Yon Manyèl Itil pou - Countdown to Kindergarten

A C
B D
A b c D
Counting Down to
Kindergarten:
Yon Manyèl Itil pou Fanmi Timoun
Kindègadenn (K2) nan Lekòl Piblik Boston
E
E
F
G
H
f
G
h
Kontrarebou pou Kindègadenn ak “Department of Early Childhood” nan Lekòl Piblik Boston.
Kontrarebou pou Kindègadenn se patwonaj Majistra Thomas M. Menino, Komite Alatèt Lekòl Boston, Administrasyon
Lekòl Piblik Boston ak Patnè Kominotè nou yo.

BOSTON PUBLIC SCHOOLS
Bonjou Fanmi yo,
Byenvini nan Lekòl Piblik Boston! Depatman “Early Childhood” gen lespwa pou kòmanse wout
ledikasyon an ak ou. Nou kontan pou kolezepòl ak ou dekwa pou nou mete pitit ou a sou kous siksè
li ki pral kontinye lavi diran tankou aprenan ak bon sitwayen.
Gid sa a pral entwodui ou nan klas kindergadenn (K2) ki fèt pou timoun 5 lane, ansanm ak pwogram
ki la kounyeya pou aprann lekti ak matematik, pwogram “Pearson’s Scott Foresman Reading
Street” ak “TERC Investigations”. Pwogram sa yo anrapò ak sa ki chwazi pou klas K1, OWL
ak “Building Blocks”, dekwa pou pitit ou a ka kòmanse esperyans edikasyon li byen dous. Anplis,
objektif pwogram kindègadenn Lekòl Piblik Boston an fèt pou ede timoun nan jwenn siksè epi vin
tounen yon maton nan lekti lavidiran, redaksyon ak fason moun aprann epitou fason bon sitwayen
aji.
Nou ta kontan anpil tande sa ou panse epi konnen esperyans ou nan pwogram “Early Childhood”
Lekòl Piblik Boston nan. Tanpri telefone depatman an nan 617-635-6768 oubyen e-mail jsachs@
boston.k12.ma.us. Ou ka sèvi tou ak pakèt resous nou liste nan dènye paj gid sa a, tankou “Countdown
to Kindergarten”, ki la pou ede ou fè tranzisyon enpòtan sa a. Pa renka pou rele nenpòt
moun nan biwo “Countdown to Kindergarten” nan 617-635-6816 oswa vizite sit entènèt www.
countdowntokindergarten.org.
Bòn chans pou ane lekòl ki pral kòmanse a,
Jason Sachs
Dr. Jason Sachs
Direktè, Depatman Early Childhood
Sonia Gómez-Banrey
Sonia Gómez-Banrey
Direktè, Countdown to Kindergarten

Timoun yo Kòmanse
Aprann Lakay
Konte sou sa a! Chak bagay fanmi yo fè pou yo elve
e pwoteje pitit yo make yon diferans. A kèlkeswa
laj yon timoun kòmanse frekante lekòl, paran yo ak
lòt fanmi yo se premye moun nan lavi timoun sa a ki
kapab apresye ki kalite moun li ye, ak kisa li kapab fè.
Lè paran ankouraje kiryozite lakay timoun yo, kominike
yo valè nan fanmi an, epi montre yo yon apresiyasyon
sensè, fanmi sa yo etabli yon fondasyon solid e dirab
Timoun grandi e devlope
byen lè paran yo, lòt
manb nan fanmi an
ak lòt grandèt koze
epi jwe avèk yo. Se
grandèt lakay yo ki
premye pwofesè timoun
yo. Grandèt yo montre
timoun yo pale yon
lang pandan y ap koze
ansanm, youn rakonte lòt
istwa, youn chante pou
lòt, elatriye.
Jenn timoun kapab reyisi pi fasilman nan lekòl lè yo
aprann anpil mo e ke yo kapab eksprime ide yo ak
nesesite yo. Si ou pran tan pou w jwe epi pale ak
pitit ou yo, ou ede yo ogmante vokabilè yo, ou ede
yo santi yo konfòtab, ou ede yo kòmanse lekòl ak
antouzyasm, e konsa yo prepare pou yo kontinye
aprann.
1

