versione pdf - Sardegna DigitalLibrary

© Domus de Janas
Zoseppe Moro:
S’aère tentu sorte
ISBN 88-88569-14-6
Seconda edizione maggio 2004
Realizzazione editoriale:
Domus de Janas
Via Monte Bianco, 54
09047 - Su Planu - Selargius
tel. 070 5435098 fax 070 5434105
www.domusdejanaseditore.com
e-mail: domusdejanaseditore@tiscali.it
Realizzazione grafica di copertina:
Supporti Visivi
Impaginazione
Raimondo Pinna
Stampa e legatura
Grafiche Ghiani, Monastir - Cagliari

ANNOTU DE IMPRENTA
Amus lassadu sa grafia de sas poesias tale e cale l’aia seberada
tiu Peppe Moro. B’amus postu ebbìa calchi puntu frimu in
pius, pro rèndere de mezus cumpresa sa sustantzia de sa poesia.
Gasi matessi amus operadu pro sas virgulitas. S’ùnicu
jambu est istadu cando amus agatadu calchi farta jara de batidura.
5

FULGIDU ASTRU DE SA POESIA
... Fulgidu astru de sa poesia
meda bi fit da issu d’imparare
rettu probu cittadinu esemplare
pro condutta onestade e cortesia…
Sa boghe seria e solenne de tziu Epeddu Corrias, intonende in
s’origra e in su coro, nos at contadu de tziu Zosepe Moro
…Nois provende a fagher su tenore, alfabeticamente cantavamus,
afetuosos versos de amore …gustende sa dultzura de sa
musa.
Si de pessone no l’amus connotu nos nch’est abarradu custu
amentu iscritu in mùsica, ca su versu de sa poesia nostra est
mùsica e non morit mai, finas a cando b’at zente chi la ”sonat”.
Medas pitzinnos orgolesos ant connotu a Zosepe Moro pro sa
prima borta, ascurtende su tenore ”Coro d’Orgosolo” e su ”Tenore
Supramonte”. A pustis ant ischidu chi medas de sas poesias
cantadas dae su tenore orgolesu fiant iscritas dae Zosepe
Moro. In sos annos ’50 e ’60, difatis, in Orgòsolo si cantaiant
mescamente sas poesias suas. E cun su cantu s’est mantesa e
est arribada finas a oe sa fama de cussu chi in Orgòsolo est
connotu e carculadu comente ”su poeta”. Poeta paragonadu a
sos mannos sardos: ”Pauliccu Peppinu e Melchioro/sun in sas
portas de su paradisu/pro onoraren a Zoseppe Moro” (Cosomo
Mercurio). E galu: ”Macumere at piantu a Merchioro/ch’isventuradu
in d’unu pont’est ruttu/sos bonorvesos
piantu an de coro/de Pauliccu su destinu bruttu./Sos tonaresos
pro Mereu insoro/an lacrimadu e piant’a succuttu/e Orgosolo
pro Zoseppe Moro/si podet ponner su matess’in luttu” (Antoni
Zobbo).
7

Sas poesias de Zosepe Moro, poesias de bundu chi finas a como,
a dolu mannu, nemos aiat pessadu de lis ponner manu pro
lu fagher connoscher a totus, faeddant de medas temas: de s’amore,
de sa polìtica, de su connotu, de sos balores de una comunidade,
de su traballu e de temas sotziales. Cun sas poesias
de Zosepe Moro s’imparant sos ideales polìticos, sos bonos
sentidos e sa manera de si cumportare.
Istudiare e connoscher sa poesia de Zosepe Moro cheret narrer
duncas a cumprender sos sentidos e sas intrannas de sa
zente de Orgosolo e sos costùmenes suos.
Su sotziu Murales est minore de annos e de ischires ma at sa
passione de esser unu sotziu culturale, finas bidende su pesu
chi ant cussas allegas. Su sotziu est s’arte de si pesare paris,
dendesi cara s’unu cun s’àteru; culturale benit dae s’allega latina
”colere” chi cheret narrer cultivare. Su de si fagher a sotziu
est una manera de cultivare sa pessone, chi petzi pesendesi
cun sos àteros si faghet a òmine. Gasi nos paret chi sas duas
allegas zungant bene paris, e domadas fagant unu bellu zuvu.
Pessende a custas cosas non nch’est bènnidu a conca chi Zosepe
Moro aiat fundadu cun àteros orgolesos unu sotziu pro
cultivare sa terra in bidda nostra.
Forsis su sotziu non b’at duradu meda … ma cussa preposada
la credimus galu oe de balore. Nois puru proamus a sotziu a
cultivare sa terra orgolesa arèndela inue est isserrada pro chi
l’intret s’aera, s’aba e su sèmene, isseberende sos sèmenes bonos
chi amus connotu, faghende s’incunza e boghende sa parte
a totus.
Àteros sòtzios b’at in custa bidda chi dae tantos annos arant e
sèmenant sena timer traballu o annada mala, onzi unu in su
campu suo. Nois ”collimus” vestes e armonias de s’idioma nostru
orgolesu pro las partzire cun totu su mundu. E custu cherimus
fagher cun sa regolta de sas poesias de Zosepe Moro chi
8

ant unu balore mannu, siat sotziale siat culturale pro s’identidade
orgolesa.
Custu traballu resessit forsis a ponner in mente a su chi ant
iscritu Cosomo Mercurio:”Pro sas gentiles poesias bellas/su
numen caru de Zoseppe Moro/ imperituru det restare iscrittu”,
e Zulianu Corrias: ”tue populu cun sa fede sana/omaggiu rende
a sa sua memoria”.
Associazione Culturale
”Murales” Orgosolo
9

BIOGRAFIA
Zosepe Moro fiat fizu de Pedru, porcarzu in Fundales e in Supramonte,
e finas cassadore famadu de mugrones e de sirvones,
e de Maria Podda, massaja.
Fiat nàschidu in Orgòsolo s’8 de frearzu de su 1908, su de tres
de 7 fizos e est mortu de tumore su 12 de maju de su 1958.
Su frade prus mannu, Zuanne, est mortu de broncopolmonite
a 18 annos, in su 1919, cando fiat istudente in su Litzèu de Tàtari,
dassende·los in su disconsolu, ca cun issu si nche fiat pèrdidu
s’isperu de unu mezoru de sa cunditzione econòmica e
sotziale de totu sa famìlia.
Sa sorre, Caterina, est morta pagos annos in fatu, e narant chi
siat morta de crebacoro a pustis de sa morte de Zuanne.
Sos àteros frades, Antoni, Zosepe e Bore, finas si podiant tenner
disponimentu pro s’istudiu, non sunt pòdidos andare a sas
iscolas superiores ca su babu non bi la faghiat a lis pagare sos
istùdios.
De fagher istudiare sas sorres Caterina, Nania e Maria non si
l’ant mancu postu in conca, si cunsideramus sas ideas e sas
cunditziones sotziales de una famìlia povera de Orgòsolo a sos
primos de su noighentos.
In prus, a cumintzu de sos annos ’20, est morta sa mama e su
babu s’est torradu a cojuare cun una connada baghjana. Comente
chi no esseret bastadu, a primos de sos annos ’50, Maria,
sa sorre, s’est morta, e Zosepe nd’at tentu unu dolore mannu
chi no nche l’est passadu mai.
S’ùnica chi s’agatat galu de sa familìa est Nania Moro, chi at
còmpridu 90 annos.
Zosepe Moro at fatu su pastore cun su babu e cun sos frades,
su massaju e, in sos ùrtimos annos, s’operaju cun s’impresa
chi at abertu s’istradone provintziale Orgòsolo – Montes.
11

Est istadu eletu cussizeri comunale de Orgòsolo in sa lista
”Sardegna con due spighe” sìmbulu presentadu a sas eletziones
aministrativas dae sos partidos de su ”Fronte popolare”
(PCI e PSI) e est istadu unu de sos protagonistas de sas batallas
de sos massajos pro s’ocupatzione de sas terras a pustis de
sa segunda gherra.
Est istadu unu de sos chi at fundadu sa prima cooperativa de
maniales e massajos, in ue est istadu presidente, est pintadu in
una de sas pagas fotografias chi b’at abarradu, cando faeddat
in subra de su tratore tzinguladu de sa cooperativa, cando l’ant
beneìtu. Su nùmene fiat ”Amigu de totus”.
In zoventude e finas a mannu, finas si aiat frecuentadu sa cuarta
elementare ebia, s’est dedicadu, a sa sola, a istudiare sa poesia
sarda e italiana (connoschiat a memòria su prus de sa ”Divina
Commedia”, de ”L’Orlando Furioso” e de ”La Gerusalemme
Liberata”) e a iscrier poesias.
At a poder ispantare, ma sa formatzione culturale sua est istada
azuada dae sa galera, in ue est abarradu pagu prus o mancu
pro un’annu.
Est istadu cundennadu, difatis, ca l’aint incurpadu de aer proadu
deralliare su trenu Nùgoro-Macumere a curtzu a su Pradu
de Nùgoro, cando faghiat su pastore (issu as semper naradu
chi fiat innotzente e chi no aiat chertu acusare a chie teniat sa
neghe).
S’atividade poètica sua la faghiat siat ”in mesa” (iscriìat in onzi
tretu e cantu de pabiru chi agataiat, su prus a lapis, dae su librete
de traballu a sos cartulàrios de sos fizos) e siat ”in pratza”,
sighende sas garas poèticas e cantende cun sos amigos in onzi
ocasione.
Su 3 de ghennarzu de su 1953, in Orgòsolo aiant fatu una festa
manna pro sas paghes, in ue isse aiat cantadu una groba
paris cun s’amigu e ”collega” Antoni Zobbo (Devaddis), in di-
12

eta pro ”radio Sardegna”. Si fiat cojuadu cun una ghermana,
Maria Gratzia Pira, chi oe tenet 82 annos, at tentu 10 fizos, chi
8 s’agatant galu como.
In s’ùrtima carta de identidade, b’at custa descritzione de s’aspetu
fìsicu e de s’istadu tzivile e anàgraficu suo:
coniugato con Pira Maria Grazia, statura m. 1,65, corporatura
media, capelli castani, fronte regolare, occhi castani,
naso e bocca regolari, barba e baffi rasi, colorito bruno, cicatrice
al mento.
13

POESIA E CÀNTIGU
Contat sa pitzinnia colada in su sartu orgolesu, ispantu de ojos
e de coro: sos annos de sos primos bisos in tempos mùrinos de
poberesa ma finas lùghidos de ispera, sos annos de sas primas
proas de virtude parende fronte a ierros longos e tostos in s’isetu
de sorrìere in beranu, a bortas, si no si bi poniat astraore
a distempus.
In custu cumprou de intragna chi mediat de fronte a sos mannos
abilidade e agguantu de sos pitzinnos, sa catza fut unu de
sos impignos pius de bundu, disizadu e timidu in su matessi
tempus: disizadu pro su gosu chi daiat cando si congruiat in
bonu, timidu pro comente si podiat cumpàrrere a sos ojos de
sos mannos, si b’aiat àpidu farta de oju o de manu.
Custa pitzinnia bundaiat de fàdigu e bisiones, unu patimentu e
unu gosu, raridade a s’aunire umpare in s’andera de sas dies e
de sas istajones, in calesisiat logu de su mundu. Ma in su sartu
-e in sa ’idda- de Orgosolo podiat cumbinare custu puru, pro
istrina de sa sorte e de su donu ’e natura.
Si cantaiat meda, tando, finas pro ismentigare sa néula de sa
tristura. E Peppe Moro fut unu de sos chi ischian dare mezus
vida a su versu chi fioriat a bolu in sas disputas de sas tropas,
orgolesas e furisteras. Abilidade riconnota e contada a bàntidu.
Chi tiu Peppe Moro fut unu poeta nodidu in mesu ’e totu
sos àteros l’ischiamus nois puru, in cussos annos, sos dischentes
de mastra Madalena e de sas àteras mastras, cumpanzos e
amigos de su fizu Juanne.
Sa passione sua fut propiamente cussa, su contivizu de su versu
chi naschet in camineras de mistériu, peràula e sonu totu ind-una:
no bi podet àere peràula chene sonu ne sonu chene peràula.
Un’ateruna àndala pro si distìnghere in sas virtudes de
mezus bundu de un’òmine: ponner aficu a su trabagliu, medi-
15

e sos faeddos, andare a caddu e a catza, cantare in poesia o a
tenore.
A domare sa peràula bi cheret amore e talentu, podere e agguantu:
un’abilidade chi si podet assimizare azigu a sa domadura
de sos puddedros ma est pius mala a afinigare e no b’at
seguresa de la poder cumprire mai in totu a primore. Cumandat
semper issa: nd’ischit pius de nois e si sutamit a sa passione
ebbia, che una fèmina innamorada.
Peppe Moro resessit a la domare a dovere, chi no iscàdriet ne
trambuchet e non si peset chene cabu a cadramissas a disora,
custa peràula chi naschet che-i sos bisos dae sa profundidade
de su coro e s’intregat a sas laras de su cristianu a prodùere
istriores in chie l’intendet.
Li resultaiat a deghile finas in aparitzos malos a cumprire, comente
resessian cun sos puddedros Jubannantoni e Frantziscu
Buesca, Peppeddu Bassu, sos frades e fradiles suos, cun àteros
domadores e bardieris orgolesos de su tempus de su poeta nostru.
No l’ispantaiat nemmancu su versu a retroga, impitadu
dae sos cantadores in sas modas e dae sos poetas de meledu in
disputas finas pius trobojadas de trintases, barantanoe, simples
o fioridos chi esseren:
Si as bera idea de mi amare
crede e ispera, turturella mea.-
Si as de mi amare bera idea,
o turturella mea, crede e ispera.-
Si as de mi amare idea bera
crede e ispera, mea turturella.
A los fagher furriare in custa manera, sos versos ponen mente
ebbia a chie los ischit manizare:
16

E meda pius d’eris, cras e oe
mi feris ca de amore bintu m’as.-
E meda pius d’eris, oe e cras
ca de amore bintu m’as mi feris.-
E meda pius d’oe, cras e eris
mi feris de amore ca m’as bintu.
E in manera tale mi as cumbintu
de no mi relatare cun nessunu.
Ma sa naturalesa e su poderìu de jogare cun su versu s’illughentan
e lampizan mezus puru in sas sestinas de setenarios e
endecasillabos de su cuntrastu tra unu babbu e una fiza: inoghe
sa poesia ruet che abba ’e funtana in su sonu e in su faeddu:
Babbu
Pensa chi sa richesa
est semper sa chi faghet e disfaghet.
No mires sa bellesa
ca benit die chi ti dispiaghet
pro ca sa simpatia
frastimas cando ses a penitia.
Fiza
Cando b’at simpatia
paren consolos sos dolores mannos
ca sa bona armonia
mudat in cuntentesa sos afannos
ma si no b’at istima
passas sa vida frastima-frastima.
Sa matessi cosa cumbinat in sas undighinas tra babbu e fizu,
inue s’impitu de custa istrofa imbentada duos séculos innanti
17

’e oe dae unu poeta patadesu, Limbudu, e aparitzada a manera
de si bi poder apentare a discansu finas pro sa musicalidade
de s’andanta, faghet a bìdere chene dudas comente sos versos
de tiu Peppe cumprobben cun su càntigu. E duncas comente
si potan cantare finas a tenore.
Su limbazu chi isse sèberat est su logudoresu chi aiat imparadu
in sos primos annos iscultende sos cantadores in piata, cantende
isse matessi cun sos cumpanzos suos, orgolesos e istranzos,
istudiende sos poetas de meledu pius famados: Peppinu
Mereu, si podet dare, pius de sos àteros, ca pius de sos àteros
li podiat esser frade de coro e de mente. Ma in custa limba literaria
intrat, che abba lena sighida subra sa terra modde, sa
sienda de sos assimizos e modos de narrer de Orgosolo. Limba
chi deghet finas a sos imparos de amistade e de bonu tratamentu,
in sa cussentzia de sos males de su mundu e de sas trassas
de sa zente abbramida de materialidade, chi chirrat sos
òmines in benassortados e malefadados. Sorte aeret tentu, abberu,
cust’òmine de bonu sentidu innamoradu de sa poesia
consoladora, in sos anneos de sa vida.
Paulu Pillonca
18

Poesias

S’aère tentu sorte
S’ALFABETICU
Amadu e veneradu Creadore,
aggiuda unu poeta pagu iscetticu
a cumponner in ordine alfabeticu
affettuosos versos de amore.
Achistadu no apo estru poeticu,
appòsitu Ti giamo a protettore:
assistimi Ti prego a supplicare
a sa chi no si dignat de m’amare.
Autore no so de poesia,
appena appena rimo sas ottadas.
Apprèndelas però, diletta mia,
a tie est chi las apo dedicadas
alfabeticamente cumpiladas
alavende sa tua simpatia.
Anghela, las cuminzo in domandare:
a ite no ti dignas de m’amare
Beneditta e dicciosa creatura,
beni como a mi dare unu cunfortu:
bides chi so in ansia e in tristura
bramende e sena tenner accunortu.
Bene meu, ti giuro, so resortu
biver cun tegus o in sepoltura:
biu però no poto prus istare,
bella, si no ti dignas de m’amare.
Creadore supremu e dominante
celebre de bellesa at fattu a tie.
Columba, eo t’adoro notte e die
cant’amesit Ruggero a Bradamante:
carignu cando fagher dês a mie,
cara, si no m’azzettas pro amante
Coment’eo ap’a poder respirare,
coro, si no ti dignas de m’amare
21

Zoseppe Moro
Deus chin su podere immensu sou
de tene s’est servidu pro modellu.
Divinamente t’at formadu a prou
distinta ’e supraffinu bisu bellu:
Difattis est su summu trattu tou
difficultade a s’umanu pennellu.
Dina però ti torro a dimandare:
Da ite no ti dignas de m’amare
Elena fit s’iscettru e-i s’insigna
esaltada pro amena sembianza.
Ebe fit s’esemplare in eleganza,
Ester, Armida, Angelica e Ciprigna.
E tue chi ses d’issas pius digna
eccellente sen’aer simizanza.
Eo no cesso mai ’e ti cantare
eppuru no ti dignas de m’amare.
Frizzas de s’amorosu bisu e sinu
fortemente su coro m’an passadu.
Fiamas si m’azzendene continu
furibundas in pettus agitadu.
Fidele depo istare e genuinu
forzis prus de su limite fissadu.
Felicidade no devo lograre
finas chi no ti dignas de m’amare.
Gesù Cristu padronu de s’altura
grazias t’at donadu e dignidade
gentilesa eleganza e beltade
geniu allettadore ’e biancura.
Gosu ses de s’umana gioventura
giamada ses modellu de bontade:
generosa no t’apo a nominare,
gemma, si no ti dignas de m’amare.
22

