Maskilanje - Potomitan
Maskilanje - Potomitan
Maskilanje - Potomitan
Create successful ePaper yourself
Turn your PDF publications into a flip-book with our unique Google optimized e-Paper software.
<strong>Maskilanje</strong> – A Haitian novel by Kesler Brézault<br />
rive jwenn pou m travay se pawòl silabè ti malis inifòm enskripsyon lekòl<br />
metye pou pitit mwen se pawòl pou yo tout gen menm dwa menm chans<br />
antre soti lekòl kay mè pè frè fakilte inivèsite se pawòl pou yo tout gen<br />
menm dwa menm chans pou yo jwenn travay fè tou pa yo sou chwal papa a<br />
se pawòl respekte moun tout moun se moun pa gen moun siperyè moun se<br />
pawòl dwa mwen devan leta yon sèl jistis san patipri egalego se pawòl<br />
laswenyay san regadan se vèditè ak vèditèse pawòl fyète m pou m viv nan<br />
peyi m an granmoun respektab respekte pawòl pa m nan se yon pawòl grad<br />
minimòm nan souple mepriz la twò fyèl jenerasyon sa a p ap bwè l li twò kri<br />
li manke tchil ise mwen tikal tikal pi wo kenbe tout kòb jwe tout gwo wòl<br />
men respekte moun nan grad minimòm nan pou ou jwenn lapè pou nou<br />
jwenn respè kit ou se tèt gwo ras gwo klas tout lòt se pye fatra baton tout kò<br />
a mande grad minimòm nan abraam move li di ase ou batize m mawon nan<br />
bwa abitan fèy pòv malere restavèk bòn gason lakou potè pòt fè ou desann<br />
konfonn moun ak fatra k ap sal oto ou ou chase moun detwi moun kòm<br />
akrekre vye kokorat estòp pou libète egalite pou desalin petyon pou nou nèg<br />
reklame grad minimòm pou nou tout lespwa fè moun viv ti mal viv lespwa<br />
mèt la gen moun ki gen lespwa wi swafèt viv moun sa yo mèt kraf yèreswa<br />
sanba a fè yon rèv sanba a reve anba lakay bèl rèv lespwa k ap boujonnen<br />
sanba a wè vapè batiman blan ak pòtavyon k ap pote konkou kanada ap rele<br />
bare anwo lafrans reponn bare anba lamenfòs ak pèp ayisyen nan bare<br />
erozyon latè k ap degringole al nan lanm alo alo kominote entènasyonal la<br />
konbit men anpil ann pouse lamizè pi lwen yèreswa sanba a fè yon rèv tout<br />
zam fannfwa se te pikwa boulèt kanno yo se te pen pen lenstriksyon pen<br />
devlopman sa nou t ap chache pou n te kore palmis lespwa ki te vle<br />
boujonnen nan 16 desanm 90 yèreswa sanba a fè yon rèv rèv la poko janm<br />
efase tan an toujou mare tan an boude pi rèd de kout zèklè prèt pou<br />
deklannche tout kò syèl la tranblad tranblad dlo pral chavire lavalas lapli pyè<br />
loray chen pare pou bwè dlo jouk lan nen<br />
4/17/2007 35