Lè ou pran tan pou w pale ak pitit ou, ou
montre timoun sa a ou renmen li, ou ba li valè,
epi w ap pran swen li. Anplis asirans ak konfò
atansyon w sa a asire lakay pitit ou an, ou bati
yon sans pèsonalite solid lakay li, e li pral apiye
sou karaklteristik sa a pandan tout rès lavi li.
Jwèt ki pou Ede Pitit ou an Aprann
Aktivite sa yo koute kòb, yo pa boule kalori,
e yo pa bezwen batri!
Anpil pami bagay sa yo w ap fè pou w ede
timoun ou an li yo, yo fasil, yo gratis, epi yo
anmizan. Ou pwobableman akonpli anpil pami
yo san ou pa menm rann ou kont. 20 minit
sèlman pa jou kapab make yon gwo diferans.
PALE
Pale souvan ak pitit ou epi tande swayezman kisa limenm li gen pou l di w pou w ka
ankouraje l koze avèk ou tou. Plis timoun lan tande mo ak fraz ou yo, plis limenm li
pratike yo nan koze avèk ou, se plis l ap konprann kijan langaj fonksyone. Aranje w
pou youn di lòt istwa, pou youn bay lòt blag.
Aktivite: “Te gen yon fwa” Ba li yon listwa sou oumenm. Di li ki moun zansèt ou
yo te ye, oubyen di li yon listwa nan lavi pa w lè w te timoun. Lè pitit ou an ap tande
w ap di li kisa ki te rive w nan lavi pa w, l ap aprann divès mo nouvo.
Istwa w yo ede l renmen istwa, e sa ede li aprann li lekti tou! Mande l
di w yon listwa, limenm.
Depi nan tan lontan, youn rakonte lòt listwa, se te toujou yon fason
pou nou transmèt valè, kwayans, epi konesans sou fanmi yo. Rakontaj
listwa gen anpil enpòtans kote paran, lòt manb nan fanmi an, ak lòt
grandèt kapab ede timoun yo aprann pale, epi pou yo jwe wòl yo kòm
manb nan avansman kominote an.
2

JWE
Pèmèt pitit oan jwenn anpil tan pou l jwe. Lè timoun
la nap fè kozman pandan l ap jwe ak ti oto, ak blòk,
oubyen ak lòt jwèt, l ap itilize imajinasyon li, l ap
pratike langaj, epi l ap anmize li tou. Lè w ap jwe ak
pitit ou, se yon gran moman pou nou de an—oubyen
pou tout fanmi an—pou nou pataje anpil mo ak ide.
Chwazi oumenm
pwogram TV ak jwèt
video pou timoun yo.
Plase limit nan kantite
tan ak ki tip pwogram
TV pitit ou an kapab
gade. Byenke gen
pwogram TV ki edikatif, rechèch montre tou ke timoun
ki pase mwens tan ap gade televizyon travay pibyen
nan lekòl. Epi tou, lè timoun yo chita twò lontan devan
yon TV, sa redui kantite ekzèsis kote yo ta dwe ap
itilize kò yo ak imajinasyon yo.
ALE PONMENNEN
Lè nou nan pwomnad, nou souvan gen yon bann
bagay nouvo ki pou f è nou koze. Sonje, anpil bagay
ki regilye pou ou se kozman nèf pou pitit ou an.
Menm lè nou chanje wout pou n ale nan estasyon
otobis lan, nan boutik lan, oubyen nan “landri” ou
“Laundromat” lan, sa ap ban nou bagay tou nèf pou n
wè.
FÈ DESEN OU “EKRI”
Se nan fè majigridi ak trase desen timoun yo kòmanse
aprann ekri, konsa ekri e trase desen ak timoun yo.
Lè w ap ekri lis pou w al achte, mande pitit ou an pou l
“ekris” pwòp lis pa li tou, menm si lis li an se majigridi.
Se senpleman papye blan, ou papye ize, ak kreyon
koulè oubyen makè efasab, pitit ou an bezwen pou
li kreye “pyès metrès” li yo. Tout timoun renmen fè
majigridi, trase dessen, oubyen fè
tankou se ekri y ap ekri—e tout aktivite sa yo bay
timoun yo tan pou yo devlope adrès ak imajinasyon
yo.
Aktivie: “Chante
yon Chanson”
Chante pou pitit ou,
e avèk li. Mizik se
yon kozman inivèsèl
e li anmizan pou
tout moun. Mizik kalme e
rekonfòte timoun. Mizik
an jeneral, mizik popiplè ou
chanson pou timoun, se yon
bon fason pou timoun yo
konekte mo yo ak sans yo.
Aktivite:
“Ann fè
Tankou” Fè
tankou ou
pral ponmenmen ak pitit ou
an, oubyen imite aktivite
ki entetrese li. Ou ka fè
tankou w ap òganize yon fèt
anivèsè, ou prale nan yon
restoran, pran avyon, ale
naje, ou nan difikilte. Ou pa
bezwen konsidere sezon an.
Sonje, se sèlman imitasyon.
Aktivite: “M ap Espyone”
Ou ka fè jwèt sa a tout jan:
nan oto an, nan otobis lan, ou
nan boutik lan. Chwazi yon
lèt nan non pitit ou an, epi
wè si ou ka jwenn yon bagay
ki gen menm fòm ak lèt sa a,
oubyen pran lèt sa a nan yon
ansèy. “Eske ou ka jwenn
lèt M?” “S”,
“T”, “V”, “C”,
“O”, “E”, epi
“H” se lòt lèt
fasil pou w
3

