
PERSONAGGI: MARIO E PIERO (fuori dalla finzione scenica)
ENTRANO DEGLI OPERAI CHE SMANTELLANO LA SCENA PRECEDENTE
E PREPARANO LA SUCCESSIVA.
MARIO (rivolto a Piero)
Ma ti ghe crèdito a sta storia che i conta
PIERO:
La sarà verità co’ ‘na s-ciànta de zónta!
Ti te ragioni pensando ai nostri giorni,
a sto bel mondo andóe i usa far i corni.
Par i zóeni de ancó, una o l’altra l’è istésso,
basta che la sia bòna de smorsàrghe el borésso.
E, par tute le butèle, l’è ‘na bèla conquista
Se, a l’età de Giuliéta, le va za fóra de pista.
MARIO:

Fóra de pista!... Le guida benón!
Iè lóre ch’el butèl le porta a perdissión.
Le gira con còtole che le pàr ‘na cintura,
salta fóra sorprese da ogni scoladùra,
le porta braghe che ghe stròssa le buèle…
Così le fa tute, sia le brute che le bèle.
D’inverno e d’istà, l’è descoèrta la pansa,
sarvèl no le g’à e gnanca creànsa.
14
PIERO:
Prima o dopo, da ‘n baùco le se fa sposàr…
MARIO:
E in capo a du mesi, i parla de divorsiàr.
Iè finìi i tempi de Romeo e Giuliéta,
a far la “velina” la pensa la buteléta.
PIERO:
El butèl, se sà, el çérca de descartàrla,
ma la carta la casca sènsa gnanca tocàrla.
MARIO:
Piero, èto finìo con quel pontesèl
Varda lì, che t’è cascà el martèl!
PIERO:
E ti Èto za sistemà tuti quanti i fiori
MARIO
Me pàr de èssar in un giardìn de sióri.
Ciàma la Luisa che la vègna a spassàr
e anca la Giàna, che gh’è mace da netàr.
PIERO
Luisa!... Giàna!... Tolì scóa, sécio e strassón…
Vegnì qua in prèssia, sènsa far questión.
SCENA UNDICESIMA
PERSONAGGI: PIERO, MARIO, LUISA, GIANNA
LUISA E GIANNA ENTRANO CAMMINANDO LENTAMENTE.
LUISA:
Vegnémo! Vegnémo! No ocór sigàr!
GIANNA
Sempre corémo quando gh’è da laoràr.
PIERO:
Varda, Mario, le me pàr dó sginse;
se le va a le corse, me sà che le vinse.
La Giàna l’è istéssa de ‘na pita scoraià…
MARIO
E l’altra l’è ‘n léoro co’ le sate scaessà.

Ehi, Giuliéte, el tempo el passa!
15
GIANNA:
S’ el vól passar, lassa ch’ el fassa.
Mi, par la testa, g’ò altri pensieri:
són andà dal dotór anca l’altro ieri.
Sempre mi piànso, da la matìna a la sera,
són andà parfìn da ‘na bràa fatuchiéra.
L’ à dito che qualchedùn el m’à fato ‘na fatùra…
PIERO:
Sì! IVA compresa, pòra malmaùra!
LUISA:
Sèto che anca mi són andà da ‘na maga
L’è cara assè e bisogna che la paga.
La m’à dito che tra póco me cato el moroso….
GIANNA:
E così te finissi co’ l’ esaurimento nervoso.
Quando te te marìdi, ogni dòna la lo sà:
par ben che la te vaga, te resti busarà.
PIERO:
Svèlte, dòne! La tragedia la riscomìnsia!
GIANNA:
Le làgrime de Giuliéta a le mie le se mìssia.
Anca Romeo l’è ‘n pòro malcunà:
’n colpo de testa e dal’à tuto sassinà.
Stupide noàltre che sempre ghe caschémo,
par el pal de la cucàgna el matrimonio scambiémo.
Quéla dei òmeni no l’è mia furbìssia,
ghe vól altri secoli parché i se desmìssia.
Iè ‘n sbàlio de la natura: i g’à mèsso el çarvèl…
Noàltre sémo giuste, ma ne piàse l’anèl.
PIERO:
Conto fin a tri e impìsso el lampadàrio…
Queste iè le pèso de tuto el campionario.
Le due donne escono di corsa.
MARIO:
Fòrsa, cavalìne! Gh’è la sagra che ve spèta!
Tirè sempre drito e alsè la gambéta!
ESCONO TUTTI DI SCENA.
SCENA DODICESIMA
PERSONAGGI: GIULIETTA (fuori dalla finzione scenica)
GIULIETTA:
ENTRA GIULIETTA TRAFELATA.

La sarta! La sarta! ‘N sbrégo me s’à fato!
16
SCENA TREDICESIMA
PERSONAGGI: GIULIETTA E LA SARTA.
ENTRA LA SARTA DI CORSA.
SARTA:
Te lo giusto mi, Cristoforo beato!
GIULIETTA:
El regista el se inràbia se lo fasso spetàr.
SARTA:
Sta’ ferma e drita che g’ò da ponciàr.
GIULIETTA SI GUARDA ATTORNO.
GIULIETTA:
Ma qua, sul muro, no gh’è scrito gnénte!
Cissà sa la dirà tuta quanta quéla gente!
Dighe ai òmeni che i scarabòcia qua e là
e che i taca bilietìni co’ la tiramòla smastegà.
SCENA QUATTORDICESIMA
PERSONAGGI: GIULIETTA, LA SARTA, PIERO E MARIO.
ENTRANO PIERO E MARIO.
PIERO: (rivolto a Giulietta)
Te sighi così forte che t’ò sentìo,
ma scrìvar d’amor no l’è mestiér mio.
MARIO:
Dìghelo a Gelmo, l’è lu el scritór,
l’è lu che l’è brao a far versi d’amor.
GIULIETTA
Metìghe dei nomi e dei córi co’ la frécia….
MARIO:
Parla a pian che te me trapani la récia.
SARTA:
Ma ai tempi de Giuliéta gnénte gh’éra scrito:
el muro de la casa l’éra ancora pulito.
Dopo la so morte, a scrìvar ià scominçià…
GIULIETTA:
Mi no recito, sènsa i muri scrimacià!
La me casa no i le riconósse mia,
sènsa tuti quei biliétini tacàdi via!
Gh’émo senàri da tri brassi ‘n franco…
La statua de Giuliéta la vói qua de fianco.

SARTA:
Vuto el monumento prima de morir
Questa Secapari, el te le fa paìr.
17
MARIO: (a bassa voce)
Ma con questa, ti crédito de ragionàr
El so posto el saréa drénto el puinàr.
PIERO E MARIO METTONO IN BOCCA LA GOMMA DA MASTICARE,
PRENDONO DELLE MATITE E DEI FOGLIETTI.
PIERO:(masticando)
Dai, Mario, fasémo anca questo,
ma date ‘na mossa, che finémo presto.
I due pronunciano a voce alta ciò che scrivono
“Caro Paolo, dolce amor mio,
sta’ fermo co’ le mane e métele dedrìo”.
MARIO:
“Te strucaréa sul cór, cara Lorènsa,
ma ti te scapi sènsa darme licènsa”.
PIERO:
“Cara Carmela, spetàr no farme,
mi vói proàr prima de maridàrme”.
GIULIETTA:
Ma sio mati Gelmo el ve stròssa!
PIERO:
Quel no ‘l farà gnanca ‘na mossa.
N’è vegnù l’ispirassión e a scrìvar émo proà,
adesso el se tien le parole scrite qua.
Fóra le me vien come àqua de sorgente…
SARTA:
Tanto, da là zó, nissùni vede gnénte.
PIERO:
Vói èssar moderno, vardè che bravo!
“Fiorènso, el postìn, l’è inamorà de Gustavo”.
GIULIETTA:
Maria de oro! Scancèla tuto!
PIERO:
Eh, mama mia, par ‘na òlta che me buto!
MARIO. (tentando di cancellare le scritte)
Col spuàcio no la vien mia via.
SARTA:
Ma tanto Secapari no ‘l la vede mia!
MARIO E PIERO ESCONO.

