You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
| LA PATRIE DAL FRIÛL | NOVEMBAR 20<strong>06</strong> | 31<br />
“Vuere dai Trent’agns” (1618-1648), tacade cu la<br />
“defenestrazion di Praghe” e finide cu la pâs balarine<br />
di Vestfalie. Une des vueris plui assurdis e plui sanganosis<br />
de storie europee, cu lis parts che si incrosavin e<br />
si invertivin e cui interès che si spostavin continuamentri<br />
intun incjastri inestricabil e diabolic. Se si ves di<br />
doprâ un parangon, si varès di rifâsi al zûc de dame o<br />
dai scacs. “I grancj che a zuin di dame cui popui. A<br />
ogni piçul malstâ o fierice, al plui piçul disturp di<br />
panze o di fiât, lis posizions s’indurissin, si sospendin i<br />
contats, si tornin a repeçâ, si trate, si spicule, si spostin<br />
lis bandierutis. A ogni bandierute e je almancul une<br />
provincie (cuant che no je une nazion) ch’e ven sbregade,<br />
fruçade, dislidrisade, vendude. Ma chest nol interesse<br />
a dinissun, parcè che cuant che si tratin lis grandis<br />
cuistions, si pues permetisi ancje un scart di un<br />
milion di lôr” (Par amôr o par fuarce?).<br />
O sin tal secul <strong>dal</strong> cujus regio, ejus et religio, là che la<br />
religjon o confession o convenience <strong>dal</strong> princip e oblee<br />
ancje i sotans a adeguâsi a la sô sielte. L’alternative e je<br />
chê di bandonâ par simpri il propi mont, cun dut ce<br />
ch’al compuarte a ogni nivel, e chest par buine part da<br />
l’Europe che e viôt a spostâsi i confins politics e<br />
religjôs a carat che si spostin i esercits di un o di chel<br />
altri mercenari.<br />
Lis cronichis di chei agns a son impressionantis. Un<br />
ambassadôr francês che al veve di lâ a Praghe a puartâi<br />
un mes al imperadôr Matie, al conte che, <strong>dal</strong> Palatinât<br />
in Moravie, al è râr intivâsi intun arbul che nol vedi<br />
picjât un soldât o un brigant. Si sa che il soldât al<br />
devente brigant pal esercit nemì e duncje potenzialmentri<br />
ducj a son soldâts e brigants e duncje cul cuel a<br />
riscjo. Un altri al conte che, in certis zonis de Basse<br />
Sassonie, lis maris a peavin la canae tor de taule o tor<br />
de cocjete par no ch’a saltassin fûr in strade. Lis trupis<br />
di mercenaris, cence pae e cence mangjâ, a un cert<br />
pont a jerin ridusudis a mangjâ cjar umane, dopo di vê<br />
fat fûr cjavâi, vacjis, cjans, gjats e parfin lis surîs.<br />
Par chel che al rivuarde la nestre storie, un an impuartant<br />
al è il 1628 cuant che Ferdinant II, ch’al veve rivât<br />
a ripuartâ un fregul di ordin e di autoritât a presit une<br />
vore salât, si è sintût in dirit di domandâi al pape Urban<br />
VIII, come piçul segnâl di ricognossince pai siei merits<br />
come sovran catolicissim, la nomine, almancul par une<br />
volte, di un patriarcje imperiâl. Vignesie, cul solit truc<br />
<strong>dal</strong> coadiutôr, lu à prevignût e il pape, filofrancês e filovenezian<br />
o almancul suspietôs e timorôs di un imperadôr<br />
masse fuart, i à dade reson ancjemò une volte a<br />
Vignesie. Risultât: l’imperadôr al mande fûr un decret<br />
là che al improibìs, sot pene di muart, a cualunche<br />
autoritât eclesiastiche venite di passâ il confin e a cualunche<br />
autoritât glesiastiche imperiâl di vê dafâs cu la<br />
part di ca.<br />
Si è tratât plui di un at di gnervôs e di svindic che di<br />
autentiche volontât, <strong>dal</strong> moment che tantis istituzions<br />
glesiastichis, soredut chês a confin, a vevin propietâts<br />
tant di ca che di là. Però il probleme al jere metût in<br />
dute la sô dramaticitât. Al va tignût presint che la sente<br />
patriarcjâl di Aquilee e jere in teritori austriac e duncje<br />
il patriarcje, ch’al navigave fra Vignesie e Udin, nol<br />
podeve meti pît te sô glesie, pene la sanzion imperiâl.<br />
Un altri colp sun tun Patriarcjât za in sfas.<br />
Di fat, no podint i teritoris imperiâi vê nissune assistence<br />
direte e contat cul lôr plui o mancul legjitim pastôr,<br />
si viodevin obleâts a tratâ dut midiant la nunziature di<br />
Viene, cuntune triangolazion che e complicave lis robis<br />
e no disberdeave nuie.<br />
Al è in chest moment che e torne fûr, rissolude, la<br />
domande di trasformâ l’arcidiaconât di Gurize in diocesi<br />
par proviodi a la cure des animis cence pastôr di là<br />
<strong>dal</strong> confin. Il giaul o la provedence a àn cjatade la fate<br />
di secondâ i progjets <strong>dal</strong> imperadôr. Dal 1686 un predi<br />
gurizan, Vito Gullin, al à lassade dute la sô sostance<br />
“pro erigenda Goritiensi dioecesi”, ma no si à fat nuie<br />
parcè che i timps no jerin inmò madûrs. Mieç secul<br />
dopo, <strong>dal</strong> 1747, Augustin Codelli, un siôr gurizan che<br />
al smicjave a cjapâsi une patente di nobiltât, al à butât<br />
fûr la some di 90.000 florins pe fondazion de gnove<br />
diocesi e, fat plui impuartant, al à metût a disposizion<br />
<strong>dal</strong> gnûf vescul il palaç Cobenzl, il plui biel di Gurize,<br />
là che a vivin i vescui orepresint. Come segnâl di ricognossince,<br />
i àn fat vê une relicuie, naturalmentri autenticade,<br />
<strong>dal</strong> so sant protetôr, Augustin, di metile sul<br />
altâr grant de capele <strong>dal</strong> so palaç te place di Mosse.<br />
Dal 1748, cu la pâs di Aquisgrane, Marie Taresie si viodeve<br />
ricognossûts i siei dirits internazionâi e chest i<br />
permeteve di proviodi une volte par dutis ancje la spinose<br />
cuistion interne <strong>dal</strong> Patriarcjât.