Aktivite: “Ekri yon Lèt” ede
pitit ou an trase yon desen.
Ansuit ekri sa li di
w ekri sou desen sa
a. Li sa w ekri an
pou li. Kite timoun
lan limenm deside a kilès
moun li pral voye foto an
bay: yon paran, yon zanmi,
yon pwofesè. Mete foto an
nan yon anvlòp, epi bay ou
Aktivite:
“W ap di
Mwen”
Aprè ou
rakonte yon
listwa ou li yon liv pou pitit
ou an, mande li kisa ki te rive.
Ankouraje l pou l rakonte w
menm istwa a nan pwòp mo
pa li. Kite li pran tout plezi li
vle. Si w wè gen kote li pa t
konprann, pa pase l nan betiz
pou sa. Pale senpleman piplis
sou listwa a. Kite li itilize
pwòp imajinasyon pa li pou li
bati pwòp istwa pa li.
LI (LEKTI)
Byen o kòmansman, paran, manb fanmi, ak lòt
grandèt bezwen bay jenn timoun yo liv pou yo li.
Yon fason pou n ede timoun yo bay liv valè, se
mete pou n mete liv yo nan yon plas espesyal pou
n ka ankouraje timoun yo pran liv sa yo, yomenm,
sèvi avèk yo jan yo vle. Lè gen opòtinite pou
distribye kado, mande fanmi ak zanmi yo pou yo fè
timoun yo kado liv. Se pa sèlman lè yon liv nèf ki
fè li se yon gran liv. nou ka itilize liv gran frè, gran
sè, ou liv kouzen, oubyen nou ka achte yo nan
etalaj kote y ap vann liv dezyèm men!
Paran, manb fanmi, ak lòt grandèt k ap gade
timoun dwe bay timoun yo liv depi yo ti katkat.
Yon fason pou n entwodui abitid li lakay timoun yo
pou rès lavi yo se lè n ap gade foto yo nan liv lan
pandan n ap pale sou yo. Grandèt yo ka montre
timoun yo kijan pou yo itilize yon liv lè grandèt ap
montre timoun yo kijan pou yo kenbe liv yo pandan
y ap tounen paj yo. Jenn timoun yo aprann
apresye liv apati grandèt ki plase ekzanp sa yo.
Anplis aprann yo aprann kijan pou yo bay liv yo
valè, anpil timoun pran plezi nan atansyon yo
jwenn lè y ap eseye pale avèk yon grandèt k ap
pataje plezi li yon liv avèk yo.
Aktivite: “Pran yon ti Poz”
Aprè nou li yon liv plizyè fwa,
fè yon poze, epi kite timoun
lan repete kèk pami mo yo epi
li avèk ou. Touche kèk pòtrè
pou w ba li yon ti apèsi.
Aktivite: “Pati sa m Pi
Renmen an” Aprè ou li
yon liv, koze ak pitit ou an
sou chak pati nan istwa a
ou pi renmen.
4

