Maskilanje - Potomitan

Maskilanje – A Haitian novel by Kesler Brézault
sanginè ou p ap sis dal vakabon pantan lan repantans moun dammari bat
chalbari dèyè tout mèt kesyon represyon pèp ansdeno alo kouman sa ye apre
gagè n a konte ploum ganmèl lan jakmèl tounen anbasad 4 5 tonton makout
sere anba chak ganmèl timoun pè ganmèl timoun kouri pou ganmèl pè leve
ganmèl kivèt pa ret atè kivèt tounen kas an fè nan lagè katòz anba kabann
anba waf lan raje tonton makout tounen fwomi fou lapousinyè lan mango
dlo bonbonni kaye sou yon moso zorany si pouri vè fè kanaval lan yon moso
pwason sale 2 rat pran nan pèlen douz chen ki rele chen ap defouraye
dechikte tyènannan yon bourik mouri se sa lago a te dire twòp bon jan
koukouwouj lage lan dengwenn mechan move zè koute kraf anwo dèlma
mamè sè siperyè soti pou l al okabine lè li fè sa l parèt li ouvri pòt latrin nan
tonnè krisboulout mwen makout ki lan watè a yon dal michan tonton makout
sa ki gwo gwo yo yon latriye malveyan yonn sou lòt sa ki kostime sa ki pye
atè swe tankou pitit bouki pè kou sourit pa wè lòt kote pa chwazi lòt kote
pou yo al sere se lan watè kay mamè oo konndi lòt la konn di
onnètesplozyon wi isiba tande kraf tande woule woulo a aaa woulo ap woule
dewoule chalbari a bat chalbari dèyè ou chalbari dèyè bourik malentespri
malefik oo kraf tande ayewopò m sot la a vant pase vant mennen kakarèl
kolik deklarasyon manti piblik de zikap nan dengwenn move sije mechan
move je makout pye kout ki te ret dèyè sa pise pase re lan papòt ayewopò
moun la a lan pòtoprens pa gen plas pou padon pou lagras pwennfèpa fanmi
lenmò k ap mande sen jak gras y a yan rès satan jerenons mò chwal animal
tout sou lis detere pwomennen lepèp fè yon sèl yon sèl kò dechoukè debake
lan simityè tout pawòl aza laza kiyètvou kèlètvou levevou pawoli sa yo vire
lanvè ave ave mariya fineray rechante kraf tande ak wè se de wè pou ta wè
ak je ou mèt kraf poko reponn swafèt pike anba lavil demezi se bò lari granri
tout se pankat reklam pou woulo woulo pou lwe woulo pou vann bayafèm
woulo dechoukay woulo prete likidasyon woulo kaye lan lakou mouzen
lasalin swafèt gaye mèt kraf gouye kò l li fè ti rantre soti l devan pòt lekòl la
tou li voye je l nan fenèt la tanzantan men mche plis kole sou televizyon l l
ap gade espektak an dirèk li wè li tande l ap panse tou dyòl lang lage bouch
lang demare pawòl alagouy gwo distribisyon pawòl sou channmas chak
moun soti ak ven trant pawòl tiloulou ranmase yon pawòl kal maks pou l
pote al separe lakay li yon kokenn chenn pawòl twò lou pou lang li si ti
nonm lan pa kouri flanke koze a atè boukante sa ak yon refren vaksin
dechoukay pawòl sa a desounen l kase kou l sèk yon bri pye plitip plitip yon
batan pòt lekòl la frape kow mèt kraf kouri reponn li deja konn ki moun ki la
swafèt sa ou di fèy lan bwa souke jodi a a a gwo fèy fèy ki gen fèy ki gen
nanm sou yo fèy gason fèy grenn maskriti pou reglise tè ayiti fèy pwa kongo
pou fwete lenmò fèy ginen pou voye ale fèy ave pou tounen detounen
4/17/2007 22