You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
3<br />
Angelo<br />
Sa vuto che i ghe méta a scassinar sto portón! Ormai el casca a tòchi! Gh'è dei<br />
busi che ghe passa ‘n can co’ 'na fassìna in bóca. I ghe l'à dito a san Giusèpe<br />
de giustàrlo, ma lu l'à dito che l'è in pensión e che l'à laorà anca massa.<br />
S.Pietro<br />
Passiènsa! Mèio 'n farabuto in più che ‘n santo de manco.<br />
Angelo<br />
Ma sa disito Qua gh'è anca i buteléti; se passa qualche póco de bòn, el pól<br />
sassinàrli! El ghe insegna anca le parolàsse! L'altro giorno ‘n angioléto alto ‘n<br />
schèo, el m'à fato le léngue e el m’à dito "caca"!<br />
S.Pietro<br />
Par la ciàve del Paradiso! Sa me tóca sentir! E ti, Gabrièlo, sa gh'èto dito<br />
Angelo<br />
Mi l'ò vardà coi òci bruti, g'ò dato sul copìn 'na sgnàcara co’ l'ala e g'ò dito: “In<br />
bóca tua, sporcación!”<br />
S.Pietro<br />
Ma Gabrièlo, me meravéio de ti! Questo no l'è 'n parlar da angelo!<br />
Angelo<br />
Parché, secondo ti, far le léngue e dir "caca" èlo ‘n comportamento da<br />
angioléto Se no i se indrìssa fin che i è picinìni, dopo no te ghe tól più la òlta!<br />
Èto visto che fine l'à fato Lucifero Quàtro scopelòti quando i ghe voléa e<br />
adesso no ghe saréa gnanca l'inferno!<br />
S.Pietro<br />
Par caso, i nostri angioléti, vàrdeli massa la televisión<br />
Angelo<br />
Figùrete se i la varda! No gh'è altro che Telepace!<br />
S.Pietro<br />
Scólteli la radio<br />
Angelo<br />
Gnanca i ghe próa! Gh'è solo Radiomaria!
Change language