Fè tèt ou pwomès pou w li ak timoun yo chak jou.
Ou ka fè sa nenpòt lè nan jounen an. Men si w fè
yon lekti ak yo kèk minit anvan y al kouche, se yon
bon fasòn pou nou mete yon bout nan yon jounen
nou pase ansanm. Sa kapab tradui an pibon 20
minit pandan yon jounen.
Aktivite: “Rime Mo yo” Liv
ki gen rim anmizan pou timoun
yo. Li nenpòt nan liv “Mother
Goose” ou “Dr. Seuss” yo.
Aprè ou li yon liv ak rim, ou
ka fè kèk rim komik, oubyen
nou ka jwe pwòp jwèt pa nou,
kote n ap bati rim ak mo nou
konnen yo. Pa ekzanp, “dime,”
“time,” “rhyme” ou “lime.”
Ajoute piplis rim pou nou ka
mete piplis kouplè nan yon
chanson.
Aktivite: “An n Wè sa k
rive” Se pou kirye avèk pitit
ou an. Chèche nan liv pou nou
jwenn piplis enfòmasyon sou
nenpòt bagay — ke seswa liv
lakay, ke seswa nan bibliyotèk
lan.
Rezime Pwogram nan
bjektif pwogram Lekòl Piblik Boston (BPS) yo pou kindègadenn (K2) se
O prepare ti elèv yo pou siksè lavidiran epi pou yo vin lektè, ekriven maton
epitou devlope teknik pou aprann e tounen bon sitwayen. Pwogram ki sèvi nan klas
K2 yo anrapò ak “Massachusetts Learning Standards” epitou nouvo “Common Core
Standards”.
5

Tikatkat nan kindègadenn yo aprann pi byen lè yo angaje yo aktivman ak materyèl
ki enteresan epi yo gen chans pale ak granmoun ak lòt timoun tou. Pwogram Lekòl
Piblik Boston yo pou kindègadenn anrapò ak pwogram “Pearson’s Scott Foresman
Reading Street” nan pou lekti epi “TERC Investigations” pou aprantisaj matematik.
Yo ofri timoun yo esperyans pou aprann syans atravè twous FOSS (Papye/Bwa,
Animal 2x2) ak etid sosyal atravè tèm responsab distri yo chwazi (Katye mwen,
Peyi mwen).
Pandan yon jounen nòmal, ti
elèv yo patisipe nan ansèyman
an gwoup (tankou travay sou
mo, tèm ki anrapò ak devlòpman
konsèp, li fò ak bouch, ti gwoup
pou fè esperyans ki ranfòse
ladrès (ki gen ladan ansèyman
lekti gide, pratik ekriti, esperyans
pratik nan leson syans) ak lòt
aktivite endepandan (ki gen ladan
kwen ki ranje espesyalman,
desen ak ekri istwa pèsonèl,
rezoud pwoblèm matematik). Pandan tout jounen an, pwogram etid la sipòte ak
aktivite langaj ak devlopman sosyal-emosyonèl.
APRANN LI- ALFABETIZASYON
Pwogram “Reading Street literacy” nan K2 konsantre sou devlòpman abilite timoun
nan pou li ka dekode tèks ak istwa ki pa istwa-kont.
Pwogram K2 nan Boston nan gen gran kalite pou enstriksyon epi chita sou pratik ki
soti nan rechèch ki defini chan etid timoun ak lòt disiplin. Pwogram nan konsantre sou
gran kalite enstriksyon sou devlòpman alfabetizasyon, lekti ak konpreyansyon.
DEKODAJ:
Alfabè Idantifikasyon Lèt
Sansibilizasyon Fonolojik
Prensip Alfabetik
Son/Lèt Korespondans
Konvansyon sou Enprime
Sansibilizasyon sou Enprime
KONPREYANSYON:
Vokabilè
Sentaks
Konesans sou Kontni
Rezònman/Panse Enferansyèl
Konesans Estrikti Tèks
6

