versione pdf - Sardegna DigitalLibrary

SALVATORE COLOMO
dal 1700 al 1900
Baronie
VOLUME 6

Poesie in limba – Baronie dal 1700 al 1900
Collana «Sardigna in limba»
Progetto editoriale e testi: Salvatore Colomo
Progetto grafico e impaginazione: Gabriella Tornatore, Essegierre Srl
Ricerca e editing: Roberta Girola, Essegierre Srl
© Copyright 2008 by Editrice Archivio Fotografi co Sardo s.a.s.
di S. Colomo, per la Collana «Sardigna in limba»
© 2008 by Editrice Archivio Fotografi co Sardo s.a.s - Nuoro,
via Foscolo 45, per «Poesie in limba – Baronie dal 1700 al 1900»,
Volume 6 della Collana «Sardigna in limba»
Tutti i diritti sono riservati. Nessuna parte di questo volume può essere riprodotta,
memorizzata o trasmessa in alcuna forma e con alcun mezzo, elettronico,
meccanico, in fotocopia, in disco o in altro modo, compresi cinema, radio,
televisione, internet, compact disk, senza autorizzazione scritta dell’editore.
L’editore si scusa per un eventuale involontario utilizzo di materiali coperti da copyright
ed è a disposizione degli eventuali aventi diritto che non è stato possibile contattare.
1° edizione - 2008
EDITRICE ARCHIVIO FOTOGRAFICO SARDO
s.a.s. di S. Colomo, via Foscolo 45, 08100 Nuoro
tel. e fax 0784/257121
www.sardegnaweb.it - info@sardegnaweb.it

La collana «Sardigna in limba» nasce dal desiderio di
leggere la vera cultura e la storia delle genti di Sardegna
attraverso il suono ritmato delle loro poesie. Perché i poeti
sardi non sono quasi mai dei veri letterati, ma semplici
cultori della lingua e delle tradizioni locali, provenienti
dal popolo, di cui sono la voce più autentica.
Ascoltare versi che parlano di vita, d’amore, di leggende,
nel dialetto locale in cui sono stati scritti, ci collega
istantaneamente all’essenza stessa dei luoghi e dei tempi in
cui sono stati concepiti. È la forza della limba, legata alle
tradizioni e al sapere più antico, che ci aiuta a rivivere
i fatti e gli argomenti narrati con autenticità e a non
dimenticare la potenza culturale della letteratura poetica,
la più tradizionale dell’isola. Sottili o ironici, beffardi o
delicati, i versi qui raccolti nascono dall’animo di poeti
sardi che, dal Quattrocento a oggi, non hanno mai smesso
di cantare la vita e i suoi eventi con naturalezza e spontaneità,
ma anche con grande maestria e raffinatezza.
L’opera è articolata in venti volumi: i primi quindici raccolgono
poesie vere e proprie, gli ultimi cinque sono invece
dedicati alle gare poetiche, di cui la Sardegna vanta una
ricca e fantasiosa tradizione, purtroppo a forte rischio di
scomparsa: i poeti improvvisatori ancora in attività risultano
infatti ormai pochissimi.
Gli agili libretti sono classificati per gruppi di subregioni
e per periodo storico; all’interno gli autori sono elencati in
ordine cronologico, in base alla loro data di nascita,
e sono corredati da una breve nota biografica. Per le poesie,
la subregione è relativa al luogo di nascita dell’autore, mentre
per le gare poetiche al paese in cui sono state disputate.
L’impostazione in base alle antiche subregioni della

Sardegna (piuttosto che alle nuove province, per esempio)
nasce dal pensiero che la poesia dialettale – per quanto
sicuramente ritenuta importante e interessante da una vasta
schiera di ammiratori “contemporanei” – sappia più di antico
che di moderno. È dunque parso naturale collocarla in quelle
che ancora oggi vengono considerate le regioni storiche
per eccellenza, i veri “territori” della Sardegna, tuttora così
identificati da pastori, contadini, gente comune, cioè da quel
popolo sardo che ha costruito nei secoli e che ora custodisce
le tradizioni e i costumi della nostra isola.
La poesia sarda è una sorta di plurisecolare epopea di
dimensioni sterminate, per cui la presente opera non ha
presunzione di completezza, anche se la ricerca è stata
impegnativa e ha consentito di accedere a criteri di scelta
validi sotto tutti i punti di vista: letterario, cronologico,
territoriale.
Per ora vuole essere quasi un assaggio generale, sia pure
piuttosto ampio e omogeneamente riferito ai diversi territori,
destinato a tutti, estimatori, conoscitori, ma anche comunissimi
lettori che per la prima volta si avvicinano alla poesia
dialettale. Per ogni autore sono state scelte alcune poesie,
ma l’ambizione è quella di continuare a cercare e raccogliere
materiale con cui proseguire, in altre collane simili, l’arduo
compito di valorizzazione della nostra poesia, uno degli
elementi più rappresentativi, e contemporaneamente poco
conosciuti, della cultura del nostro popolo.
Salvatore Colomo

d
Donna Rosaria Guiso (o Chisu)
(XVIII secolo)
Originaria di Orosei, visse nel 1700. Donna
molto bella e affascinante della nobile casata dei
Guiso, si sposò in prime nozze con un certo Toto,
da cui ebbe un fi glio. Durante il tragitto alla chiesa
per il battesimo del bimbo, il marito venne ucciso
da un rivale in amore che, dopo qualche tempo
dall’assassinio, riuscì a conquistare la vedova e a
sposarla. Ma quando quest’ultima scoprì che era
stato proprio lui a ordinare l’omicidio del padre di
suo fi glio, lo cacciò defi nitivamente dalla sua vita.
Il componimento qui riportato, di natura
autobiografica, racconta alcuni pezzi della sua
storia sfortunata.
5 d

d
Po dare pen’a mie
Po dare pen’a mìe,
er vénnita sa dìe
de Santu Sostianu!
1.
Die male vennìta,
chi m’a’ post’in annéu:
candh’ippo allegr’andhandhe,
a’ pérditu sa vita
s’amatu bene meu,
cuddhu chi de continu isto giamandhe!
Sèmpes so attitandhe,
de coro suspirandhe
cuddhu vrore galanu!
Po dare pena...
2.
Galanu meu vrore,
non mi ses orvidatu,
continu t’appo in mente!
Coro! de narre’s coro,
a morte t’an corfatu,
sentza dèper niente!
In sa rughe potente,
endhe ieo presente,
mindh’essir dae manu.
6 d

d
Po dare pena...
3.
In sa rughe mezzore,
as tent’attrivimentu
de l’àer isparatu,
su cane traitore!
Iutu ià l’as a tentu,
ca, candho fi’ colatu,
male m’as causatu
a minch’àerer ghettatu
sa domo, essendhe sanu!
Po dare pena...
4.
Pesandhe so su izu
chi a’ lassatu minore
s’amatu bene meu:
custu sì chi er fastizu!
custu sì chi er dolore!
custu sì chi est annéu!
Non mi l’a’ fattu Deu’,
sincundhu su disizu;
sinò carchi tiranu!
Po dare pena...
5.
Tiranu, malamente
7 d

d
l’as ischit’isparare,
fachendh’a balentone,
su sàmben inossente!
Ià depet iscramare
in cussu prantimone,
dae cussu contone,
sa voche onnipotente
de Cristos soveranu!
Po dare pena…
6.
Andandhe a Santu Iacu groriosu
po àcher unu moro a cristianu.
8 d

d
Giuseppe Tolu
(XVIII-XIX secolo)
Di origini incerte tra Loculi e Orosei, fu un poeta
improvvisatore che visse tra il 1700 e il 1800.
Purtroppo della sua produzione ci sono pervenuti
solo pochissimi componimenti.
Isto pro ti narrer: «Siccati!»
Isto pro ti narrer: «Siccati!»,
proite chi ti merita’,
iscas chi sa mea vita
non mi la perdo pro te,
si mi cheres creere crè,
si non bae e impiccati!
9 d

Sa campana pagu tinnit
Sa campana pagu tinnit,
su sonu faghet cannidu,
ischitati, si ses dormidu,
o de pesare nd’has dolu?
Iscas chi Zuseppe Tolu
non credet mortu chi chinnit.
10
d
d

Luigi Pinna
(XVIII-XIX secolo)
Originario di Orosei, visse tra il 1700 e il 1800
e fu un buon poeta improvvisatore.
Fecund’arvure fiorida
Fecund’arvure fiorida
et misteriosa pianta,
preziosa Rughe santa,
arvure d’eterna vida.
Cust’est s’arvure fecunda
d’immensu infi nitu amore
inue su Redentore
hat redimidu su mundu
salvende de su profundu
s’humanidade affl iggida.
Arvur’alta zelestiale
fruttu de s’Onnipontente,
pianta viva risplendente
remediu de dogni male,
ch’ogni devotu mortale
tenet in coro imprimida.
11
d
d