18
SCENA QUINDICESIMA
PERSONAGGI: GIULIETTA E LA SARTA.
GIULIETTA:
G’ó ‘n mal de testa, che me se spaca el sarvèl.
SARTA:
Èco fato; e adesso córi sul pontesèl.
GIULIETTA ESCE.
SCENA SEDICESIMA
PERSONAGGI: MARIO, LA SARTA
ENTRA MARIO E RICOMINCIA A SCRIVERE.
MARIO:
“Marcèlo el s’à inamorà de Filiberta,
da quando, l’altro dì, el l’à tuta descoèrta”.
Questa me l’éro desmentegà.
SARTA:
In malora ti e quéla che t’à cunà.
Filiberta són mi, ‘na dòna seria,
la tua l’è solo ‘na gran cativèria.
ESCONO TUTTI.
SCENA DICIASSETTESIMA
Sul balcone di casa Capuleti
PERSONAGGI: GIULIETTA
GIULIETTA ESCE SUL BALCONE
GIULIETTA:
Ciao, luna, come èlo che te stè
Mi e Romeo sémo za maridè.
‘N Montéchi l'è, ma assè el me piàse;
mi vói parlar, l'amor no 'l se tase.
Luna, bèla luna, che te s-ciàri la nòte,
èle ste qua dei zóeni le còte
Mi són sicura ch’el me amor el me pensa,
ciamàrlo volaréa, ma ghe vól prudènsa.
Luna, bèla luna che te vardi ne le case,
dime andóe l'è l'òmo che me piàse.
Pòrtemelo qua, tra i fiori del giardìn,
dighe però ch’ el fassa pian pianìn.
SCENA DICIOTTESIMA
PERSONAGGI: GIULIETTA E ROMEO, BALIA, DONNA CAPULETI (fuori scena)
ROMEO:
ENTRA IN SCENA ROMEO

Són qua, Giuliéta, e che vaga tuto lìssio,
parlo pianìn che no se sàpia del sposalìssio.
Vissìn a ti, se smòrsa parfìn le stéle,
te sì la più bèla de tute le butèle;
la to bóca l'è 'n fior basàdo dal sol,
ma mi són Montéchi, acetàrme no i vól.
19
GIULIETTA:
E mi són Capuleti, me pare no l'è catìo,
ma se qua el te tróva, s-ciòpa l'ira de Dio.
Oh! Romeo! Parché te ciàmito così
Cambia el to nome, falo par mi!
ROMEO:
Su questo, amor mio, d’acòrdo za sémo,
ma se ti te lo vól, de nóvo lo fémo.
El nome mi cambio e più no ghe penso,
Montéchi e Capuleti i me fa tuti senso.
Le raìse me tàio e più no me ciàmo,
mi són l'amor e par sempre te amo.
GIULIETTA:
Da l'emossión la ganàssa ghe l'ò calda,
a partir da adesso ciàmeme… Ubalda.
ROMEO:
Ubalda no 'l me piàse, no l'è degno de ti,
'na stèla te sì e mi te ciàmo così.
Stéla mia bèla, luce de sti du òci,
davanti a ti, mi piego i zenòci….
Ma parché inzenociàrme, se me posso rampegàr
Fin che stò zó, no te posso basàr!
ROMEO RAGGIUNGE GIULIETTA SUL BALCONE. GIULIETTA GUARDA I
CAPELLI DI ROMEO E FA UNA SMORFIA DI DISGUSTO.
GIULIETTA:
Sa gh'èto in testa, caro el me amor
‘Na lavàda de cavéi me sà che te ocór.
ROMEO:
L'è stà 'na lòdola, el dì l'è vissìn.
GIULIETTA:
L'è stà ‘n rossignòl, parla pianìn.
Zóena l'è la nòte, iè tuti indormensè,
vien fra i me brassi e férmete piassè.
ROMEO:
L'è stà 'na lòdola, el cél el se s-ciàra,
de tute le spóse, ti te sì la più cara.
Ma g'ò da lassàrte, a Mantova vago,
in presón i me méte se qua mi stago.
DONNA CAPULETI: (dall’interno):

Giuliéta!... Giuliéta!... Sa fèto là fóra
De nòte fa fresco, te ciàpi 'na malora!
E dopo, col naso, te sèiti a tirar su…
In età da moroso, ste robe, no le se fa più!
Vuto che i te ciàma “Giuliéta la Mocaióna”
Vien subito drénto che gh’è ‘n frédo de la madòna.
20
GIULIETTA:
Ma nò, mama! Gh'è 'n caldo che no se sà!
Drénto me sòfego, preferìsso star qua.
Sento ‘n’ariéta che la resùssita i morti,
gh’è parfùmo de menta che vien su dai orti.
Mi són qua fóra che snaso e basta,
el ciàro de luna la me pèle no ‘l guasta.
Gh’è ‘n canto de rossignòl ch’el me caréssa la récia…
Ti te gh’è frédo parché te sì vècia!
DONNA CAPULETI
Sa èlo che t’è dito Bruta vilanàssa!
Adesso vègno fóra e te sbèrlo la ganàssa.
GIULIETTA
Scusa, mama, t’ò scambià par la balia!
‘Na òlta ogni tanto, anche le fióle le sbàlia!
DONNA CAPULETI
Sta òlta, buteléta, te la fasso passar lìssia,
parché g’ò paura che to papà el se desmìssia.
Ma se anca ‘na òlta, te sento tirar su,
fin che no te te spósi, fóra no te vè più.
GIULIETTA (rivolta a Romeo)
Questa l’è to suocera, che la saréa me mama,
la dise che fà fresco e drénto la me ciàma.
ROMEO SI METTE UNA MANO IN TESTA E GUARDA VERSO L’ALTO.
ROMEO:
È passà 'n' altra lòdola, la m'à dito de nar.
GIULIETTA:
E alóra va’, no te posso qua fermar.
ROMEO:
El cór el me s-ciòpa, i òci i me brusa,
de quel che ò fato te dimàndo scusa.
Te sì sènsa cusìn e te parte el marì,
nissùna ò conossùo più sfortunàda de ti.
GIULIETTA:
Se questo l'è el prèsso che g'ò da pagar
par avérghe el to amor e insieme campar,
volentieri mi pago, caro spóso mio;
adesso va via, sènsa mai vardàr indrìo.

21
DONNA CAPULETI (dall’interno):
Giuliéta!... Giuliéta!... Ancora là fóra
Dito t'ò za che te ciàpi 'na malora!
SCENA DICIANNOVESIMA
PERONAGGI: GIULIETTA, ROMEO, BALIA
ENTRA IN SCENA LA BALIA.
BALIA:
Scusème, spósi, mi no vói disturbar,
la sióra Capuleti no bisogna far rabiàr;
se qua la riva e insieme la ve tróva,
mi g'ò da çercàrme 'na paróna nóva.
Ti, Giuliéta, te finìssi in convento,
tuto va ben se g'avì sentimento.
GIULIETTA:
Ciao, Romeo, spóso caro, ànema mia,
la nòte adesso la ne scapa via;
fra póco el sól el mostra el so fación,
el smòrsa le stéle, el bate al portón.
Córi! Scapa! Va lontàn da Verona,
anca a Mantova, gh'è gente bòna.
No piànsar, Romeo, el tempo el córe,
pènseme sempre e i giorni i sarà ore.
ROMEO:
No gh'è vita fóra da Verona,
ma tuti savémo ch’ el Principe no 'l perdona.
Ancora ‘n baso, ànema benedéta,
ancora 'na òlta che te tègna stréta.
Gìrete, balia, 'na s-ciànta de intimità!
'N àtimo ancora e sarà quel che sarà.
ROMEO BACIA GIULIETTA, SCENDE DAL BALCONE E SE NE VA DI
CORSA.
SCENA VENTESIMA
PERSONAGGI: GIULIETTA, BALIA
GIULIETTA:
Nò!... Nò!... Nò!... No vói restar sola,
sa fasso mi sènsa gnanca 'na so parola
Sènsa le so man che la fàcia le me caréssa,
la me vita, da adesso, no la sarà più la stessa!
'N inferno la deventarà con fógo e dolori,
con diàoli scadenà e la bile drénto ai córi.
Sól maledéto, sa te àlsito a far
La me disperassión viènto fòrsi a vardàr
Tardar no podéito almànco ‘n momento
Farlo no podéito par ‘n bòn sentimento
BALIA:

Basta, Giuliéta! Métete chièta,
disperàda no la vói la me buteléta.
El tempo el passa più presto che no te credi,
ieri ero zóena e vècia te me vedi.
22
GIULIETTA:
Come fasso Come fasso a spetàr
Te lo sè che 'l papà el me vól maridàr!
Se ‘l conte Paride el bate el pié,
el to parón el lo bate piassè.
Fuori dal personaggio, rivolta a Secapari
El senta, fémo finta che sia in atésa
Ghe fémo a Paride sta bèla sorpresa.
A mi no me piàse che la finìssa qua,
sènsa che i du spósi no i àbia consumà!
SECAPARI:
Andóe èlo che te consumi Sul to pontesèl
De le òlte mi penso che te sìi fóra de çarvèl.
GIULIETTA:
Ma sèmo sposà, l’è ‘n’amor benedìo!
SECAPARI:
Némo avanti se nò restémo indrìo.
BALIA:
A proposito, Giuliéta, g'ò da dirte 'na roba,
ma sentémosse zó che ormai g'ò la gòba.
To papà e to mama ò sentìo parlar
e me sà che presto i te vól maridàr.
GIULIETTA:
Sèto qualcosa Dime in quàla data.
BALIA:
Cara Giuliéta, ormai l'è fata.
Bèlo l'è el butèl e de bòna faméia...
Par tuta la nòte te sì restà svéia.
GIULIETTA:
El discorso no cambiar, me vien el nervoso,
g’ò za ‘n marì, no lo vói ‘n moroso!
BALIA:
‘N matrimonio da consumar se pól scancelàrlo!
Gh’è la Sacra Rua che, de çèrto, la pól farlo.
Se trata de preti, basta avérge schèi!
Se i tói no i basta, ghe ne zónto dei méi!
GIULIETTA:
La Giuliéta la se spósa ‘na òlta sola!
Davanti a l’altàr, mi ò dato la me parola.
BALIA:

Ma nissùni lo sà, noàltre solo!
E mi, ‘n segreto, mai lo mòlo.
E a ti, cara mia, te convièn tasér
e co ‘n altro butèl sofegàr el dispiasér.
‘N siór l’è, e del Principe parente,
ti, el to Romeo, càvetelo da la mente.
23
GIULIETTA:
Bruta traditóra, rufiàna e fàcia dópia!
Più gnénte capìsso, la testa la me scòpia.
Dime la data, mi lo g'ò da savér,
dìmela subito, fame sto piasér!
BALIA:
Par zòbia l'è fissà el maridòsso,
luni l'è ancó, libero g’ò el gòsso.
GIULIETA:
Bòn, mi adesso me vago a sponsàr,
quando l'è ora vième a sveiàr.
Ma prima va’ ti, mi vègno par dedrìo,
córto l'è stanòte el passo mio.
LA BALIA ESCE DI SCENA.
SCENA VENTUNESIMA
PERSONAGGI: GIULIETTA
GIULIETTA (rivolta al pubblico)
El conte Paride no 'l g'avarà Giuliéta,
mèrcoli nòte me béo la fialéta.
Romeo el restarà el me unico amor.
Posto par altri no gh’è nel me cór.
Come desmentegàr quei òci onesti
La gràssia ch’el méte in tuti i so gesti
La so ósse de òmo che la te scurla drénto
Tuta la grandéssa del so sentimento
I cavéi de séda, i denti de perla…
Me sento svanìr, bisogna che me sberla.
GIULIETTA ESCE DI SCENA.
PERSONAGGI: PIERO
SCENA VENTIDUESIMA
ENTRA PIERO E SI RIVOLGE AL PUBBLICO.
PIERO:
Con tuta la fadìga ch’émo fato,
mi dichiaro finìo sto primo bel ato.
Se ‘na s-ciànta spetémo par el secondo,
se sponsémo ‘n póco e no casca el mondo.
PIERO ESCE.

ATTO SECONDO
24
SCENA PRIMA
PERSONAGGI: MARIO E PIERO
ENTRANO IN SCENA MARIO E PIERO.
MARIO:
Némo, Piero, strapéga qua el lèto.
PIERO:
G’ó da portar anca el buféto
MARIO:
Lassa star che intrighémo massa;
el tempo el córe e svelto el passa.
PIERO ESCE UN ATTIMO DI SCENA.
SCENA SECONDA
PERSONAGGI: MARIO, PIERO, ALTRI OPERAI
TORNA PIERO TRASCINANDO IL LETTO. ENTRANO ANCHE ALTRI
OPERAI.
MARIO:
Piassémoghe ‘n taolìn lì nel cantón
e qualcosa che slùsega par far impressión.
L’éra ‘na sióra Capuleti Giuliéta,
tratàrla no se pól da dòna poaréta.
PIERO
Sì, ma, par piasér, dame ‘na man;
no te comandi mia ti, órco quel can!
I DUE ESCONO.
SCENA TERZA
PERSONAGGI: MARIO, PIERO, ALTRI OPERAI
ENTRANO MARIO E PIERO CON UN TAVOLINO E ALTRI OGGETTI.
PIERO:
Èto visto anca ti come i l’à trucàda
La pàr n’a morta da du giorni ingiassàda.
Sperémo che no ghe vègna da stranudàr.
MARIO:
Pèso saréa se qualcos’àltro la dovésse far.
PIERO:
Ti te sì rùstego come el paltàn.
MARIO:

L’è tuta natura, fiól de ‘n can.
25
SCENA QUARTA
PERSONAGGI: MARIO, PIERO, LINA
ENTRA LINA CON LENZUOLA E COPERTA.
LINA:
Èco i ninsói e anca la coèrta.
MARIO:
Ma varda che la morta i la méte descoèrta.
LINA:
Ma l’è par beléssa, la serve da tapéto;
par la gente morta ghe vól rispèto.
SCENA QUINTA
PERSONAGGI: PIERO, MARIO, LINA, TERESA.
ENTRA TERESA.
TERESA:
Èco la foréta e anca el scaldìn,
metìghelo lì in fondo, ai pié vissìn.
PIERO
Se fósse Gelmo, subito te pararéa via;
la gente morta no la se scalda mia.
MARIO:
E, secondo la tragedia, sémo in primavera.
LINA:
Brao, sapientón, te farè cariéra.
Sóto el lèto, ghe metémo le savàte
PIERO:
De ste robe, Gelmo el se ne sbate.
LINA:
Ma la séna vera la g’à da parér;
lassè che ghe le méta, fasìme sto piasér.
PIERO:
Par mi, te pól métarghe anca l’orinàl.
MARIO:
Questa l’è ‘n’idea proprio originàl.
TERESA:
Sì dei sgègarli, tuto sassinè.
MARIO:
Alóra fa ti, che tuto te sè.