Pandan anpil nan aktivite aprantisaj
lekti pou K1 ak K2 anbake nan
aktivite ki baze sou tèm ki la pou
monte konesans, kèk moman
nan chak jou konsakre tou pou
ansèyman konpetans alfabetizasyon,
ki gen ladan devlopman langaj oral,
konesans fonolojik, konesans alfabè
ak konpreyansyon. Nan klas K2 yo,
timoun senkan yo patisipe nan aktivite
alfabetizasyon kote yo chante, yo
repete epi pratike poukont yo san
pwofesè a pa bezwen la dèyè do yo.
Yo travay ansanm pou devine kisa ki vin apre nan lekti tèks ki ekri sou tablo salklas
la. Pwofesè yo ofri enstriksyon klè sou fason yo ekri liv, kijan pou devine mo ki ekri yo
ak fason yo fòme lèt yo. Sa timoun yo aprann nan gran gwoup yo repete ankò nan ti
gwoup ki reyini apa ak lòt fwa ankò pandan ansèyman yo.
TÈM INITE YO
Pandan lavi nan salklas la bay timoun
nan anpil opòtinite pou konprann latè
ak moun ki ap viv sou li, gen tèm
espesifik nan “Reading Street” ki la
pou ogmante konesans timoun nan
sou lemonn. Nou jwenn tèm sa yo ak
kesyon ki konekte ak yo.
INITE 1 Nou Tout Ansanm: Kijan nou viv, nou travay epi jwe ansanm?
INITE 2 Lavi Zannimo yo: Ki kote zannimo yo viv?
INITE 3 Gade Mwen: Kijan moun, plant ak zannimo yo grandi?
INITE 4 Ann Eksplore: Ki kote avanti nou an ap mennen nou?
INITE 5 Vizite Anpil Kote: Kijan moun ka soti isit la pou ale laba a?
INITE 6 Lakay Nou: Kijan kay nou ede nou viv epi jwi lavi a?
7

MATEMATIK
Timoun kindègadenn yo envestige matematik ki nan
alantou yo. Yo konte konbyen elèv ki nan salklas la, yo
dekri fòm yo wè ak rezone sou fason nimewo travay.
Pwogram etid matematik ki rele “Envestigasyon” an
bay yon fondasyon solid nan matematik atravè yon
eksperyans rich epi varye.
Devlope yon sans elve pou konprann nonm ak fason
yo travay youn ak lòt se yon objektif enpòtan pou timoun ki nan kindègadenn. Pandan
tout ane a, elèv yo devlope langaj pou dekri ki sa yo remake ak konsèp matematik ki
rantre nan panse yo. Elèv kindègadenn yo gen anpil opòtinite pou konte byen fò, ekri
epi entèprete chif nan yon varyete kontèks. Yo devlope imaj vizyèl pou kantite ak yon
sans relasyon ki egziste antre yo (10 pi gran pase 5; 4 pi piti pase 6; lè ou ap konte
chak nonm yo se youn anplis, elatriye). Travay konte a sèvi tou tankou yon pon ak
operasyon adisyon ak soustraksyon. Elèv yo reflechi epi devlope estrateji pou rezoud
pwoblèm adisyon ak soustraksyon ki gen nonm piti epi sèvi ak ti objè konkrè, desen ak
notasyon pou montre estrateji yo ak solisyon. Elèv yo gen eksperyans nan repetisyon
modèl senp ak mouvman kò (bat men, touche men), fòm ak nonm. Yo idantifye modèl
senp ki repete anpil, tankou wouj-ble-wouj-ble e yo ka kopye, konstwi, dekri, repwodui
ak pwolonje modèl yo dekouvri yo. Yo detèmine kisa ki vini apre nan yon modèl ki
repete, epi kòmanse panse sou fason de modèl ka similè oubyen diferan. Elèv yo
devlope konpreyansyon yo sou fòm lè yo dekri, idantifye, konpare ak ranje fòm.
Nan aprantisaj sou fòm tankou triyang, rektang ak trapèz, yo eksplore kisa ki fè yon
triyang se yon triyang lè yo idantifye kèk nan atribi li yo (3 pati kote, 3 kwen oswa ang).
Nan pran mezi, yo prezante elèv longè kòm yon dimansyon, epi sèvi ak konparezon
dirèk kòtakot pou konpare longè kèk bagay. Nan tout ka sa yo, nou konsantre sou
langaj ki apwopriye pou dekri ak konpare longè.
DEVLÒPMAN SOSYAL AK EMOSYNÈL
Jan timoun santi tèt yo gen menm enpòtans ak jan yo panse, sitou nan sa ki gen
arevwa ak pare pou lekòl. Siksè akademik konekte ak konpetans sosyo-emosyonèl
byen devlope. Timoun piti aprann pi byen lè yo evolye nan yon kontèks relasyon
pozitif epi yo pa ka aprann lè yo pa santi yo ansekirite, yo renmen yo epitou yo sipòte
yo. Pwofesè yo travay ak timoun yo pou rezoud konfli, konprann siyifikasyon zanmitay
epi aji ak respè e responsabilite.
WOUTIN
Pwofesè yo tabli nan klas yo kèk woutin ki la pou ede timoun nan konnen kisa li pral
fè youn apre lòt, konduit ki pral ede li regilarize konpòtman pa li. Pa egzanp, anpil
8