Mistica arca de Noè
in cust’adde tempestosa,
vara illustre prodigiosa
de su perfettu Mosè,
scettru de s’eternu Re,
bandel’in altu stendida.
Giae chi sola abberzesit
sas duras portas de Chelu,
Rughe chi senza rezelu
s’humile mundu adoresit,
ue Giuanne intreghesit
sa mama sua affl igida.
Cattedra d’alta lessione,
suprema istella divina,
solu refugiu et dottrina,
portu de salvassione,
mare de consolassione
in cudd’ultima partida.
Thronu ezzelsu singulare
de su sabiu Salamone,
signu de redenzione
chi det de Chelu falare,
signu chi si det mustrare
in sa valle addolorida.
Lughe vera naturale
d’isplendore sempiternu
12 d
d

ch’hat superadu s’infernu
cun cudda lugh’immortale,
chi non si dat uguale
ch’hat sa fide isclaressida.
Pianta chi cun lughe tanta
das lughe a su mundu totu,
custu pobulu devotu
infi amma ’e fide santa,
cunservala, digna pianta,
cun paghe eterna de vida.
Rughe santa, piedade
tene ’e custa cunfraria,
sempre li sias de ghia
pro sa tua bonidade,
pustis in s’eternidade
regnet cun tegus unida!
Cun particulare cura
protegi sos fi ligresos
et benzant totu cumpresos
cun sos santos de s’altura,
et regnent senza paura
in sa patria promittida!
Preziosa Rughe santa,
arvure d’eterna vida.
13
d
d

Stanislao Rugiu
(XVIII-XIX secolo)
Originario di Posada, visse tra il 1700 e il 1800
e fu rettore del suo paese.
Su tempus mi ch’est passadu
Su tempus mi ch’est passadu,
e senza minde sapire,
currend’in fatt’a su mundu;
hoe mi so incontradu
chi sa vida est pro fi nire,
non so primu ne segundu
ch’in su mundu mai fundu
b’hapo potidu incontrare.
Sos annos de sa vida mia
hoe cherfesi contare,
ch’arrivan a sos sessanta.
In bentu sa pizzinnia
hapo cherfidu ispazzare
cun isfrenadesa tanta,
e i sa vida tota canta
pro nudd’hapo barattadu.
15
d
d

De sessant’annos passados
nde so zertu e so seguru
chi los tenzo veramente,
s’ateros mi nd’enzant dados
dai como in su futuru
l’ignoro pro su presente,
no isco cando e comente
det benner s’ultimu die.
Sos annos che i su entu
mi nde sunt totu passados
cando a su mundu servesi,
su gustu chi nd’hapo tentu
de tantos gustos leados
su computu nde fattesi,
ateru non m’incontresi
che amaresa e dolores.
Sos annos mal’impleados,
sas dies male servidas
e horas hapo perdidu
in vissios e peccados,
sos meses e i sas chidas
a su mundu hap’esibidu
chi hoe m’hat traighidu
paghende cun disisperu.
Non cherzo pius fi ssare
in sas promissas mundanas
pro chi tot’est vanidade,
16 d
d

pro ch’usat sempre pagare
cun monedas totu vanas
e senza valididade,
anzis cun crudelidade,
cun penas e cun turmentu.
Dai cand’hapo lassadu
s’istadu de s’innozzenzia
sempre fattesi male,
in ogni puntu mancadu,
imbruttada sa cussienzia
vivende che animale,
e dadu a su sensuale
perdid’hapo sa rejone.
Gustos mi nd’hapo leadu
cantos a sa ment’enzesint,
senza bi ponner riparu,
ma it’est chi m’hat restadu
de pustis chi si cumplesint?
Rimursu su pius amaru,
disgustu su pius raru
e amaresa in su coro.
Su coro jutto nieddu,
sa mente tenzo turbada,
sa cossienzia fritta,
su coro sempr’a toccheddu,
sa mente sempr’agitada,
sa cossienzia affl itta,
17 d
d

su dimoniu in cabitta
mi narat chi so su sou.
Pro chi su mundu hap’amadu,
su dimoniu servidu
e sa carre cuntentesi,
vivende de ostinadu
a su mundu sempr’unidu
s’inferru mi meritesi,
pro ch’a Deus offendesi
non merito pius perdonu.
De perdonu non so dignu
ca tropp’ostinadu istesi
in su vissiu e peccadu,
ma ca Deus est benignu
e su samben li costesi’
cun su cale riscattadu,
redemidu e liberadu
istesi dai Satanassu.
E pro chi Deus non cheret
sa morte ’e su peccadore,
ma si cunvertat e vivat,
ognunu in Deus isperet
ch’est babbu totu ’e amore,
si de peccare si privat,
su pentimentu cultivat,
si pentit e giambat vida.
18
d
d

Proite chi Deus non cazzat
un’anima ch’est pentida
e a pês suos recurret,
pro cussu mai discazzat
un’anima cunvertida
e ch’a sos pes suos curret,
bastet però chi nd’isburret
su vissiu dai su coro.
Pro cussu non disispero
de mi dare unu perdonu
pro chi de coro mi pento,
ca so pentidu est ch’ispero
e confido in Deus bonu,
de l’haer offesu sento,
m’addoloro e m’arrepento
cun summu dispiaghere.
A Pedru lu perdonesit
e a su bonu ladrone,
a mie m’hat a perdonare?
Ca subitu pianghesit
Santu Pedru cun rejone
s’errore de lu negare,
non solu, e de lu jurare
de chi non lu connoschiat.
E a su bonu ladrone
lu cherfezis perdonare
pro chi s’est arrepentidu.
19 d
d

Perdonu e cumpassione
dignadebos de mi usare
ca ancor’eo so pentidu
e de coro cunvertidu
a morrer pro non peccare.
Sì, chi de coro mi pento
de totu, e cantos peccados
hapo fattu e committidu;
isfagher su coro sento
e i sos ojos bagnados
de lagrimas, che riu essidu,
non pro su Chelu perdidu
ma pro ch’hap’offesu a Bois.
20
d
d

Mauro Zori
(1790-1878)
Nacque a Orosei nel 1790. Contadino, è
considerato uno dei migliori poeti oroseini.
Morì nel 1878.
Si sese cane vonu
Si sese cane vonu, picca a mossu!
Si iucher denter, murales e sanna’,
ca provamus sos caner de Muntanna
chin sor braccutzor de sa Baronìa.
Corazzu! Coro vorte, cumpannìa,
non bos ispante’, no, cussa minetha!
non bos at a bastare chin sa petha,
chene bo’ rosicare a fittu s’ossu!
Si sese cane vonu, picca a mossu!
21
d
d

Iscurta, allegra rosa
Iscurta, allegra rosa,
un’amante affrizzitu chin lamentu!
So’ chin fritzas penosas:
donosa, non mi das unu cuntentu?
So’ chin fritzas penosas:
unu cuntentu non mi das, donosa?
Po custu mi lamento:
su ’e m’àeres chin penas affrizzitu!
Su ’e mi àeres traìtu!
Ndhe so’ trassitu, e crèe chi ti lu sento.
Su ’e mi àeres traìtu,
crèe chi ti lu sento, e so’ trassitu!
Che una traìtora,
in sos affettos t’accatto mancante.
Ses istata una Mora:
no ar fi rmesa un’ora e né un’istante!
Ti ser fatta che Mora:
no ar fi rmesa un’istante o un’ora!
No as tentu virmesa
in s’affettu chi aìas promittitu:
ca as àtteru partitu,
as coro incrudelitu, e chin duresa!
Ca as àtteru partitu,
as coro chin duresa incrudelitu!
22
d
d

Ca as un’àtter’amante,
chi ti disponzar de me’ b’a’ reione:
amandhe unu costante,
o variante in s’istimassione;
amandhe unu costante,
o in s’istimassione variante!
Si das su coro a duos,
ambos t’an a traìcher malamente;
e tènelu presente
chi ses perdente in sos affettos tuos;
e tènelu presente
chi in sos affettos tuos ses perdente!
Ndhe restas perditora,
si de amare a duo’ non t’evìtas:
s’amore dividita
a nessun cumbìta’, nossennòra!
S’amore dividita,
nossennòra, a nemo’ non cumbìta’!
Su dividutu affettu,
crede chi a nemor mai est aggradatu.
Malu contu t’ar fattu
a m’àeres istimatu in secretu!
Malu contu t’ar fattu
in secretu a m’àeres istimatu!
Pentzatu ar mala cosa
su ’e de dare a duos su cuntentu;
23 d
d

iscurta, allegra rosa,
un’amante affrizitu chin lamentu!
24
d
d

Nicola Sanna Moiolu
(1828-1901)
Nacque a Orosei nel 1828. Bracciante, è
considerato, dopo Mauro Zori, il migliore dei
poeti oroseini del 1800.
Morì nel 1901.
Ahi, cantu m’aggrada’
sa chintonza
Ahi, cantu m’aggrada’ sa chintonza,
ca es’ cosa chi piaghet a s’omìne!
Chi lasse, es’ pretzisu, sa vrigonza
(sa vrigonza es’ cumpanz’ ’e su macchine):
bisonza chi a su cànticu m’imponza,
bisonza chi a su cànticu m’incrine.
Bona notte! - bo’ naro - fi n a crasa.
Duncas, Antoni Canu, ite mi nasa?
25
d
d

