Rapport da gestiun e quen 2009

More documents

Recommendations

Info

Vischnaunca Sumvitg Rapport annual Pagina 6 Cun datum digl 1. d’avrel 2010 ha la direcziun per la scolaziun dil cantun Turitg lu tuttina suttamess alla suprastonza communala il contract che preveda d’entscheiver culs cuors a Rabius igl uost 2011. 4 Sanadad 4.1 Spital regiunal Surselva La statistica da nies spital a Glion muossa pigl onn 2009 2'791 (2'875) cass staziunars e 7'327 (7'273) cass ambulonts. Duront igl onn vargau ei vegniu prestau total 16'877 (16'775) dis da tgira a Glion. Per nossa vischnaunca muntan ils cuosts pil spital el quen 2009 155'249 francs, rodund 13'000 francs dapli ch’igl onn 2008. Sco la statistica muossa sesminueschan ils cass staziunars a Glion levet. La confidonza viers nies spital ei denton cheu. La purschida dils cass ambulonts e dalla tgira a Glion han saviu vegnir augmentai. Quei bien num ch’il spital regiunal gauda actualmein sto denton vegnir cultivaus vinavon e persuenter ei en emprema lingia il spital sez responsabels. Nus, che essan forsa inagada sez pazients, duessen tenor pusseivladad preferir nies spital. Mo cun ina buna occupaziun sa il spital a Glion dar damogn al squetsch dallas finanzas ed aschia surviver. 4.2 Spitex Cadi Dapi sia fundaziun igl onn 2000 ei l’uniun Spitex Cadi vegnida presidiada da Dumeni Columberg. Sut siu presidi ei quell’uniun sesviluppada tier in'organisaziun bein structurada, efficienta e che porscha prezius survetschs als attempai ed allas persunas che basegnan agid e sustegn. La Spitex possibilitescha a nos seniors che basegnan quei ni tschei agid da star pli ditg en lur dacasa. A Dumeni Columberg admettein in grond engraziament per sia zun preziada lavur en favur dalla Spitex Cadi. La radunonza dils delegai ha elegiu cun caschun dalla seduta dils 15 d'avrel 2009 Adelrich Berther da Danis sco niev president. Adelrich Berther ei staus dapi la fundaziun dall'uniun commember dalla suprastonza. Ils ulteriurs novs commembers dalla suprastonza ein Eveline Soliva-Flepp da Sedrun e Beat Candinas da Surrein. L’uniun Spitex Cadi ha era igl onn vargau adempliu siu pensum per cumpleina cuntentientscha dallas vischnauncas. Ella ha saviu dar lavur a 52 (50) collaboraturas e collaboraturs. Il team da Spitex Cadi ha prestau buca meins che 22'189 (20'457) uras da lavur e tgira. Per far las visetas necessarias ein las collaboraturas ed ils collaboraturs carrai presapauc 83'897 (79'279) kilometers. Il quen dalla Spitex Cadi ei carschius levet igl onn 2009, aschia che las vischnauncas ston surprender ca. 8 % dapli cuosts ch'igl onn precedent. La summa totala che nossa vischnaunca ha pagau igl onn vargau pil survetsch da Spitex munta 10'367 francs. 4.3 Dentista da scola Buca meins che 35 onns ei Ciril Tuor, oriunds da Sumvitg, staus il dentist da scola dalla Cadi. Duront quels onns ha el urentau il dents da nundumbreivlas scolaras e scolars e procurau cun sias profundas enconuschientschas che nos affons han giu il dretg tractament dils dents. A nies anteriur dentist da scola Ciril Tuor admettein in grond engraziament per sia zun preziada lavur per nos affons. Sco successura da Ciril Tuor han las suprastonzas communalas dalla Cadi elegiu sia feglia Petra che ha entschiet culla lavur da dentista da scola l'entschatta digl onn da scola. 