pwofesè sèvi ak chante oswa yon klòch pou anonse elèv yo lè pou yo ranmase tout
bagay epi netwaye genyen pwofesè ki mete sou mi a orè aktivite jounen an. Plis
timoun klas matènèl yo ap aprann li, plis pwofesè yo pral sèvi ak afich tankou resous
pou fasilite akizisyon konpetans pou konpòtman ak akademik.
BATI BON KOMINOTE
Pwofesè yo ede timoun yo aprann yo dwe fè pati yon kominote ak yo dwe devlope
yon sans responsabilite youn pou lòt nan konvèsasyon ak respekte règ sekirite, tann
tou pa ou, pataje e pou ede rezoud pwoblèm ak konfli. Nan anpil salklas, yo ka bay
timoun yo travay ak lòt responsablite pou ede kenbe klas la anlòd. Timoun yo gen
opòtinite pou pataje lide yo, panse yo ak eksperyans yo youn ak lòt pandan reyinyon
pou tout gwoup la chak jou.
SYANS
Atravè leson nan salklas la ak aktivite (espesyal), menm jan tou nan diskisyon an gran
gwoup, timoun yo gen opòtinite pou yo aprann e pratike sa syantifik yo fè: obsève,
eksplore, predi, mezire, reflechi epi pran nòt sou eksperyans yo avèk materyèl epi
bagay ki nan anviwònman yo. Pa egzanp, nan chapit leson “Bwa/ Papye”, elèv yo
aprann diferan kalite bwa, jan yo sèvi avèk yo pou fè papye.
DEVLÒPMAN FIZIK
Timoun piti devlope rapidman e yo bezwen
opòtinite pou fè anpil mouvman dekwa pou
ede kò yo grandi. Timoun kindègadenn yo
pase anpil tan deyò chak jou (si tan an bon)
menm jan an tou yo fè egzèsis yo rele aktivite
motè kontwole plizyè fwa pa semenn.
GRAN AKTIVITE MOTÈ:Timoun yo devlope
ladrès pou fè gran mouvman atravè mouvman
aktivite nan klas la tankou deyò. Egzanp nou jwenn se danse, sote, grenpe, atrape
boul, fè glisad ak balansin nan lakou rekreyasyon an.
AKTIVITE MOTÈ FEN: Timoun yo devlope ladrès pou fè aktivite motè fen yo rele
ti mouvman ki mande anpil kontwòl atravè aktivite tankou desen, ekriti, koupe, monte
pyès ak “puzzles” ak materyo tou piti tankou ti kawo oswa lego, epi eksplore sansasyon
ak materyo tankou dlo, sab ak patamodle.
9

ATIZAY & MIZIK
Atizay ak mizik bay timoun yo opòtinite pou devlopr lòt talan paske yo pa la pou
aprann sèlman li, ekri fè matematik, men yo la tou pou eksplore kreyativite yo, epi
eksprime lide yo ak santiman yo.
Pandan tout lajounen an, timoun yo
gen opòtinite pou chante, patisipe nan
aktivite mouvman ritmik epi eksprime tèt
yo nan atizay vizyèl an konjonksyon ak
pwogram “Reading Street literacy”.
Plizyè lekòl ofri pwogram anplis pou
atizay, mizik, edikasyon fizik oubyen kèk
konbinezon pami sa ki di pi wo la a.
Anviwònman Salklas lan
Plizyè salklas K2 ranje yon fason ki pèmèt travay an gran gwoup, an ti gwoup epi
opòtinite pou aprann yon fason endepandan. Yo se kote ki chaje ak aktivite pou timoun
angaje aktivman nan aprantisaj atravè lapawòl, eksplorasyon ak koperasyon.
KWEN POU CHITAPALE: Se yon kote timoun yo chita ansanm pou fè kèk aktivite
sou kontwòl pwofesè a tankou li ansanm istwa ak vwa, fè lekti ak pwofesè a, aprann
matematik oswa diskite sou matyè akademik oswa pwoblèm sosyal. Kote sa a ki ka
gen yon tapi yo depoze atè a sèvi tou pou feyte liv, jwe ak blòk koulè oswa travay sou
pwojè ki pi gwo toujou.
SANT APRANTISAJ: Salklas la divize an sant aprantisaj ki pa separe pou matyèespesifik,
men ki sèvi pito pou plizyè rezon. Ka gen yon sant pou tèm teyat ak jwe
wòl se la timoun yo eseye repwodui sa yo li yo an aksyon, yon sant pou bati ak blòk
ki gen ladan divès kalite blòk, yon sant manipilatif pou travay ak men ak materyèl
tankou “puzzles” ak yon tab pou konstriksyon, yon sant pou desen ak ekriti ki gen yon
kantite zouti ak materyèl pou ekri, yon bibliyotèk nan salklas la pou lekti ak tout kalite
liv timoun renmen, powèm ak lòt materyèl enprime, ak yon sant pou tèm dekouvèt
pou eksplore ak èksperimante materyèl ki an relasyon ak konsèp. Lè timoun yo ap
travay nan sant yo, pwofesè yo ap sikile nan mitan yo oswa yo ap travay ak ti gwoup
yo osnon yo bay ansèyman endividyalize.
10