Tres e tres sese e tre’ nove
Tres e tres sese e tre’ nove,
nove e nove degheotto,
degheotto trintasese.
Maccu si tue bi crèese!
Peri gai ti che l’an frinta.
A la vàiulas s’ispinta
chi ndhe accas un’inchinta
e ndhe vormes sos issonos?
Tres e tres ses e tre’ nove,
nove e nove degheotto,
degheotto trinta sono.
26
d
d

Reione de ti cantare
(vintibattorina)
Reione de ti cantare
chin tonu e boche solenne,
ite vuntana perenne,
etzellente, vrisca e sana’.
Ite perenne vuntana,
ch’er frisca, sana, etzellente:
su remediu prus potente
de incurabile dolore!
Primavera de viores
in birde, amena campanna,
cale coro e sas intrannas
non faches tue allegrare?
Reione de ti cantare!
Reione de ti cantare
chin tonu, solenne versu;
de ti cantare e’ reione
po chi gai ti melìtas,
umbra sana de tzipressu,
de odorosu limone,
vera prama viorita!
Deus ti dìa sorte e bita
cantu bramas, craru norte;
craru norte, cantu bramas!
Umbra sana de tzipressu,
27
d
d

de odorosu limone,
fiorita vera prama!
Cuntentu de chie t’ama’,
se’ luche, ispera, e arzentu;
de chie t’ama cuntentu,
arzentu, luche e ispera!
Umbra sana de tzipressu,
de odorosu limone,
fiorita prama vera!
Frisca rosa vertadera,
de odorare bella cosa;
frisca vertadera rosa,
bella cosa de odorare!
Reione de ti cantare!
Reione de ti cantare !
Chin durche modu e manera,
mustras su visu galanu
totu prenu de amore,
che festosa primavera
ch’e’ riente in s’otzeànu,
imperlata a su lentore!
Ca tenes su primu onore,
resartata ti mantene;
ca su primu onore tenes,
ti mantene resartata
che festosa primavera
ch’e’ riente in s’otzeànu,
fiorita e imperlata!
28 d
d

Cuddha pianta bagnata
pare chi sa vita incanta’;
cuddha bagnata pianta
pare’ ch’incante’ sa vita!
Ses festosa in primavera
ch’e’ riente in s’otzeànu,
imperlata e fiorita!
Po ispantu se’ naschita
- ti poter dare su vantu! -
Se’ naschita po ispantu
- su vantu ti poter dare! -
Reione de ti cantare!
Reione de ti cantare!
Chie, chin tantu dilettu,
chin atziones cortesas,
non ti dee’ rèndher onores?
Chie a tie no at affettu
innorat it’er bellesa,
non tene’ cura ne amore!
Su vivu atzesu colore
cumpres’est in s’ermosura;
su vivu colore atzesu
in s’ermosura es’ cumpresu!
Chie a tie no at affettu
innorat it’er bellesa
nèn de amore tene’ cura.
Cale umana criatura
si mantene’ prur galana?
29 d
d

Cale criatura umana
prur galana si mantene’?
Chie a tie no at affettu
innorat it’er bellesa,
nèn de amore cura tene’,
presente e futuru bene
de amare sintzeramente!
Bene futuru e presente
sintzeramente de amare!
Reione de ti cantare!
Reione de ti cantare!
ca de totus ses prur bella!
Posta a cumparassione,
tùe superas a totus,
bellesa sentza uguale,
dea de perfessione,
rezina de primu votu!
Ses s’istella orientale,
craru distintu sinnale,
ca tue sar bellas ar vintu:
craru sinnale distintu,
ca tue ar vintu sar bellas,
dea de perfessione,
rezina de primu votu!
Ses orientale istella,
pretziosa vine perla,
risprendhente e lucorosa;
fi ne perla pretziosa,
30 d
d

dea de perfessione
rezina de primu votu,
ses istella de oriente!
Nemos creda’ differente,
ca ser de su mare dea;
differente nemos crea’,
ca ser dea de su mare!
Reione de ti cantare!
Reione de ti cantare!
Avverti in congrusione,
pettus e chithu galanu
chi paren sàmben e nìe,
si ti vantas e’ reione:
su chircare est imbanu
bellesa uguale a tìe!
Sos òior bellos ti rìen:
son esemplarer modellos!
Ti rìen sos òior bellos:
modellos son esemplares!
Si ti vantas e’ reione:
su chircare est imbanu
bellesa a tìe uguale:
pares Irida immortale
in artesa favorida;
pares immortale Irida,
favorida in artesa!
Si ti vantas e’ reione:
su chircare est imbanu
31 d
d

uguale a tie bellesa;
dae totus in coro mantesa
po istimare prur de s’oro!
Dae totur mantesa in coro
prur de s’oro po istimare!
Reione de ti cantare
chin boche e tonu solenne,
ite vuntana perenne!
32
d
d

Efisio Mattiu
(1837-1883)
Nacque a Torpè nel 1837. Massaio di professione,
è il primo della generazione di poeti come
Salvatore Capra Mattiu, Maria Giuseppa Funedda,
Efi sio Pau, Tommaso Capra e altri più giovani.
Della sua produzione ci sono pervenute solo
alcune canzoni raccolte da Efi sio Pau, che le
trascrisse sotto dettatura della madre Maria
Giuseppa Funedda.
Morì a Torpè nel 1883, a soli 46 anni.
Bellesa subra a totu
de sas bellas
(otava serrada)
Bellesa subra a totu de sas bellas
chi che a tie non bind’at mancuna
ca ses ’e agualare a sas istellas
simizante a su sole e a sa luna.
Tue ses che a issas e non mellas
chircan e non nd’agatan ateruna
Est abberu fortuna a nd’agatare
mancari chi nde cherfana chircare.
33
d
d

Istas che rosa in su fundu fozida
ca a sa cara ses una rosa vera
fi nes parias dae Chelu ’essida
pro mudare sa terra ei s’aera
tue sì chi ses prella rellughida
chi tenes sa bellesa verdadera,
chin sa mirada tua alta diosa
nd’ammachias a totus grassiosa.
Totu su mundu nd’est ammachiadu
de sa bellesa tua nd’an ispantu
Deus chin donzi donu ti at dotadu
e tenes in favore donzi santu,
pro esser sola Deus ti at criadu
pro dare meraviglia ateretantu,
chi refrantu ti fagan sos Anghèlos
e tinde alzene a sos altos chelos.
E potas olobrare sa glorìa
a pustis morte chin vida largàna
ca pares una magine in s’Indìa
non pares esser chi sias umana,
tue est chi das a totus s’allegria
dotada de ’ogni grassia soberana.
Diana delicada incantadora
chi mannos e minores sind’ammoran.
Sind’ammorana mannos e minores
jeo puru ti bramo chin disizos
ja mi causas penas e dolores
34 d
d

e mi faghes istare in contivizos.
Tue ses prenda de altos valores
ch’atera non bind’at de assimizos,
chizos de alabastru risplendentes
cudda chi mudat totu sos parentes.
Cudda chi mudat totu cussu ’ereu
ca non bind’at naschidu che a tie.
Non t’agatan irghenzu e nè ofeu,
su fronte bellu che sambene e nie,
sa prus lughente ch’at formadu Deu
cudda ch’at postu in regiros a mie,
che de die su note dat lugura
pro mirare sa tua biancura.
Che de die su note dat lugore
ca pares essere una meraviza,
ti at formadu Cristos Redentore
a sa lughe de chelu ti assimizas
e pro cussu ti tenen totu amore
chi donzi cristianu ti disizat.
Gallizas tue sola in custu mundu
chi s’abban sas ateras in fundu.
Totus las jughes suta de sos pes,
Pro cussu tinde tenen imbidìa,
su retratu nde faghene sos res
como chi nd’an intesu s’istorìa,
chi mancu tue e totu ti lu cres
c’as sa bellesa fi ne e simpatia,
35 d
d

in perfidias as postu sas giungellas,
marchesas, contissas e donzellas.
Marchesas, damigellas, graduadas,
benini pro ti faghere cumpanzia,
aposta si las an abbaidadas
mancuna ’e agualare bind’aiat,
a tie sola sono ’istadas dadas
cuddas donassiones de grassìa
ca tenes donos in particulare
sos menzus chi si poten agatare.
Totu sos donos as a cumprimentu:
sa bellesa, s’adornu, su mirare,
sabia, bona e de connoschimentu,
ateretantu su modu ’e tratare.
Donzi bona fortuna de talentu
apas in sa Gloria a meritare,
a t’acumpanzare ’enzan sos Anghèlos
pro t’onoraren in sos altos Chelos.
Chin sole, luna, astros e istellas
totu a corona in Celeste Coluna,
bellesa subra totu de sas bellas
chi che a tie non bind’at mancuna.
36
d
d