S’aère tentu sorte
Hammirabile perla preziada
haccisu de sos coros prus dicciosos
hillustrada finesa incumparada
hisolanos pro te sun orgogliosos
horganu de sos sensos amorosos
horo de ti pagare no bi nd’ada.
Helogios no cesso de ti dare
he tue no ti dignas de m’amare.
Immagine sublime e attraente
incantu de sos coros cristianos
istella luminosa e risplendente
isperanza de tottu sos mundanos
ispettende so sempr’inutilmente
isguardos de amore risulanos.
Indiferente ti cheres mustrare:
it’as chi no ti dignas de m’amare
Levante giaru de solenne isfera
lughe ghìa e ampàru de su mundu
luna chi lughes in sa patria intera
ladina pro s’aspettu chi as giocundu
lassare no mi dês si ses sincera
lamentosu che unu moribundu.
Lanza tremenda a mi suicidare
leo si no ti dignas de m’amare.
Misteriosa novella Lucina
memorabiles lodes t’ana dadu.
Mamma de sa bellesa peregrina
meraviglia d’ogn’esser animadu
mai però a mie mi as basadu
mancu ch’essère postu in disciplina.
Miserinu comente ap’a campare
Morzo si no ti dignas de m’amare.
23

Zoseppe Moro
Notoria bandera italiana,
natura est chi t’at fattu maestosa.
Nominéndeti pro esser graziosa
numerosos encomios ti dana.
Nessi pro amore ’e Deus, cristiana,
nara si ses o nono mea isposa.
No creo chi mi dês sentenziare
nende chi no ti dignas de m’amare.
Oriente de ogni traviadu
oceanu de bàlsamu pienu
onore de su mundu ses e frenu
oggettu su prus caru e apprezzadu
ojos chi sos cumpanzos cuntempladu
omine no at mai in su terrenu.
Ora no isto sena replicare:
ohi, si no ti dignas de m’amare.
Pateticu dipintu riservadu
paragone no at su Vaticanu
pittura d’un’insigne esatta manu
pernu de unu coro innamoradu
paradisu dês aer preparadu
palma, cando ti giamat su Sovranu.
Prima però d’andares a gosare
proite no ti dignas de m’amare
Quadru lineadu cun primore
quotidianamente veneradu
quadernos ap’eo impiegadu
qualifichende su tou balore.
Quale inimigu mi lassas turbadu
quasi che unu indignu de amore.
Quantu duro devo suspirare
quindi, si no ti dignas de m’amare.
24

S’aère tentu sorte
Ritrattu su prus bellu e suntuosu
rara prenda ses tue calculada.
Ricumpensare podes un’isposu
ricambiende s’amore chi t’ada.
Rosa, a mi dare no ti ses dignada
rie-rie un’abbrazzu affettuosu.
Risentidu in profundu meditare
resto si no ti dignas de m’amare.
Santos no cesso de pregare a Deu
semper pro dare lodes pius a tie.
Serafinos cun gosu sun inie,
suplican a ti dare onzi recreu.
Suave ànima pura e sena neu,
suffrire no mi lesses de gasie.
Subitànea morte ap’a pregare
si tue no ti dignas de m’amare.
Trinidade est ch’in te at sistemadu
tantu perfettos sos lineamentos.
Turturella, a mie mi as privadu
talentu, forza, briu e sentimentos.
Tesoro, pro restare isconsoladu
totta sa bida in pena e patimentu
tumba profunda m’as a preparare
tue si no ti dignas de m’amare.
Universu de te est incantadu,
unigenita dea altolocada.
Umanidade no at ancora amadu
uguale ermosura delicada.
Una ’orta però no m’as mustradu
umile sorridente una mirada.
Urtimamente su meu isperare
ue est si no ti dignas de m’amare
25

Zoseppe Moro
Verginella reina de inclìtas,
vasu pienu de affezione
vigura chi sos mortos resuscìtas
visu ch’abbagliat s’umana pessone
vivente forzis prus no mi bisitas
vemmina, si no nd’as cumpassione.
Vida mia, bidéndemi ispirare
vinis si no ti dignas de m’amare.
Zaffiru brilladore orientale
zendadu t’at a fagher ornamentu.
Zente confirmat ca no ses mortale
zigantes ti costruin monumentu.
Zelu però cun megus no as tentu
zittella pro destinu o ideale.
Zittu dolente m’apo a consumare,
zòvana, si no ti dignas de m’amare.
A ite no aperis, terra dura,
una fossa profunda a m’ingullire
E gai in sinu tou at a finire
sa mea irrefrenabile isventura
già chi sa prediletta creatura
in coro no m’at chérfidu allogire
e mi lassat sas dies terminare
pro no s’esser dignada de mi amare.
Su perdonu dimando a su lettore
si est iscarsa sa cantone mia
ca pro cumponner bera poesia
bi cheret esattissimu autore
e siat pro piaghere o pro amore
iscuset puru ’e sa calligrafia
e lu saludat chin tottu su coro
s’autore e amigu Peppe Moro.
26

S’aère tentu sorte
UNU TRINTASES RETROGADU
A tie sola, columba istimada,
t’apo s’affettu in coro cunservadu:
ti bramo pro cumpagna de sa bida.
Tue ros’ammirabile e dechìda
ses pro me graziosa e adorabiletue
rosa dechìda e ammirabile
ses pro me adorabile e graziosatue
dechìda e ammirabile rosa
bives in coro meu pro cumpagna.
A tie sola, columba istimada,
t’apo s’affettu in coro cunservadu:
ti bramo de sa bida pro cumpagna.
Dolores de Siviglia fit pro Ispagna
de sos abitadores meravigliafit
pro Ispagna Dolores de Siviglia
meraviglia de sos abitadoresfit
pro Ispagna de Siviglia Dolores
che tue rosa a sos fizos d’Adamo.
A tie sola, columba istimada,
t’apo s’affettu in coro cunservadu:
pro cumpagna de sa bida ti bramo.
Ca t’apo cara, t’istimo e ti amo
sa dichiara presente ti rimoca
t’apo cara, ti amo e t’istimo
ti rimo sa presente dichiaraca
t’istimo e ti amo t’apo cara
mi desidero tou innamoradu.
27

Zoseppe Moro
A tie sola, columba istimada,
ti bramo pro cumpagna de sa bida:
s’affettu t’apo in coro cunservadu.
Cando miro su bisu delicadu
ti sorrido e nde fatt’unu sospirocando
su delicadu bisu miro
nde sospiro e ti fatt’unu sorrisucando
su delicadu miro bisu
chin s’oju amore ti pedo, tesoro.
A tie sola, columba istimada,
ti bramo pro cumpagna de sa bida:
s’affettu cunservadu t’apo in coro.
Cun custu trintases prego e imploro
de mi dare luego esitu giustuimploro
e prego cun trintases custu
esitu giustu a mi dare luegocun
custu trintases implor’e prego
de sì o no risponde, meu isettu.
A tie sola, columba istimada,
ti bramo pro cumpagna de sa bida:
in coro cunservadu t’apo affettu.
Si essere su tou predilettu
pro paghe immensa e piaghere nousi
predilettu essere su tou
pro immensa paghe e nou piagheresi
predilettu su tou essere
si bivo menzus gioia no nd’incapo.
28

S’aère tentu sorte
A tie sola, columba istimada,
ti bramo pro cumpagna de sa bida:
s’affettu cunservadu in coro t’apo.
Cuntentu in aterue no nd’azzapo
pro ca ses tue sa ch’apo in s’intentuno
nd’azzapo in aterue cuntentu
pro ca sa ch’apo in s’intentu ses tuecuntentu
no nd’azzapo in aterue,
rosa càndida, amena e dilicada.
Ti bramo pro cumpagna de sa bida:
t’apo s’affettu in coro cunservadu
a tie sola, columba istimada.
Sa penetrante benigna mirada
ti faghet prus affascinante e dignasa
penetrante mirada benigna
ti faghet pius digna e affascinantesa
mirada benigna penetrante
bivat su chi ch’est post’intro ’e sa tumba.
Ti bramo pro cumpagna de sa bida:
t’apo s’affettu in coro cunservadu
a tie sola, istimada columba.
Faghe chi de dolore no succumba
e soddisfaghe s’incessante amorefaghe
chi no succumba de dolore
e s’incessante amore soddisfaghechi
no succumba de dolore faghe
rendéndemi passivu, rusignola.
29

Zoseppe Moro
Ti bramo pro cumpagna de sa bida:
t’apo s’affettu in coro cunservadu,
istimada columba, a tie sola.
Già t’isetto, pro Deu, mi consola
néndemi: già t’azzetto, bene meumi
consola, già t’isetto, pro Deu
néndemi: bene meu, già t’azzettomi
consola, pro Deu, già t’isetto
cun tribulazione notte e die.
Ti bramo pro cumpagna de sa bida:
t’apo s’affettu in coro cunservadu,
istimada columba, sola a tie.
Pro ischire s’esseremos elegidos
già bi ch’aiat lèzzida dimanda
no essende s’una pr’àteru naschidos
pro cussu dogn’ischerzu lass’a banda.
In paga de su cantu mi che manda
nessi unu basu in punta ’e didos
e dimustras gasie a Peppe Moro
chi amore fraternu l’as in coro.
30

S’aère tentu sorte
UNU BARANTANOE RETROGADU
Columba, ca ti tenzo in pensamentu
no credas chi mi sia ismentigadu:
unu barantanoe retrogadu
t’ap’eo a imbiare pro ammentu.
M’iscusas si no soe de talentu
chene s’agiudu de sas musas noesi
de talentu m’iscusas no soe
chene s’agiudu de sas noe musassi
de talentu no soe m’iscusas
chene su de sas musas noe agiudu.
Intantu azzetta prima unu saludu,
sa moda coment’’enit dêt passare.
Columba, ca ti tenzo in pensamentu
no credas chi mi sia ismentigadu:
unu barantanoe retrogadu
pro ammentu t’ap’eo a imbiare.
Si as bera idea de mi amare
crede e ispera, o turturella measi
as de mi amare bera idea,
o turturella mea, crede e isperasi
as de mi amare idea bera
crede e ispera, mea turturella.
Ti veneren che santa in sa cappella
prus de cantu ti venero no creo.
Columba, ca ti tenzo in pensamentu
no credas chi mi sia ismentigadu:
unu barantanoe retrogadu
pro ammentu t’ap’a imbiar’eo.
31

Zoseppe Moro
Ti giuro, àtera fèmina no leo
si tue cantu duro m’amas, Ninati
giuro, no leo àtera femìna
si tue m’amas, Nina, cantu durono
leo àtera fèmina, ti giuro
si tue cantu duro, Nina, m’amas
e si chin lumen d’isposu mi giamas
so su pius felice innamoradu.
Columba, ca ti tenzo in pensamentu
no credas chi mi sia ismentigadu:
t’ap’eo a imbiare pro ammentu
unu barantanoe retrogadu.
Su biver dae tene separadu
pro mene est pena de no ti descriversu
dae tene separadu biver
pena ’e no ti descriver est pro menesu
biver separadu dae tene
est de no ti descriver pro me pena
ca sa mea delizia terrena
ses tottu tue a ischire ti doe.
Columba, ca ti tenzo in pensamentu
no credas chi mi sia ismentigadu:
t’ap’eo a imbiare pro ammentu
retrogadu unu barantanoe.
32

S’aère tentu sorte
E meda pius d’eris, cras e d’oe
mi feris ca de amore bintu m’ase
meda pius d’eris, oe e cras
ca de amore bintu m’as mi ferise
cras meda pius de oe e d’eris
mi feris de amore ca m’as bintu
e in manera tale mi as cumbintu
de no mi relatare cun nessunu.
Columba, ca ti tenzo in pensamentu
no credas chi mi sia ismentigadu:
t’ap’eo a imbiare pro ammentu
retrogadu barantanoe unu.
In domo mia cuntentos già sunu
no b’at porfia ne impedimentosin
domo mia già sunu cuntentos
no b’at impedimentos ne porfiacuntentos
già sunu in domo mia
impedimentos e porfia no b’ada
ma mi disizo, bandera istimada,
nessi de tene una fotografia.
Columba, ca ti tenzo in pensamentu
unu barantanoe retrogadu
t’ap’eo a imbiare pro ammentu:
ch’ismentigadu no credas mi sia.
33

Zoseppe Moro
Si nd’as fattu ti prego in poesia
chi su retrattu m’imbies luegosi
nd’as fattu in poesia ti prego
chi m’imbies luego su retrattuti
prego in poesia si nd’as fattu
chi su retrattu luego m’imbies
pro ca su meu puru si m’iscries
ti mando, si lu bramas e l’azzettas.
Columba, ca ti tenzo in pensamentu
unu barantanoe retrogadu
t’ap’eo a imbiare pro ammentu:
ch’ismentigadu mi sia no crettas.
Como pertenidore est su ch’isettas
dae domo pro avallu ’e s’amoresu
ch’isettas como est pertenidore
pro avallu ’e s’amore dae domopertenidore
est su ch’isettas como
dae domo ’e s’amore pro avallu
ma ’enit, ista zerta, ca in su ballu
como chi bi so eo mi trattenzo.
Unu barantanoe retrogadu
t’ap’eo a imbiare pro ammentu:
no credas chi mi sia ismentigadu,
in pensamentu, columba, ti tenzo.
Si fittivu a bisita no benzo
est ca so privu, o palma beneitasi
fittivu no benzo a bisita,
o palma beneita, est ca so privusi
a bisita no benzo fittivu
est ca so privu, o beneita palma
ma pensa chin passenzia e chin calma
chi t’amo fin’a ch’esser in sa tumba.
34

S’aère tentu sorte
Unu barantanoe retrogadu
t’ap’eo a imbiare pro ammentu:
no credas chi mi sia ismentigadu,
in pensamentu ti tenzo, columba.
Sa ’oghe tua est che sonora trumba
mi paret chi l’intend’inoghe ognorasa
’oghe tua est che trumba sonora
mi paret chi l’intend’ognora inoghetrumba
sonora est sa tua ’oghe
mi paret chi ognora inogh’intendo
ma però solamente ti pretendo
chi a mie apas in coro onzi momentu.
Unu barantanoe retrogadu
t’ap’eo a imbiare pro ammentu:
no credas chi mi sia ismentigadu,
columba, ca ti tenzo in pensamentu.
Rezzi dae s’amore ch’est lontanu
basos, abbrazzos, astrintas de manu.
35

Zoseppe Moro
DICHIARAZIONE DE AMORE
Dae tempus passadu,
amada Juannina,
t’apo ’idu passende in s’istradone.
E apo domandadu:
chie est cussa femìna
Lestramente a un’àtera pessone.
E rispondet su cale
chi fis tue sa tale
a nomen tentu cun attenzione.
E dae su momentu
mi l’ammento, ti giuro, pro annos chentu.
Ti creia nodida
pro intender sa fama
dae compare, su connadu tou.
Ma appena t’ap’’ida
d’un’amorosa brama
m’at azzesu su coro dae nou
ca de tanta beltade
nemmancu sa metade
mi nd’at distintu s’informare sou
ca sa tua figura
sanat s’agonizzante creatura.
Eo dae su die
chi t’apo cuntemplada
de gosu no nd’ap’àpidu un’istante.
Giocunda rie rie
immagine sagrada
m’apparis a sa mente delirante
e pro su parrer meu
giuro chi mancu Deu
at creadu cumpagna simizante.
Pro su meu ideale
no b’est in custu mundu s’uguale.
36

S’aère tentu sorte
Ogn’istante e dognora
d’amorosa attraenzia
restesi beramente ammachiadu:
che solenne aurora
sa nobile presenzia
illuminesit tottu su creadu.
Sen’aer mai posa
m’inserro in-d-una losa
in s’oru de su bisu delicadu
e chin modos festosos
mi creschen sos affannos amorosos.
Pro aer bidu su bisu
chi solu pro lu ’ider
mi sanat de perigulos sa morte
pro cuss’apo dezisu
cun issa de divider
coro e anima mia, bida e sorte
pro ca a notte e a die
bramo d’aer a tie
pro cara e adorabile consorte
ca pro me tue ebbia
ses su fiore de sa bida mia.
Columba, in bisione
ti bido realmente
maestosa, gentile e elegante
che reale in persone
benigna e sorridente
mustréndemi s’affettu prus costante.
Benzo in sognu azzettadu
tantu delleriadu
comente s’aman isposu e amante
chi unidos a pare
no zessan tottu bida de s’amare.
37

Zoseppe Moro
E como in sa presente
ti do, rosa istimada,
una sinzera e bona raccumanda
preghéndedi umilmente
s’est chi l’as azzettada
custa cortesa e umile dimanda
o pro manu o in posta
una pronta risposta
pro azzettares o nono mi manda
ca isetto, Juanna,
che detenutu solves o cundanna.
Amabile tesoro,
perla de diamante,
che-i su Sarvadore crozifissu
cussu vérzine coro
a un’ater’amante
pius dignu de me si l’as promissu
nàralu su matessi
ca bos prego a su nessi
bida felize a tie e a issu
e deo isventuradu
ap’a biver che unu disgrasciadu.
Send’in sa passione
de tanta commozione
bramo de t’ider mia, cara ermosa.
Finas in s’istradone
pro cumbinazione
t’ido pro me no pius generosa
ca vicinu a su ponte
as chinadu sa fronte
mustréndedi quasi birgonzosa
e gai titubante
mi paret chi ti bida dogn’istante.
38

S’aère tentu sorte
Pustis apo pensadu
e apo cuntempladu
proite ti ses gai dimustrada
e mi so lamentadu
cun su tou connadu
e forzis creo chi nadu ti l’ada
e tue a cussu pàrrere
no m’as ischidu nàrrere
mancu pro ite fias disturbada.
Pro cussu in angustia
so timende no siat culpa mia.
Sende però cumbintu
de su trattu distintu
chi pro te milli bidas dia dare
s’’ides a mie tristu
de s’amore conchistu
in custas lagrimas a ti declarare
ca deo apo dispostu
a cale siat costu
sinzeramente de coro a t’amare
e a fagher de tene
s’unicu sacrossantu meu bene.
E fagher de te, coro,
su prus oggettu caru
chi m’esaltat a biver in su mundu
pro chi deo t’adoro
cun-d-un’affettu raru
sinceru, inesprimibile e profundu
ca ses tue, turtùra,
s’amena creatura
chi felice mi rendes e giocundu
ca sena te, columba,
s’àter’isposa dêt esser sa tumba.
39