Yon Koudèy sou Jounen nan K2
DEJENE AK AKTIVITE LÈ YO RIVE
REYINYON MATEN
Tabli pwogram aktivite pou lajounen an ak woutin ki kòmanse jounen an, anonse
kisa nou pral fè ak oryantasyon sou aktivite lajounen an.
LEKTI “READING BLOCK”
Pati sa fèt an gran gwoup pou atire atansyon timoun nan sou konesans l ap
bezwen pou travay sou tèm jodiya, sou lekti yo ansanm ak diskisyon sou istwa
ak lòt tèks tou. Pwofesè a chita tou ak elèv yo an ti gwoup pou distribiye
travay apa “differentiated instruction” pou yo fè endepandan nan kwen travay
la, apresa gen yon dezyèm reyinyon an gran gwoup pou enstriksyon sou lekti
(sansibilizasyon fonolojik ak konesans alfabè).
TAN POU ALE DEYÒ/GRAN AKTIVITE MOTÈ
MATEMATIK “MATH BLOCK”
Pati sa fèt an gran gwoup pou aprann nosyon matematik pou jounen an, an ti
gwoup/endepandan pou travay manipilasyon matematik ak solisyone pwoblèm
epi pataj an gran gwoup pou diskite sou sa yo sot aprann nan.
MANJE AK REKREYASYON
ATELYE EKRITI
Pati sa a òganize souvan anba je pwofesè a ki nan mini-leson tou kout montre
yo sa yon bon ekriven fè pandan li ap ekri, ba yo tan pou travay poukont yo
kote pwofesè a gade yo ki ap ekri epi ankouraje yo pataje travay yo ak lòt elèv
yo. Pafwa tou genyen seyans lekti travay la ki fèt ak vwa dekwa pou montre
lòt elèv yo modèl bon redaksyon.
ATIZAY, MIZIK, GYM, KONPITÈ OSWA ESPESYALITE SYANS
Aktivite sa yo varye lekòl pa lekòl. Mande direktè lekòl la kisa ki fèt nan lekòl
pa li a.
SANT POU FINISMAN JOUNEN AN
Se yon moman kote timoun nan ka chwazi aktivite li vle, tankou repase yon
bagay li te fè deja oswa eseye yon opòtinite tou nèf pou li eksplore.
REYINYON APREMIDI
Se moman kote yo repase aktivite enpòtan ki te fèt pandan jounen an epi
tande sa ki pral fèt demen. Kèk elèv ka ale lakay yo epi kèk lòt ka janbe nan
pwogram apre lekòl.
11

