Maskilanje - Potomitan

Maskilanje – A Haitian novel by Kesler Brézault
yo malveyan pòt drapo a gentan tounen ou a di yon balon baskèt boulvari
pèp soulven leve an 2 tan 3 mouvman toubiyon van latounay woulo dechou
kay la mete lari a klin makout pise sou yo tankou milèt pòt fizi gaye kou po
kann sirèn anbilans lan kat pwent fanm machann dlo a pase l gade l tchwipe
l di apali kouman l rele a te toujou ap di pa gen lapriyè ki pa gen amèn epa
katafal lavalas dlo dechoukay pase li ranmase charye rès bokal penti rans bòs
pent touye dife sou santi boule migannen chèk ènès ki gen tout monopòl
pouvwa benefis jeneral tout syè travay malerèz an jeneral woulo dechoukay
pran lari zak ari fè l pran kouri pran kriye manman o myè myè pijon women
fwenk fèmen lan kalòj madan mas madigra mal maske pèdi bann sanginè
malfèktè lè woulo a rive bò kay yo a de bal tire eksite dechoukè rete kamelo
ise mèt kesyon chèf represyon sou tèt ze pon yon woulo tchak ki pa manje
anyen ki frèt fè l manje souflèt kou milèt endont mete pou yo al di m di mete
pou yo merilan sou teras trèl relenng pandye makout lan travès defetaye
menm kat kay pay okay difon sèkèy bwote pwonmennen lan gonayiv
gonayiv mande revany vanjans twa ti inosan twa timoun ansasen yo voye lan
peyi san chapo dechaje fizi mitrayèt lan tout ti kòf lestonmak yo gonayiv
kanpe pou li rekòmanse listwa listwa prenmyè janvye lendepandans gonayiv
kanpe pou li dechouke listwa kremòl sou do ayisyen yo fè tounen anyen depi
epòk chòk bawòk papa dòk malonnèt yo fè ayisyen yo pa fè chen l nan
sendomeng nou te kwè politisyen etazini ta ride nou bouda nini fòt alenn
prizon kwonm lan miyami florid chaje kou legba ayisyen wou ou ayisyen te
fin tounen anyen desoto tounen rans an frans bèk nou pran lan kebèk
akizasyon maladi tonbe sou nou tout pou nou ala tray men kisa l te ye la a
mezanmi ki mizè tribilasyon sa a ki pichon sa a ki te badijonnen peyi a ki
madichon ki t ap pousib pèp ayisyen toupatou kote nou pase sa a menm si se
te wanga ak 3 bò sitwon fòk nou t a janbe l si se te dife pa pouvwa lasous dlo
nou pa t a boule si se te bizango ak 3 modpas règ sòm sèk wenwen ta gaye si
se te prison ak detwa mounpa yonn lan nou t a lage si se te angajman pou dat
yo ap touche fòk nou t a fin peye si se te larekonesans nou t a konn rezon
dekiprevyen si se te dèt ak dra sen pòl nou t ava kouvri sen pyè si se te lese
yo fè fòk nou ta bay dizon nou si se te pari nou ta sere di di kòd kè lepèdan
nou si se te kapon fòk nou ta kriye bay gany si se te blan kolon vwa desalin
ta va pete govi si se te yangki peral krisifye ta va anlaza kako si se te konplo
fòk nou ta ap mare konplo pou nou ankrabinen konplo si se te bay nou pa ta
kontwole ni pèrèz ni sèkèy ni madichon ni lenmò ni chaplèt ni rayiman ni
lajan bay pè klodèl pou l chante libera pou yo kraf tande kraf moun nan
tigwav plontonnen lasigwav moun tigwav dechouke tout zannimo lan fetay
lan chèy pay tout vye bèt mòdantrèt pè womil is pa pè rete pè lan jeremi
moun jeremi deklare anwo pa moute anba pa desann men pè a la a gade
4/17/2007 21