Zoseppe Moro
A mie in apparenzia,
Juanna, ja m’as bidu:
so pagu lustruosu e campione.
De bassa discendenzia
e pòveru naschidu,
bisonzat narrer sa giusta rejone:
sa mea abilidade
est sa sinzeridade,
s’onestesa, sa bona intenzione.
Ma pro t’assigurare
prima tue ti podes informare.
Como dês iscusare,
anima prediletta,
de sa triste e incolta opera mia
ca no est regulare
e nemmancu perfetta
custa breve presente poesia
e poi, rosa inclìtta,
l’apo a lapis iscritta
a prus ch’est fea sa calligrafia
ca finas su tinteri
che l’apo ismentigadu in Oniferi.
In su lezer sas rimas
de su meu elogiare
dês benner prus a tardu augurada
però si no m’istimas
su propiu pregare
ti devo bida longa e fortunada.
Deus ti fettat sazia
de ogni bona grazia
chi pro s’umanidade est destinada:
Issu s’ùnicu mere
ti potat dare dogni piaghere.
40

S’aère tentu sorte
S’aère tentu sorte
de t’aer a consorte
de ti dare prus bonos assimizos
si nono tantu forte
ti prego fina a morte
goses tottu sas bramas e disizos
e pro conclusione
rezzis, amadu anzone,
infinidos saludos e consizos
chi ti mandat de coro
s’umile domandante Peppe Moro.
41

Zoseppe Moro
RISPOSTA
A UNA DICHIARAZIONE
DE AMORE
Fiore, si de me ses invaghidu
comente lu descries in su cantu,
ti torro consolante sa risposta.
Eo de mi cojare so disposta
cun su ch’est dignu creo de m’amareeo
disposta so de mi cojare
cun su chi de m’amare est dignu creodisposta
so de mi cojare deo
cun su chi de m’amare creo est dignu.
E si ses tue su cale benignu
ses tue si ses fidu e ses costante.
Fiore, si de me ses invaghidu
comente lu descries in su cantu,
ti torro sa risposta consolante.
Ti desizo eo puru pro amante
e ti consizo d’istare seguruti
desizo pro amante deo puru
e d’istare seguru ti consizopro
amante eo puru ti desizo
e ti consizo seguru d’istare.
Sas lìtteras chi a mie dês mandare
in coro e in sinu meu las agorro.
Fiore, si de me ses invaghidu
comente lu descries in su cantu,
consolante sa risposta ti torro.
42

S’aère tentu sorte
Occultamente in manu ti la porro
dae unu confidente paesanuoccultamente
ti la porro in manu
dae unu paesanu confidentein
manu ti la porro occultamente
dae paesanu confidente unu.
Chi no l’iscat pro como ater nessunu
ca si nono mi criticat sa zente.
Fiore, si de me ses invaghidu
consolante ti torro sa risposta
lu descries in su cantu comente.
Mancari sia un’anzone innozente
crede sa mia rivelazionemancari
sia un’innozente anzone
crede sa rivelazione miamancari
un’innozente anzone sia
sa rivelazione mia crede.
Tue ses su secundu Ganimede
dae su coro meu preferidu.
Comente lu descries in su cantu
ti torro consolante sa risposta,
fiore, si de me ses invaghidu.
43

Zoseppe Moro
No cherzo àter’isposu ne maridu
a tie offerzo su coro amorosune
maridu no cherzo àter’isposu
amorosu su coro a tie offerzoàter’isposu
ne maridu cherzo
a tie offerzo s’amorosu coro
ca lezende su cantu m’innamoro
chin manera chi tue no lu crese.
Comente lu descries in su cantu
ti torro consolante sa risposta,
fiore, s’invaghidu de me sese.
Si nd’as idea manda in custu mese
e ti dimanda sos de domo meain
custu mese manda si as idea
e sos de domo mea ti dimandasi
nd’as idea in custu mese manda
e ti dimanda sos de mea domo
pro chi su coro meu dae como
battit violentissimu pro te.
Comente lu descries in su cantu
ti torro consolante sa risposta,
fiore, s’invaghidu ses de me.
Ca sento d’esser sa tua amada, cre’,
mi cuntento ca so affortunadaca
sento, cre’, d’esser sa tua amada
ca so affortunada mi cuntentod’esser
sa tua amada, cre’, ca sento
mi cuntento ca affortunada so.
Incolume su coro ti lu do
pro ca deo ti tenzo beru amore.
44

S’aère tentu sorte
Comente lu descries in su cantu
ti torro consolante sa risposta
si invaghidu ses de me, fiore.
45

Zoseppe Moro
A ANTIOGA PISANU
Cantu I
S’àteru die chi m’an operadu
ap’intesu un’angèlica favella.
De cantu fit gentile, allegra e bella
si m’at su tristu coro rallegradu.
Difattis apo prestu domandadu
chie fit cuss’amabile donzella.
Mi narat unu sou paesanu:
cussa si nât Antioga Pisanu.
Deo no poto esprimer in su cantu
su confortu chi dévidu m’at dare
cun su dulche e distintu faeddare
d’azzentu carezzévole e d’incantu
e in coro m’at dévidu ispirare
un’affettu infinitu e sacrosantu
che cando sa pronunzia argentina
esseret de celeste cherubina.
Si no esseret ca fia obbligadu
d’istare a lettu in-d-una positura
creidemilu mi nde fia alzadu
pro ’ider cussa cara creatura
chi in mene tantu amore at suscitadu
sena mancu li bider sa figura.
Ma bramaìa chi sa rosa inclita
benzeret nessi a mi fagher bisita.
46

S’aère tentu sorte
Dae su die semper meditende
selenziosu in lettu m’istaia
che unu ch’est in s’urtima agonia
chi cunfortu maternu est isettende
ma cando a issa in foras intendia
cun bighinas de domo arrejonende
prus no sentia dolore ne noia
essende invasu de infinita gioia.
Battor o chimbe dies so istadu
cun s’isperanzia de l’’ider sa cara
da un’eterna brama turmentadu
ma no bidìa sa supposta Sara:
pensaia pro me isconsoladu
bider a issa est cuntentesa rara
ma unu die a fines de isettare
ecco chi ’enit a mi bisitare.
Da ch’eo faccia a faccia mi so ’idu
chin cuss’oggettu d’ammirazione
apo subitamente trasalidu
e proadu un’intensa emozione
e pro s’istante postu apo in olvidu
sa mia trista situazione.
Beadu dae sa nobile figura
no proao prus fisica tortura.
47

Zoseppe Moro
Paris intrada sa palma nodìda
de sa salude mi at domandadu.
Tando pro un istante s’est sezzìda
e amos a discurrer cuminzadu
e creide m’at tantu accunortadu
cun sa favella armonica e dechida
chi mi penetraiat in su coro
che isquillos de campanas d’oro.
Cand’eo l’apo a fine cuntemplada
cussa fisonomia graziosa
no la descrio, no, meravigliosa
ma tant’esattamente profilada:
giughet sas laras che fozas de rosa
cun sa ’ucca de perlas coronada
e poi duos ojos penetrantes
chi faghen dellirare sos amantes.
Cust’elegante e gentile persona
perfettamente in tottu formulada
giughet sa bella fronte circundada
de naturale e dorada corona:
difattis eo l’apo cunfrontada
cun s’illustre Cornelia Matrona.
Poi su bellu sinu delicadu
paret divinamente modelladu.
Custa raccolta de lineamentos
l’apo fatta, lettores, in pag’ora.
Ammirende sa dea incantadora
s’offuschesin sos mios sentimentos:
cun issa eo in paradisu dimora
mi che creia in sos caros momentos
e mi contao, cuntentu e giucundu,
s’omine prus felize de su mundu.
48

S’aère tentu sorte
Cussu bisu adorabile e pacìficu
che immagine sacra eo l’adoro
ca est un’aprezzabile tesoro
cun faeddu metallicu e magnìficu
chi mi tocat sas fibras de su coro
che ristorante bàlsamu sanìficu.
Però dae cand’issa m’at lassadu
so che corpus sen’ànima restadu.
Subitu una tristura indescrivìbile
invadet tottu sa persona mia:
cessat de bottu s’immensa allegria
e m’opprimet un’ansia indicìbile
ca da su die s’esseret possìbile
semper vicinu a issa mi cheria.
Dae su die s’a issa no miro
pius liberamente no respiro.
O Antioga, sa tua favella
at offuscadu su sentidu miu.
Ti paragono a una turturella
cun su sou sonoru cinguettiu
o a una gentile rondinella
chi isvolazzat fattende ciu ciu.
Ma che-i sas amenas rusignolas
cun sa ’oghe m’invaghis e consolas.
Duncas si ses abberu generosa
beni, columba, a bisitar’a mie:
benigna, affettuosa e rie-rie
cun cara cumpassiva e amorosa
ca deo dogni istante de su die
t’imploro, creatura deliziosa.
Bisìtami però ca so infirmu
e prezzettadu de restare firmu.
49

Zoseppe Moro
O creatura de bisu benignu,
perdònami s’ap’eo esageradu
ca de zertu e seguru no so dignu
de esser dae tene riamadu
ca a unu prus ottimu amoradu
as a dare d’affettu unu carignu
e deo ap’a andare miserinu
a ue mi trascinat su destinu.
Si deo no so dignu de t’amare
ti prego, turturella delicada,
no ti mustres cun megus indignada
ma beni nessi pro mi bisitare
in modu chi mi potas cunfortare
cun cussa tua isplèndida mirada.
E duncas no mi prives sa delizia
de m’accordare sa tua amicizia.
Como pro terminare custas rimas
ti devo in custu modu augurare:
chi potas unu séculu durare
gosende sas prus grazias sublimas
e a sos coros chi pius istimas
cun sa propia sorte ap’a pregare
chi ottenzedas cantu disizades
tue cun babbu e mamma, sorre e frades.
Distintamente a tie, rosa amada,
prego chi tenzas sempr’ottimas famas.
Deus t’appaghet de tottu sas bramas
cun-d-una bida longa e fortunada:
felicemente benzas isposada
dae s’òmine chi tue pius amas
e a tie e a issu s’azis fizos
bos appaghen in tottu sos disizos.
50

S’aère tentu sorte
A mie chi t’esalto e chi t’onoro
chi in Austis so convalescente
a nùmene mi naro Peppe Moro
d’Orgosolo nativu e residente
e credemi chi so nullatenente
de terra e de ramen, prata e oro
chi tantu isfortunadu in povertade
bivo de isperanzia e onestade.
Cantu II
O columba gentile e attraente
leghe custa imperfetta poesia
chi ti rivelat un’àtera ’ìa
sa mia passione tantu ardente.
Ti prego mi perdones umilmente
ca no est cumpilada in simmetria.
Sa mia passione, torro e naro,
novamente t’esprimo e ti declaro.
Ma cando dae tene dispedidu
mi so in maju pro mi che partire
cantu restadu so addoloridu
ti lu fatto connoscher e ischire:
su sero and’a su lettu a mi dormire
ispossadu de forza e resentidu
ma resto tottu notte, ànima bella,
vigilante che una sentinella.
51

Zoseppe Moro
Su sàmbene fremente e agitadu,
su coro palpitende fortemente
sussultande in manera commovente
s’ànima m’at quasi abbandonadu
chi mancu su pius isfortunadu
gai si disisperat totalmente.
Solu meditabundu in cuss’istanzia
che unu ch’at perdìdu ogni isperanzia.
Da chi tue chin-d-unu modu affabile
pro dispidida sa manu m’as dada
brividos de amore insopportabile
m’an tottu sa persona attraessada.
Su bramadu contattu inolvidabile
de sa morbida manu delicada
at isconvoltu sa mia rejone
cun sa seduziosa espressione.
Ah, ite pena su manzanu a pustis
chi so partidu in-d-un’automobile
separadu dae te, ànima nobile,
chi restare devias in Austis.
Zertos mi domandavan ue fustis,
distrattu rispondia in mod’ignobile
chin attu noncurante e trascuradu
titubante, perplessu, annientadu.
Ruttu in profunda meditazione
mi creia quasi sonniende.
In estasi paria biaggende
forzadu a trista separazione
e a sa fine resto che pessone
chi s’est dae s’anìma separende.
Cantu prus dae te m’allontanavo
semper pius abbàtidu restavo.
52

S’aère tentu sorte
Infine arribo a sa ’idda nadia
estaticu e ancora trasognadu.
Zertas pessones de sa zente mia
m’an dae tale sognu risvegliadu
e ca afrantu e indebolidu fia
m’an finas a discender aggiudadu
e m’an accumpagnadu fin’a domo
cun premura chi inoghe no fentomo.
Tando medas omìnes e femìnas
a usu nostru m’ana bisitadu
e m’an cun cortesia accunortadu
sos mannos, frades, sorres e cuginas
e tantas bravas e bonas bighinas
m’an tottu bisiténdemi esortadu.
Però in domo mia quasi tottu
ch’aia àteru in testa m’an connotu.
Eo semper allegru mi fingia
sena lis dare soddisfazione
e a su narrer issoro aderia
simulende sa mia affezione:
cando fàula manna contaia
e cando lis leghia una cantone.
Ma riende sa ’ucca in faccia issoro
continu pianghende fit su coro.
Semper fissu in sas sòlitas ideas
no pensaia in ateras donzellas
ca finas sas prus caras e prus bellas
a mie mi parian tantu feas.
Zertas gentiles paesanas meas
fulgidas e lughentes che istellas
mi fin che inimigas antipàticas
sende chi prima mi fini simpàticas.
53

Zoseppe Moro
O turturella, a tie solamente
pensaian sos mios sentimentos
e iscenadu d’umanos talentos
in-d-unu istadu quasi demente
istaio una cantu sorridente
mi cumparias cun allettamentos.
E cussu fit pro mene, rosa amàbile,
un’internu martìriu incessàbile.
Unu continuadu patimentu
fit cussu passu de sa bida mia
e no ti naro in cantu pensamentu
pro te, rosa istimada, m’istaia
e disizavo de aere tentu
de tene nessi una fotografia.
Imbezzes no t’’idia, amada anzone,
ne in fotografia ne in pessone.
Ma da chi cussu bravu tiu meu
m’at pro ’enner a Austis preziadu
lu dêt aer ischidu solu Deu
su cuntentu chi eo apo proadu:
subitu ogni angustia e anneu
s’est da su coro meu allontanadu.
E si m’ispezzat cuddu oscuru velu
che cando apertu s’esseret su chelu.
Esultante e festosu so partidu
da Orgosòlo chi disprezzo tantu
pro ’enner a Austis, dulche nidu
d’amore, de delizia e d’incantu
ca custu logu s’Ispiritu santu
l’at de donos amenos irrichidu
inue albergas tue, ànima pia,
su paradisu de s’ànima mia.
54

S’aère tentu sorte
Ma sende in su ’e Teti attraessende
beninde a custa terra fortunada
in su caminu mi ses intoppada
chin cumpanzeddas impare cantende.
Deo a mi saludares isettende
ma tue indifferente ses passada:
crèdemi chi restadu so, dechida,
che unu chi mortale at sa ferida.
Prosigo su biaggiu a malumore
confusu e cun sa mente conturbada:
quasi no bidia prus s’istrada
azzegadu de simile furore
ca un’ira gelosa de amore
m’at sa bista de lagrimas veladu.
Ma da ch’apo cun tegus faeddadu
su coro dae nou s’est calmadu.
Da ch’a nou sa manu m’as istrintu
in attu de saludu e cortesia
t’assiguro, columba amada mia,
chi sa follia de nou m’at bintu
e m’at su coro forzadu e costrintu
a ti l’esprimer in sa poesia
chi ses s’unicu oggettu in custu mundu
chi deo nutro d’amore profundu.
Cando sa ’oghe tua intendo fora
faeddende cun àteras cumpanzas
sende chi sun pronunzias istranzas
mi redestan memorias ognora
ca cun favella armònica e sonora
sas àteras supèras e balanzas
e cantu prus t’intendo faeddare
mi faghes prus s’amore germogliare.
55

Zoseppe Moro
Sa bida mia che notte est iscura
che rinserrada in tenebrosa mole
chi solamente sa tua figura
la rischiarit che terra su sole.
Tue, columba de Pisanu prole,
soave, casta e digna creatura
podes su coro meu illuminare
pro semper dezidende de m’amare.
Tue chin duru fàscinu potente
custu fràgile coro as conchistadu
chi ispiegare no isco comente
gasie tott’in-d-unu mi as ligadu
de venereas frizzas trapassadu
chi si m’ostino est tottu inutilmente.
Bastat narrer chi ses incantadora
e de su coro meu possessora.
No credas d’essere una finzione
s’affettu chi t’esprimo in custu cantu.
Ma ti giuro, columba amada tantu,
chi est sinzera s’istimazione
ca eo mai sa traizione
ap’a giugher a tie, ojos d’incantu.
E t’istimo pro cantu istamos bios
ca ses pupilla de sos ojos mios.
Mai no credas ch’affalse s’istima
si pro me ses eletta dae Deu
ca ses respiru de s’essere meu
e de su corpus meu ses s’anìma,
de ojos mios sa lughe sublima
e bida mia, consolu e recreu.
Carre de ossos meos ses, tesoro,
samben perfettu de su meu coro.
56

S’aère tentu sorte
Como no podo prus continuare
ca si mi serrat sa fragile mente
e no mi dettat prus discretamente
àteros versos de poder cifrare
però ti prego, o ànima innossente,
una pronta risposta a mi torrare
ca cherzo intender sa dezisione
che presoneri s’assoluzione.
Dae sa tua risoluzione
bessit sa mea bona o mala sorte
ca si tue no nd’as cumpassione
mi prego subitanea sa morte.
Si m’abbandonas, eletta consorte,
morzo de bera disperazione.
In te consistit sa morte e sa bida
d’esseres mia, bandera nodida.
Cantu III
Bella, comente cheres chi supporte
custu corfu ch’a morte m’at feridu
ca su nono in sa lìttera ispedidu
pro mene est che sentenzia de morte.
Adduncas, adorabile consorte,
tue mi cheres bider seppellidu
e su tempus ch’inoghe so istabile
restare cun piantu inconsolabile.
57