26
TERESA: (rivolta a Mario))
Mi, l’orinàl, in testa, te lo spacaréa.
LINA:
Questa sì che l’è ‘na bòna idea.
TERESA:
A ‘na butèla così fina, métarghe el bocàl!
PIERO:
No g’ò mia l’intensión de farghe del mal!
MARIO:
Da qualche parte anca Giuliéta la le faséa.
LINA:
Sì, ma gnanca Romeo el le savéa.
In quanto a finésse, mi me ne intendo;
tratèla come ‘n fior, qualcosa de stupendo.
PIERO:
El fior el vièn bèlo s’el crésse sul luàme.
MARIO:
A parlar de grasso, m’è vegnùdo fame.
LINA:
Maria de oro! Sa màgnito a casa tua
MARIO:
Quel che basta par far la pansa passùa.
SCENA SESTA
PERSONAGGI: QUELLI DELLA SCENA PRECEDENTE PIÚ ROMEO
ENTRA ROMEO.
ROMEO: (fuori dalla finzione scenica)
Andóe èla la Filiberta Me s’à róto la camìsa.
L’è fata de roba vècia, l’éra za tuta slisa.
PIERO:
Qua me pàr ch’ el sia tuto ‘n sbrégo.
ROMEO:
De ciamàr la sarta ve domando e ve prego.
MARIO ESCE IN CERCA DELLA SARTA.
SCENA SETTIMA
PERSONAGGI: PIERO, LINA, TERESA, ROMEO, LA SARTA
ARRIVA LA SARTA CHE COMINCIA A CUCIRE LA CAMICIA DI ROMEO.

PIERO: (rivolto a Romeo)
No èlo, par caso, che rumè ‘n po’ massa
Éla l’è bèla e ti la ósse te ghe l’è bassa.
‘N òmo te sì e anca de quei gaiàrdi.
27
LINA:
Qua va a finir che fémo tardi.
rivolta a Piero
Te sì ‘n sporcación pién de malìssia:
nissùni gh’è qua che se palpa e se rimìssia.
ROMEO:
A mi, la Giuliéta, tanto la me piasaréa,
ma sa són par éla no g’ò proprio idea.
Par via de tocàrla, gnanca ghe próo,
Le mane, su de éla, mi no le móo.
I òci, invésse, i gira rumàndo.
PIERO:
E proprio a fondo quei i va çercàndo.
ROMEO:
Gnénte de più de quel che ghe za.
SARTA: (rivolta a Piero)
Te sì ‘n porçèl dal muso inmocaià.
rivoltaa Romeo
Èco, Romeo, la camìsa l’è poncià;
e adesso némo, che la sèna l’è parecià.
ESCONO TUTTI, TRANNE LA SARTA.
SCENA OTTAVA
PERSONAGGI: SARTA, GIULIETTA.
ENTRA GIULIETTA CHE S’IMBATTE NELLA SARTA CHE STAVA USCENDO.
GIULIETTA:
Le me ganàsse èle pàlide bastànsa
SARTA:
Come se te g’avéssi ‘n gran mal de pansa.
GIULIETTA SI STENDE SUL LETTO, LA SARTA ESCE.
SCENA NONA
PERSONAGGI: GIULIETTA, BALIA
ENTRA LA BALIA.
BALIA (avvicinandosi al letto dove giace Giulietta):
Svéiete, Giuliéta, el sól l'è za alto!
Zó da quel lèto fa subito ‘n bel salto!
Svéiete cara, el gal l'à za cantà,

se tardi te fè, te lo senti el to papà!
Svéiete, sposìna, el to Paride el riva.
la balia guarda attentamente Giulietta
'Na çiéra te gh'è, che no te pari gnanca viva!
la balia si accorge che Giulietta è morta
Aiuto, gente! Corì in sta stansa!
Gnanca l'à saludà sta sènsa creànsa!
Aiuto!... Aiuto!... Me cede le gambe,
sta cara butèla la g'avéa idee strambe!
28
SCENA DECIMA
PERSONAGGI: GIULIETTA, BALIA, DONNA CAPULETI, DAMA DI COMPAGNIA,
SERVA 1
ENTRA DONNA CAPULETI, TUTTA AFFANNATA, ASSIEME ALLA DAMA
DI COMPAGNIA E A UNA SERVA.
DONNA CAPULETI: (rivolta alla balia)
Ma sa èlo mai tuto sto ciassàr
Se qualchedùn te sente te me fè sfigurar!
DAMA DE COMPAGNIA:
L’è quel che digo anca mi:
in una casa de sióri, no se fa così!
BALIA:
La varda!... La varda, sióra paróna!
El me sigàr bisogna che la perdona;
Giuliéta l'è morta fin che la dormiva,
mi l'ò trovà che no l'éra più viva.
DONNA CAPULETI:
Giuliéta!... Giuliéta!... Rispóndeme, cara!
torna a dar senso a sta vita za amara!
Torna a dar luce a sto grando paIàsso!
Torna a impenìrlo de zughi e de ciàsso!
DAMA DI COMPAGNIA:
Rispóndeme anca a mi, Giuliéta bèla!
Se te vèrzi i òci, te dago ‘na caramèla.
BALIA:
Ma ci èla éla par tórse sta confidènsa
Bisogno no gh’è de la so presènsa!
DAMA DI COMPAGNIA:
Parché ti, sito fòrsi ‘na parente
BALIA:
L’è da quando l’è nata che ghe vivo arènte.
Cagna da l’òstrega, col me late l’è cressùa:
Mi són tanto piassè de ‘na parente sua!

SCENA UNDICESIMA
PERSONAGGI: SECAPARI, GIULIETTA, BALIA, DONNA CAPULETI, SERVA 1,
MESSERE CAPULETI
29
ENTRA MESSERE CAPULETI.
MESSERE CAPULETI:
Ma se pól savér sa l’è che spetè ancora
El spóso l'è dessóto e voàltre qua dessóra;
disìghe a Giuliéta che più in prèssia la fassa,
Paride, là zó, l'à spetàdo anca massa.
DONNA CAPULETI: (piangendo)
Tasi 'na s-ciànta e varda sul lèto:
Giuliéta l'è morta, destìn maledéto!
PIANGONO LE ALTRE DONNE
MESSERE CAPULETI:
Lassèmela vardàr! Lassèmela tocàr!
L'è za tuta fréda, mi me sento mancar!
Morte maledéta, Giuliéta l'éra mia
e sènsa dir gnénte te me l'è portà via.
BALIA: (fuori finzione scenica)
‘N grapìn! ‘N grapìn! Me manca i sensi!
Varda sa sucéde quando manco te ghe pensi!
LA SERVA 1 VERSA DELLA GRAPPA ALLA BALIA.
SECAPARI:
La sèna del grapìn no l’éra mia prevista!
BALIA:
De sicuro, Gelmo, l’è stà ‘na so svista.
L’è andàda così, mi són proprio sicura,
e béar la graspa, par mi, l’è stà dura:
astemia són, zà da quando són nata,
se a béar me metésse, saréa proprio mata.
Lo fasso soltanto par esigènse de copión…
Assè el me costa anca ‘n solo sgorlón.
SECAPARI:
La gente la varda, no la g’à da tastàr,
anca de l’àqua te pól alóra dropàr.
BALIA :
Mi, ne la parte, me ghe buto tuta,
anca la graspa, in questo, la me giùta.
Mi dago el massimo quando tuto l’è vero,
che no ghe sia da béar mi sempre spero.
De le òlte, però, me tóca sacrificàrme,
m’è capità, parfìn, de dover imbriagàrme.
Che mal che són stà, caro el me Gelmo!
E pensar che mi béo solo àqua e pompelmo.

