Create successful ePaper yourself
Turn your PDF publications into a flip-book with our unique Google optimized e-Paper software.
8<br />
SCENA QUINTA<br />
Personaggi: angelo. San Pietro, Iolanda.<br />
Entra Iolanda con in mano il cestino del lavoro a maglia.<br />
S.Pietro<br />
Èco, l'è rivà.<br />
Iolanda<br />
Stamatìna g'ò le orbaróle, vedo nuvole de fumo dapartùto! Che ghe sia<br />
qualcosa drio a brusàrse Spèta che vaga a védar.<br />
S.Pietro<br />
Ferma là! Indóe vèto<br />
Iolanda<br />
Maria vèrgine che sguìsso! Ci gh'è Se sì dei ladri, vardè che mi schèi no ghe<br />
n'ò e gnanca ori! Andè da l'Adelaide e da l'Augusta: quéle sì che i è fornìe come<br />
do cavalìne! Mi g'ò la fede del me Anselmo, ma la val póco, l'è 'na robetìna.<br />
S.Pietro<br />
Questa, a òcio, l'è 'n'ànema insemenìa! La se crede de èssar ancora al mondo!<br />
La scomìnsia ben ancò la giornàda! Stà calmo Piéro, che te sì ‘n santo e i santi<br />
i porta sempre passiènsa.<br />
Ànema spaìsa che alta te si rivà,<br />
vien a contàrme de la to vita passà!<br />
Iolanda<br />
Qua no se vede nissùni! Che sia l'ànema del me Anselmo.... Sito ti Anselmo<br />
Sito tornà da mi.... Fate védar, fate tocar! Bati almànco ‘n colpo! Se te savéssi<br />
come te me sì mancà, gnanca ‘n giorno l'è durà el nostro matrimonio! Te l'avea<br />
dito mi che te se alsàva la pressión! Éto visto che ciòco che te fato... No l'è par<br />
caso che te sì vegnù a tórme.... Anselmo, te ringràssio tanto, ma adesso no<br />
posso proprio vegnér! G'ò 'na mùcia de robe da far e g'ò anca da finir la me<br />
sialìna. Va! Va! Caro! Torna da dove te si vegnù. (Rivolta poi al pubblico) Mi g'ò<br />
volù tanto ben, ma adesso el pretende 'na s-ciànta massa! Mi no g'ò nissùna<br />
prèssia!