Maskilanje - Potomitan

Maskilanje – A Haitian novel by Kesler Brézault
divans pou operasyon pote tanbou madoulè apre dans kimele di m davans si
ou konn divans apre bal entèvansyon tanbou dezagreman pa janm lejè di m
davans si ou konn divans nan lomlèt okipasyon se pèp ki pase pou ze di m
davans nan ki dans ou envite m danse a monkonpè konsa lè tanbou ava frape
m ava konn davans sou ki pye moun dwe danse men l anlè a l ap vini mwen
m kwè nèt mèt la zòt fè nou mache sou kòd volonte yo ala mal sa fè nou mal
ala lapenn adye o se ak sa nou renmen y ap fè nou mache y ap fè nou trennen
pou sa nou renmen jwèt la pale nan bouch zòt fè nou konprann las nou nan
pil toujou nou jete fòs kraze maryaj file joke gwo figi n ap chache las nan
jwèt deboulonnen desere nan jwèt lib lespwa kente fè nou pèdi pwen gaspiye
bris nou pèdi fil jwèt la valèt pran valè va lèt ra kou grinbak vèt mache nwa
kaye loni mèt dezafi moute desann tout moun dèyè dola tout moun dèyè titid
tout moun soud pou 7 ti mwa lespwa ou a di yon syèk tribilasyon pouki m te
bezwen al vote nan 16 desanm 90 se do cho anba kannistè m te twò cho pou
7 mwa garyonnay yon toupre syèk baboukèt anbago sou dyòl sou vant sou
lavi pou 7 grenn mwa plezi vivi gade tensèl limyè yon demi syèk fènwa
blakawout limyè tenyen ni sou deyò ni andedan yayay pouki m te nui nich
mwen nan pike kole sèz desanm katrevendis pou 7 ti ale vini voupvoup san
pran souf yon gwòs alizèn mizèrere okenn dat pou delivrans pouki menm
mwen t al vote nan 16 desanm 90 ou kwè se pa t yon ranvwa yon pouse
malisyòs malaki ki te charye m pou 7 pa nan bal demen miyò 7 ti pa kavalye
pòlka yon manman tanbou madoulè toupre fin pliche detrese tout pay sou tèt
kounouk mwen pouki m te fanmsay nan akouchman lespwa lavi nan 16 de
sanm 90 pouki tyovi pa t tou mouri nan pasay pou 7 grenn mwa lafanmi
rejwi yon dekalyonn tribilasyon envazyon mizè depòtasyon pouki m pa te
kite chwal tonton yo di ki tonton m nan pran gany anlagan pale yon pawòl
pou mwen mèt kraf ki pawòl ou ta vle pou nou pale ni pou ou ni pou mwen
swafèt di yon pawòl tabli yon koze sou dwa pa m sou lavimiyò pa m sou
jodi ak demen fanmi mwen ras mwen pale yon pawòl pou mwen yon foure
bouch yon pawòl etablisman enstitisyon legal agrantlijyèn ki pa nan ti mezi
mounpa espesyal pati kilyè yon pawòl enstitisyon demokratik popilè pa pèp
pou pèp ki fèt pou ranplase tout bezwen piston relasyon moun lou parenn
moun pa yon pawòl enstitisyon solid pou reparasyon separasyon nasyonal
legal pale pawòl jeneral desalin nan pou mwen pou 2èm endepandans la
pawòl reparasyon enjistis rabi k ap ravaje peyi a depi 2 syèk pitit kolon
eritye kolon pitit ginen eritye anyen pawòl lapè a benevòl konsa a poko
pawòl pa m nan lasosyete reklame lapè li se bèl pwojè men m pa kache di ou
tonnè krakra izèdeze viv salnav resi pale yon pawòl pou mwen resi pale nan
pawòl pa m nan non mèt la pawòl pwogrè swafèt pawòl pwogrè pa mwen se
pawòl pèp k ap lite pou lavimiyò se pawòl angrè pou m travay moso tè m ta
4/17/2007 34