30
SECAPARI:
E alóra, sul serio dovaréssimo copàr,
se nò el mèio no se rièsse a dar.
BALIA:
Tra le dó robe, ghe saréa ‘na difarènsa:
mi, dei morti, posso anca far sènsa.
L’è el saór che me frega, lo g’ò da sentir!
SECAPARI:
Ma fala finìa e va a farte benedir!
Torna a laoràr, bruta vècia imbriagóna,
e béi anca to sàntola, se te la tróvi bòna.
Par ‘na s-ciànta de graspa, no vago in malora,
ma basta co’ le bale, cara la me sióra.
SCENA UNDICESIMA
PERSONAGGI: SECAPARI, GIULIETTA, BALIA, DONNA CAPULETI, DAMA DI
COMPAGNIA, MESSERE CAPULETI, SERVA 1, FRATE LORENZO
ENTRA IN SCENA FRATE LORENZO.
FRATE LORENZO: ( in un angolos fregandosi le mani):
El me finto velén ben l'à funsionàdo,
uno el pàr morto e no l'è gnanca malàdo.
BALIA:
‘N grapìn!... ‘N grapìn!... Me manca i sensi!
Varda sa sucéde quando manco te ghe pensi!
SERVA 1: (fuori dalla finzione scenica)
Te l'è za domandà e te l’è anca beù,
de graspa, cara mia, no te ne dago più.
DAMA DI COMPAGNIA: (fuori finzione scenica)
No se vergògnela mia de comportàrse in sto modo
La se fassa scaldar ‘na s-ciànta de bródo!
No védela mia che l’è mèsa imbriàga,
se la sassìna la tragedia, questa la me le paga.
BALIA:
Se ancora no lo savì, à parlà Eleonora Duse,
a la regina del palco, ghe presento le me scuse.

SCENA DODIDICESIMA
PERSONAGGI: SECAPARI, GIULIETTA, BALIA, DONNA CAPULETI, DAMA DI
COMPAGNIA, MESSERE CAPULETI, PARIDE, SERVA 1, SERVA 2,
SERVITORE 2,
FRATE LORENZO
31
ENTRA PARIDE CON DEI SERVITORI E SI AVVICINA A GIULIETTA.
MESSERE CAPULETI:
La me Giuliéta la s'à sposà co’ la morte!
PARIDE:
Ma mi l’éra ‘n pèsso che ghe faséa la corte.
BALIA:
‘N grapìn!... ‘N grapìn!... Me sento oltàr via!
Sento che stà scapàndo anca la vita mia!
SERVA 1: (fuori dalla finzione scenica)
Tiènte la botìlia e rispàrmieme la fadìga!
Móri imbriàga! Sa vuto che te diga!
FRATE LORENZO:
Basta, par piasér, fasìla finìa!
La vostra Giuliéta l'è in bòna compagnia:
in Cél l'è andàda, tra angeli e santi
e voàltri, piansòti, vergognève tuti quanti.
Felici dovì èssar, parché éla l'è contenta,
come vela nel mar, passàda la tormenta.
El parécio piassè bèlo farghe dovì,
portèmela in césa che ghe penso mi.
Me ciàmo Lorènso, són el mèio dei frati,
no fasso ciàcole, ma solo fati.
SERVITORE 1: (parlando sottovoce con la serva 2)
Davanti a 'n morto mai gh'è alegrìa,
sempre disperàda mi ò visto la compagnia.
SERVA:
El ghe n'à de bèle quel frate sapientón,
ghe ne vól del tempo par la rassegnassión!
‘N funeràl no l'è mia 'n maridòsso,
èssar contenta mi proprio no posso.
MESSERE CAPULETI:
Par ‘n giorno de festa era stà preparà,
anca dei musicanti avéino ciamà;
adesso sonarà solo la campana
par 'na zóena vita za tanto lontana.
DONNA CAPULETI:
I fiori par i spósi i portémo in cimitero,
cambiémosse i vestiti e vestémosse de nero.

GIULIETTA: (fuori dalla finzione scenica, solleva la testa)
Gelmo! Gelmo! Me vièn da stranudàr!
32
SECAPARI:
Èco come se fa par tuto sassinàr!
DONNA CAPULETI: (nella finzione scenica)
Te l'ò dito mi che fóra gh' éra frédo.
GIULIETTA: (tra realtà e finzione scenica)
Ma mi són sta qua… almànco così credo.
DONNA CAPULETI: (tra realtà e finzione scenica)
Qua se fa confusión tra el teatro e la vita,
ti sito Giuliéta o te ciàmito Rita
GIULIETTA FA UNO STARNUTO.
GIULIETTA: (tra realtà e finzione)
Són nata a Verona, són Rita Capuléti…
O sónti fòrsi Giuliéta Scarpeléti
SECAPARI:
Zó con la testa e torna a morir,
vedémo se la tragedia riussémo a finir.
GLI ALTRI ATTORI, INTANTO, SI SONO SPARPAGLIATI SULLA SCENA.
ALCUNI NE APPROFITTANO PER UNO SPUNTINO.
SECAPARI:
E voàltri sa fasìo qua e là spampanàdi
V'ò dito che l'è finìa V'ò fòrsi congedàdi
SCENA TREDICESIMA
PERSONAGGI: TUTTI QUELLI DELLA SCENA PRECEDENTE AI QUALI SI
AGGIUNGONO ROMEO, TEBALDO, MERCUZIO E BENVOGLIO.
RITORNANO IN SCENA ROMEO, TEBALDO, MERCUZIO E BENVOGLIO.
ROMEO: (fuori dalla finzione scenica)
Se qua se magna, ghe sémo anca noàltri!
Gh’émo i stessi dirìti, sémo manco dei altri
ROMEO GUARDA GIULIETTA INCANTATO.
ROMEO(fuori dalla finzione scenica)
Fòrsi, ne la parte, ghe són entrà ‘n pó massa,
mi, a Giuliéta, ghe basaréa la ganàssa.
SERVITORE : (fuori dalla finzione scenica)
Ma quàla Giuliéta Quéla l'è la Rita!
'Na dòna in carne, in fòrse e in vita.
ROMEO: (fuori dalla finzione scenica)

Rita o Giuliéta proprio no me interessa,
tanto, par mi, l'è sempre la stessa.
33
GIULIETTA: (fuori dalla finzione scenica)
Toni el me varda, el me ruma coi òci,
no sò parché, ma me trema i zenòci.
Sento qua drénto qualcosa che nasse…
SERVA : (fuori dalla finzione scenica)
Qua, me sa proprio, che se unìsse le rasse.
SECAPARI:
Basta! Basta! Tuti al vostro posto!
Ogni minuto par mi el g'à ‘n costo.
ROMEO: (nella finzione scenica)
Prepàrete, Paride, che te fasso la festa.
SECAPARI: (rivolto a Giulietta)
Fóra tuti quanti e ti sola resta.
Va’ ne la tomba coi to morti parenti,
no stà tremar e no bàtar i denti.
Convinta te devi èssar che la séna l'è vera,
sbianca le ganàsse e fate color cera.
ROMEO:
Paura la g'à, ghe vago anca mi.
SECAPARI:
A Mantova te sì, pensa par ti.
Frate Giovàni da ti el vien za;
l'è frate Lorènso ch’ el te l'à mandà.
'Na létera el g'à che tuto la dise,
quel l'à sudà più de sète camìse.
Indrìo l’è tornà, sènsa gnanca avérte visto,
tuto stà andando al contrario del previsto.
Intanto Baldassare, el to servo devoto,
a Mantova el vien in quàtro e quàtro òto.
Che Giuliéta l'è morta lu subito el te conta,
te gh’è da partir, prima ch’ el sól el monta.
‘N velén t'è crompà, de quei che te cópa,
apéna te lo béi el cór el te s-ciòpa.
ROMEO: (tra realtà e finzione)
Sónti Romeo o Toni Panséchi
Mi són Toni, Toni Montéchi.
ROMEO ESCE DI SCENA ASSIEME A TUTTI GLI ALTRI.
SCENA QUATTORDICESIMA
PERSONAGGI: PIERO CON ALTRI OPERAI
PIERO:
ENTRA PIERO CON ALTRI UOMINI.