Cloris
Lughes che un’istella in s’aurora
in mesu a sas umanas criaturas
totu sos chi la ’iden sinde ammoran
de cantu atraet sa sua ermosura
mi paret Cloris bella incantadora
ch’a sos umanos su coro nde furat
sa cumpostura bella e adatada
chi sa pessone restat abbagliada.
Donzunu la disizat custa rosa
semper fozida che in su ’eranu.
Sa mirada chi faghet amorosa
furat su coro a donzi cristianu.
Est de totus sos tempos deliziosa,
frisca su sero che i su manzanu,
su cristianu a sa sua presenzia
certu mancat e pecat in cussenzia.
In cussenzia certu det mancare
custrintu a cummitire su pecadu,
de sas perfeziones de aprezzare
est donu su Signore chi li at dadu,
non bind’at una de l’agualare
de visu gai bellu e delicadu,
nde restat sullevadu ’ogni mortale
pro mirare su sou personale.
Si miran sa presenzia majestosa
37
d
d

estan fi nas sos tristos allegrados
sa cara robicunda che una rosa
chin sos bellos colores incarnados
ca ses naschida pro esser diosa
in mesus de sos lizos delicados
e restat incantadu chie la mirat
de cantu est bella tantu amore atirat.
Chie mirat su bellu visu sou
nde restat donzi coro innammoradu
est totu justu e no est contu nou
no est jeo chi l’apo immaginadu
est fatu veru e lu dao a su prou
chi no est faula su chi apo cantadu,
m’agato molestadu in sa pessone
pro discrier sa sua perfezione.
A la discrier coment’est distinta
sos modos suos, sa rosa galana,
adornada e de grassias recinta
est de sa gioventura capitana
non canto isageradu e no est fi nta
e nè invanu sos bantos li dana
est de sas baghianas sa prus bella
ch’a sa mirada sos coros fragellat.
A sa mirada fragellat su coro
son in suspetu de che la furare
fi nzas su prus incrudelidu moro
bidende a issa si det abbagliare
38 d
d

dizzosu chie lobrat su tesoro
biadu a chie l’at a balanzare
chie det isposare cussa dea
su tempus ch’istat biu si recreat.
39
d
d

Giovanni Maria Spanu
(1875-1962)
Nacque a Torpè nel 1875 e fu un grande cantante
a tenore e in poesia.
Morì nel suo paese natale nel 1962.
Dami sa manu amante
a ti tocare
(setina torrada)
Dami sa manu amante a ti tocare
ca so partende in terra furistera
si capitat ch’istento a che torrare
prontamente t’iscrio una litera,
ti mando sos saludos, prama ’era,
chi de me non ti des ismentigare.
Dami sa manu amante a ti tocare.
Ti mando sos saludos pro ammentu
chi non fago unu pagu ’e ritardanzia
non tinde les perunu pensamentu
semper chin megus apas isperanzia
da chi s’amore b’est in abbundanzia
si pregat vida a Deus de nos dare.
41
d
d

Dami sa manu amante a ti tocare.
Si pregat vida de nos dare Deus
pro ’enner de sas cosas a su prou.
Si tue ses intro su coro meu
jeo puru so intr’e coro tou
ca pares magine ch’an pintadu a nou
chi mi faghet su coro rallegrare.
Dami sa manu amante a ti tocare.
Ma non m’arreo mancu in Continente
ne in regnu Asiaticu o Africanu,
fi nzas ch’a tie non tenzo a sa manu
t’ap’aer semper in coro e in mente,
cantu pro vida t’ap’aer presente
de amore ti devo acuntentare.
Dami sa manu amante a ti tocare.
Su coro mi as ligadu chin cadena
amende a tie cantu biu duro
e ne ater’amante non che furo
comente an fatu a s’ermosa Elena,
mancari passe sa vida chin pena
amende a tie cantu ap’a durare.
Dami sa manu amante a ti tocare.
42
d
d

Columba ses che rosa in su ’eranu,
naschida a profumare su jardinu,
jeo ti tenzo incarnada in su sinu
a note e die, a sera e a manzanu;
istes frisca che abba ’e s’oceanu
e tardet s’istajone a t’allizare.
Dami sa manu amante a ti tocare.
Dami sa manu e istat’in bon’ora
e saluda ’ogn’amigu, ’ogni parente,
si male narat sa zente de fora
lassa narrer e non ponzas in mente
e de su narrer male de sa zente
pensa a mie e lassalos istare.
Dami sa manu amante a ti tocare.
43
d
d

Maria Giuseppina Mattiu Funedda
(1878-1963)
Nacque a Torpè nel 1878 ed era una sarta
analfabeta. Essendo cresciuta in una famiglia di
poeti, le venne spontaneo fi n da piccola cantare e
comporre versi. Morì a Torpè nel 1963.
Ti prego no m’inzedies
Non mi piaghet no
a rispondere a tie
ca mai nde apo tentu disaogu
ma ti naro però
s’inchimeras a mie
ti juro chi non cantas prus in logu
ca si cantas chin megus
tinde torro in issegus
che criatura ti fago su fogu
ca so che fogu ardente
ti canto poesia diferente.
Ti prego non m’inzedies
menzus mudu ti abbarra
e non sigas sa tua cantilena
atentu non m’atedies
ca no amo sa zarra
45
d
d

m’abbastat cantu so in dolu e pena
non sias provocante
iscas ch’a donz’istante
poto afrontare in poetica vena
e pro aterrare a tie
pagu si crese mi costat a mie.
Non cheglio precipitu
non nde peses de ’oghe
e lassa in pasu sa pessone mia
t’at a ponner su fritu
senz’ennere a inoghe
si t’ammentas su numen de Maria
poesias t’intono
mutos malos e bonos
e chin tegus mi cazzo s’angostia
ti deves ammentare
mi chi non cheglio a mi precipitare.
Ja l’as su piaghere
ei s’opinione
ma chin megus ti cantas a sa sola
ca ses maza-muzere
cheres postu in prejone
pro ti educare chin menzus iscola
ti potan cundennare
a zella circulare
su manigu ti falene a tagliola
cantu duras vivente
chi sias brivu de nde ’ider zente.
46 d
d

Como mich’ando…
(mutu)
Como mich’ando e mi ritiro an domo
e non b’abbarro in su divertimentu
ca frore nd’est partidu a terra anzena
e a lontanu devet viazare
però non s’ischit cando est sa torrada.
Como mich’ando e mi ritiro an domo
po chi la tenzo sa pena sobrada
si capitat chi devet bistentare
m’agatat consumida ’e pensamentu
li prego a su Signore chi ’enzat como.
E non b’abbarro in su divertimentu
li prego a su Signore chi ’enzat como
po chi la tenzo sa pena sobrada
si capitat chi devet bistentare
m’agatat consumida ’e pensamentu.
Ca frore nd’est partidu a terra anzena
m’agatat consumida ’e pensamentu.
si capitat chi devet bistentare
li prego a su Signore chi ’enzat como
po chi la tenzo sa sobrada pena.
E a lontanu devet viazare
li prego a su Signore chi ’enzat como
47
d
d

po chi la tenzo sa pena sobrada
m’agatat consumida ’e pensamentu
si capitat chi devet bistentare.
Però non s’ischit cando est sa torrada
si capitat chi devet bistentare
m’agatat consumida ’e pensamentu
li prego a su Signore chi ’enzat como
po chi la tenzo sa pena sobrada.
48
d
d

Salvatore Mattiu
(1880-1933)
Nacque a Torpè nel 1880 ed è conosciuto come
Salvatore Mattiu (Mattiu era il cognome della
madre, sorella di Efi sio Mattiu). Massaio di
mestiere, sapeva leggere e scrivere in sardo e in
italiano. Considerato uno dei migliori poeti di
Torpè, non ha lasciato purtroppo scritti; le poesie
pervenute a noi sono infatti state trascritte sulla
base dei ricordi dello zio Efi sio Pau.
Morì nel suo paese natale nel 1933.
Venus
O fiores allegros de su ’eranu
a mudare una dea totu ’enide,
da s’Europa e da ’ogni oceanu
totu cantos a pare bos unide,
poi bi ’enzat Giotto e chin sa manu
chi fagat su retratu e permitide
chi ponzat s’iscritura dicrarada
“custa est Venus ermosa retratada”.
S’iscriet chi est de Venus su retratu
sa ch’in Sardigna est torrada a naschire,
cussu ecellente mastru chi ti at fatu
49
d
d

