Maskilanje - Potomitan
Maskilanje - Potomitan
Maskilanje - Potomitan
Create successful ePaper yourself
Turn your PDF publications into a flip-book with our unique Google optimized e-Paper software.
<strong>Maskilanje</strong> – A Haitian novel by Kesler Brézault<br />
sèl toupatou maladi n soufri a se pa li mòd doktè n sa yo janm vle trete<br />
rechte rechte depi nan machan desalin papa pèp la te rechte kesyon pitit<br />
kolon eritye kolon pitit ginen eritye anyen an preche preche yo fè pèp kwè se<br />
yon eritay pou nèg mouri nan malsite konmkidire konmkidire lavi ak lanmò<br />
mare konplo an ne koulant nan pasay kay mwen konmkidire zetwal polè pa<br />
m nan leve lan sid letwal dimaten mwen leve lannuit lalin lavi mwen plenn<br />
avòte jou pou jou gwo midi konmkidire pye sabliye m donnen yon mòd<br />
lespwa tounen jouva jouvyen sa p ap chanje konmkidire branch lamitye m<br />
sispann donnen prèv lanmou nou derasinen jouk lan kawòt konmkidire<br />
kaliko ble nou pa ble 2 bò depi nan izin yo tenn yon bò yo kite yon bò<br />
konmkidire lan miwa lavi kou miwa lèzany yo wete pòtre m yo mete pa yo<br />
ak pa zòt tousèl kòmkidire maladi n soufri a se pa li mòd doktè n sa yo janm<br />
vle trete chanje chanje depi tan en ak fidèl yo mèt la mande pou n ranmase<br />
epi sonje (òganize ramas ladim ofrann kotite sakit zaka elatriye tansèlman pa<br />
bliye rezon ramas la se fè l travay bay rannman pou nou ka separe tout<br />
benefis ak tout manm yo) danje danje yo preche moun rezinyasyon richès<br />
latè se pou ledyab ak tout lòt moun ki lan satan ( ) yo menm y ap jwi se gras<br />
bondye pouki moun pouki moun klòch katedral fè eskandal blenngbendenng<br />
blenng midi lasosyete latabèsèvi pouki moun monsenyè entèl fè bèl tedeyòm<br />
chèz a kousen swa aliyen 1 2 3 4 premye ranje pouki moun baryè lekòl tou<br />
laj louvri san pyès blokes monpè mamè madam dirèk fè lomeyans bèl ti<br />
zanfan pouki moun mouche doktè tousuit tousuit pa janm fatige pouki moun<br />
mèt avoka jij jijdepè bay bèl chobiz antre nan koki griyen trannde pouki<br />
moun lanmè sayira ap layite ble blayi sab blan pouki moun yo moute pri sa k<br />
bèl sa k bon sa k santi bon pouki moun min sab laboul fè lajan fè boul<br />
choute nan bank suis pouki moun tout gwo izin kou larenòls nan miragwàn<br />
fouye tout min woule machin manje kouray pouki moun lajan sere ponn e<br />
reponn marasa 3 pouki moun zetwal file anwo lan syèl pouki moun siperyè<br />
moun maladi n soufri a se pa li mòd doktè n sa yo janm vle trete zouti zouti<br />
depi twòp tan nan tèt leta sitwayen sitwayèn ap envesti konfyans simen<br />
lespwa y ape plede mande zouti ki ka itil demokrasi pou yo ka fè devwa epi<br />
jwi dwa yo kòmsadwa mati mati yo pito fè n ap kraze rak pouse n pati al<br />
pase mati yo pito yo pito ap toufe vanyans pase pou yo kwape malveyans yo<br />
pa vle pyès limyè konsyans limen sou rezon lòt la pou l gonfle pou l boude<br />
enève ponpe eklate pouse grif pou l kwape move lavi yo pa vle mezire ni<br />
longè ni fondèt yon reyalite makab kote lamizè malokipe meprizans<br />
malonnèt imilyasyon pase pou nòmal pou vivasyon fòse pèp ap sibi nan yon<br />
sosyete ak fòskote men je l men pa ou yo pa vle pran pèz dezespwa pifò<br />
moun nan yon sosyete manfouben anlegad yon sitiyasyon anvlimen kote<br />
moun ap pran pòz siperyè moun ap pyafe pilonnen dwa moun depi pi plis<br />
4/17/2007 13
Change language