Fóra el taolìn e fóra anca el lèto,
adesso gh’è ‘na sèna de tuto rispèto.
Ne ocór ‘na tomba e tri taolàssi:
quel nóvo par Giuliéta e du piassè strassi.
34
SCENA QUINDICESIMA
PERSONAGGI: PIERO, MARIO E ALTRI OPERAI.
MARIO ENTRA IN SCENA CON ALTRI UOMINI CHE LO AIUTANO A
TRASCINARE DEI TAVOLI.
MARIO:
Fòrsa, butèi, che finémo la giornàda,
con tuto sto laóro, la me schéna l’è spacàda.
PIERO:
Andóe gh’è i morti, gh’è candele e fiori,
portèghene assè, che sti qua iè sióri.
Qua gh’è Giuliéta e là Mercùssio e Tebaldo...
Verzì quéla porta, che se móre dal caldo.
Se i morti i fósse veri i naréa demàl…
PIERO:
Te gh’è de le batùe che le alsa el moràl.
SCENA DICIASSETTESIMA
PERSONAGGI: QUELLI DELLA SCENA PRECEDENTE PIÚ LINA E ALTRI
OPERAI.
DEGLI UOMINI, INTANTO, SISTEMANO I FIORI. ENTRA IN SCENA LINA
CHE, PIANGENDO, COMINCIA A SCOPARE.
PIERO:
Pòrca miseria, ma sa èla sta disperassión
Ti no te ghe sì mia in sta sòrta de copión.
Parente de Giuliéta proprio no te sì;
t’è morto, par caso, qualchedùn anca a ti
LINA:
Voàltri òmeni sì sènsa sentimenti,
mi me comóvo quando vien sti momenti:
Giuliéta l’è morta, pòra creatura,
e qua, ne la tomba, la g’à paura.
MARIO:
Ma fame ‘na carità! L’è tuta ‘n’invensión!
LINA:
Voàltri no sentìo nissùna emossión
MARIO:
Mi sento fame, el stómego el protesta.
PIERO:
E mi g’ò altre robe qua par la testa.

35
SCENA DICIOTTESIMA
PERSONAGGI: QUELLI DELLA SCENA PRECEDENTE PIÚ TERESA.
ENTRA TERESA.
TERESA:
Se come voàltri anca el pùblico el sarà,
poarèti ci recita e ci à tanto sfadigà.
Mi no piànso, el magón m’à ciapàdo,
desgràssie, a voàltri, no ve n’è mai capitàdo
PIERO:
Tochémo fèro e anca el sotopànsa,
mi, de sfighe, ghe n’ò za bastànsa.
Ti, Teresa, te sì pèso de ‘na gròla,
spero che la sorte no la te tóga in parola.
MARIO:
I parenti, par piasér, lassémoli star:
quei iè sani e i g’à da campar.
Par ‘na storia d’amor da Gelmo scrita,
mi, se permetì, no me rovino la vita.
TERESA:
Ma l’è ‘n piànsar che fà ben al cór:
sta storia la ne insegna el vero amor.
MARIO:
Se par amar sul serio g’ò da crepar,
mi no me spóso e continuo a pomiciàr.
PIERO:
De far altri bàgoli, tempo no ghe n’è:
le storie alégre le me piàse piassè.
Avanti, morti, che ben ve comodémo,
ma i corni, coi dièi, noàltri fémo.
GLI OPERAI ESCONO.
SCENA DICIANNOVESIMA
Tomba di Giulietta
PERSONAGGI: Secapari, Giulietta, Mercuzio, Tebaldo, Paride, servitore
MERCUZIO, TEBALDO E GIULIETTA ENTRANO E SI DISTENDONO.
NELLE TOMBE. GELMO ENTRA IN SCENA E SI METTE IN UN ANGOLO.
ENTRA IN SCENA PARIDE CON UN SERVITORE.

36
PARIDE: (nella finzione scenica)
Morosa in eterno e mai più spósa,
mi qua són vegnùo portando 'na rosa,
ma sa èla sta rosa al confronto de ti
'Na miseria, ‘n gnénte, 'na robéta così.
Te te spónsi in Cél felice e beata,
insieme a Tebaldo te sì apéna nata;
e mi són qua che patìsso l'inferno,
calor no sento, l'è sempre inverno.
SCENA VENTESIMA
PERSONAGGI: Quelli della scena precedente più Romeo e Baldassarre
ENTRA ROMEO DI CORSA ASSIEME A BALDASSARRE. PARIDE SI RITIRA
IN UN ANGOLO.
ROMEO:
Giuliéta!... Giuliéta!... Dime che no l'è vera!
Dime che ancora no l'è vegnùa la to sera!
Dime ch’ el me servo gnénte l'à capìo!
Dime che in tempo mi són tornà indrìo!
PARIDE:
Sa fèto qua, ne la tomba de me morosa
Sa gh'èto da spartir co’ sto buto de rosa
Fóra dai pié, delinquente, assassìn!
Gira al largo e no andàrghe vissìn.
ROMEO:
Tasi, Paride, che no l'è el momento,
gnanca te lo imàgini quel che mi sento.
Staghe lontan, de ti no l'è gnénte!
PARIDE:
E alóra són costréto a cavàrtela da la mente.
I DUE SI BATTONO.
SERVITORE DI PARIDE :
Aiuto!... Aiuto!... Aiuto!... Sti qua i se fà mal!
Córo da le guardie più svelto de 'n cavàl.
IL SERVITORE ESCE.
SCENA VENTUNESIMA
PERSONAGGI: quelli della scena precedente, tranne Il servitore di Paride.
AMLETO COLPISCE PARIDE CHE CADE A TERRA MORTO, MA QUESTO
FINISCE SU UNA PIETRA FACENDOSI MALE. SI RIALZA SUBITO
DOLORANTE.
PARIDE (nella realtà):
Pòrca miseria! Che bòta che ò ciapà,
ò sbatù su 'na piéra, me són mèso sassinà.

37
SECAPARI:
Èco… La séna più bèla el m'à sassinà;
altro che ‘n atór, te sì ‘n desgrassià!
PARIDE: (fuori dalla finzione scenica)
Pian co’ le parole, Gelmo Secapàri,
a métarme ‘n tapéto adesso te impari.
Mi són 'n atór de quei rispetàdi
e qua, ogni òlta, se finìsse strapassàdi.
GIULIETTA FA UN ALTRO STARNUTO.
SECAPARI:
E questa, par zónta, la g'à el rafredór…
Mi qua, co’ sti mussi, perdo l'onor.
TEBALDO, STESO NEL SEPOLCRO, SOLLEVA LA TESTA.
TEBALDO: (fuori dalla finzione scenica)):
Èla ancora lónga sta bèla sonàda
Vardè che g'ò prèssia de finir la giornàda.
Mi són qua fermo come 'n scopetón,
me s'à informigà parfìn el deolón;
ma se voàltri ve metì lì a bagolàr,
mi, da sto tàolo, me posso alsàr.
MERCUZIO: (fuori dalla finzione scenica):
Morto són mi, ma solo par finta,
adesso me also e ve mostro la grinta.
ROMEO SI AVVICINA A GIULIETTA E LE CINGE LA VITA CON UN
BRACCIO.
ROMEO: (fuori dalla finzione scenica)
G'ò da ciamàrte Rita o Giuliéta
Quanto bèlo che l'è tegnérte stréta!
A mi te me piàsi, me vuto sposàr
Són Toni Panséchi, 'n òmo da maridàr.
GIULIETTA:
Toni Panséchi, mi rossa devènto,
le bampe in fàcia mi adesso me sento.
Anca ti te me piàsi, te sì ‘n bel fiól,
dame sto baso, se l'è quel che te vól.
ROMEO E GIULIETTA SI BACIANO.
SCENA VENTIDUESIMA
Personaggi: Quelli della scena precedente più Frate Lorenzo.
ENTRA FRATE LORENZO.