pius de cussu podiat ischire.
Cleopatra d’Egitu at bellu tratu
ma chin tegus non podet resistire
pro ca ses un’Elena assimizante
coronada de grassias abbundante.
Sos assimizos nde tenes d’Elena
in tratare, in bellesa, in ermosura,
tue as sa pompa de Anna Bolena
sena falta peruna ’ista sigura,
tue allegras su sambene a donz’ena
solu pro t’iderene a sa fi gura,
ca ses un’ermosura peregrina
naschida sola in sa nostra marina.
Sola in custa marina ses naschida
pro ponner tantos coros a gherrare:
c’atiras prus de forte calamida
sas fi amas chi mustras pro ti amare,
fi nes ja pares de Chelu ’essida
sos anghelos ti an devidu formare,
chin s’ordine de s’amabile Criadore
fat’an a tie prenda de valore.
Sos anghelos e santos de sa gloria
t’an fatu chin sa manu onnipotente,
cumbenias iscrita in donzi istoria
pro lu dare a ischire a s’Ocidente,
in modu de restare sa mimoria
pro cantu durat su mundu vivente,
50 d
d

si in s’Oriente puru nde lu ischian
chi ses Judita bella narrer dian.
Diana narrer sos Betulianos:
“custa est Judita torrada a naschire”
e i sos Grecos chin sos Ispartanos
a jurare si dian atrivire
nende “cust’est Elena” e sos Trojanos
si diana a su lutu persuadire
meravigliados de tanta ermosura
afi rman chi est d’Elena sa fi gura.
Pro Elena faghian juramentu
Ispartanos e Grecos ispantados.
Sa luna chin su sole in fi rmamentu
cand’essis tue parene grisados,
perden donzi vigore, ’onzi talentu,
sos astros de su chelu ritirados
in lestresa si fi rmana in s’aera
ca sa bellesa tua est prus fiera.
Sa bellesa chi mustras prenda rara,
no lu potet sa limba ispiegare,
in su mundu fit bella ancora Sara
ma non fit che a tie de incantare,
sos colores modernos de sa cara
paret sambene e nie ’ettadu a pare.
Ti dia cumparare chin Junone:
ma mancat a issa puru porzione.
51
d
d

Mancan totu sas deas contra a tie
s’esseren in su mundu rinnovadas,
umbe ses tue est semper a de die
fi nzas in cuddas notes oscuradas
sos prinzipes gherrende si den bier
chi an a issambenare sas ispadas
pro ’alanzare a tie, mela ’e oro,
s’impugnan sas ispadas in su coro.
Rosa amena, pro te ogni regnante
rialzare si det a ponner gherra
an a morrer sos prus in cuss’istante
disperados in tanta cuntierra,
Sa Sardigna det binchere triunfante
in totas chimbe partes de sa terra,
e tando den iscriere in s’istoria
chi sa Sardigna at tentu sa vitoria.
52
d
d

Vincenzo Sanna
(1881-1932)
Nacque a Orosei nel 1881 ma si trasferì a Genova
per trovare lavoro.
Figlio d’arte del poeta Nicola Sanna Moiolu,
divenne anch’egli un buon poeta improvvisatore.
Morì nel 1932.
Non poto rima’ raras intonare
Non poto rima’ raras intonare,
a ti rèndher de amore unu salutu:
Giove de su zardinu m’a ’privatu,
de incantu sa Sardinna appo lassatu,
appo piantu sa musa beninna;
de incanlu appo lassatu sa Sardinna,
cuddha musa beninna appo piantu;
sa Sardinna lassatu appo de incantu,
perdesi cuddhos fruttos de su sinu.
Non poto rima’ raras intonare,
a ti rèndher de amore unu salutu:
Giove m’a’ privatu ’e su zardinu,
addio a Ippocrène: a su destinu!
A Melpomène appo datu addio.
A su destinu! A Melpomène addio!
53
d
d

Addio appo datu a Ippocrène,
umbe Deus sar venas nos permove’.
A ti rèndher de amore unu salutu,
non poto rima’ raras intonare:
de su zardinu m’a’ privatu Giove:
issu, chin cuddhas suas fi za’ nove,
oie mi priva su chi m’a’ promissu;
chin cuddhas fi zas sua’ nove, issu
su chi m’a’ promissu oe mi cùa’;
issu chin cuddha’ nove fìzas sua’,
nega’ de su zardinu amenu vruttu.
Non poto rima’ raras intonare
(Giove de su zardinu m’a’ privatu),
a ti rèndher de amore unu salutu;
si in Elicona m’aren datu azzutu,
de laru m’aren fattu una corona;
si azzutu m’aren datu in Elicona
e una corona ’e laru m’aren fattu,
si azzutu in Elicona m’aren datu,
mi potìo presùmere autore.
Non poto rima’ raras intonare,
(Giove de su zardinu m’a’ privatu),
unu salutu a ti rèndher de amore;
s’àrepo tentu s’anticu valore
de onni pessamentu raru e riccu,
s’àrapo tentu su valore anticu,
assumancu chin rimar dìe ispèndhe’
54 d
d

a ti rèndher de amore unu salutu
(Giove de su zardinu m’a’ privatu);
unu salutu de amore a ti rèndhe’,
cani vratile, non ti dees offèndhe’
(como non canto prus tzivile e raru);
offèndher non ti dees, fratile caru,
(como non canto prus raru e tzivile);
offèndhe’ non ti dees, caru vratile:
si acco irballu, preco a m’iscusare:
a ti rèndher de amore unu salutu,
Giove de su zardinu m’a’ privatu
e rima’ rara’ non poto intonare.
C’appo chertu sa musa abbandhonare
oie m’accato sa mente confusa;
c’abbandhonare appo chertu sa musa,
sa mente confusa oe m’accato;
c’abbandhonare sa musa chertu appo,
sa cale chi temo tantu cara.
A ti rèndher de amore unu salutu,
(Giove de su zardinu m’a’ privatu),
intonare non poto rima’ raras.
A sos amicor mìos custu nara
chi desi a donzi gustu sos addìos,
custu li’ nara a sos amicor mìos
chi sos addìos desi a donzi gustu,
a sos amicor mìo’ nara custu
chi como non so’ prus comente in prima.
55 d
d

A ti rèndher de amore unu salutu
(Giove de su zardinu m’a’ privatu)
intonare non poto rima’ raras.
Fino, e in custa rima ti saluto;
mi ses parente: non dûto e mi caglio.
Fino, e in custa rima ti saluto;
mi ses parente: mi caglio e non dûto!
56
d
d

Perdona, Elèna ermosa
Perdona, Elèna ermosa,
po custu tempus chi vivo distante!
A tie, beninna amante,
chi de tantar gràssias ses ermosa,
ieo adoro po isposa:
vintzas chi in su mundhu app’a durare,
a tie chèrio amare,
solamente a tie, prama viorita!
57
d
d

Raimondo Manca
(1886-1976)
Nacque a Torpè nel 1886. Massaio, prese parte
alle due guerre mondiali e fu amministratore
di Torpè, giudice conciliatore e commissario
prefettizio. Scrisse poesie satiriche, tuttavia gran
parte della sua produzione poetica è andata persa.
Morì nel suo paese natale nel 1976.
Ses mannu pero’...
(sonete)
Si ti ses istruidu in Continente
e as bidu d’Italia sas turres
deves essere pius eminente,
non comente ragionas o discurres,
vacillas in paraulas e mente
e furiosu caminas e curres
emulu de sa rughe ’e Monte Nurres
prescindes a dogn’ora facilmente.
Calchi momentu de bella fi gura
ti podet capitare ca ses mannu
senza tocare su debbile tastu,
ma s’est materia de mala natura
non b’at lima ch’acomodat su dannu,
indelebile restat su guastu.
59
d
d

Luca Doddo
(1887-1971)
Nacque a Torpè nel 1887. Analfabeta, imparò
a scrivere durante il servizio militare.
Morì nel suo paese natale nel 1971.
Ammentos de sa gherra
1915/1918
(otava serrada)
Su Chentuchimbantunu Regimentu
bos trato de su primu Bataglione,
prima de intrare in su cumbatimentu
si narana sa santa orazione,
apenas cuminzada s’azione
currene totu a su trinceramentu,
ocupende sa linea contraria
ponzende s’inimigu a gamb’in aria.
Su Bataglione nostru fit cumpostu
totu barbaricinos volonteris,
d’Eleonora fi zos gherrieris,
de samben sardu chin su coro tostu,
faghene setichentos prejoneris
e recuidos de su cumandu a postu;
senza sas armas e atovagliamentu
61
d
d

ch’aian issos in su trinceramentu.
Su die in Coldirosso ite disastru
mi tremo solu pro mind’ammentare,
cuminzo sa mitraglia a isparare
ma miss’est presentadu un’impiastru,
tando deretu cambio su nastru
e sigo cussa zona a rastrellare,
su rinforzu ch’andait a trincera
lu furriao dae sa crocera.
Deus l’ischit sos mortos e feridos
chi fi n in cussa Valle de Verdona
mi tremo ancora ca los apo ’idos
sos chi fi n ispirende in cussa zona,
gridende totu in trincera frundidos
pro non tenner sa medicaziona
e ca non bastain sos portaferidos
morian poveritos isvenidos.
Apenas terminada s’azione
falamus a riposu a Vallonara.
Musinu Cumandante ’e Bataglione
organizat a fagher una gara,
ca aiat a su cantu passione
in limba sarda de s’Isula cara,
c’amus sos trincerones ocupadu
cuntentu at custa festa organizadu.
Degheoto soldados cantadores
fi mus iscritos pro sa poesia,
62 d
d