Zoseppe Moro
Sirena incantadora e seducente
a it’est chi no nd’as cumpassione
de mene chi t’istimo fidelmente
meda prus de sa propia pessone
A it’est chi mi lassas crudelmente
morrer de bera disperazione
A ite m’abbandonas indurida
in brazzos de sa morte incrudelida
Sena tenner rimorsu e ripugnanza
a biver m’as donadu amaru fele.
Deo cumbintu d’amore e costanza
t’amavo irrevocabile e fidele
ma tue tantu barbara e crudele
a mie as sepellidu ogn’isperanza.
Però ténelu in coro e in sa mente
ch’as traìdu unu poveru innossente.
A ite as mesculadu cun orrore
su samben meu de mortale lua
nende chi t’at privadu mamma tua
sende ch’as forzis àteru amadore
Ma est iscusa vana ca in s’amore
dognunu est mere de s’idea sua.
E gai ti replìco, bella mea,
ca no as ne aias bera idea.
Si tue aères nadu dae prima:
dae me no dês esser riamadu
eo pro chi t’aère immensa istima
mi fìa a mala gana rassegnadu.
Ma goi credo cun s’idea frima
chi tue m’as traidu e ingannadu
e cre’ chi morrer dêt Zoseppe Moro
chin cussu giau ficchidu in su coro.
58

S’aère tentu sorte
O debile imperfetta mente mia
inutilmente ti ses impignada
a cumpilare iscarsa poesia
pro elogiu a sa bell’ànima amada
ma totalmente ti ses ingannada
e restas coronada d’angustia
ca su cantare premurosu e pròvidu
su coro sou ja no l’at commòvidu.
Deo ca no possedo intelligenzia
che poeta dotadu e tantu espertu
no poto cumpilare mai de zertu
insignos versos cun magnificenzia
ca sa natura a mie no at offertu
su summu donu de s’eloquenzia
e pro cussu mi conto, coro amadu,
indottu, incoltu e tantu isventuradu.
Como narrer ti devo a sos concluos:
s’est tue chi mi lassas b’andat bene
però si no dependet dae tene
e no ti cojas a gustu ’e sos tuos
pro norma custu versu ritiene
chi paghe no bidides bois duos.
Si a gustu issoro e no tou t’isposas
frastimas tottu bida e mai gosas.
A mie che defuntu pro suffragiu
si m’amas, rasamilu unu rosariu.
Lèadi in manos unu breviariu
pronunziende su meu epifagiu
pro chi sena terrore mortuariu
supporte cust’orribile disagiu
ca eo cun devota vocazione
ti prego eterna benedizione.
59

Zoseppe Moro
Adiu dae me, summa beltade,
adiu amore, bida e gioia mia.
Adiu, mea umana dignidade,
adiu cantu, ispassu e armonia.
Adiu dae me, felicidade,
adiu isperu meu e allegria.
Adiu paghe e gosu ca columba
pianghende mi mandat a sa tumba.
Tristu de mene ch’ap’amadu invanu
una pizzocca chi tenia in mira.
Cando creia de l’aer in manu
m’est iscappada chin sa soga a tira.
Si bantet puru Antioga Pisanu
chi m’at lassadu suspira-suspira
ca prima m’at illusu de amore
como mi lassat chin pena e dolore.
S’ischires cantas lagrimas vers’eo
cantos suspiros, cantu patimentu,
s’ischires ch’apo fattu giuramentu
chi mai àtera fèmina no leo,
turturella istimada, ispero e creo
chi de me piedade aères tentu.
Però ca troppu che semus lontanos
suspiros e lamentos suni vanos.
Però no ses comente ti creia
amorevole e dulche creatura
prite si no esseres, bella mia,
tantu crudele e tantu cori-dura
no m’aias lassadu in agonia
ne m’aias mandadu in sepoltura.
Imbezzes sena iscrùpulu e rimursu
mi lassas fagher su mortale cursu.
60

S’aère tentu sorte
Si tue aères tentu piedade
de mene, infelicissimu giovanu,
m’aias dadu sa gentile manu
nessi pro cristiana caridade
no mi ch’aias postu sanu-sanu
in s’orrendu sepulcru a cust’edade.
Imbezzes cun lamentu e cun piantu
mi mandas tantu prestu a campusantu.
Prima chi dae tene fia amadu
mi cantaia festante e giucundu.
Como chi mi as tue abbandonadu
ite fato piusu in custu mundu
Pro restare gosie isconsoladu
mi desidero mortu o moribundu
cun s’isperu chi nessi a pustis mortu
finat custu tremendu discunfortu.
In sa mia austesa permanenzia
cantende istavo sempre a bucc’aperta
sende chi fia semper a s’alerta
pro dare a su malàidu assistenzia
poi pro mene fit immensa offerta
su cuntemplare sa tua presenzia.
Pro mene s’ider sa tua pessone
fit sa prus manna consolazione.
A prus de sa favella allegra e lestra
la connoschia finas a su passu.
Subitu m’affacciavo a sa finestra
pro che ’ider passende a issa in bassu:
misurados parian a compassu
sos passos suos de manca e de destra.
E los accumpagnavo e no l’ignoro
cun sos pàlpitos meos de su coro.
61

Zoseppe Moro
Cantende sempre allegru e gioga-gioga
istavo sende in sa ’idda austesa.
E credéndemi amadu da Antioga
pro mene bella gentile e cortesa
quasi pro sa tanta cuntentesa
no mi circundaiat una soga
credéndemi quasi pius felice
de amare una bella imperatrice.
Sende tant’invaghidu e tant’illusu
e essende in paràulas restados
d’andare babbu comente bon’usu
nos semus che parentes saludados.
Però issos no m’an rispostu prusu
ca subitu si sune rebortados
e a su mese e mesu e passa credo
m’an mandadu sa lìttera ’e congedo.
Ca mi creia abberu fidanzadu
in issa aio postu ogni isperanzia.
A prima pro s’immensa lontananzia
istaia fastizosu e annoiadu
e poi pro sa tanta ritardanzia
bivia de continu angustiadu
e dies prima de Santu Franziscu
ecco chi rezzo su bellu rinfriscu.
E diat esser mancari su giustu
cantu descrittu m’at zia Andriana
chi Antioga sa fiz’ultimana
no si disponet sena aer disgustu
però eo la creo iscusa vana
proite si s’iscopu esseret custu
no m’aiat gosie licenziadu
ma d’istare in Austis prezzettadu.
62

S’aère tentu sorte
De sas prus bellas, sàpias e bonas
ti creia, amorevole pizzocca.
Imbezzes cori-dura ses che rocca
ca faeddu d’amore no mi donas
e da chi crudelmente m’abbandonas
cumbenit, rosa amada, chi mi ’occa.
Però retenzo chi ses tue ebbia
malafattora de sa bida mia.
Forzis ca eo no so simpaticone,
pagu elegante e pagu zeniosu
oppuru ca no so unu riccone
o ca so pagu astutu e ingegnosu
o forzis puru chi menzus pessone
b’apat pretesa ch’ames pro isposu.
Bastat a dogni modu no prosiga
ca m’as dadu una bella curcuriga.
Como si mi nde cherzo gloriare
eo già l’apo fattu su ’alanzu.
Andadu mi che so a logu istranzu
postu mi so femìna a domandare
ma gai prego ’e no lis capitare
ne a parente e nemmancu a cumpanzu
pro ca sa curcuriga chi m’at dada
azigu a domo che l’apo tragada.
63

Zoseppe Moro
UNDIGHINAS
Dae cando torradu
so deo a Orgosòlo
in su mese ’e frearzu, babbu meu,
semper angustiadu
bivo e no mi consolo
sen’aer prus disvagu ne recreu
ca bois tott’impare
mi brivades d’amare
sa chi m’est destinada dae Deu.
Pro cussu ogni cuntentu
m’est istraziu, pena e m’est turmentu.
Propiu dae su sero
chi m’azis innebidu
annullende sa mia intenzione
prango e mi disispero
cun coro addoloridu
sena nessuna consolazione.
Ispàsimos de coro
pensend’a sa ch’adoro
turban sa mia debile rejone
e in cussos delliros
m’’essin involontarios suspiros.
A de notte no dromo
su die tribagliende
semper chin cussu giau in coro fissu
ca prima, tando e como
pensao e so pensende
a cussa chi su coro m’at promissu
e pro su sou amore,
o caru genitore,
so ischiavu e mi dòminat issu.
E bos pedo perdonu
ca de mene no so pius padronu.
64

S’aère tentu sorte
Bois e sos parentes
ca custa m’at illùdiu
mi nades: as paghissimu balore.
Ma cantos sapientes
chi an profundu istùdiu
no binchen e no dòminan s’amore
ca cun podere arcanu
de ogni coro umanu
si faghet assolutu possessore
proite at indomabile
un’incognita forza insuperabile.
Custu già no l’ignoro
chi fràgile a m’illùdere
so istadu che semplice bambinu
però dae su coro
prus no la podo esclùdere
o pro fissazione o pro destinu.
E s’amo a issa ebbia
sa curpa no est mia
ma d’un’ignotu bolere divinu.
Est ca issu m’ispinghet
e a l’aer affettu mi custringhet.
Cantas bortas mi pro’
prus a no bi pensare
pro l’iscacciare dae coro meu.
Ma no resesso, no,
ca no de s’appartare
ma mi dat pius pena e prus anneu.
E poi internamente
una ’oghe imponente
mi narat ch’est cumandu d’unu Deu:
àmala tottu bida
ca est sa chi t’at Deus eleggida.
65

Zoseppe Moro
Cando bi penso a fundu
comente reduidu
mi ch’at cust’amorosa passione
iscatto furibundu
che leone feridu
pienu d’ira e d’indignazione
e tottu su chi potto
internamente lotto
contra s’inosservad’apparizione
chi cun allettamentos
m’at leadu sas forzas e talentos.
Isto tempus assai
lottende internamente
cun s’idea chi forzis mi nd’isligo
ma no resesso mai
ca tottu inutilmente
mi consumo su corpus e castigo.
E da chi no resesso
ogni lottare cesso
ca tantu prus m’isforzo e mi fatigo
s’immagine illusoria
m’apparit pius bella a sa memoria.
Gasie a bois frades
chi mi rimproverades
bos naro ch’est invanu ogni pretestu
e s’abberu m’amades
a inie b’andades
coment’issos bos ana richiestu.
Ma pro esser derettu
pro ca su meu affettu
a issos lis est giaru e manifestu
pro avallu d’amore
cheren a bois, caru genitore.
66

S’aère tentu sorte
CUNSIZOS DE SU BABBU
Da chi mi nâs gasie,
Zoseppe, iscurta a mie
ca ti dao che babbu unu cunsizu.
E si ses tale chie
comente creo a tie
iscùrtami che bonu e caru fizu.
De fèminas adattas
inoghe già nd’agattas
si de ti cojuare as su disizu.
Làssala sa ’e Austis
ca si no ti nde pentis prus a pustis.
Pensa, fizu istimadu,
chi cust’amore tou
no siat passizera illusione
ca de pustis ligadu
no t’isolves de nou
si prima no bi das attenzione
ca si como t’isbaglias
e male ti ch’incaglias
istas peus d’essères in presone.
No est pro una chida
ma est rughe chi tragas tottu bida.
Si fit pro balanzare
diat esser gasie
male chin su remédiu chi nana
ma est a attoppare
s’astrau cun su nie
a prus chi est istranza e ch’est lontana.
Povèra pro povèra
lassa sa furistera
e ti nde chircas una paesana
ch’istet in faccia sua
ca est connota e ses in bidda tua.
67

Zoseppe Moro
Dàebi attenzione
in su chi ses fattende
no ti suzzedat carcunu guai
pro ca disfazione
no as send’amorende
e a connoscher bene no l’as mai
finas de l’isposare
chi bolere o bolare
tando pro forza est fattu e istat gai.
Menzus no penses prusu
ch’est propiu una cosa a punt’in susu.
Custu cumbenit nàrrere
chi nudda l’as in pràtica
ca apida pagas bortas l’as a bìere
e s’est pro meu pàrrere
pro chi siat simpàtica
mancu pius li torres a iscrìere
ca andende a incue
a prus ca perdes tue
est a sa zente puru a dare a rìere.
E fino sa protesta
nende a ti la ’ogare dae sa testa.
68

S’aère tentu sorte
RISPOSTA MEA
Babbu meu istimadu
che fizu ’ene educadu
deo l’apprezzo su ’ostru parere
ca semper iscultadu
bos apo e rispettadu
e bos rispetto ca est meu dovere.
Ma mi diat piàghere
a mi lassare fàghere
nessi in custu a su meu piaghere
ca sun fattos de zéniu
no de comodidade e de cumbéniu.
Pro su chi m’azis nadu
deo infinitamente
o babbu bos ringrazio e bos lodo.
Ma so tant’ostinadu
chi dae coro e mente
creìde ch’iscacciare no la podo
ca tantu si la lasso
bida infelice passo
e cuntentu nessunu mai godo.
E si mi l’impedides
est ca sacrificadu mi cherides.
No est ca mi nd’offendo
si mi rimproverades
néndemi: tristu, mischinu de tene.
Ca jai lu cumprendo
chi custu chi mi nades
est tottu cantu pro su meu bene
e so riconnoschente
ca s’ando malamente
bisonzat narrer ch’est peus pro mene.
Pro idea o destinu
so in-d-unu contrariu caminu.
69

Zoseppe Moro
Chi m’est prus a cumbéniu
cojare a bidda mia
l’’idet ognunu ca est tantu giaru.
Ma si su beru zéniu
bi l’apo a issa ebbia
comente depo fagher, babbu caru
Pro leare muzere
contra su meu bolere
dàdemi unu velenu pius amaru
ca suffro de una ’ìa
no isto tottu bida in tribulia.
Finzione ne arte
ne passizeru amore
ma est illusione permanente.
E poi tott’a parte
ponz’eo, genitore,
tottu cantu su narrer de sa zente
ca si nd’an cumbinadu
chen’esser murmuradu
coju, mi’, dêt esser raramente.
Gasi nudda mi faghet:
nerzan su chi lis paret e piaghet.
Cand’a prima l’intenden
mi criticat sa zente
comente faghen pro ogni noa iscena.
Però da chi cumprenden
chi no est indecente
la dên cessare cussa cantilena.
Tantu eo su primu
no so e ne s’urtìmu
chi mi so cojuende a bidd’anzena
ca no tottu sos bios
cojan e morin ue sun naschìos.
70

S’aère tentu sorte
Tottu cantas sas cosas
chi in su mundu resurtan
chie las alzat, chie las abbassat.
Rien sas curiosas,
sas malas las iscurtan
pro pagu tempus poi tottu passat.
Gai faghen cun megus
o a prima o a segus
a da chi si nd’istàncana mi lassan.
Si no a innanti a coa
a da chi buscan istoria noa.
Duncas si benzo mancu
prus pro pessone onesta
no mi miran e naran: falsu sese.
Poi bos naro francu
su chi faghet sa testa
no lu devo isconzare chin sos pese.
Gasi como su pattu
bene o male istat fattu
ca finalmente su passadu mese
lis apo dadu segura paràula
sen’istare diàula-diàula.
Nania chin fervore
m’at nadu inchimerada:
maccu, est pòvera, istranza e no t’astenes.
Ma unu beru amore
no ischis, castigada,
chi si balet pius de milli benes
ca si ses benistante
e no t’amat s’amante
maleighes a tie e cantu tenes.
Ma si an paghe e s’aman
paret chi apan tottu su chi braman.
71

Zoseppe Moro
Pro ca est poveritta
sa turturella mia
tottus m’azis dadu avversu pàrrere.
Però est tantu inclìtta,
de bona simpatia
chi no m’irgonzo mancu a la cumpàrrere
ca est pòvera, istranza
s’amabile cumpanza
l’isco eo puru sena mi lu nàrrere.
Però est bona prenda
pro chi no apat àtera sienda.
Sos suos m’azis nadu
bois, o babbu meu,
ch’iscòttigos bogadu nd’ana tantos.
Però, babbu istimadu,
s’apo in favore a Deu
eo mi nd’istrafutto de sos santos.
So seguru chi issa
mantenet sa promissa
mancari puru la fattan a cantos.
E gai bos nar’eo
coment’’enit su tempus mi lu leo.
Zia Nannedda puru
cosa meda fit nende
in chirca de mi poder impedire.
E-d-est zertu e seguru
chi dêt esser timende
eo da Orgosòlo a mi fuire.
Ma però no iscapo
ca aia e semper apo
sa bona idea de bos assistire
durante sa ’ezzesa
coje o nono chin cuss’austesa.
72

S’aère tentu sorte
Finas si beru amore
m’azis, bos naro in-d-una:
cazzademiche custu pessamentu
ca no b’at disonore
ne birgonza peruna
andade e dademilu su cuntentu.
Cun filiale fide
bos giuro e mi creide
chi pro ’enner o no a cumprimentu
no mudo determinu
ca tantu est custu su meu caminu.
73

Zoseppe Moro
A SOS PISANOS
Babbu de sorres e frades Pisanos,
sa cartolina ’ostra apo rezzidu
e restadu so tantu aggradessidu
in su lezer chi sezis tottu sanos.
E deo, amigos caros e lontanos,
so quasi de su tottu guaridu
e sa famiglia puru a su presente
ja istat de salude ottimamente.
Cando lezìdu apo sa cartolina
su tantu dannu de sas cavallettas
chi sun faghende in sas zonas infettas
un’irrimediabile ruina
e cussu ca pigadu azis derettas
provvedimentos cun sas meighinas.
Però in tottu su chi m’iscriides
sezis lottende e bincher no podides.
Bisonzat narrer chi sa Provvidenzia
est semper contr’a nois airada.
Paret un’iscumìniga mandada
pro nos fagher proare sa passenzia:
cando nos mandat una mal’annada,
cando nos mandat una pestilenzia.
E pro unu o pro s’àteru guai
de die ’ona no nd’’idimos mai.
Su chi aiamos inoghe fit niente
quasi cosa de no calculare
e finalmente chin pagu lottare
l’amos bint’e distruttu fazilmente.
Nessi in cussu sa manu onnipotente
at fattu a mancu de nos castigare:
est signale ch’est favorinde a nois
chi meda ’onos semus prus de bois.
74

S’aère tentu sorte
Antioga, ammirabile bambina,
azzetta cust’iscarsa poesia.
Austesa bandera subrafina
attraente, perfetta, onesta e pia
ancora cun accentu d’armonia
ap’in orijas sa ’oghe argentina.
Augurende a tie la concludo:
adiosu ti naro e ti saludo.
Bore su chi connosco de sos fizos
bidu l’ap’una ’olta solamente.
Bellu che òmin’altu e attraente,
bene formadu a ojos, bisu e chizos.
Bastante at faeddadu espertamente,
benignu che unu babbu dat consizos.
Beneittu chi siat dae s’Altissimu,
bivat tottu sa bida felicissimu.
75

