Rapport da gestiun e quen 2009

Vischnaunca Sumvitg Rapports da revisiun 2009 Pagina 36
Conform als artechels 46 - 50 dalla constituziun communala ha la cumissiun da quen e gestiun controllau ed examinau il quen
communal 2009.
La revisiun dil quen communal ei vegnida exequida dil biro fiduziar Cathomas + Cabernard SA, Glion ensemen cun la cumissiun
da quen e gestiun.
1. Las controllas han cumpigliau
• ils protocols e las decisiuns dils organs cumpetents
• il quen e l’administraziun dalla facultad
• il quen current e d’investiziuns
2. Constataziuns
• Ils responsabels administreschan cun senn da responsabladad il fatg communal.
• La bilanza per ils 31-12-2009 ed il quen da menaschi 2009 corrispundan alla contabilitad.
• La contabilitad ei menada conform agl uorden e tenor principis mercantils sco era dil model da quen per las vischnauncas.
• Ils documents da fatschenta e da contabilitad ein avon maun.
• Ils principis legals da valetaziun ein observai enten presentar la situaziun da facultad ed il resultat da fatschenta.
3. Propostas
Sin fundament dil resultat dalla revisiun propona la cumissiun da quen e gestiun:
• d’approbar il quen communal 2009 sco presentau a scret;
• da dar scarica alla suprastonza, als ulteriurs organs responsabels ed all’administraziun ed admetter in cordial engraziament
per lur engaschi en favur da nossa vischnaunca.
Sumvitg, matg 2010
Cumissiun da quen e gestiun
Ciril Cathomas, president
Julia Deplazes-Heini
Rest Andriu Bearth