38
FRATE LORENZO (nella finzione scenica):
Ècome qua, són el mèio dei frati,
no fasso ciàcole ma solo fati:
co’ erbéte speciali preparo pastròci,
finti veleni e cure par i òci.
Fuori dalla finzione scenica
Ma sa èlo che sucéde La storia èla cambià
Qua tróvo Giuliéta svéia e sponsà….
Tebaldo vivo e Mercùssio anca....
SECAPARI:
Sto mese no ciapè gnanca 'na palanca.
MERCUZIO: (fuori dalla finzione scenica):
Eh! Mama mia! Sa gh'è da rabiàrse
Qua no se pól gnanca sponsàrse
Va ben! Va ben! Se torna a recitar,
basta che ti te la finìssi de sigàr.
TUTTI SI RIMETTONO AI LORO POSTI, FRATE LORENZO E
BALDASSARRE ESCONO.
SCENA VENTITREESIMA
PERSONAGGI: Tebaldo. Mercuzio, Baldassarre, Giulietta e Romeo
ROMEO:
Se la morte la crede de avérte portà via,
de avérte robàda par farghe compagnia,
de grosso la se sbàlia, cara Giuliéta,
mi vègno con ti par tegnérte stréta.
Caro velén, fa ben el to dover,
cópeme subito, fame sto piasér.
ROMEO BEVE IL VELENO E MUORE.
SCENA VENTIQUATTRESIMA
Personaggi: quelli della scena precedente, più Frate Lorenzo
ARRIVA FRATE LORENZO.
FRATE LORENZO:
Ècome qua, són el mèio dei frati,
no fasso ciàcole ma solo fati;
con erbéte speciali preparo pastròci,
finti veleni e cure par i òci.
Vede gli altri due cadaveri
Maria de oro! Sa èlo che è sucèsso
Gh'è morti da póco e morti da 'n pèsso;
Paride de spada e Romeo de velén
e questa la se svéia, ci èlo che la tien
Mèio saréa che par sempre la dormìsse,
par tuta la so vita Giuliéta la patìsse.
GIULIETTA SI SVEGLIA

39
GIULIETTA:
Dove sónti Sa fasso Sa sucéde
Qua gh'è scuro e gnénte se vede.
Sento 'n odor ch’ el no g'à gnénte de bòn,
e sì che gh'è fiori in ogni cantón….
Són ne la tomba, me lo són ricordà,
adesso Romeo da mi el rivarà.
FRATE LORENZO:
Ècome qua, són el pèso dei frati,
fasso ciàcole e massa fati.
No riva nissùni, cara Giuliéta,
sta òlta la sorte l'è stà maledéta:
qua, par tèra, ò trovà el to spóso,
ormai za lontan da sto mondo schifoso.
El velén l'à beù credéndote morta
e qua, a la vita, el g'à seràdo la porta.
E lì gh'è Paride, morto sbusà,
prima de morir, Romeo l'à sfidà.
GIULIETTA:
Romeo!... Romeo!... Rispóndeme, par piasér!
De vìvar con mi te g'avéi el dovér.
Subito, con ti, mi adesso vègno
e intanto qua piànso, sènsa ritegno.
Andóe èlo el velén Dàmene anca a mi!
Spóso egoista, te l'è beù tuto ti.
Dame el pugnàl, andóe èlo che l'è
GIULIETTA PRENDE IL PUGNALE.
FRATE LORENZO:
Férmete Giuliéta, ‘n pecàto te fè!
GIULIETTA:
Più no l'è vita sènsa el me amor,
mi, co’ sta pónta, me sbuso el cór.
GIULIETTA SI PIANTA IL PUGNALE NEL PETTO.
FRATE LORENZO:
Ferma! Ferma!... Ormai l'è andà;
Destìn maledéto! Mondo malcunà.
SCENA VENTICINQUESIMA
Personaggi: tutti i personaggi della scena precedente più il servitore di Paride e le
guardie.
ARRIVANO LE GUARDIE, BALDASSARRE SI NASCONDE.
GUARDIA 1:
Fermi tuti che ve méto in galera!
FRATE LORENZO:

Più fermi de così! Iè sténchi par tèra!
40
GUARDIA 1: (parlando del servitore di Paride)
Qua, guardie, questo lo arestémo,
par i complici trovar, intorno rumémo.
UNA GUARDIA TRASCINA VIA IL SERVITORE DI PARIDE. UN’ALTRA
GUARDIA, FRUGANDO, TOCCA TEBALDO.
TEBALDO (fuori dalla finzione scenica):
Pòrca miseria! Le gatarìssole el me fà,
se a rìdar me méto, me tróvo licensià.
LA GUARDIA TOCCA ANCHE MERCUZIO.
MERCUZIO: (fuori dalla finzione scenica)
Sa g'àlo da tocàr, sto fiól de 'n can,
i zughi de man iè zughi da vilàn.
SCENA VENTISEIESIMA
Personaggi:quelli della scena precedente, un’altra guardia, Baldassarre.
ENTRA UNA GUARDIA CON BALDASSARRE.
GUARDIA 2 (nella finzione scenica):
Scónto in cimitero mi questo ò trovà,
sens'altro qualchedùn anca lu l'à copà.
BALDASSARRE:
Ma cosa dìsito Mi són ‘n servitór,
co’ Romeo són vegnùdo...Miseria che odór!
GUARDIA 3:
Ma questa l'è calda, l'è morta da póco
e qua la se tróva da du giorni e ‘n tòco.
Sóto gh'è 'n mistero, qualcosa de intrigà,
çèrto che sta fióla l’éra proprio sfigà.
Dó òlte l'è morta e una la bastàva,
bèla l'éra e la vita la se le basàva.
GUARDIA 1:
Ciamè el Principe, i Montéchi, i Capuleti
e tegnì a la larga curiosi e buteléti.
Ci sito ti da frate vestìo
Ti te iè copè, par conto mio.
FRATE LORENZO:
Ècome qua, són el mèio dei frati,
no fasso ciàcole ma solo fati:
Con erbéte speciali preparo pastròci,
finti veleni e cure par i òci.
SCENA VENTISETTESIMA
Persomaggi: Quelli della scena precedente più il Principe con il seguito

ENTRA IL PRINCIPE CON IL SEGUITO.
41
PRINCIPE:
Cosa è sucèsso a sta ora de la nòte
Qua ghe ne sucéde de crue e de còte !
Uno dei morti l'è Paride, me neódo,
par questo piànso e par l'altro me gòdo.
E Giuliéta, come mai l'è insanguinà
L'è morta par el velén e nò copà.
GUARDIA 1:
L'è ancora calda, apéna morta,
sucéde robe de ogni sorta.
SCENA VENTOTTESIMA
Personaggi: quelli della scena precedente più Messere Capuleti, donna Capuleti,
Messere Montecchi
ARRIVANO I CAPULETI E IL VECCHIO MONTECCHI.
MESSERE CAPULETI:
Sa èlo che sucéde e che Verona l'à sveià
In òlta ò sentìo dir de Paride copà
e de Romeo i cónta la stessa roba…
Par védar tuto questo ò fato la gòba
PRINCIPE:
E vostra fióla l'è morta dò òlte...
FRATE LORENZO:
Parché sì persone, persone stolte!
L'odio vostro l'à copà sti butèi,
i era zóeni, sióri e anca bei.
Giuliéta e Romeo mi i avéa sposàdi,
de scondón de voàltri, ne la testa malàdi.
Altro no ve conto, no ve lo meritè,
tuti sti zóeni, voàltri i avì copè.
PAUSA DI SILENZIO, TUTTI MEDITANO.
MESSERE CAPULETI:
Vècio Montéchi, démosse la man,
ormai sémo vèci e caminémo pian pian;
fémo insieme la strada che ne resta,
disegnémo insieme pesta dopo pesta.
MESSERE MONTECCHI:
'Na statua ghe farò a la vostra fioléta,
tuti i se ricordarà de la bèla Giuliéta.
MESSERE CAPULETI:
A Romeo el pensarà ogni òmo inamorà...
PRINCIPE:

E insieme i morosi sti du zóeni i pregarà.
42
GIULIETTA E ROMEO SI ALZANO DA TERRA.
GIULIETTA (fuori dalla finzione scenica)
A noàltri no ne piàse ste storie de morti
e così sémo vivi, qua adesso risorti.
El nome no importa e ci sémo gnanca,
par èssar Giuliéta gnénte me manca:
g'ò el so vestito, l'amor ch’ el la scaldàva,
che a l'òmo suo éla la ghe dava.
ROMEO: (fuori dalla finzione scenica)
Che sia Toni o Romeo importànsa no g'à,
mi, de sta dòna me són inamorà.
Ànema mia, mi te porto a l'altàr....
SECAPARI:
Èco come se pól 'na tragedia sassinàr.
EPILOGO
SECAPARI:
La dorme Verona co’ le colìne par foréta
e l’Àdese, silensióso, el se la tièn ben stréta;
el la caréssa pian pian par paura che la se svéia;
la se sente protèta anca ogni faméia.
Le canta le fontane ‘na cansón che no desmìssia;
‘n ràio de luna, tra i sbaci, el sbrissia.
Tra i brassi del so òmo dorme la spósa;
drénto al so buto, se colora la prima rosa.
La dorme Verona con tuta la so storia,
i vèci muri i ghe tien viva la memoria.
Svéio l’è el poeta e co’ l’ànema el vede,
dopo l’ultimo verso el so òcio el cede.
‘Na fresca ariéta la sòra le dure piére;
vien da ‘n convento ‘n mormorar de preghiere….
Tuta sta storia mi in rìdar l’ò butà,
ma, tra tante righe, gh’è ‘na bruta realtà.
In sto mondo de òmeni se piànse za massa,
par ‘na òlta lassémo che la gente la sganàssa.
Gh’è ci dise che la me storia no l’è vera,
són ‘n pòro scritór, ma la péna l’è sincera:
no serve i fati par presentar la verità,
basta ‘n sentimento che qualchedùn à proà.
Sempre l’amor el vinse su la discordia,
sènsa bóni sentimenti, no la val la memoria.
Se se impenìsse le bóche de bèle parole,
ma le àneme che ama le resta sole.
Se vól vìnsar la violènsa co’ la violènsa,
e così, de l’odio, mai la móre la soménsa.
Se se nutre de discordie tra persona e persona,
le spale del prepotente le scónde la gente bòna.
La fòrsa del farabùto la sòfega el giusto,
in póchi i conósse del vero amor el gusto.

Montéchi e Capuleti ià pagà co’ dei luti….
quanti morti gh’è stà su sta Tèra de tuti
Sa ghe vól ancora par l’odio copàr
Scrivarò ancora, no me posso rassegnar.
43

suca: zucca, testa.
spónsa: riposa.
Adese: Adige.
bigónsa: tasca.
i se ména: vanno in giro.
òlta: volta.
sentàdo: seduto.
intòrcola: attorcigliano.
pontesèi: poggioli.
sgrendenóni: spettinati.
bombolóni: tipo di frittelle.
falìve: fiocchi di neve.
cóa: coda.
scónti: nascosti.
rosàrie: favole.
ósse: voce.
scuna: culla (verbo).
récie: orecchie.
scano: ripiano sul quale si lavavano i panni.
ninsói: lenzuola.
mói: bagnati.
rumàndo: frugando.
slusór: luccichio.
impìssa: accende.
speciàdo: specchiato.
gnénte: niente.
me rampégo: mi arrampico.
taso: taccio.
ganàssa: guancia.
udo: vuoto (verbo).
fiói: figli; in questo caso ha il significato di bambini.
i siga: urlano.
bòcolo: bocciolo di fiore.
butèla: ragazza.
zóeno: giovane.
gnanca: neanche.
almànco: almeno.
smarsi: marci.
can da l’ua: modo di dire.
móro: muoio.
patòco: in via di putrefazione.
compare: testimone di nozze.
siór: signor, signore (davanti al nome o al vocativo).
sito: sei (verbo, nelle frasi interrogative).
nó i se reména: non si dimenano.
te te mói: ti muovi.
te sassìni: rovini.
vègno: vengo.
te te ciàmi: ti chiami.
desméntega: dimentica.
vóio: voglio.
móio: bagnato.
copàdo: ammazzato.
el faséa: faceva.
buso: buco.
44

déo: dito.
ciàpo: prendo.
te digo: ti dico.
neódo: nipote.
slise: lise.
nó se pól: non si può.
vegnù: venuto.
tième: tienimi.
giochi di bambini.
puéta: bambolina.
proàr: provare.
butìna: bambina.
sangiotàr: singhiozzare.
sughémo: asciughiamo.
dedrìo: dietro.
parla a piàn: parla sottovoce.
de scondón: di nascosto.
savémo: sappiamo.
ne le strépole sémo: siamo nei guai.
savùo: saputo.
vago: vado.
vespàr: vespaio.
schèi: soldi.
massa: troppo.
nó ghe vól: non ci vuole.
buteléto: bambino, ragazzino.
te pól: puoi.
nó te laóri: non lavori.
fasso: faccio.
po’: poi.
mèio: migliore.
ciàcole: chiacchiere.
pastròci: pasticci nel significato di pastoni.
òci: occhi.
te stè: stai.
te béi: bevi.
stùpete: tappati.
varda: guarda.
suta: asciutta.
te te spónsi: ti riposi.
assè: molto.
s-ciàri: rischiari.
volarìa: vorrei.
s-ciòpa: scoppia.
raìse: radici.
me tàio: mi taglio.
te sì: sei.
du: due.
sa gh’èto: cos’hai.
cavéi: capelli.
lòdola: allodola.
rossignòl: usignolo.
indormensè: addormentati.
brassi: braccia.
piassè: di più.
45

mi stago: io sto.
me stòfego: mi soffoco.
nar: andare.
i me brusa: mi bruciano.
nó piànsar: non piangere.
fógo: fuoco.
diàoli scadenè: diavoli scatenati.
nó podéito: non potevi.
sentemosse: sediamoci.
sèto: sai (nelle frasi interrogative).
siór: ricco.
càvetelo: levatelo.
zòbia: giovedì.
maridòsso: matrimonio.
luni: lunedì.
ancó: oggi.
vième: venimi.
béo: bevo.
çiéra: incarnato.
stó ciassàr: questo chiasso.
impenìrlo: riempirlo.
el pàr: sembra.
beù: bevuto.
da ‘n pèsso: da tanto tempo.
fasìla: fatela.
piansòti: piagnoni.
césa: chiesa.
stranudàr: starnutire.
sónti: sono (nelle frasi interrogative).
spampanàdi: sparsi.
se magna: si mangia.
s-ciòpa: scoppia.
sa fèto: cosa fai (nelle frasi interrogative).
sa gh’èto: che cos’hai (nelle frasi interrogative).
par zónta: in aggiunta.
mussi: asini.
prèssia: fretta.
scopetón: aringa maschio sotto sale.
deolón: alluce.
bagolàr: chiacchierare.
bampe: fiamme.
nó ciapé: non prendete.
el pèso: il peggiore.
sténchi: stecchiti.
gatarìssole: solletico.
un tòco: un pezzo.
46