Zoseppe Moro
S’ULTIMA DISPEDIDA
Da chi no nos permittin s’unione
a tie prego, columba ch’adoro,
chi ti nd’ammentes de Zoseppe Moro
chi t’amat cun ardente passione
e semper in sa mente e in su coro
t’at a aer cun sinzera affezione.
Ma ca no cheren a nos istimare
nos devimos pro forza rassegnare.
Ma pro chi eo sia isventuradu
e privu a dogni costu de ti amare
a tie nessi ti devo pregare
ch’in-d-unu dignu e bonissimu istadu
a gustu tou podas incappare
chi siat dogni grazia dotadu.
E Deus cun fortuna e unione
bos diat santa benedizione.
Cunfesso s’esser tue in manu anzena
m’est perpetua pena illimitada
ca t’at su coro meu sospirada
prus d’ogni àtera fèmina terrena.
Cun tottu, cherubina idolatrada,
ti prego bida felice e amena
chi benzas de dign’òmine muzere
gosende ogni cuntentu e piaghere.
Pro fines, Antioga amabilissima,
risèrvadi de me bona memoria
ca eo t’apo e t’ap’a aer carissima
totta sa bida mea transitoria
ca la devo passare infelicissima
ca so privu de te, palma notoria.
Chin suspiros e lagrimende a rios
ti do sos penosissimos adios.
76

S’aère tentu sorte
OTTADA PRO SANTU FRANZISCU
Franziscu santu de summa bontade
chi custu logu natiu guvernas,
ap’isperu chi tue los internas
in su camminu da sa beridade.
S’indole a sos ispidos lis modernas
chi sian salvos pro s’eternidade
ca riccos de virtude e santu zelu
ti laudan in terra e in su chelu.
77

Zoseppe Moro
SONETTO PRO SANTU FRANZISCU
Nois sardos fieros de cantare
in s’idioma propiu isolanu
sa melodia a Deus soberanu
in custa terra digna de onorare
ue su caru santu francescanu
bivesit e s’est dignadu ’e inneggiare
s’amore de s’eternu Sovrumanu
e d’ogni creatura tott’in pare.
Como bos saludamos cordialmente
ca est dovere lu creo e lu crene
e abbrazzamos puru ogni presente
preghende su perdonu chi nos dene
in rima umile francescanamente
e bos auguramos paghe e bene.
78

S’aère tentu sorte
A DON GIOVANNI ROSSI (BANDIDORE)
De su triunfu ’e su Verbu divinu
li prego chi Gesus nostru Segnore
l’apat tracciadu unu santu destinu
colmadu de ogni grazia e favore
de sa salude eterna su camminu
…………………………………..
l’aperjat e in Gesus summa bontade
agatet bia bida e beridade.
79

Zoseppe Moro
SONETTO PRO MONSIGNORE NICOLINU
Salude a Monsignore Nicolinu
chi dae medas annos saggiamente
est guvernende su Benedettinu
sa santa Cresia cristianamente.
Gai su summu Fattore Divinu
lu cunservet in bida eternamente
e morzat cando cheret santamente
che-i su santu de Montecassinu.
Su santu chi cuss’ordine at fundadu
fit nobilmente in Norcïa naschidu
de monàstica bida padre amadu:
at medas monastérios costruidu,
gasie monsignore favoridu
siat da Deus e santificadu.
80

S’aère tentu sorte
A SASSARI
Gentiles zittadinos Sassaresos,
aggradesside sa ruza cantada
dae sos inespertos orgolesos
chi sun bennidos a sa cavalcada.
Fama de rispettosos e cortesos
sa Sardigna intera a bois dada:
essende tales ca pius no amus
saludu e auguriu bos damus.
O illustre zittade Sassaresa
florida e d’avvenente panorama
t’at saludadu sa zente orgolesa
e t’augurat elevada fama.
Che zentru de progressu e de ricchesa
de sa Sardigna nostra benzas mama
e ti distingas potente zittade
pro industria, cultura e ziviltade.
Su chi de su Cunsizu est Presidente
ringraziamus tantu pro s’invitu
chi gentilmente at mandadu in iscrittu
a s’orgolesa tantu grata zente.
Cunsizu, autoridade ugualmente
li damus saludende altu meritu
e dogni abitante ’e sa zittade
duret a bezzu chin felizidade.
81

Zoseppe Moro
A NUORO
A tie, veneradu Redentore,
subra de s’Ortobene collocadu
pro sa salvesa d’ogni peccadore
essende Deus ti ses umanadu.
Misericordiosu cun amore
sos chi t’an crucifissu as perdonadu
e in logu de t’esser vendicadu
ses istadu s’issoro intercessore.
Che babbu amorosissimu indulgente
perdonende s’umana ingratitudine
beneighe sa grande moltitudine
de Nuoro festante e riverente
e pro ’ider ca tantu ses clemente
ghìalos a s’eterna beatitudine.
Saludos puru e ringraziamentos
a sa previdentissima giuria
dae Orgosolo ch’est sa ’idda mia
ch’azis bene ospitada sena istentos.
Cun milli piagheres e cuntentos
salvos de ogni pena e angustia
cantos annos cherides cun amore
festade su divinu Redentore.
Nuoro chin rejone ti nde gloria
ca ses in-d-unu amenu altipianu
ch’in totta sa Sardigna ses notoria
giardinu fioridu in su ’eranu
poi as immortale sa memoria
de su celebre Satta Bustianu.
Logu fertile e ricca ’e salude
est sa bella e robusta gioventude.
82

S’aère tentu sorte
Muttos 1
Dae Pasca ’e aprile
cominzo a numerare
sas funziones raras.
Dae Pasca ’e aprile
Si ses de m’istimare
prite no mi lu naras,
rosa bella gentile
Chi b’at annualmente
in maju Ascensione
ch’est de Nostru Signore.
Chi b’at annualmente
Sen’interruzione
t’apo sinzeru amore,
creatura attraente.
Sa Pentecoste poi
prima de Corpus Dòmine
ch’est in làmpadas creo.
Sa Pentecoste poi
No bi at perun’òmine
comente t’istim’eo:
prite mi lassas goi
De sa Natividade
de Juvanne Battista
babbu de su battizu.
De sa Natividade
Sa tua bella bista
m’azzendet su desizu
d’ogni felizidade.
83

Zoseppe Moro
Su bintinoe festan
Predu e Paulu, duos
chi sun dignos e pios.
Su bintinoe festan
Sos bellos trattos tuos
sos pensamentos mios
reziran e molestan.
Poi benit sant’Anna
sa mamma de Maria
chi venero e adoro.
Poi benit sant’Anna
Dezide de una ’ia:
no mi giuttas, tesoro,
goi a s’impanna-impanna.
Sighit Nostra Signora
su bìndighi d’austu
cun tottu sos anghelos.
Sighit Nostra Signora
No mi dias disgustu,
mùstrami santos zelos,
terrena incantadora.
Pustis de santa morte
de sa Mamma Divina
de grazias piena.
Pustis de santa morte
Càlmami custa pena
baséndemi, bambina,
si ses mia cunsorte.
84

S’aère tentu sorte
Poi tottu sos Santos
in sant’Andria sunu
prima ’e Pasca ’e Nadale.
Poi tottu sos Santos
Istella orientale,
sos bios in comunu
t’adoran tottu cantos.
Como la serro in-d-una
sa memoranda die
ch’est sa pius sagrada.
Como la serro in-d-una
Ca ses tantu donada
as invaghidu a mie
tue, fùlgida luna.
Nadu Zesus Bambinu
in sinu de sa Mama
ch’est su fizu ’e Deu.
Nadu Zesus Bambinu
Fin’a s’eterna brama
su tristu coro meu
t’albergat in su sinu.
S’est in martu incarnadu
naschidu che omìne
persighidu dae bojos.
S’est in martu incarnadu
Binchet sos mios ojos
ca est càndidu e fine
su bisu delicadu.
85

Zoseppe Moro
E morit in sa rughe
salvende sos terrenos
poi est resuscitadu
balzande a Paradisu
benignu e triunfante.
E morit in sa rughe
Sos trattos sublimados
d’un’amorosa lughe,
naram’it’as dezisu:
m’azzettas pro amante
comente t’apo nadu
Muttos 2
S’antigu Padre Luca
a cognome Cubeddu
l’at trattad’e cumposta.
S’antigu Padre Luca
Dechidu zovaneddu,
intende sa risposta
dae sa mea ’uca.
S’istoria sagrada
in sarda poesia
cun versos tantu fines.
S’istoria sagrada
Coro, de tene ebbia
tra tottu sos omìnes
mi so innamorada.
86

S’aère tentu sorte
E at incuminzadu
cun sa creazione
de Eva e de Adamo.
E at incuminzadu
Si penso cantu t’amo
da una dezisione
si cheres, coro amadu.
E descriet a prou
su grande temporale
ch’at fattu su Segnore.
E descriet a prou
Pro esseret s’amore
lezìttimu e leale
mandas a babbu tou.
Trattat de sa salvesa
de Noè in su mare
pro nou originante.
Trattat de sa salvesa
Si ses sinzeru amante
deves sollezitare
sa bramada pretesa.
Poi sos patimentos
ch’an fattu in su desertu
pro interos barant’annos.
Poi sos patimentos
No ti lasso de zertu
mancari chi sos mannos
sìana discuntentos.
87

Zoseppe Moro
De Abramo e de Sara
de Jacobbe e Rachele
e Giuseppe su fizu.
De Abramo e de Sara
Sias zustu e fidele,
amadu meu lizu,
si abberu mi as cara.
Muttos 3
Deus Marte maniza’
cuss’ispada timida
pro l’agiungher onore.
Deus Marte maniza’
Iscùltami, lettore,
ca ti conto un’isfida
de unu babbu e una fiza.
De oro una ghirlanda
Abramu at postu a Sara
prima de l’interrare.
De oro una ghirlanda
Intende, fiza cara,
si ti cheres cojare
ca b’at una dimanda.
Madonna de su Nie
preghet a Messer Dòmine
chi ponzat disciplina
a sa zente isfrenada.
Madonna de su Nie
A tie, fiza amada,
ti lu naro in sesina
chie siat cust’òmine
ch’at dimadadu a tie.
88

S’aère tentu sorte
SONETTO PRO S’UMANA ZENIA
Natura chi as creadu e produidu
èsseres troppu a fràgile impastados
incoscientes e d’animu avvilidu
si tottus ti sun fizos istimados
prite no faghes chi raggiungan tottu
in bonu sensu a mediocres grados
gai su mancante che-i su dottu
chie s’astenet e chie est corrottu,
chie at sensos rozos, chie fines
chie est un’esemplare chi ammiramus
passat de sa modestia sos confines.
Cheret narrer chi tottus bisonzamus
sa classe prima e-i sa secundaria
ca ogni categoria est necessaria.
89

Zoseppe Moro
OTTADAS A S’AMIGU
INNASSIU PIRASTRU
Tantas bortas nos semus capitados
a nos iscambiare carchi ottada
essende in cumpagnia cungregados
ca est in biddas nostras cosa usada
ma de sos versos chi amus cantados
nessuna traccia iscritta b’est restada
però custos presentes chi ti mando
a sos posteros puru los tramando.
Sos prus appenas lettos abbandonan
sos versos mios d’istile romasu.
Sos chi m’an simpatia los perdonan
mancari lanzos, nde so persuasu:
de murta ne de laru m’incoronan
che sos poetas de sardu Parnasu.
Ma ammirende sa sinceridade
aggradessen sa bona voluntade.
Tue ses, caru Innassiu, sinzeru,
onestu e prus de me ispassiosu
sende chi tempus, a narrer su veru,
nd’as traessadu finas burrascosu.
Eo so unu tipu pius lagnosu
pius pagu espansivu ma austeru
semper prus retiradu e risentidu
ca mai die ’ona nd’apo ’idu.
90

S’aère tentu sorte
OTTADA A S’ISTADU ITALIANU
S’astante italiana autoridade
prego chi leet in considerazione
custos lamentos de necessidade
de s’orgolesa popolazione:
pro cessare su male eliminade
sa dannosa disoccupazione
si nono an su pretestu medas tales
de ricurrer a mezos illegales.
91

Zoseppe Moro
SU LIBERU ARBITRIU (SU CREDULONE)
Narat su credulone imbigottidu:
Deus sos fizos suos los bisitat
e su tantu subire s’individu
lu temprat totu in-d-unu e nobilitat,
cant’est su corpus pius abbattidu
de prus s’anima si riabilitat:
in zertu sensu a Cristos gai imitat
chi morzende at su mundu redimidu.
Issu liberu arbìtriu nos at dadu
e dognunu est de issu responsàbile
unu ch’est riccu e de sensos àbile
podet divenner coltu e elevadu
s’est poveru e pagu fortunadu
finas saviu restat miseràbile
ca sa ricchesa a dognunu medit:
s’òmine balet pro cantu possedit.
Nos nana Deus siat o Natura
chi nos amat però sun fattos giaros
chi de nois no at nessuna cura
e che fozas de sepe nos at caros
si nono como a sa mea isventura
in parte postu ch’aiat riparos.
Imbezzes chin angustia e turmentos
m’abbandonat a tottus sos eventos.
Però so obligadu a protestare
attestende in sas lanzas rimas mias:
Cristos s’est mortu a nois pro salvare
tottugantos no semus che Messias
e pro mi bisitare in maladias
fettat a mancu de mi bisitare
ca m’est rughe pesante
sa bida dolorante.
92

S’aère tentu sorte
Nde so cuntentu ’e la fagher finida
ma sento sa cumpanza
chi lasso garrigada de cadranza.
Su riccone
Si una die in chentu das mercedes
novantanoe pensas de furare
in su pesu o in su misurare
ponende sa cussenzia sutta pedes
in Deus e in s’anima no credes
ca credes solu in su deus dinare
e puru a sa zente pusillànima
faghes a creder chi pensas pro s’ànima.
O, riccone lu para […
…]
ca est bivende in s’estrema miseria
su chi est tribagliende notte e die
e suttapostu puru a dogni angheria
e-i sos parassitos crede a mie
chi mancu s’abba si sunu servinde
che Pasciàs o Nababbos sun godinde.
Mi’ chi sos versos mios giustos taglian
e ap’isperu chi sia cumpresu.
De riccos puru bi nd’at chi tribaglian
no che a s’operaiu, benintesu,
però de sos chi renden sun in mesu
e chin sos pelandrones no s’isbaglian.
Deo sos tastos solamente toco
de sos chi oe biven a iscrocco.
93

Zoseppe Moro
Dae su tribagliu onestu e sena ingannos
s’interessu chi faghes est piticcu.
Nd’ap’intesu pius de unu riccu
nende chi l’at connottu dae sos mannos.
Beru ma cussos puru, malos annos,
nien de l’aer fattu dae su piccu
ca sos chi an ammassadu milliones
sunu fruttu de ispeculaziones.
Intro ’e te riflèttibi, lettore,
chi tantu a connoschenzia nde sese
ca so onestu e so lavoratore
no creo chi negare mi lu dese:
chin tottu ca tribaglio a fine mese
crede chi ch’esso semper depidore.
Cojuadu pius ch’essende iscàpulu
no li busco a s’ispèrria su tàpulu.
Pro su tribagliu no m’impressionat
ca tantu pro lottare so naschidu
però su chi rincreschet e istonat
est solu ca no est retribuidu
ca s’abe masciu atatu si buffonat
e deo tribagliende so famidu.
Ajò ch’est tempus chi ’enzat a fine
s’isfruttamentu ’e s’òmine a s’omìne.
94

S’aère tentu sorte
SU BABBU E SA FIZA
Babbu
Intende, fiza amada,
como chi semus solos in s’istanzia.
Su chi t’at dimandada
credo chi lu connoscas abbastanzia
pro l’aer praticadu:
est Servadore Pintus lumenadu.
Fiza
Babbu meu istimadu,
so digna de ascultare e d’ubbidire
ma pro su ch’azis nadu
iscusade, no poto accunsentire
néndebos d’una ’ìa
chi no l’apo nessuna simpatia.
Babbu
Fiza, pro cale fine
ti ses in custu modu protestada
contra ’e cust’omìne
sende chi finas troppu ses pagada
Gràssias ch’est bennidu
andas a denegare su partidu.
Fiza
Su fine, babbu meu,
bos l’apo a palesare prontamente
pro ca est troppu feu
mancari siat riccu e possidente
e si no l’apo zéniu
no lu leo pro àteru cumbéniu.
95

Zoseppe Moro
Babbu
Pensa chi sa ricchesa
est semper sa chi faghet e disfaghet,
no mires sa bellesa
ca benit die chi ti dispiaghet
pro ca sa simpatia
frastimas cando ses a penitia.
Fiza
Cando b’at simpatia
paren consolos sos dolores mannos
ca sa bon’armonia
mudat in cuntentesa sos affannos
ma si no b’at istima
passas sa bida frastima-frastima.
Babbu
Benit de se s’istima
cand’est unu partidu possidente:
paret gai a sa prima
ca no l’as a contattu frequente
però chin su trattare
as a bider chi benis a l’amare.
Fiza
S’oju no est cuntentu
e no si dêt mai accuntentare
ca pro su trattamentu
est casu raru istima a li leare.
Babbu, bos paret utile
però custu tentare est tott’inutile.
96

S’aère tentu sorte
Babbu
Mi’ chi pro meu pàrrere
tue de su chi balet no as suntu.
As pagu ite li nàrrere
ca no est feu mancu a cussu puntu
poi chin sa ricchesa
che rimediat tottu sa bellesa.
Fiza
Eo pro interessu
no ap’idea de li ponner fattu
ca est tottu cumbessu
paret unu brancone male fattu.
Est in tottu mancante
e peus de un’àinu ignorante.
Babbu
Tottu chene motivu
sunu narados sos irgherzos tuos:
como no est attivu
a si tirare sos dirittos suos.
No at istruzione
però est economicu e cringone.
Fiza
Bella caricatura
s’est de sos crasta-léndine cringones.
Mi dat tottu a misura
poi mi contat finas sos buccones.
Pro istar’a lessenzia
s’infurchet issu chin sa possidenzia!
97

Zoseppe Moro
Babbu
Babbu de s’altu tronu
prite cumprendes semper a contrariu
Cuss’est òmine ’onu
ch’ispendet su ch’est pius necessariu
e si cumpresu l’as
issu pensat pro s’oe e pro su cras.
Fiza
Ja lu poto cumprender
sena mi dare perunu rimpròveru:
cussu de no ispender
est pro ca timet a torrare pòveru.
E pro tenner dinare
lassat a mie sena mandigare.
Babbu
Ite nd’appezz’a tie
da chi sa conca ti ’olat che tudda
Si ispendes gasie
màndigas oe meda ma cras nudda.
Su bellu est a prevènnere
pro su presente e pro su gal’a bènnere.
Fiza
Unu est a prevenire
a su chi ’enit e a su presente
ma unu est a sentire
finas su chi si ’ettat a sa brente
ca pro su chi si trattat
pranghet a man’in capu e no l’agattat.
98