ateros bator fi ni sos tenores,
sos ateros fi n totu in cumpanzia,
fi n sos soldados e superiores
aplaudende chin tanta allegria,
faghene pro elegere sos biglietes
pro cantarene sos primos poetes.
Sos primos duos fi n Doddo e Siotto
chi cuminzan sa gara chi an cantadu,
però su cumandante lis at nadu
a bistentare meda non lu poto,
ja l’ischides chi sezis degheoto
e comente est su turnu organizadu,
tres otavas per omine cantades
e cantan cuddos apenas zessades.
Doddo
Cara Patria mea Sardignola
cantu lu sento a che viver lontanu,
pro difender s’Istadu Italianu
s’Isula nostra lassadu amus sola,
pro che leare a Trieste e a Pola
dae sas manos de s’austrianu,
ca fi n citades nostras mind’ammento
Gorizia, Trieste, Pola e Trento.
Siotto
Cuminzamus a dare primu iniziu
e poi sighin totu manu manu,
racontende donz’unu sacrifi ziu
63 d
d

chi faghet su soldadu italianu,
ma ischimus chi est unu benefi ziu
e disponimus su sambene umanu,
massimu sa provinzia de Nuoro
pro sa Patria dat anima e coro.
Doddo
Sassari, sa brigata prus famada,
orgogliosa e de gloria coberta,
de elementos sardos est formada
fi zos d’Eleonora zente isverta,
un’illustre brigata mentovada
ch’in sa trincera dormit a s’abberta
brigata d’energia e de azardu
frutu de su jardinu Istadu Sardu.
Siotto
Siotto nde sigundat ater’una
pro chi tres rimas solu est a cantare,
augurende a tenner sa fortuna
de poter sas trinceras ocupare,
totaganta sa veneta laguna
chin sas posiziones fi n’a mare
e de torrare sanos e cuntentos
totas duos sos nostros regimentos.
Doddo
Vivat donzi soldadu italianu,
vivan sos cumandantes de bataglia,
vivan muschetes e bombas a manu
64 d
d

e vivan sos cannones e mitraglia,
vivan sas naves e aeroplanu
chi assaltan trinceras e muraglia.
E auguro a che torrare sanos
sos chi son bios sos italianos.
Siotto
Sae tres rimas terminat Siotto
e intran Fadda e Masala a cantare,
si elezit un’ateru cumploto
pro sighire su cantigu avanzare,
sa musa regulare prus non poto
ca cuminzan sos versos a bundare
ca ja l’ischides chi sa poesia
prus avanzat prus bundat s’allegria.
Bastat! pro sa Brigata Sassaresa
non b’at atera fama europea,
cando l’an chircada si est difesa
inumbe bi fit issa in sa trincea
e mortos sì, ma mai l’an arresa
in monte Tebi e in monte Porea,
in Asiago e in Campanello,
in subra a Coldirosso e in Montello.
Patria cara apenas s’arrivida
ch’apo fatu a sa nostra frontiera,
apenas deghe dies in trincera
tent’apo in Col di Lana una ferida,
ma pro Issa disponzo anima e vida
65 d
d

ca so fi zu de s’Itala bandera,
e si ruo in su campu ’e s’onore
moglio che unu sardu gherradore.
66
d
d

Antonio Maria Pala
(1903-1976)
Nacque a Torpè nel 1903. Massaio di mestiere,
fece anche il minatore e per alcuni anni emigrò
in continente.
Poeta apprezzato, morì nel suo paese natale nel
1976.
Malasorte
(sonete)
Azzidente a sa sorte malaita
chi mi faghet colare vida bruta,
dae su die ch’apo sutu tita
ti miss’as covecadu e postu suta.
Finzas cando riposo calch’iscuta
benis a mi tentare a sa cabita,
pares pessone torrende vindita
chin megus airada e resoluta.
Su chi penso e trameso not’e die
mi lu divoras in d’unu momentu,
faghes su chi no est in gustu a mie.
Ca est pagu su pesus ch’apo a pala
totu su chi travaglio andat in bentu
culpas d’esser naschidu in sorte mala.
67
d
d

S’omine
(sonete)
S’omine de natura favoridu
non mancat de posseder un’ogetu
chi mantenet continu remonidu
pro educazione e pro rispetu.
E cando sinde servit s’individu
lu faghet in cuadu e in segretu,
est dipesu da isse ’onzi naschidu
de totugantu su mundu cumpletu.
Un’ateru serviziu legale
faghet s’ogetu a chie est in possessu
comente rubinetto ispeziale
in sinu at s’orinariu aparatu
chi fi nzamentas su gentile sessu
beneighet su mastru chi l’at fatu.
68
d
d

Agostino Satta
(1904-1949)
Nacque a Torpè nel 1904 ma intorno al 1930
emigrò a Maccarese, in Lazio, dove morì nel 1949.
Norma
(otava serrada)
Gentile e graziosa signorina,
ch’a mie coro e mente azis furadu,
comare Norma in sa ’idda Torpina
Venere sa bellesa bos at dadu.
Minerva maestosa che reina
sa prudenzia a bois at donadu.
Oje compare ’ostru si bos cantat
ca sezis sa prus bella e sinde ’antat.
No ap’in vista algunu paragone
alcuna dea ’e bos assimizare,
bella Diana e ancora Junone
chi solin in su chelu triunfare,
si bos bideren Teti chin Didone
no an corazu de bos faeddare,
sas bator deas cambian colore
ca sono de bellesa inferiore.
Cale dea o ninfa incantadora
chi solit in s’Olimpu triunfare
bois sezis sa dea triunfadora,
69
d
d

su coro m’azis devidu furare
ca at invidia fi nas s’aurora
bellesa pelegrina de ammirare,
ca possedis sambene de Ciprigna
comare Norma sa prima ’e Sardigna.
De sa Sardigna e de su Continente
e ancora in sos regnos de oltre mare,
ca si in sos ballos bos biden presente
totu sas manos bos diana dare,
sezis sa dea bella e sabiente,
su dulche modu, su bellu tratare,
totu sas bellas bos faghen corona
comente a Venus in sa lughente zona.
E si unin a bois riverentes
chin massima prudenzia e cortesia,
imperatrices de regnos potentes
bidende a bois tenen gelosia,
cantende chin sas musas divertentes
Apollo deus de sa poesia
e tastende sa lira apolliana
cantende a bois che dea galana.
Bid’a Urania chin su violinu
Calliope sonende sa ghiterra
e intonende unu cantu divinu
pro festeggiare custa dea in terra
e Apollo bos istat a vicinu
ma si tocan a bois faghen gherra,
custu deus est cantu de alloro
cantende a bois chin divinu coro.
70 d
d

Bessin dae sas musas d’Elicona
cuddas abbas divinas prus famosas
bessit Minerva chin d’una corona
cinta d’olia e da candidas rosas,
custa corona Minerva bos donat,
chin sas fozas d’olia preziosas,
cando sas musas sono armonizende
Minerva sa corona bos est dende.
Minerva sorridente e maestosa
lis narat a sas musas in presenzia:
fi a sa dea de sa sapienzia
ma Norma Canu est sa prus virtuosa,
Venus bella l’at dadu s’assistenzia
A sa dea de amare prus famosa
Deas e musas nonde onoramus
Nois divinamente l’adoramus.
Sas deas bos an dadu donu e bantu,
Apollo chin sas musas si cuntentat
pruite sezis sa dea de incantu
e de cantare a bois sinde ammentat,
custu coro a bois amat tantu,
colpidu dae Cupidu si presentat,
ca sena vois non potet ’istare
pruite sezis digna ’e bos amare.
Cale poeta o artista sovranu
chi possedit talentu e fantasia,
Rafaellu chin su pinzellu in manu
cando sas madonninas pintaiat,
su famosu Virgiliu mantovanu
71 d
d

sas ancellas d’Enea cantaiat
e si cussos in vida fi n ’istados
totu pro vois si fi n dedicados.
Non bi leo ne gustu e ne ispannu
semper pessende in sa dea ch’adoro,
donzi minutu mi paret un’annu
ca penante d’amore est custu coro
preghende note e die a Babbu Mannu
de mi lassare su castu tesoro.
Custu tesoro a lu tenner in manu
a lu godire chin salude e sanu.
Custu tesoro non lu lasso mai
pro cantu sinde ponzat in impignu
chie lu tocat est unu guai
ca l’amo chin afetu e chin carignu,
sa forza de s’amore est forte assai
si Cupidu m’azuat e so dignu,
custu tesoro l’istimo e l’aprezzo,
lu amo, lu adoro e lu carezzo.
Non b’at cosa in su mundu agualabbile
chi potat superare cust’amante,
pro bois so costante e so amabile
de veru coro e apassionante,
diva casta e gentile e ammirabbile,
sa dea maestosa triunfante
e imploro sa sorte e su destinu
eternamente a bos esser vicinu.
Però non creo e non bi so pessende
chi nissunu m’isfidet in s’amore
72 d
d

