Maskilanje - Potomitan

Maskilanje – A Haitian novel by Kesler Brézault
je ou je ou plen wege ladan l mache fwenk m al benn ou rebèl kevouzèt
bourik byen sele ap sikile moute desann katchapika dyòl fizi ouzi louvri
disèt lajè kalbas siwo pouvwa si plen ra dyòl ap koule sou makout detansa tè
anwo lan mòn fin vide desann fil elektrik pelig pase devan papòt kòt fanmi
volontè sekirite nasyonal nan mòn (vsn) se lavil yo al wè limyè elektrisite
sèvi pou siveye moute desann moun lavil kat milisyen pou nèg andeyò kite
jaden desann lavil vin fè rakèt vin sèvi gouvèlman an yo pran nèg mòn pou
sitwon k ap pire nan karaf zòt ki toujou vle bwè n glòt yon pwen 22 22 sesi
22 sela 22 selaba 22 septanm avi avi nèt se 22 me li t ap tann pou li antere
lelmi bouyon 22 me krim 22 me demonstraksyon pouvwa gwo lesto ti chèf
gwo chèf sekretè chèf sikè chèf souflantyou chèf fizi bogota chèf seksyon
awousa militè mouchwa wouj minis abiye glo ble pentad koulin an
bandoulyè diskou alawonnbadè le doktè avi pou tout tan èt en bouldozè ki
charye tout lè krabinay pou ale lè jete dan loseyan endyen la mèm ou desalin
è mò a la krèt a pyèwo nan lari kou lakay moun mouri mal moun mouri pou
dan ri yo blayi moun tò o rezon yo kraze pwofesè lekòl pou diskou refòme
defòme mè chè zelèv a mon navi kisa repete sa ou sot di la a m pa sot di
anyen ou pa sot di anyen kilès ki avi nan peyi a se ou menm osnon prezidan
an ou gen rezon chèf la ban m lavi yo plat divès gid touris pou pawòl nan lòt
lang pawòl yo pa ka konprann good bye se gwo angle k ap pale papa pawòl
daki sou do pòv gouvèlman an pa sa mwen di blan an goudbay senpman
fèmen djòl ou kilès ki gen dwa bay lajan lan peyi a kominis lè prezidan an
ap pase l ap voye lajan atè 20 kòb 50 kòb li konn voye lè yon nèg se kominis
ou ye ou wè se pa anyen sa ou di blan an se goud pou li bay pèp devan o o
kisa fout lonje dyòl ou ban m kalote ou anvan m fwenk pete kalbas grenn ou
espyon yo genlè bliye si mwen m ka fout kraze kalbas lòbèy la en mèt la mèt
la tande mèt la konprann li pa reponn lèfini tou li lwen yo simen pwav
potomitan limen tou wouj tonton makout gaye lan mezi rakwen peyi a moun
senp pèdi larezon nèg klè nèg nwè vole gage pran kanntè anbasad chaje ap
derefize sa ki pa vle kanzo pa zanmi kanzo men ou lan ka men siga ou yon
grenn soulye fin klere klin chany lan kanpe de bra louvri li pran plenyen
devenn malè pichon madichon kraze barikad fè chimen lan tout kò koridò
lakay nou ala traka mezanmi se lè tribilasyon ap rapousib yon pòv malerèz
tififi tou chèch kò zoklimo zo bengo zo lamègzo akoukouman an zonbi depi
kèk tan anba yon chay kolonn mò touse mèt la te andedan lekòl la koze a fè l
soti voup li parèt ap pale ak de men l dèyè do l men pouki tififi pa mouri
pouki li oblije la poukisa li oblije viv menm labànyè lamizè kannale moute
jouk kote van vante pou l kadanse kadans maladwat 2 ke chemiz tèt sou lòbit
ren plagatòks sou lawoulèt topi kalbas ala tray mezanmi pouki lakwa pa t
pase drèt ale san vire tèt lakwa kanpe lakwa moute jibile douvan papòt moun
4/17/2007 8