S’aère tentu sorte
Babbu
Lassa s’esagerare
ca est pro bon’amministrazione:
su bene sistemare
regnat in chie at usu ’e sa rejone
ca est sa pagu ispesa
base fundamentale ’e ogni ricchesa.
Fiza
Cussu pro irrichire
istat tres dies chin-d-unu figarzu:
giughet unu ’estire
chi bi nd’at menzus in su muntonarzu
e naro tando e como:
gana pro gana ja nde tenzo in domo.
Babbu
Emmo no est ladinu
ca est andande gai lanca-lanca:
cussu pappat continu
ovos e binu chin petta ’e banca.
Iss’est bene nutridu
mancari chi ti parzat mal’estidu.
Fiza
Macchè ovos e petta
chi est bivend’a patata cun sale:
paret a gana netta,
giughet sa bista che infirmu male.
Finzas si nades gai
cussu sa petta no l’at bida mai!
99

Zoseppe Moro
Babbu
Ite nde diat pàrrere
si t’aeret intesu àtera zente
Si ti làssana nàrrere
cunfirmas chi no màndigat niente.
Ma est economizende
dae su bentu friscu no est campende!
Fiza
Bos paret impossibile
a castigare ’e su tottu sa matta
ma s’esseret possibile
iss’est su primu chi l’aiat fatta:
campat frìgala-friga
fatténdeli sa coa a sa formiga.
Babbu
Bastante t’apo intesu
chin fiaccas e tantu buffonare:
no lu lesses suspesu
ca cheret sa risposta a li torrare.
L’isco chi est a pittu
de li daremus in presse s’abittu.
Fiza
Tando l’azis promissu
dae s’ora chi nazes de gasie:
in rughe cruzifissu
lu bia prima d’isposare a mie.
Chin dimònios chentu
torràdeli s’imposta in su momentu!
100

S’aère tentu sorte
Babbu
Ite bella risposta
chi cheres tantu prestu a li torrare.
Cudd’isettat s’imposta
de sa die chi depet abitare
ma tue de assolutu
cheres torrare prontu rifiutu.
Fiza
Ma chie bos at postu
a nde disponner de s’idea mia
Si gai azis dispostu
azis fatt’una grande fesseria
ca su lizitu votu
est ch’onzunu disponzat d’iss’etotu.
Babbu
Si no t’abbarras muda
t’isfascio in conca tua sa cadrea.
Istùpida e limbuda
tando no ses ancora fiza mea.
No ti nde ’oco fora
pro ca sutta tutela ses ancora!
Fiza
Sutta tutela so eo,
babbu, chi bos lu neghe no crededas
ma cussu no lu leo
mancari chi a cantos mi fattedas
e si nono bos giuro
chi unu mese bia no bi duro!
101

Zoseppe Moro
Babbu
Imbezzes deo creo
chi tue penses de girare paginas
ca su chi fatto deo,
mi’, ti lu giuro chi no ti l’immaginas.
Menzus est s’accunsentis
ca si nono de zertu ti nde pentis.
Fiza
Si che Santa Luchia
a mie, babbu, mi martirizades
s’acuta limba mia
pius forte negante l’azzappades
ca finzas ispirende
ap’a esser su nono cunfirmende.
Babbu
Pro chi nerzas gasie
deo ti giuro sena ti occhire
si no das retta a mie
t’ap’a bocare finas su ’estire
e tando in s’apposentu
t’inserro nuda e chene nutrimentu.
Fiza
Ja m’azis minettada
che una minorenne criatura
ma l’azis isbagliada
ca so che- i sa rocca firma e dura
e-i su minettare
m’aggiunghet pius forza a dennegare.
102

S’aère tentu sorte
Babbu
A sa fine ca poi
tue ja mi ses dende bon’ispaju
pro aer fiza goi
menzus m’esseret faladu unu raju.
Prista, béssimi fora
chi no t’’ida pius dae cust’ora!
Fiza
Mundu ’e tribulia
chi tantu mi pessighis e m’accabbas!
Pro gai mama mia
menzus chi mi ch’aeret fattu in abbas:
pr’istare gai in gherra
menzus no b’esser nàschida in sa terra!
Mamma
It’est sa chistione
Cherzo ch’in su momentu mi l’isfoghes.
Intrende in su portone
finas ch’intesu ch’apo custas boghes
so intrada timende
cando bos ap’intesu frastimende.
Fiza
Si bois b’esserezas dae prima
no si fit tottu custu argumentadu.
Babbu, òmine abbistu carculadu,
at bogadu faeddos pagu in rima:
mi cheret dare a forza un’amoradu
chi deo pro niente l’apo istima.
E no b’at d’ite li ponner afficcu
bogàndeli sa fama chi est riccu.
103

Zoseppe Moro
Mamma
S’est riccu ses fattende unu machine,
o fiz’amada, su no l’azzettare.
Pro chi balente no siat s’omine
jai lu cuccuzat cando b’at dinare:
s’est poveru mancari siat fine
li tocat tottu bida a tribagliare
e si est cussu su tentare sou
deo dao rejone a babbu tou.
Fiza
Mà tantu pezzi jai no l’ischia
chi s’ala sua diazis tirare.
No siat ch’atibedas a pensare
su balore ’e s’omìne e simpatia:
bastat chi b’apat ite mossigare
no b’at machine ne antipatia.
Ma si cherides mossigare in grussu
no bos colades su tempus chin cussu!
Mamma
O fiz’amada, chi no est pro mene
si ti so impressende a lu leare
ca tottu su chi b’at de mossigare
no est pro nois ca ja est pro tene
e si cheres godire cussu bene
sos filos tortos los deves lassare.
E si cheres passare bida ’ona
cussos maccos intestos abbandona.
104

S’aère tentu sorte
Fiza
Faghìdemi su santu piaghere
de mi finire tottu custas zarras.
Gai continu bi fattat de barras
cantu leat a mie pro muzere.
E babbu pro chi ancora siat mere
andet a li torrare sas caparras
ca pro chi si lu leet a impinnu
tantu no li resessit su disinnu.
Babbu
Bae, béssimi fora t’apo nadu
e no mi sigas mancu a pissighire.
Bae, chìrcati tue un’amoradu
chi ti diat domo, bibitu e bestire.
E si nono t’iscappas a pedire
e nâs chi t’amos nois dispacciadu
pro curpa de no aer postu in mente:
chissai chi nd’apat làstima sa zente.
Mamma
Deo a pedire no la lasso andare
mancari chi su ch’apo mi disponza.
Pensa chi est sa nostra sa ’irgonza
gai che cane a nde la dispazzare
e issa custu de no l’accettare
no chelzat puru a si ch’andare a monza.
Duncas fattu s’obbligu meu e tou
làssala fagher a zéniu sou.
105

Zoseppe Moro
Babbu
Fàgheli tue puru s’aggiudada
chi tantu pius forte mi resistat.
Si est pro fagher bida ritirada
ti rispondo ben’andat e ben’istat.
Però dae su modu ch’iss’abbistat
sos bachianos mi paret fartada
chi no est a leare custa ’ia
ma ch’est amante de sa fantasia.
Mamma
Si est amante de sa fantasia
làssala chi lu leet fantasiosu.
Si custu no li paret geniosu
no bi lu demus contr’a simpatia:
lu leet riccu feu o bellicosu
est fatta s’insistenzia tua e mia
ca tantu si a forza bi lu damos
a càrrigu ’e s’ànima bi l’amos.
Babbu
It’a càrrigu ’e ànima, accabala
chi cosa gai no nde cherz’intèndere
e tue puru no li fettas s’ala
ca l’est fattende pro no bi cumprèndere.
Como est isettende a la pretèndere
carcunu giovaneddu postu in gala.
Ma pro chi fette inutile su prou
la torro a replicare dae nou!
106

S’aère tentu sorte
A SCELBA
O Scelba, ancu ti falet unu raju:
guverna bene, it’est chi ses fattende
Cuncedi su dirittu a s’operaju
ch’est pro campare tottu tribagliende
e no favoras a Tiziu e a Caju
buffones incostados vomitende.
S’a dare sos dirittos no procuras
in guvernu, ista certu, pagu duras.
Tue, Scelba crudele, as dadu prou
chi ses ispietadu e criminale.
Sena rimorsu ses unu rivale
e assassinu ’e su simile tou:
no pensas ch’in su mundu ogni mortale
tracciadu at su fatale turnu sou.
E cand’’enit su tou ti giudìcat
barbaru e ti fusilat o t’impiccat.
Est realmente sa fatalidade
sa chi opprimet sa democrazia.
Est tempus chi s’onesta umanidade
seghet su velu de s’ipocrisia
e no apan pius supremazia
sos oppressores de sa povertade.
Apan sos lavorantes sos dirittos,
abbassu sos mandrones parassitos.
Abbizadinde, indignu guvernante,
chi ses beninde mancu a dogni impegnu.
Sos ch’in favore tenes in su regnu
ti creden sanguinariu e furfante
e effettivamente ses indegnu
de occupare seggiu dominante.
E ses benzende mancu a su promissu
a manu tua iscavende s’abissu.
107

Zoseppe Moro
SA LEZE TRUFFA
(Pubblicada, cun ateras de autores diferentes, in su 1953,
cuidadas dae sa Federazione de su PCI de Nugoro)
Su modu no est legale ne simpaticu
pro fagher de sos seggios pius conchista
est una truffa chi in su casu praticu
servit pro avvantaggiare certas listas.
Nade prite unu votu democraticu
balet pro duos de sos comunistas:
su votu d’operaios e artistas
faghet pro mesu ’e furtu est antipaticu.
Ma su ’e fagher custa preferenzia
est cosa troppu seria e no buffa
e sa popolazione chi est istuffa
pronunziat sa probabile sentenzia:
”s’approvazione de sa Legge Truffa
de rivoluzione est conseguenzia!”
108

S’aère tentu sorte
CONTRA A SA LEZE TRUFFA DE SU 1953
(Cuncursu organizadu dae su PCI - Federazione de Nugoro)
Elettores, votende dade attentu
ca est problema de grande importanza:
su guvernu at pro meta e pro intentu
sa leze truffa e cun issa s’isperanza
chi ottenende su chimbanta pro chentu
si che leat su premiu ’e mazoranza
e pro premiu tale ogn’unu creat
chi ottanta deputados si che leat.
Ma si sa mazoranza no conchistat
tando prus sos allaccios los istringhen:
sa proporzionale in vigore istat
e-i sa leze truffa la respinghen.
Tando si perdet terra si rattristat
e in base a sos votos passu ispinghen
e namos: bivat sa proporzionale,
a bassu sa leze truffa elettorale!
Si ses beru e leale comunista
dimostra d’esser efficace pernu.
Cumpanzu, faghe serviziu internu
pro no ti narrer su propagandista:
sias eloquente e attivista
pro chi su detestabile guvernu
no si ricostituat ne si loden
chi faghen su chi cheren ca lu poden.
109

Zoseppe Moro
SEMPER SUPRA DE SA LEZE TRUFFA
Sa leze truffaldina fura seggios
chi an De Gasperi e Iscelba presentada
indiscussa pretenden chi approvada
esseret dae onorevoles egregios.
Ch’est appoggiu e colonna solidada
d’unu regime ingiustu ’e privilegios
e sun ostruzionistas senza pregios
sos nostros chi bi l’ana ostaculada.
Liberales Corbinu e Nitti dottu
protestan pro sa leze fraudolente
ca benes e dirittos de sa zente
lavoratrice in giogu andan tottu
sopprimende s’uguaglianza ’e su votu
ch’est sancidu dae sa Costituente.
110

S’aère tentu sorte
OTTADA PRO SA LEZE TRUFFA
Azis chin custa leze provocados
dissidios, dibattitos assai
e si succedit carcunu guai
no nezas chi no fizes abbisados.
Pensade, no siedas ostinados
ca galu in tempus sezis, oramai,
e faghide in manera ch’apan tottu
giustu, eguale balore in su votu.
111

Zoseppe Moro
DUAS OTTADAS
IN RISPOSTA A SA LITTERA
DE INNASSIU PIRASTU
CHI ANNUNZIAVAT
S’ESITU DE SU CUNCURSU
Pirastu cantu nde so aggradessidu
in rima a ti l’esprimer no resesso.
Si in sa poesia de su Congresso
mediocre suzessu ap’ottenidu
ca fia de cussenzia lu cunfesso
in politica pagu progredidu
e sos particolares pius minùscolos
no ap’accoltu dae sos opùscolos.
Si eo essere pius emancipadu
e de sa leze e cantu a su currente
in dogni puntu pius saliente
su premiu no aia balanzadu
ma su sonetto naro francamente
l’aia fattu pius elaboradu
ma goi sende ignaru e pacu ischidu
grassias de comente m’est bessidu.
112

S’aère tentu sorte
SU MESE DE MARTU
Mese de Martu, dae prima die
t’avverto: no mi tires su pedduncu
ca timende a giogare in manu a tie
so dae meda tremende che giuncu
sende chi so seguru chi a mie
no m’as procuradu cuss’imbruncu.
Però ti timo ca ses avvisadu
a che finire su pegus marcadu.
Oe manzanu de die secunda
t’avverto, martu: mìtiga su clima
ca dae sa persona moribunda
est duos-tres a ch’essire s’anìma,
anzis si m’as unu pagu de istima
custa neoplasia mi nde munda.
Gai de nou tribaglio e disvago
e cun grazias bòidas ti pago.
Ma oe chi est sa die terza
un’elogiu ti fatto e cumplimentu
ma ca ses annu-annu ischerza-ischerza
ses che puzone chi no at assentu
e pro sas nues chi moet su bentu
su sole abbistat che pessone gherza.
Ti ses pentidu ca nd’as fattu duas
discretas, ma sa terza est de sas tuas.
Ugualmente puru a sa quarta
no ti ses tantu bene cumportadu:
ja che l’as agabbadu unu viadu,
fortuna chi faghiat pagu farta.
S’’idet bene chi ses conchi-isfasciadu
chi no as mira ne bassa ne arta.
Agis cuntinu chin crudelidade
ca no as dolu de s’umanidade.
113

Zoseppe Moro
Pro esser rigida e sicca sa quinta
sa zente in sos pesantes indumentos
a mie puru m’as dadu un’astrinta
ch’apo passadu pessimos momentos
eppuru a forza de ingredientos
che l’apo superada e l’apo binta.
Como so abbattidu e mogiu mogiu:
ti disprezzo e detesto sena elogiu.
Quasi tottu sa famiglia umana
no si lamentat de sa die sesta
pro chi fiat tirende tramuntana
che-i sas precedentes no molesta.
O ses in brazzos de carchi diana
o zelembrinos no as in sa testa:
in donzi modu gai duren sos males
cantu duran sos tuos ideales.
Jai ses duradu meda a sa ’e sette
s’idea bona in mala est cambiada
ca un’àstula mala t’est falada
oe t’as postu a tortu su bonette:
oe ses a sa manu chin Alette,
sa megera infernale infuriada.
Oe ses torra semenende ispinas
ca una in mesu ’e milli nd’indovinas.
Malasorte però a sa ’e otto
imbezze ’e mezorare ’ettat a nie.
Un’apeturizada as dadu a mie
chi da s’isdraia pesare no potto.
Ma pro sos sanos puru est una die
chi lis faghet bisonzu su cappotto
pro no leare nou raffreddore
chi preoccupat d’issos su dottore.
114

S’aère tentu sorte
Pius che sa ’e otto sa ’e noe
ingratu as proseghidu sa niada.
A mie ja m’as fattu bonu proe:
mala sa die, pejus sa nottada.
Gai t’agattes comente so oe
burri-burri de mente vacillada.
Vigliaccu, de nessunu as riguardu:
cando pones a conca est troppu tardu.
Aspettende mezoru a sa ’e deghe
m’as prus istimoladu dogni dolu.
Bido e proo, no est Frearzu solu
su ch’est conchi-balladu che berveghe
e ca ses traitore e ses varjolu
accabbas chi est dèndela sa veghe.
Ma tue puru, conchi-quadratu,
su terzu de sa bida che l’as fattu.
Gai matessi sa ’e deghe e una
de cambiare clima semper zittu
ma tue sighis nie, bentu e frittu
sena misericordia peruna
ca ambos azis coros de granitu:
tue cun s’indegnissima Fortuna.
Paret chi sezes intesos a pare
unu a mi ferrer, una a m’accabbare.
Sa ’e dòighi, conchi-bola-bola
mi as dadu sos proprios azuos.
Tue chi cheres fagher a sa sola,
s’ierru no si faghet solu in duos
e essende chi prima frades tuos
fin in dirittu de ’ettare granzola.
E puru aende làstima ’e sa zente
ja ti ses cumportadu indifferente.
115

Zoseppe Moro
Su tréighi so torradu a sa rejone
ma quasi a su meu accabatoriu.
Manzanu pustis sa colazione
e su biaggiu a s’ambulatoriu
m’apo buscadu una indigestione
chi fia accant’e ponner ajutoriu.
Ma tando grazie a unu calmante
a mie su dolore fattu at cante.
Sa seguente est a similitudine
de comente bos faghet pagu giaras.
Manzanu aiat su sorrisu in laras
ma subitu est torradu a s’abitudine:
a contu tou ca as duas caras
nde das una a su ferru, una a s’incudine.
Ma si cambias puru luego etotu
torras, brutt’imbezille, a su connotu!
Sa ’e bìndighi fatta l’as de lussu
eo però sa notte precedente
l’apo passada troppu malamente
chi appena mi battiat bena in brussu
ca sa sorte crudele beramente
ja la giughet abberu a collu grussu
ca no mi lassat un’ora dispostu:
mi cheret mortu a cale siat costu.
Prus bona puru sa ’e deghe e sese
l’as in amaru fele cambiada.
Gai no fettes su restu ’e su mese
ma cun tegus fiducia nemos nd’ada
però lettore a mie no mi crese
su tribagliu e fatiga chi mi dada
a che bessire dae s’istradone
pro fagher ogni die inizione.
116