pro bois mi at eletu su Signore
e chin s’ispera sua so vivende
de benner paladinu triunfadore
binchidore in sa giostra cumbatende
pro ’alanzare a bois amada mea
binco sa giostra e restades mea.
Cando jeo bos apo acuistadu,
minde poto ’antare veramente,
cavaglieri in su mundu fortunadu
in su tempus presente e veniente
ca so pro bois apassionadu
custu coro d’amore est suferente
pensade de isolvere sas cadenas
pro calmare a s’amante custas penas.
Non mi lassedas solu in agonia,
comente moribbundu suspirende,
pensade chi sa vida est una ebbia
e dopo morte s’anima est penende,
nde paret male fi nas a Maria
pro custa dea s’anima est sufrende,
e prima de suceder tale errore
salva su moribbundu pro s’amore.
S’anima in terra pro fi ne amorosa,
si non lu salvat benit sepultadu,
sa paraula amore est dulche cosa
lu potet narrer chie l’at proadu,
s’anima in cuddu mundu est dolorosa
semper pessende pro chie at amadu,
pruite no at tentu sos disizos
73 d
d

s’anima pro s’amore est in fastizos.
Chie cumprendet podet osservare,
babbos, mamas, parentes e amigos.
Babbos e mamas tenen sos obrigos
fi zos e fi zas a los educare,
però sos fi zos deven cojuare
a gustu insoro sena aer castigos,
custu faeddu meu no est nou
’ognunu cojuare a gustu sou.
Cando s’amore naschit dae coro
e d’una mente intelletuale,
pro cantu est preziosu su tesoro
pius bellu est s’amore naturale,
Salomone monarca orientale
L’at nadu a Saba t’istimo e t’adoro,
m’at fatu sapiente su Signore
ma custa ’olta manco pro s’amore.
Dea, m’azis cumpresu fi nalmente
su lamentu, su ’antu pro s’amore
si bos apo cantadu dignamente
su ’antu meritades senza errore.
Su coro, s’intelletu ei sa mente
an trivagliadu e an tentu s’onore
e nd’est custa cantone in limba mea
pro Norma Canu, sa nobbile dea.
74
d
d

Giuseppe Coronas
(1907-1984)
Nacque a Torpè nel 1907 in una famiglia agiata,
che gli diede la possibilità di frequentare il Liceo
classico di Nuoro. Dovette tuttavia interrompere
gli studi per una grave malattia agli occhi.
Era un profondo conoscitore della sua terra e
dell’alta Baronia. L’aspetto religioso è uno dei
temi fondamentali della sua poesia.
Morì a Torpè nel 1984.
Maria ses s’istella
(mutu)
Maria ses s’istella,
Maria ses sa nae,
Maria ses su portu.
Maria ses s’istella
Donz’anima at cunfortu
de su Chelu ses jae
o pura Verginella.
75
d
d

A nostra signora
(sonete)
Mama de tou Babbu ses signora
Fiza de tou Fizu, Virgo Amante,
fi nas ecelsos che Petrarca e Dante
cantende a Tie fallidu an ancora.
Tue simile ses a s’aurora
astru non b’at de Te pius brillante
Ghia ses Tue de donzi errante
de Chelu e de terra Imperadora.
Maria senza macula cunzeta
de sa Triade Santa almu tesoro
in Te at summu gradu ’ogni Virtude.
O balsamu de ’ogni amaritude
o de su Paradisu iscala d’oro
de s’istirpe de David rosa eleta.
76
d
d

Giovanni Antonio Spano
(1908-1993)
Figlio di Giovanni Maria Spano, nacque a Torpè
nel 1908 e morì nel 1993.
Lamentos
Pro isse mantessi cando chi at tentu sa difortuna
de s’inzegare
(otava serrada)
In sa vida unu mai non creia
a esserepo zegu diventadu!
De Siracusa o Santa Lughia
e cantas boltas bol’apo pregadu:
chi m’aerezis sa vista torradu
sana comente a prima la tenia.
Ca a esser zegu est sa peus cosa
sa die prus bella pro me est oscurosa.
Penso chi non so tantu pecadore
a mi dare sa sorte a su contrariu
ca sende mannu e zovanu minore
fi a semper cunfrade ’e su Rosariu;
andao a creja a sa missa mazore
devotu de pregare necessariu:
77
d
d

fi a cunfrade e postu de cordone
e faghia sa Santa Comunione.
O Deus Soberanu Onnipotente,
chi che sezis in s’Altu Paradisu
e paret chi bos bida a oju in visu
comente cando bos tenza presente!
Torrademi sa vista de improvisu
pro ’idere ’ogni anzenu, ’ogni parente
ca vois sa potenzia la tenides
e si cherides fagher lu potides.
Pro non mi learene a manu a manu
calch’iscuta a passizu in sa carrera
Deus meu faghide sa manera
de miche learezis cras manzanu
o si nono lassadelu a su sera!
Ma ite fago goi pagu sanu?
Si trunchet custa vida ca est penosa:
jughidemiche a umbe nd’est s’isposa!
78
d
d

Nicola Tarquini
(1909-1993)
Nacque a Torpè nel 1909. Orfano di madre, fu
allevato dallo zio, ma ereditò la vena poetica dal
padre naturale Antonio Raimondo Scanu di Alà,
noto come Iscanitu.
Morì nel suo paese natale nel 1993.
A muzere mia
(trintases)
Sos ojos tuos bellos cun su coro
pienos de amore e de afetu
mi naran chi costante tue mi amas.
De passione ardente m’infi amas
ch’in sa mente bi jugo visione,
m’infi amas d’ardente passione
ca visione bi jugo in sa mente,
m’infi amas de passione ardente
in sa campagna, in bidda e in totue.
Sos ojos tuos bellos cun su coro
pienos de amore e de afetu
mi naran chi costante mi amas tue.
79
d
d

M’agato inoghe e minde sero incue
e cunsidero ca cun tegus trato,
mi sero incue e inoghe m’agato
e ca trato cun tegus cunsidero,
m’agato inoghe e incue mi sero
ca son afetos de unu veru amante.
Sos ojos tuos bellos cun su coro
pienos de amore e de afetu
mi naran tue chi m’amas costante.
Ses un’istella lughente e brillante,
gentile, atraente e tantu bella,
ca ses brillante e lughente un’istella
tantu bella, gentile e atraente,
ses un’istella brillante e lughente
sena peruna macula in difetu.
Mi naran chi costante tue mi amas
sos ojos tuos bellos cun su coro
pienos de amore e de afetu.
Su tratu tou sinceru e perfetu
ti juro abberu de cantu m’as fatu,
su sinceru e perfetu tou tratu
cantu m’as fatu ti lu juro abberu
su tratu tou perfetu e sinceru
est donu chi t’at dadu su Signore.
Mi naran chi costante tue mi amas
80 d
d

sos ojos tuos bellos cun su coro
pienos de afetu e de amore.
Ses de jardinu unu raru fiore
chi vives pro amparu in custu sinu
fiore raru ses d’unu jardinu
ch’in custu sinu vives pro amparu
ses de jardinu unu fiore raru
chin suaves profumos e amenos.
Mi naran chi costante tue mi amas
sos ojos tuos bellos cun su coro
de amore e de afetu pienos.
Non disizo pius benes terrenos
ca chi mi tenes caru mind’abbizo
pius benes terrenos non disizo
ca mind’abbizo chi caru mi tenes
non disizo pius terrenos benes
pro me ses tue s’unicu tesoro.
Pienos de amore e de afetu
mi naran chi costante tue mi amas
sos ojos tuos bellos cun su coro.
Chi mi sias fidele solu imploro
e cantu duro consolu mi dias,
imploro solu chi fidele sias
e cantu duro mi dias consolu,
chi mi sias fidele imploro solu
81 d
d

pro nos render fideles totos duos.
Mi naran chi costante tue mi amas
pienos de amore e de afetu
su coro cun sos ojos bellos tuos.
Chei sos de Cupidu dardos suos
sos tuos isguardos m’an feridu,
chei sos suos dardos de Cupidu
m’an feridu sos tuos isguardos
che sos de Cupidu suos dardos
c’as achistadu ogetos e pinzellos.
Mi naran chi costante tue mi amas
pienos de amore e de afetu
su coro cun sos ojos tuos bellos.
Ses adornada digna de modellos
chi simile in Sardigna non chend’ada
ses digna de modellos adornada
chi non chend’ada simile in Sardigna
ses adornada de modellos digna
e t’apo postu un’amore profundu
chi pro me ses sa menzus de su mundu.
82
d
d

