Te foto grande Il XIV Dalai <strong>La</strong>ma, Tenzin Gyatso. Sot, di çampe: il Dalai <strong>La</strong>ma cu lis autoritâts religjosis di Udin; cul Assessôr ae Culture de Regjon Antonaz e cul Retôr de Universitât <strong>dal</strong> Friûl Honsell; il public rivât par viodilu li <strong>dal</strong> Teatro Nuovo Giovanni Da Udine. Chi dongje a drete, une fantate cui colôrs <strong>dal</strong> Tibet.
LAURIN ZUAN NARDIN Leterature Culture FOTO GALLERY Dalai <strong>La</strong>ma Fotos di Giandomenico Ricci Memoriis platadis Olmis di storie te narative popolâr furlane di Carli Pup, Buie, 2006 Tenzin Gyasto, Dalai <strong>La</strong>ma e premi Nobel pe Pâs, al è rivât ai 10 di Dicembar <strong>dal</strong> 2007 a Udin, li che al è stât par 3 dîs. Un event che a nivel talian nol è stât calcolât, a diference des visitis di Rome e Milan. Cun di plui i esponents politics talian(on)s a àn evitât di dâ il just pês a chest apontament, probabilmentri par no displasê a la Cine, gnove frontiere <strong>dal</strong> capitalisim di vuê e nemie da la autonomie <strong>dal</strong> Tibet. Une situazion che nus ricuarde une vore il rapuart Italie e Friûl. No podevin sedi plui induvinâts di cussì il titul e il sottitul di chest saç publicât tant che suplement <strong>dal</strong> numar di Dicembar <strong>dal</strong> 2006 di “el Tomât”, pes edizions de innomenade associazion culturâl di Buie. Un centenâr di pagjinis dividudis in cinc cjapitui, un aparât di notis une vore penç (ben 153!) e une siore bibliografie. In plui cinc schedis di aprofondiment dedicadis a Achil Tellini, a la figure di Lilith inte tradizion ebraiche, al imperadôr Magnus Maximus, al riviel de joibe grasse <strong>dal</strong> 1511 e a Zuan Minut. Un libri che al mostre cetancj tesaurs che si platin sot de croste des robis che o viodìn o che o sintìn. Al è come se l’autôr al ves scrupulât che il teren là che al poiave i pîts al fos il parsore di une miniere e che al ves vude chê di tacâ a sgjavâ. Al à viodût subite che e jere une miniere une vore grande e plene di sorpresis. Bastave vê voi par cjalâ e sgrimie di capî. I mîts, ducj i mîts, a scomençâ di chei classics dai grêcs antîcs par rivâ fint ai nestris furlans, a nassin di alc, a àn lidrîs fondis inte storie. Il salvan, par esempli, inte tradizion furlane e no dome furlane, al è un personaç che nol è integrât inte societât, un strani, un forest, un ‘diviers’. O savìn che la storie <strong>dal</strong> om e je stade dute un dâsi la volte di popui che a sotentravin a di altris popui intun ciert teritori. E, se o lin tant in daûr intal timp, a dâsi la volte no son stâts dome popui, ma adiriture specis biologjichis diferentis: baste pensâ ai neaderthalians (ma, prime ancjemò al homo erectus, al sapiens…). Chescj passaçs no son vignûts <strong>dal</strong> vuê al doman e il popul di prime nol è mai disparît dut intun colp. Cualchi neaderthalian al varà vivût in contemporanie cui gnûfs vignûts, a ben che sui ceis de lôr societât. Isal nassût cussì il mît dai salvans? Ipotesi e ancje alc di plui di une ipotesi une vore inceose. Lis cuistions che Carli Pup al fronte a son tantis e dutis penzis. Nol da rispuestis definitivis, pluitost al tire sù il vêl de Storie par permetii al letôr di cjalâ sot. E lis robis che si viodin a son pardabon tantis. Une cercje? – lis olmis che a àn lassadis inte narative popolâr furlane personaçs sicu Atile, Paulin di Aquilee, Beltram che a àn vude une lôr impuartance inte storie martoriade <strong>dal</strong> Friûl; – lis corispondencis jenfri i mîts <strong>dal</strong> Friûl e chei di altris bandis de Europe, magari viodûts intune lûs diferente (par esempli Atile che, par nô, al è une sorte di diaul, in Ongjarie al è un personaç une vore spreseât…); – mîts che no son mîts, ma stereotips e nuie di plui, sicu chel <strong>dal</strong> furlan ‘salt, onest, lavorador’, invenzion rude e ancje vonde resinte, tant che chê <strong>dal</strong> furlan sotan che al ten simpri il cjâf bas; – acjadiments che a son lâts in dismentie (<strong>dal</strong> sigûr no par câs, ma par une volontât precise dai sorestants di fâju lâ in dismentie) e che dome pe vie de narative popolâr si podin recuperâ (par esempli cui aial mai sintût a fevelâ <strong>dal</strong> riviel di Sarsêt <strong>dal</strong>1867, duncje a pene rivade la Italie?); – curiositâts sicu chê des tantis feminis furlanis che une volte a vevin non ‘Sabide’; – la glesie aquileiese, che e veve ponts di origjinalitât no di pôc cont rispiet a chê di Rome; – la cuestion complesse e ingredeade dai bens civics e il so disvilup di lunc dai secui. E tantis altris considerazions che ogni letôr al fasarà lis sôs. Insome un libri penç, plen di culture storiche e antropologjiche. Si perdonin facilmentri l’anacolût di p. 29 (‘Il ricuart de presince e je vive’) e la perle di p. 23, dulà che la gnot dai Sants si slungje dai 30 di Otubar al Prin di Novembar… Robis di nuie. Che anzit a dan une note di simpatie in plui. A ‘nt fossino di libris cussì! la patrie <strong>dal</strong> friûl _ ZENÂR-FEVRÂR 2008 _ 27
Change language