S’aère tentu sorte
Mancari sicca siat e bentosa
sa die deghessette mancu est mala.
Sa zente sana ch’est laboriosa
istat alzende e falende a dogn’ala.
Eo obbligadu a sa bida oziosa
chin cussa dolorosa rughe a pala
so sempre in sa chisina amarranadu
isprechende su pastu, isfaccendadu.
Pro sa ’e degheotto no t’onoro
ca ti ses cumportadu pagu ’ene:
as fattu abba e ràndine pro mene,
pro cantu duro in bida mi nd’accoro.
Tenia finas d’andare a Nuoro
pro mi fagher s’esame ’e su sambène
ma no b’andei ca s’azzessu istranu
l’apo calmadu a forza ’e laudanu.
Su deghennoe est santu Zoseppe
onomasticu meu pro unu prou.
L’apo ’ettadu unu rùviu d’ou
a sa minestra, mancari mi crepe,
ma grazie a su bonu Manitou
ja m’at conzadu comente si depe’
ca mi poto contare fortunadu
si no mi ch’est bessidu su iadu.
Sa ’e binti a Nuoro so andadu
pro s’esame ’e su sàmbene e pro proa.
In sa sala d’aspetto de sa Poa
finas a mesudie so istadu
ma su ch’est che a mie isfortunadu
mai in nessuna cosa faghet loa
ca su dottore addettu fut ingratu
e s’esame ’e su samben no m’at fattu.
117

Zoseppe Moro
Su bintunu, bentosa die e fritta,
pro unu che a mie ch’est arressu
ca dogni die sa persona afflitta
est in deperimentu e in regressu:
indigistivu ap’àpidu un’accessu
chi mi l’ap’’ida tra pilu e berritta.
E m’at lassadu sena m’accabbare
c’apo menzus buccone d’assazare.
Su bintiduos biazada noa
apo fattu a sa Poa provinciale
ma su dottore che unu rivale
indignu de esseret in sa Poa
s’iscusa chi ’ogadu at a sa coa
est chi dae su sìndigu legale
be-i cheriat unu documentu
pro garanzia de su pagamentu.
Su bintitres ne frittu ne caente
fit su clima ma deo disgrasciadu
l’apo fattu su die e ruminadu
su pastu de sa die precedente.
Pro istare che a mie unu bivente
est menzus chentu ’ortas sepultadu
ca a su coloridu ’e sa cara
paria jai mortu e postu in bara.
Su bintibattor so istadu ’ene
in paragone a sas àteras dies
ma tue, martu crudu, isco pro mene
chi sarcasticamente ti nde ries
e fettas sole pioas o nies
pro me semper nocivu ses tambene
ca de mi persighire no ti dutas
che cando intro sos ojos mi che giutas.
118

S’aère tentu sorte
Su bintichimbe as piòidu appena
pro achistare su perdidu onore
cun abba minutissima e serena
pro favorire massaju e pastore
e ca no as frimmesa ne balore
luego etottu as cambiadu iscena.
Nât su dizzu de sa zent’anziana:
preda chi ballat mai ponet lana.
Su bintises buffende divertidu
ti ses e mancu a sero no l’ismettis
ca est giustu: buffende ses naschidu
e buffende ogni die ti ch’ispettis.
Oe t’ana sos bentos favoridu,
conca de bentu chi nudda riflettis:
pro cussu a mie ja m’as obligadu
tottu sa die a istare intanadu.
Sende bentosa che-i sa passada
su bintisette mi tucco a Lotalu
pro mi la fagher una passizada
ma ja l’apo buscadu su regalu:
no mi paret passada chi ch’est galu
ca mal’inie, pejus sa torrada.
No so torradu a sàltios ne giogos
c’apo pasadu nessi in binti logos.
Su bintotto d’andare a binzaresu
no m’est torradu a pesare disizu
ca da eris indossu ap’unu pesu
chi no poto alziare mancu chizu
e d’una bona borta apo cumpresu
chi dogni die che perdo unu pizu.
E si fatto imprudenzia pro capricciu
de bida dies prima so ispicciu.
119

Zoseppe Moro
Su bintinoe pro timer ingiuria
o pro s’acquistare simpatia
si no innant’a campagn’andaia
pioet e de bentu no b’at furia
ma sa micidiale ulcera mia
no contat mitigare sa penuria
ca tantu, su diàulu la tughet,
semper in chima la torrat e giughet.
Oe trinta, dumìniga de prama
die solenne, clima de beranu
ma pro me no bi nd’at podere umanu
chi mi nd’istudet sa mortale fiama.
Tue, Cristos, che Deus soveranu
no mi l’istrunches sa debile trama:
sànami custu male inguaribile
da chi a tie solu t’est possibile.
E de s’ùrtima die su trintunu
de Martu ch’est su mese de ingannu
e no faghes a tempus pro ocannu
de occhires a mie ne nessunu.
Bastante as perseghidu e importunu
siat pizzinnu, zòvanu o mannu
ma pro ocannu so salvu, Martu vile,
gai mi che l’iscampe dae Aprile.
Deus, ch’as su podere onnipotente
e chi no lassas fizu in abbandonu,
a mie chi ingratu, indifferente
so istadu pro Te, dammi perdonu
e dae como propositu ’onu
fatto si Ti dimustras indulgente.
Dae como a innantis, Ti lu giuro
chi cunfido cun Tegus cantu duro.
120

S’aère tentu sorte
Dae Marte su deus de sa gherra
tue, Martu, su lumen as ottentu.
Ma su tou caratter turbolentu
no est tantu proficuu a sa terra:
ses semper in contrastu e cuntierra
chin-d-unu o chin-d-un’àteru elementu
e de te no si fidat nemos mai
ca ses un’ora goi, un’ora gai.
121

Zoseppe Moro
SA MALADIA
Lettores, tottu ischides chi fit trista
s’economica mia condizione.
E como tribagliende in s’istradone
m’est supraggiunta una cosa imprevista
ca sa natura proba e tantu abbista
cand’’idet a s’estremu una pessone
chi giughet giai segada s’ischina
pro l’intoppare li punghet s’ispina.
In su chimbanta chimbe in Sant’Andria
su chi so pro bos narrer mi est successu
chi senza gautella che unu fessu
tribagliende dispostu deo fia
tott’in d’una m’est bénnidu s’acessu
de s’atroce passada maladia
chi m’at a s’improvvisu fulminadu
chi so restadu che paralizadu.
Che cando aère giutu unu pugnale
puntu in s’addome cun barbaridade
su dolore costante e micidiale
mi persighiat sena piedade.
Duos bonos cumpagnos mancu male
l’ana fatta sa santa caridade
chi a domo a braccetto m’an pigadu
si nono mortu inie fia istadu.
In domo ana giamadu su dottore
e m’at fattu una pronta inizione
pro poder mitigare su dolore
imbezzes no b’aiat rimessione.
Su dottore decrarat: sarvu errore
eo b’agato cumplicazione.
Faghet sa base a sa nostra presenzia
pro mi ricoverare de urgenzia.
122

S’aère tentu sorte
No essende prus ora ’e corriera
compare, frade de muzere mia,
andat a sa caserma de polizia
e sen’istentu fattu an sa manera
chin premura e chin tanta cortesia
de partire in sa celere e leggera
chi in séighi minutos puntuale
arrivat a s’intrada ’e s’ispidale.
Subitamente m’an ricoveradu
in su prontu succursu a prim’intrada.
Su dottore ’e guardia bisitadu
m’at e nesit chi no si securada.
Poi a malu coro at esternadu:
a cust’ora chirurgu no bi nd’ada.
Però ja est istadu de cussenzia
ca los at avvisados de urgenzia.
Dae cue a pag’ora prestamente
duos dottores bi at arrivadu.
Cussos puru mi ana bisitadu
e m’agàttana troppu sufferente:
dàremi meighina an ordinadu
e una borsa de abba caente
m’an postu cun premura in su fiancu
ma su dolore no beniat mancu.
Che fin sas noe e mesa sarvu errore
chi passos apressados ap’intesu
e istancadu, abbattìdu apo cumpresu
chi arrivadu fit su professore.
Supra unu lettinu m’an distesu
néndemi: inue prus as su dolore
A pustis chi m’at bene esaminadu:
”Est grave”, a sos àteros at nadu.
123

Zoseppe Moro
Mi lassan prus e prus addoloridu
chi creia de morrer in cuss’attu.
Tando un’infermieri mi at pulidu
e paris duas punturas mi at fattu
a su sinistru e a su destru latu
e tottu de biancu mi at bestidu.
Ma eo mi lamento appena accortu:
”Làssami -naraia- ca so mortu”.
Tando in-d-unu carrello trasportadu
m’an supraffatu dae su dolore.
S’ora chi transitende so istadu
si mi dimandas no isco, lettore,
ma solamente mi so abbizadu
cando mi ch’ana postu in s’ascensore
e arrivo a sa sala operatoria
chi fia ja perdende sa memoria.
124

S’aère tentu sorte
A SU FIZOLU ANTONI CARTA
Sonetto
Antoni, a tie puru unu sonetto
faghet s’inconsolabile padrinu
leadu in giru dae su destinu
però sa sorte ingrata la minetto.
Invanu est chi m’intralcet su caminu
déndemi seccaturas chi m’ispetto
ma si s’isperdet su mund’assassinu
intrépidu sa sua fine isetto.
Oramai ogni vigilia apo ’idu
e m’an sas sufferenzias calmadu
e prus no timo nessunu guai.
Tue dae sa sorte favoridu
sias, Antoni, bene orientadu
a connoscher su gosu, e pena mai.
125

Zoseppe Moro
CUARTINAS
Sas bigottas mi nan: ”Tene passenzia,
Deus dat a su male su remédiu
ca est issu chi dat sa penitenzia
cunforma a su male ch’at prezédiu”.
O Antoni, sa tua balentia
cun milli augurios la pago
e deo sa tenace maladia
l’ap’in coro e a sa sola mi la trago.
Ammitto puru chi ape mancadu
però su mal’est troppu esuberante
e l’apo medas bortas supplicadu
ma faghet a urijas de mercante.
126

S’aère tentu sorte
OTTADAS
Padrinu ch’est recrusu bolontariu
in clinica ma semper t’at in mente
e in cantu a s’istadu salutariu
a su solitu est attualmente.
Tue istes, Antoni, ottimamente
cun Celeste Duminiga e Gonariu
e mamma tua comare Carmena
no siat sofferente ne in pena.
A Zobbo e Zizzu Pira mi saluda,
cherzo chi augurios lis dese.
Pro annu nou a fine custu mese
cantade, no istedas a sa muda.
Si capitat ch’imbuccas a Cuncuda
mi saludas forte a Peppe Sese:
a Bore e Michelinu, frades tuos,
tantu mi los saludas ambos duos.
Mancari galu ispettende chi sane
c’apo de dare cara a fizos mios
comente sun manchéndemi sos brios
no manchet a su pòveru su pane
c’apo solu sa limba che-i su cane
fattende contos largos che-i sos bios:
ottimista bidende e no credende
chi sa fune s’est semper accurzende.
Oe so a sos ùrtimos adios:
salude a tottus, mannos e minore
ca su tenace e atroce dolore
mi ch’est leende forza, sensu e brios.
Pòveros, orfaneddos fizos mios,
privos de s’infelice genitore
chi Parca avara at post’in assédiu
e de sanare no b’at prus rimédiu.
127

Zoseppe Moro
E cando s’apparatu digerente
mi dolet, mi lamento a boghe bassa
prite tando sa pòvera carcassa
est una massa inerte e impotente
e de cantu m’agatto sufferente
mi paret chi no torre prus in trassa.
Ma passadu su passu pius bruttu
isto semper canténdemi a murmuttu.
De cantu so torrende a m’affortire
podo andare e brincare dogn’ostàculu:
m’est semper prus astrintu su bestire
chi paret indossadu a unu bàculu
e b’at abberu de l’attribuire
chi Deus l’est fattende pro miràculu.
E mi podet pigare corvu a mossos
ca b’at sa pedde sola cun sos ossos.
128

S’aère tentu sorte
A PASCALE FLORIS
Ottadas
Pascale, tantos annos sun passados
chi àpidu no amos pius contattu
comente dae prima cumbinados
nos semus e ottadas amos fattu.
Ma como a mi cundire unu piattu
parian sos eventos impinnados
e sena piedade ne clemenzia
ja m’an avvelenadu s’esistenzia.
No deves arziare pius su chizu
pustis de su buccone saporidu
chi destinu crudele mi at cundidu
pro istare in vitaliziu fastizu.
Chin tottu galu, che cane famidu,
Pascale, m’est bennidu su disizu
de ti fagher sonettos ca unu die
duos o trese nd’apo intesu a tie.
129

Zoseppe Moro
Sonetto 1
Tue buscas sos serios momentos
de poder dedicare a sos sonettos
e turbados no as sos sentimentos
si cheres chi ti ’èssana perfettos.
Eo t’isvelo sena cumplimentos
chi pro ventura mia sun correttos
ma pro mene sun mortos sos dilettos:
bivo solu d’affannos e turmentos.
O Pascale, so eo in-d-unu caos
de su cale ses tue a connoschenzia
e ando semper dae pena in pena.
Ficcados apo in coro duos giaos
chi mi procuran sa conseguenzia
de sa cruda immancàbile gangrena.
130

S’aère tentu sorte
Sonetto 2
S’èssere meu fragile e affrantu
como at subidu unu colpu fatale
pro ca isbalordidu mi at tantu
poto narrer quasi chi est mortale.
Si nde ridat s’incògnitu rivale
cando mi ’idet in dolu e in piantu
ca no mi passat su colpu morale
mancu cando riposo in campusantu.
Ca sa tudda chi como s’est isparta
no podet esses pius remunida
e ch’in bida no apo alcuna farta
lu giuro in logu ’e perder sa bida
ma sa morale mia netta e arta
mi l’ana sette metros seppellida.
131

Zoseppe Moro
Sonetto 3
Sa satìrica rima giusta e soda
cumpati, so nervosu e iracundu:
chie ’e tesser menzognas at sa moda
diat attenzione ca su mundu
naran tottus chi giughet una roda
chi girat cando a supra, cando a fundu:
si no a primu giru, a su segundu
ca tempus bi nd’at meda galu a coda.
Pagu balanzan dae sas menzognas
vigliaccas, ruffianas, imbusteras,
privas de bonu sensu e de rejone.
Ma cussas depravadas menzogneras
perdonade sa mia espressione
sa bona parte sun tottu carognas.
132

S’aère tentu sorte
A SU NEPODE ANDRIA BIANCU
(Orgosolo, 5 de maju de su 1956)
In riscontru a sa tua chi as mandadu
pienada de rima dialettale
rispondo in poesia tale e cale
pro t’aer sos saludos ricambiadu.
Eo so a reposu collocadu,
Andria, pro disturbu addominale
e tue in custa littera ispedida
nâs chi ses sanu: gai tottu bida.
Sa capitale de su Piemonte
de la ’ider ap’eo ardente brama.
D’estetica bellesa panorama
chi podet de Parigi istare a fronte
est de salubre clima puru fonte
cuss’alpestre zittade giutta a fama.
Lassende s’alta mole a una parte
b’at monumentos e operas d’arte.
Su tempus chi inie as permanenzia
prego sa tua bona boluntade
pro mi descrier sa magnificenzia
de cussa attraentissima zittade
ch’est centru de cultura e civiltade
e patria, dimora e residenzia
de Massimu e Camillu immortaladu
ambos celebres òmines d’istadu.
133

Zoseppe Moro
In serviziu mùstradi costante
e rassignadu, rispettosu e seriu
chin dogni cittadinu o cumandante
ca no subis nessunu vituperiu.
In su dovere, Andria, s’importante
est de verbalizzare chin criteriu
ca su giustu l’incomian e lu lodan
e mancanzias puru si perdonan.
Divertìndedi dae attenzione,
pone a sa proa sa tua virtude.
Abberi s’oju a sa corruzione
ca est sugettu a perder sa salude:
coltìvadi sa cara gioventude,
economicu e no sias isprecone
e s’istipendiu de sa carriera
utilìzzalu in sa menzus manera.
Divértidi, però sias prudente
ca dogni cosa est a tempus sou.
Su serviziu como, essende nou,
ti paret iscocciante certamente
ma cando pensas assiduamente
ch’est sa sorgente de su pane tou
sos oriòlos ch’aias arrimas
e su ch’est de dovere solu istimas.
T’augùro ch’abbarres permanente
in carriera e sias fortunadu:
in pagu tempus passes appuntadu,
vicebrigadieri prestamente
poi si no pius ingallonadu
maresciallu maggiore ultimamente:
docile tantu giustu reconnottu,
amadu e rispettadu dae tottu.
134

S’aère tentu sorte
Caru nepode meu, no bi creo
chi t’offendas pro t’aer avertidu
ca no as sende sàviu e ischidu
bisonzu de su meu galateo
ca forzis a dietro pius so eo
de te ch’apo cunsizos ispedidu.
Azzèttalos però chin piaghere
c’a parrer meu mi sento in dovere.
Sa poesia, cre’, nepode caru
no la cumpones tantu elaborada.
Ritòcala e aspìrala s’ottada,
legher e osservare t’est imparu
e pensa sen’aspirare a su laru
dognunu isfruttat su talentu ch’ada.
E pro raggiungher o meno s’iscoppu
cre’ chi s’imparu no est mai troppu.
Pro chi eo mi sia lamentende
divértidi si ses in divertire
ma faghe e pessa cando ses pensende
ca as de ti creare un’avvenire.
Su tempus est tott’oro, dês ischire,
rifletti si lu ses utilizzende.
S’ùnica gioventude isfrutta como,
pensa prite lontanu ses da domo.
Si no cheres chi pigru eo ti giame
su tempus pro s’istùdiu dispone
e assiduamente no in-d-un’ame
persevera chin grande attenzione
e si t’assinzan compitu a s’esame
chirca concreta sa soluzione
ca pro su decisivu insegnu nou
sa mente deves ponner a su prou.
135

Zoseppe Moro
Nâs chi bonos cunsizos t’apo dadu
ma sun cunsizos de pagu balore:
mi ’antan che poeticu autore
però est unu ’àntidu isprecadu.
Grazias ca mi as auguradu
ch’isparidu m’esseret su dolore
ma est andende a duru cussa die
signale chi mi merito gasie.
Crèdela, caru Andria, no ti do
chi a tie trasferin dae Torinu
ch’est situada in sanu clima alpinu
poi est traversada dae su Po
e dae settentrione zertu so
chi riparada dae s’alp’appenninu
e godit generale ammirazione
cun s’estetica sua costruzione.
Cinta est s’incantevole zittade
no do chin custos magros versos meos:
in sinu sou at s’universidade
fabbricas, impiantos e liceos,
riccas bibliotecas e museos
e monumentos un’infinidade:
bias drittas e largas e lustrosas,
piazzas bellas e ispaziosas.
Su treghentos e dòighi, nât s’istoria,
chi Costantinu a Massenziu at bintu
sos Francesos d’assédiu l’an cintu
a Torinu aspirende a sa vittoria
ma Amedeo segundu at tentu gloria
su Settighentos e ses s’est distintu
paris chin Eugeniu de Savoia
vertende sa vittoria chin gioia.
136