A Torpè
(sonete)
Torpè ses piazzadu in pianura
sas muntagnas ti faghene corona,
amus su mare vicinu a sa zona
su chi nos mandat lentore e friscura.
Sa terra adata est pro s’agricoltura
rendet trigu, ’eldura e fruta ’ona
chi mancu sos terrinos de Anglona
possedin custos donos de natura.
Poi tenimus s’irrigazione
pro irrigare totu sos terrinos
ch’est de sa Baronia sa bellesa.
B’amus ortos de sindria e melone,
bellos frutetos, binzas e jardinos
chi coltivat sa zente torpinesa.
83
d
d

Ponente e tramuntana
(sonete)
Su ’antu ti l’as dadu ’e Tramuntana
ca non t’as ammentu su Ponente
a l’ischis ch’est su ’entu prus potente,
totu sa vida custu nadu l’ana.
Si b’aias pensadu a mente sana
aias faeddadu diferente
si andas a chircare certamente
a li risponder ti dait matana.
Ti cres intelligente e de cultura
però leas su note pro su die
ca faeddende non b’istas atentu.
Si tenes donu abberu de natura
sa poesia justa manda a mie
si no ti fago su dibatimentu.
84
d
d

Giuseppe Chessa
(1922-1992)
Poeta molto religioso, nacque a Torpè nel 1922
e morì nel 1992.
Sa gherra
Sa gherra est semper isbagliada
leat sa vida in su menzus fiore,
sa mama chi sena fi zu est restada
pregat pro suportare su dolore.
Sa muzere chi mortu l’an s’amore
restat afl ita e disconsolada,
si lamentat su fi zu minore
chi su babbu connotu no ada.
A sos mortos in Austria, Abissina,
su fronte grecu, su russu geladu,
in su desertu, in aria e in marina,
su populu torpinu generosu
su monumentu lis at innalzadu
a memoria de s’eternu riposu.
85
d
d

Francesco Satta
(1937-1999)
Nacque a Torpè nel 1937. Emigrò a Roma, dove
trascorse gran parte della vita senza tuttavia
mai smettere di comporre poesie, soprattutto
improvvisando.
Rientrato nel suo paese natale, si dedicò
completamente alla sua passione, ottenendo
consensi e apprezzamenti.
Morì nel 1999.
Pregadoria a su Signore
(moda)
O s’amadu divinu Redentore,
chi pro culpa de su pecadu anzenu
in su Golgota afrontadu as sa rughe,
cun s’infi nidu tou, immensu amore,
beta a su mundu s’isguardu serenu,
illuminalu de sa Tua immensa lughe.
In ue gherra b’at, paghe nos jughe
e cun sa leze justa Tua faghe,
sos tortos, sos isbaglios nos curreze.
87
d
d

In subra custa ingrata e dura terra
paghe nos jughe in ue b’at gherra
e cun sa leze justa Tua faghe,
in ue gherra ba’t nos jughe paghe
e faghe cun sa Tua justa leze,
sos tortos, sos isbaglios nos curreze
in subra custa dura terra ingrata.
Siat sa voluntade Tua fata,
ognunu amet s’ateru che frade,
siat fata sa Tua voluntade,
’ognunu a s’ateru che frade lu amet,
chi ’ognunu su benessere bramet,
s’amore, sa cuncordia e s’allegria.
Totu apedas custa idea mia
pro viveremus in manera justa.
O paghe abberi dogni frontiera,
mi frontieras serradas sunu medas,
custa idea mia totu apedas,
pro viveremus in manera justa,
totu apedas s’idea mia custa,
pro viveremus in justa manera.
O paghe abberi dogni frontiera,
mi medas frontieras sun serradas,
ispezzalas sas inicuas ispadas
e preferi s’afetu a sa discordia.
O s’amadu divinu Redentore…
……………………………….
88 d
d

s’allegria, s’amore e sa cuncordia.
Placalas Tue sas iras funestas,
sos lutos e dolores gira in festas,
cuncedi afetos a mannos e minores.
Ch’oghes s’umanidade dae afannos,
dae s’altu podere osserva e mira.
Sos lutos e dolores in festa gira,
cuncedi afetos a mannos e minores,
gira in festas lutos e dolores,
cuncedi afetos a minores e mannos.
Ch’oghes s’umanidade dae afannos,
osserva e mira dae s’altu podere,
ca ses padronu assolutu e ses mere,
immensu, onnipotente, justu e bonu,
ca assolutu ses mere e padronu
immensu, onnipotente, bonu e justu.
Deo a Tie ti prego pro custu,
cessalu de su mundu ’ogni errore.
O s’amadu divinu Redentore…
……………………………….
s’allegria, cuncordia e s’amore.
Ue desertu b’at nascat fiore
e ’ogn’essere umanu in paghe pascat.
Ponebi Tue sa divina manu,
apas de chelu sas portas abbertu.
Nascat fiore ue bi at desertu,
e ’ogn’essere umanu in paghe pascat,
89 d
d

ue desertu b’at fiore nascat,
in paghe pascat ’ogn’essere umanu.
Ponebi Tue sa divina manu,
apas de chelu abbertu sas portas
e a sos soferentes los cunfortas,
Tue a sos bisonzosos los azues,
si sa malvagidade la distrues
pius serena est s’umanidade.
Usa clemenzia cun severidade,
salves chie est colpidu de violenzia,
rende justissia a su colpu rezzidu,
frena sa violenta mente otusa.
Clemenzia cun severidade usa,
salves chie est colpidu de violenzia,
severidade usa cun clemenzia,
salves chie de violenzia est colpidu.
Rende justissia a su colpu rezzidu,
sa mente violenta otusa frena.
Ispezza de ’ogni male sa cadena,
regnet s’incontrastada fratellanzia,
nessunu colpet ne fagat mancanzia,
’ognunu vivat cun modu serenu,
amet su sou e rispetet s’anzenu,
cun d’un’afetu e amore profundu,
ch’est un’abbert’e oju in custu mundu.
90
d
d

A sa Sardigna
Sardigna, diamante incastonadu,
mi pares tue posta in mesu mare
ca Deus de natura ti l’at dadu,
tesoro raru, fatu pro ammirare.
Ses astru in fi rmamentu collocadu,
chi s’infi nidu des illuminare
e su valore ch’as incorporadu
tantu est chi non si podet calculare.
Su sole, sa luna, donz’istella,
s’aera, sa terra ei su mare,
minerales, metallos, fauna e flora,
de totu ses tue sa pius bella
ca ses reina digna de lodare,
ses subra a totus, superba signora.
91
d
d

Fonti bibliografiche
Paolo Mercurio, Folklore sardo: Orosei, storia, lingua,
canto, poesia, Ghedini Editore, Milano, 1991.
Giovanni Spano, Canzoni popolari di Sardegna,
a cura di Salvatore Tola, vol. II, Ilisso, Nuoro,
1999.
Giovanni Spano, Canzoni popolari di Sardegna,
a cura di Salvatore Tola, vol. III, Ilisso, Nuoro,
1999.
AA.VV., Cantadores de Torpè: antologia de poetes
torpinos dae su 1837 a su 2000, a cura di Sebastiano
Pilosu e Efi sio Pau, Edizioni Solinas, Nuoro,
2000.
93
d
d

Indice
Donna Rosaria Guiso 5
Po dare pen’a mie 6
Giuseppe Tolu 9
Isto pro ti narrer: «Siccati!» 9
Sa campana pagu tinnit 10
Luigi Pinna 11
Fecund’arvure fiorida 11
Stanislao Rugiu 15
Su tempus mi ch’est passadu 15
Mauro Zori 21
Si sese cane vonu 21
Iscurta, allegra rosa 22
Nicola Sanna Moiolu 25
Ahi, cantu m’aggrada’ sa chintonza 25
Tres e tres sese e tre’ nove 26
Reione de ti cantare 27
Efi sio Mattiu 33
Bellesa subra a totu de sas bellas 33
Cloris 37
Giovanni Maria Spanu 41
Dami sa manu amante a ti tocare 41
Maria Giuseppina Mattiu Funedda 45
Ti prego no m’inzedies 45
Como mich’ando… 47
Salvatore Mattiu 49
Venus 49
Vincenzo Sanna 53
Non poto rima’ raras intonare 53
Perdona, Elèna ermosa 57
94 d
d

Raimondo Manca 59
Ses mannu pero’... 59
Luca Doddo 61
Ammentos de sa gherra 1915/1918 61
Antonio Maria Pala 67
Malasorte 67
S’omine 68
Agostino Satta 69
Norma 69
Giuseppe Coronas 75
Maria ses s’istella 75
A nostra signora 76
Giovanni Antonio Spano 77
Lamentos 77
Nicola Tarquini 79
A muzere mia 79
A Torpè 83
Ponente e tramuntana 84
Giuseppe Chessa 85
Sa gherra 85
Francesco Satta 87
Pregadoria a su Signore 87
A sa Sardigna 91
95
d
d

Finito di stampare nel mese di settembre 2008
per conto di:
EDITRICE ARCHIVIO FOTOGRAFICO SARDO
NUORO