5 Ovras socialas 5.1 Casas da tgira Cumpadials e Trun Il quen communal 2009 muossa ora ina contribuziun pauschala d’investiziun per casas da vegls da 48'278 francs. Tenor las novas directivas dil cantun ston ils cussadents dad ina casa da tgira pagar per mintga di ina contribuziun d’investiziun tochen max. 10 francs. Las vischnauncas ston lu medemamein pagar alla casa da tgira la medema quota per quels cussadents che derivan dalla vischnaunca. Las casas fixeschan mintgamai sezzas ed independentamein la quota ed incasseschan quella dallas vischnauncas. Ils daners che vegnan aschia ensemen ein reservai per las necessarias renovaziuns ed adattaziuns dalla casa egl avegnir. Per unificar las proceduras denter las vischnauncas e las differentas casas da tgira en Surselva han tuttas vischnauncas dalla Surselva suttascret ina cunvegna che regla ils pagaments dallas vischnauncas allas casas da tgira. Alla casa s. Giusep a Cumpadials ha la vischnaunca aschia pagau pigl onn vargau 34'775 francs (5 francs per di per mintga cussadent(a) ord nossa vischnaunca) ed alla casa s. Martin a Trun 6'828 francs (3 francs per di). Ad ulteriuras casas da vegls en Surselva (Curaglia e Glion) ha la vischnaunca pagau total 6'675 francs. Las casas da tgira a Cumpadials ed a Trun han era duront igl onn vargau saviu ademplir lur pretensius pensum cun gronda professiunalitad e senza spluntar tier la vischnaunca per agid finanzial supplementar. Vinavon ston nossas duas casas da vegls denton sbatter culla problematica da munconza da persunal scolau, in fatg che vegn egl avegnir aunc a daventar pli acuts. Perquei admettein allas collaboraturas ed als collaboraturs da quellas duas casas in grond e sincer engraziament per lur grond e zun preziau engaschi en favur da nos vegls ed attempai. 5.2 Provediment social Ils cuosts nets dil provediment social da 95'347 francs ein stai rodund 32'000 francs ni 25 % pli bass ch’igl onn 2008. Cunquei ch'ils cuosts communals ein stai igl onn vargau sut la media dil cantun, havein survegniu negina contribuziun ord il fondo d'ulivaziun social dil cantun Grischun. El decuors digl onn 2009 ha la vischnaunca susteniu 16 persunas en vischnaunca e quei cun ina summa brutta da 167'000 francs. Ina marcanta digren havein buca mo tier las persunas en vischnaunca, mobein era tier burgheis da nossa vischnaunca che habiteschan ella Bassa.
Vischnaunca Sumvitg Rapport annual Pagina 7 6 Traffic 6.1 Survetsch d’unviern Suenter il stregn unviern 2007/2008 ha era igl unviern 2008/2009 purtau dabia neiv, aschia ch'ils cuosts pil survetsch d'unviern ein curdai ora cun 110'000 francs pauc meglier ch'igl onn avon, mo rodund 58 % dapli che previu el preventiv. Vitier vegn aunc in marcant augment dallas contribuziuns al cantun pil survetsch d'unviern sillas vias cantunalas tras nos vitgs da 65 tochen 85 %. Quei marcant augment vegn argumentaus davart dil cantun cul fatg ch'il cantun hagi dapi igl onn 2000 buca adattau las tariffas alla carischia. 6.2 Vias cantunalas Via cantunala Sumvitg amiez il vitg Igl onn vargau ei la tiarza etappa dalla sanaziun dalla via cantunala tras Sumvitg vegnida realisada. Naven da sut il mir santeri entochen en tier la casa Sentupada ei la via vegnida sanada totalmein. Ils passapeis sco era las entradas sillas plazzas da parcar avon las casas e sin plaz cadruvi ein vegnidas adattadas alla via nova. Deplorablamein han ils passapeis buca saviu vegnir slargiai, aschia che la sanaziun dalla via ha buca purtau ina essenziala migliur pils pedunzs. La vischnaunca sto tenor la lescha cantunala da vias actuala surprender 100 % dils cuosts dil passapei e 50 % dils cuosts dalla cuvrida dalla via. Quella repartiziun ha caschunau igl onn vargau cuosts per la vischnaunca da rodund 161'000 francs. Vitier vegn lu aunc la cumpart vid ils cuosts dalla cuvrida fina che vegn baghegiada en pér el decuors digl onn 2010. ha la vischnaunca giu da surprender sia cumpart sco sura menziunau culla summa totala da 52'000 francs. 