S’aère tentu sorte
Su Sessantunu passada est istada
capitale in Regnu de Sardigna.
Istada puru est capitale digna
de s’intera Italia tribulada
cando no fit ancora unificada
essende istraniera carchi insigna
prima de s’Ottighentos e settanta
chintende a Roma unida tottaganta.
137

Zoseppe Moro
SEGUNDU CANTU
A SU NEPODE ANDRIA BIANCU
(Orgosolo, 11 de frearzu de su 1957)
O amadu nepode, milli iscusas
pro su ritardu pedo e ti presento.
A ti fagher risposta prima istento
c’apo sa mente de sas prus ottusas
e sas ingratas signorinas musas
s’agiudu mi an negadu e mi lamento.
E-i sos permanentes grattacapos
no mi dan logu si no fatto istrapos.
Pro chi no nerzas chi so egoista
pagas ottadas tocat chi ti cante
déndet’a bier chi so estremista
ghiende a tie in rimas aspirante
e so cantende a tie che apprendista
e deo in poesia s’insegnante.
Però narzende su ch’est realmente
est s’insegnante peus de s’istudente.
Dae sa littera apprendo caru Andria
chi tue godis ottima salude.
Gai tottu sa tua gioventude
passes liberu e sanu ’e maladia.
A portada de manu ogni virtude
apas e servas a medas de ghìa
e ti distingas umile in bontade
in educazione e onestade.
138

S’aère tentu sorte
Novas mias no conto tantu a fine
ca so galu sas bezzas isconzende.
Sa gàstrica chi aio e so suffrende
chissai chi mi che sanet in Manine:
a perder s’isperanzia est machine
ma cando m’’ido in tottu male andende
de salude e risorsas in mancanzia
pro forza perdo finas s’isperanzia.
Su restu sanos sun in domo mia
però b’est s’economica piaga.
Si comente s’intrada est troppu paga
de su bisonzu semus in balìa
e da su fangu de sa carestia
deo comente mai tiro daga
Mastru Giuanne troppu ispudoradu
si ch’est in domo mia aposentadu.
In prus a parte su fisìcu male
e su bisonzu cronicu incarnidu
m’est supragiunta sa pena morale
dae su ch’in novembre est sucedidu:
crede chi mi at tantu isbalordidu
chi forzis prus no torro a su normale
ca pro m’aggiungher dolos e annojos
m’ana ’ettadu sa berritta a ojos.
139

Zoseppe Moro
Però si moralmente funestadu
m’an postu in rughe mala chin anneos
no credo siat pro cambios meos
ca mai beffadore so istadu
ne disonestu ne iscreanzadu
ma anzis indulgente chin sos reos
ca sa parte deretta ei sa torta
nos tocat in su mundu a borta a borta.
Chie m’at s’esistenzia avilida
provet mossas, puntorzos e isprones.
So vendicadu basta chi lu ’ida
assazende sos propios buccones
ma tue in primavera de sa bida,
Andria caru, no t’impressiones
ca su coro as pienu d’esultanzias
abbertu a sas novellas isperanzias.
Como m’iscusas, Andria Biancu,
si su càntigu est pagu ricercadu
ca ti l’apo a istentu cumpiladu
cando dae su tribagliu ’enia istancu.
Sugu mai nd’ap’eo manizadu
ma su pagu ch’aìa ’énnidu est mancu
e dae Moro dolente e lagnosu
gradesse unu saludu affettuosu.
140

S’aère tentu sorte
OTTADA A SU NEPODE ANDRIA BIANCU
(Orgosolo, 18 de Santuavini de su 1957)
Como est rejone chi ti nde lamentes
pro su tantu ritardu, caru Andria,
poi no ti rispondo in poesia
comente in sas litèras prezedentes.
Sìntomos de gastrite intermittentes
sun abbattende sa persone mia.
Rendéndemi ogni die pius dolente
mi tiran a sa tumba lentamente.
141

Zoseppe Moro
OTTADAS A SU NEPODE ANDRIA BIANCU
(Orgosolo, 15 de Frearzu de su 1958)
Pro ite de iscusare no apo Andria
ca deo pius de tene apo mancadu
ca in Cagliari m’an recoveradu
pro gastrica infiltrante neoplasia
e unu mese interu incue fia
poi unu mese m’ana dispazzadu
pro fagher cura ricostituente
e poi rientrare novamente.
Si m’’ides como jai so robustu
prus de cantu lu fia essende sanu:
si ispozadu lu giuto su bustu
si mi contan sas costas dae lontanu.
De su tottu bennìdu so marranu
paschéndemi de male e de disgustu.
Sa conca pius de nudda si suvvenit
ma solu ispettat su chi mai benit.
Sos ojos mios che sun infossados
luego de su tottu si che incalan.
Sas orijas luego mi che falan
comente a cuddos canes abbeffados.
Sos ossos de sas palas si signalan
ca paren duos broccos acuttados.
Su chintu pro comente s’est ridottu
luego si che secat de su tottu.
142

S’aère tentu sorte
Sos brazzos paren duas baionettas
de cantu sunu siccos istecchidos.
Sas manos chin sos didos incarnidos
paren fagher serviziu de furchettas.
Sas ancas paren duas ispolettas
ca sun ossos e nérbios isfinidos.
Sos ferros d’anca fin’a sos cambuzzos
pàrene duas attas de lipuzzos.
So da sa Parca abbisadu in bullette
però finas a s’urtimu la lotto
ca no m’at mortu in su chimbantasette
m’est curpende de prus su chimbantotto.
Che pische tentu in intro de sa rete
ap’a lottare tottu su chi potto
ma mi at abbisadu inferocida
chi m’appronte pro s’urtima partida.
Incoraggiantes faeddos mi nasa
cando sos augurios mi rinnovas
ma sorte mia perfida e romasa
pro bene meu mancu faghet provas.
Tue menzus de oe sias crasa
e menzus de ocannu istes a novas:
pro chimbanta annos dae como in susu
progredas e avanzes de piusu.
143

Zoseppe Moro
CHIMBE OTTADAS ISCRITAS
IN SOS URTIMOS MESES DE MALADIA
(Beranu de su 1958)
Como fit tantu tempus a sa muda
s’iscarsa musa mia sena isfogu
però li so cazzende sa barbuda
pro isfogare dolore, no pro giogu
ca sa pessone fragile che buda
est che corria in mesu ’e su fogu
affinighende e fatténdesi a branca
sena poder de brazzu ne de anca.
Como pro forza tocat chi m’arrime
ca su motore lu giutto guastu.
So jai duos annos a regime
guai mancu a fagher mesu pastu:
s’ispunto appena appena time-time
tando pro una chida nd’apo castu.
Gai timende dolore e fastìdiu
so semper prus a gana che a sìdiu.
Prus no tribagliat su meu motore
onzi tantu si firmat e s’inzeppat.
Tando comente cosa chi mi deppat
mi procurat acutu unu dolore:
gonfiadu mi paret chi si creppat
[…
…]
e carchi die si no isto attentu
mi mandat foras de cumbattimentu.
144

S’aère tentu sorte
Si che so arrivadu a s’ora estrema
tottu sa culpa est de madre natura
ca de salude mia aende cura
tirao lotta-lotta rema-rema
però pro m’aggiudare, cori-dura,
mi ch’at incumandadu custa tema
e daéndemi custos martirizos
no mi nerzan chi istima at de sos fizos.
Ma chi mi mandet Deus no l’ingullo
su male chi s’abbattet gai forte.
No credo in su destinu ne l’annullo,
credo ch’a tott’apartenzat sa morte:
giustu credo su narrer de Catullo
chi nessunu est cuntentu de sa sorte
ca de su male prestu nos lagnamos
e de su bene no nos sapiamos.
145

Zoseppe Moro
IN MEMORIA DE ZOSEPPE MORO
Apollo, fizu ’e Giove e de Latona,
Deus mastru de ogni poesia,
cun sas noe sorres in cumpagnia
e de tottu sos membros d’Elicona
li daen a Zoseppe anima ’ona
s’istintu ’e sa musa in pizzinnia.
L’at coltivada cun bella armonia
diventende s’ispassu ’e custa zona
però oe a s’edade ’e chimbant’annos
finit dogni sorrisu e dogn’incantu:
est intradu in su sacru campusantu
segnalende unu luttu ’e sos pius mannos
lassende fizos in sos tristos pannos
privos de su paternu dulze incantu
bestidos cun su luttuosu mantu
traìdos dae sa Parca tott’ingannos.
Omine ’onu mortu cun onore
semper istadu modestu e gentile
capaze ’e cunsizare un’ignorante
at supportadu su forte dolore
cun rassegnazione pius umile
decisu finas a s’ultimu istante.
Comente chi partiat pro torrare
s’at remunìdu muzere cun fizos
déndel’una paterna avvertenzia
d’ischire biver e bene trattare
lassat testamentarios cunsizos
dae sa sua nobile cussenzia.
Antoni Farina, 1958
146

S’aère tentu sorte
A SA MEMORIA DE ZOSEPPE MORO
Orgosolo, pianghe luttuosu
de sa trista isventura chi as tentu:
unu faru ch’aìas luminosu
send’in su menzus lugher si est ispentu.
Moro est partidu a s’ultimu reposu
lassande memoràbile un’ammentu:
est mortu unu poeta balorosu,
de sas musas s’intendet su lamentu.
S’Elicona piantu at dae nou
annunziadu l’an su tristu avvisu
ca mort’est aterunu fizu sou.
Paulicu, Peppinu e Melchioro
sun in sas portas de su paradisu
pro onoraren a Zoseppe Moro.
Cosomo Mercurio, Capidanni de su 1958
147

Zoseppe Moro
A SA MEMORIA DE ZOSEPPE MORO
O Parca inesoràbile, ch’as giuttu
su geniu distintu in sepoltura:
elettu dae sos donos de natura
in sa menzus edade l’as distruttu.
Muzere e fizos bestidos de luttu
sun pro s’irreparàbile isventura:
affrantos de dolore e de tristura
senza poder mantenner oju assuttu.
Ca lis mancat s’affettu sa guida
de su babbu ch’aìan tantu caru
est pena de no poder resistire.
Sol’a sos chimbant’annos de sa bida
est tramuntadu custu Cignu raru
ch’istentat aterunu a nde naschire.
Cosomo Mercurio, Capidanni de su 1958
148

S’aère tentu sorte
A SA MEMORIA DE ZOSEPPE MORO
Moro, aìas una rara istima
pro sa tua onestade e gentilesa:
fis s’isprigu in sa ’idda orgolesa,
fis padronu de metrica e de rima.
Sos collegas t’aìan postu in cima
cando l’ana sa musa tua intesa:
o liricu cantore ’e s’Austesa,
torra biu a cantares che a prima!
Est bivente, s’ammentu no cancellas:
registradu in sas pàginas de oro,
de gloria e de lodes as merittu.
Pro sas gentiles poesias bellas
su numen caru de Zoseppe Moro
imperituru dêt restare iscrittu.
Cosomo Mercurio, Capidanni de su 1958
149

Zoseppe Moro
SONETTO PRO MORO
Macumere at piantu a Merchioro
ch’isventuradu in-d-unu ponte est ruttu,
sos bonorvesos piantu an de coro
de Paulicu su destinu bruttu.
Sos tonaresos pro Mereu insoro
an lacrimadu e piantu a succuttu
e Orgosolo pro Zoseppe Moro
si podet ponner su matessi in luttu.
Pustis chi cun istentu e cun suore
chimbant’annos de bida ch’at passadu
est partidu a s’eternu su poeta.
A lu ’occhire in su menzus fiore
sa Parca vile nd’at approfittadu
che ch’esseret torrende una vendetta.
Zobbo
150

S’aère tentu sorte
SONETTO PRO MORO
Issat monumentale unu pilastru
Orgosolo a caràtteres de oro:
o paesanos, cun devotu decoro
rendide onore a su defuntu mastru.
E sos poetas de luttu su nastru
ponide pro ammentu ’e Peppe Moro:
sas noe sorres ca fit frutt’insoro
piangan dae coro su disastru.
Tottu cantos ponìdebos d’accordu
bisitade su situ àridu e arsu
chi nascondet a Moro, ànima ’ona.
E pro pegnu de meritu e ricordu
a sa memoria ’e su car’iscumparsu
deponide de laru una corona.
Juvanne Mattana
151

Zoseppe Moro
SONETTO PRO MORO
Cloto, Lachesi e Atropo ostinados
si sune contr’a tie, Peppe caru,
e su destinu crudele e avaru
sun a persona tua imboligados.
Lassende noe fizos orfanados
de s’oggettu amàbile e prus caru
chi lis faghet de ghìa e de amparu
in custa bida a sos isfortunados.
Eo prego chi b’apet zente pia
de fagher un’appellu a chie nd’ada
cosa a nde dare a cust’orfanidade
pro no lassare sa gama affligida
chi as lassadu in sa tener’edade
senza consolu in tott’abbandonada.
E. C.
152

S’aère tentu sorte
SONETTO PRO MORO
Appena mesu séculu de bida
at tentu Peppe su disfortunadu
essende dae minore angustiadu
in s’aspra lotta e battaglia accanida.
Gai sa sua esistenzia est finida
senz’aeret a nemos oltraggiadu:
cun tottus semper bene s’est trattadu
fin’a dare s’ultima dispedida.
Paret ancora chi lu so ’idende
imbaradu ’e su lettu a sa palera
su die chi l’ap’eo bisitadu:
fit cunsumidu che candela ’e chera
”So partinde a su logu destinadu”
parìat cun sas laras esplichende.
E. C.
153

Zoseppe Moro
SONETTO PRO MORO
Prite nos as lassadu, Peppe Moro
Sos appassionados de sa musa
e sos chi ti tenian in su coro
tottu sa cricca est restada confusa.
Sa corona ti meritas d’alloro
che fizu predilettu d’Ichnusa.
Fis in bida de musa unu tesoro:
tue, umile, però no l’as diffusa
prite no fis un’òmine esaltadu
pensende a tenner sa celebridade
comente a carchi àteru cantore.
Ma cantu ses in sa bida restadu
semper as preigadu s’umiltade
preighende sa paghe e-i s’amore.
E. C.
154

S’aère tentu sorte
A PEPPE MORO
Febo, ti prego una manu a mi dare
ca impellente bisonzu nd’aìa:
sias prodigu cun Peppe Curria
a Peppe Moro pro commemorare.
Fulgidu astru de sa poesia,
meda bi fit da issu d’imparare:
rettu, probu, cittadinu esemplare
pro condutta, onestade e cortesia.
Deo tott’ora turbadu e cunfusu
biàsimo sa ria Atropo parca
pro sa grande d’Orgosolo iattura.
E l’affirmo cun rejones de prusu
su ch’at nadu pro Laura Petrarca:
”Cosa bona mortal passa e non dura”.
Eppeddu Corrias
155

Zoseppe Moro
SONETTO PRO MORO
Appena chi rezzìdu apo s’avvisu
chi che fis seppellidu, caru Moro,
subitamente de un’improvvisu
m’at turbadu sa mente e-i su coro.
Mancat dae domo tua ogni tesoro,
sa gioia s’ispassu e su sorrisu:
Deus ti nd’at giamadu in Paradisu
pro ti che collocare in mesu insoro.
Pro ammentu t’iscrio custas rias
dae su coro meu luttuosas
ca ti tenzo presente, caru frade.
Cunsèrvalas sas tuas poesias
che a prima gentiles, amorosas
ca las cantamos in s’eternidade.
Pascale Flore
156

S’aère tentu sorte
SONETTO PRO ZOSEPPE MORO
Orgosolo commèmora, t’imploro
a s’iscumparsu fizu intellizente
dignu d’esser coronadu a fozas d’oro
ca t’at servidu sempr’onestamente
in su tribagliu e in su bonu coro,
orgogliu e onore de sa tua zente
ca sa figura de Giuseppe Moro
fit de versos umanos possidente.
Ca Calliope Talia e Ippocrene
in su Parnasu battizadu l’ana
pro esser collocadu in s’alta gloria
ue ogni poeta allogiat bene.
Tue, pòpulu, cun sa fede sana
omaggiu rende a sa sua memoria.
Zulianu Corrias
157

Retratos

Zoseppe Moro
Zoseppe Moro a caddu.
160

S’aère tentu sorte
Zoseppe Moro.
161

Zoseppe Moro
Sa muzere e sa connada minore.
162

S’aère tentu sorte
Su retore beneighet su tratore.
Peppe Moro faeddat a sa zente.
163

Zoseppe Moro
Sa carta de identidade de Peppe Moro.
164

Indicu

5 Annotu de imprenta
7 Fulgidu astru de sa poesia
11 Biografia
15 Poesia e càntigu
19 Poesias
21 S’alfabeticu
27 Unu trintases retrogadu
31 Unu barantanoe retrogadu
36 Dichiarazione de amore
42 Risposta a una dichiarazione de amore
46 A Antioga Pisanu
64 Undighinas
67 Cunsizos de su Babbu
69 Risposta mea
74 A sos Pisanos
76 S’ultima dispedida
77 Ottada pro Santu Franziscu
78 Sonetto pro Santu Franziscu
79 A Don Giovanni Rossi (bandidore)
80 Sonetto pro Monsignore Nicolinu
81 A Sassari
82 A Nuoro
83 Muttos
89 Sonetto pro s’umana zenia
90 Ottadas a s’amigu Innassiu Pirastru
91 Ottada a s’Istadu Italianu
92 Su liberu arbitriu (su credulone)
95 Su Babbu e sa Fiza
107 A Scelba
108 Sa leze truffa
109 Contra a sa leze truffa de su 1953
110 Semper supra de sa leze truffa
166

111 Ottada pro sa leze truffa
112 Duas ottadas in risposta a sa littera de Innassiu Pirastu
113 Su mese de martu
122 Sa maladia
125 A su fizolu Antoni Carta
126 Cuartinas
127 Ottadas
129 A Pascale Floris
133 A su nepode Andria Biancu
138 Segundu cantu, a su nepode Andria Biancu
141 Ottada a su nepode Andria Biancu
142 Ottadas a su nepode Andria Biancu
144 Chimbe ottadas iscritas in sos urtimos meses de maladia
146 In memoria de Zoseppe Moro
147 A sa memoria de Zoseppe Moro
148 A sa memoria de Zoseppe Moro
149 A sa memoria de Zoseppe Moro
150 Sonetto pro Moro
151 Sonetto pro Moro
152 Sonetto pro Moro
153 Sonetto pro Moro
154 Sonetto pro Moro
155 A Peppe Moro
156 Sonetto pro Moro
157 Sonetto pro Zoseppe Moro
159 Retratos
167

Finito di stampare nel maggio 2004
presso le Grafiche Ghiani, Monastir - Cagliari