6.3 Tempo 30 tras Sumvitg Cun 159 suttascripziuns han vischinas e vischins da Sumvitg inoltrau ina petiziun alla suprastonza communala per realisar ina zona da tempo 30 silla via cantunala tras il vitg da Sumvitg. La suprastonza communala ha schau elaborar in pareri corrispundent che cuntegn denter auter era miseraziuns da tempo en differents loghens. Quei pareri fuorma la basa per la damonda alla cumissiun da traffic dil cantun Grischun per la realisaziun dalla zona 30. La risposta dalla cumissiun da traffic, ch'ei responsabla per tuttas zonas da 30 sillas vias cantunalas, duess vegnir el decuors dalla stad 2010. 6.4 Punt Gonda La radunonza communala dils 6 da zercladur 2008 ha giu approbau il project per la sanaziun dalla punt Gonda e concediu il credit da 890'000 francs persuenter. Culla fin 2009 han las davosas lavurs vid la punt saviu vegnir terminadas. La punt Gonda sepresenta ussa en niev vestgiu cun sia eleganza d'antruras. Ils cuosts totals dalla sanaziun dalla punt e dalla cuvrida dalla via davart da Surrein muntan 885'000 francs. Muort il favoreivel rendaquen dalla punt ha in pli grond tschancun dalla via viers Surrein saviu vegnir sanaus. A tut tgi che ha duront il temps da serrada dalla punt Gonda stuiu carrar sur Rabius engraziein per la gronda pazienzia e beinvulientscha demussada. Cul resultat negativ pertuccont la nova ulivaziun da finanzas per nies cantun vegn la participaziun dallas vischnauncas vid ils cuots da sanaziun dallas vias cantunalas buca midada, aschia che nus stuein pil mument quintar cun ulteriuras contribuziuns dalla vischnaunca vid tals projects. 6.5 Maschina nova pil stradalesser La radunonza communala da preventiv dils 9 da december 2008 ha concediu in credit per la cumpra dad ina maschina nova pil stradalesser. El decuors dalla primavera 2009 ha la maschina nova lu saviu vegnir surdada alla gruppa stradala. En connex culla sanaziun dalla via ein era las lingias principalas d’aua e las canalisaziuns publicas e privatas ch’eran gia pulitamein sils onns e per part en schliet stan vegnidas remplazzadas. Ils cuosts per las canalisaziuns novas muntan rodund 44'000 francs e quels per las lingias d’aua rodund 103'000 francs. Ils proprietaris dils schischoms sper via han medemamein priu la caschun da remplazzar lur colligiaziuns d’aua privatas. Via cantunala Rabius ost En connex cul project da sanaziun dalla via cantunala denter Rabius e Trun ei la cuvrida fina vegnida fatga. Demai ch'ina part da quella via sesanfla enteifer il vitg da Rabius,
Page 1: Rapport da gestiun e quen 2009 Lag
Page 4 and 5: Vischnaunca Sumvitg Rapport annual
Page 16 and 17: Vischnaunca Sumvitg Q U E N 2009 Pa
Page 34 and 35: Vischnaunca Sumvitg Q U E N D A F A
Page 36 and 37: Vischnaunca Sumvitg GLIESTA DALLAS
Page 38 and 39: Vischnaunca Sumvitg Rapports da rev
Page 40 and 41: Vischnaunca Sumvitg Autoritads comm
Page 42 and 43: Vischnaunca Sumvitg Emploiai e coll
Page 44 and 45: Vischnaunca Sumvitg Senioras e seni
Page 46: Svilup dalla populaziun 1'500 1'400

Rapport da gestiun e quen 2009

You also want an ePaper? Increase the reach of your titles

Delete template?

Save as template?