Antre nan “Kindergarten” (Transition)
Transitions” kapab yon gran defi pou tout moun,
grandèt kòm timoun, espesyalman antre ou
kòmanse nan klas matènèl, ke timoun lan ap antre
nan K0, K1 ou K2. Sepandan, anpil fwa, antre nan
klas matènèl pi di pou paran an ke pou timoun lan.
Pwogram “Countdown to Kindergarten” ak “BPS
Department of Early Childhood” ofri kèk sigjesyon
pou aktivite ki ka fasilite tranzisyon an pou paran
ak timoun lan nan klas matènèl ou kindergarten
lan.
MENNEN TIMOUN LAN AVÈK OU ALE VIZITE LEKÒL NOUVÈL LAN.
Se yon pati enpòtan pwosesis tranzisyon an. Chak Lekòl Piblik nan Boston ap
ofri yon Sesyon Byenvni pou nouvèl fanmi matènèl yo abityèlman ant mwa avril
e mwa jen. Se yon opòtinite sipèb pou paran yo rankontre prensipal lekòl lan ak
pwofesè matènèl lan, epi dekouvri lekòl lan. Si se posib, vizite lekòl lan plizyè fwa
pandan sezon lete an, epi kite pitit ou an jwe sou teren jwèt lan. Pitit ou an ap vini
familyarize li ak anviwònman lekòl lan, e lè mwa septanm lan rive, lekòl lan p ap yon
milye etranj pou timoun sa a.
KOZMAN KONSÈNAN TRANZISYON. Pa ekzanp, “nou prale nan bibliyotèk lan.
Aprè sa, n ap pase nan sipèmakèt lan kote n ap achte kèk atik, e pou fini, n ap antre
lakay kote nou pral manje kèk bagay, epi fè yon ti dòmi.”
KREYASYON ABITID (ROUTINES). Fikse lè pou n kouche dòmi e lè pou n leve,
epi pa chanje lè sa yo. “Routine” sa a ap ede timoun lan konnen kisa pou l
fè, e l ap asire pou timoun lan gen ase repo tou.
LI DIVÈS LIV sou ale lekòl, men tou, kontinye
li avèk pitit ou an pou plezi lekti an tou. Si pitit ou
an renmen yon liv, li liv sa ak plizyè fwa ak timoun
lan. Si w bezwen yon lis liv nou rekòmande yo,
ale nan paj resous nou an, nan fen ti livrè sa
a. Pandan n ap li, poze kesyon, “Kilès?” “Kisa?”
“Kilè?” epi “Kikote?” pou w ede pitit ou an gen
konpreyansyon. Kite pitit lan li istwa pou ou. Li
kapab di w kisa li wè nan desen ilistrasyon yo.
Mande l pou predi kisa ki pral rive aprè. Vizite
souvan bibliyotèk nan zòn lakay ou an. Yo
gen yon seri pwogram lekti sipèb e gratis pandan
sezon l ete an.
KIJAN POUM
JWENN YON KAT
BIBLIYOTÈK?
Chak branch bibliyotèk nan
vwazinaj lan gen yon Biwo
Sikilasyon. Jeneralman, Biwo
sa a lokalize li nan antre chak
batiman. Pou w jwenn yon kat
bibliyotèk, ou dwe ranpli yon
fòmilè aplikasyon bibliyotèk
lizibleman, epi pòte fòmilè sa
a ak idantifikasyon ki gen non
ou, adrès ou, epi siyati ou nan
Biwo an.
12

lespas pou l chwazi fè kèk bagay pou kont li pou w
ka devlope endepandans nan abitid li yo. Mande
l si l vle mete chemiz wouj lan ou chemiz jòn lan?
Kite l abiye pwòp tèt li. Si l pankò janm ouvri bwat
manje li oubyen tèmòs ji li an pou kont li, montre
li kijan pou li ouvri yo. Timoun yo gen dwa pòte
pwòp repa pa yo nan lekòl lan, e nan ka sa a, yo
dwe aprann kijan pou yo ouvri pwòp bwat manje
yo ak pwòp boutèy ji pa yo. Konsa tou, si pitit ou
an gen pou li mete soulye ak lasèt, ou dwe anseye
li kijan pou li lase soulye li e mare lasèt li yo.
KONPLETE KESYONÈ POU PARAN YO Nou
attaché kesyonè an nan pakè sa a, ou ka jwenn li
nan pakè lekòl la nap ba ou an tou. Enfòmasyon
sa a pral ede pwofesè an konnen timoun ou an
pibyen.
SELEBRASYON TRANZISYON NAN
KINDÈGADENN. “Countdown to Kindergarten”
ofri yon kantite evènman atravè lavil lan pou ede
nan selebrasyon kozman enpòtan sa a. Pase
pran pakè “Kindergarten Readiness” gratis pa w
ki gen anndan li mayo “I’m going to Kindergarten”,
DVD “I’m Ready!”, epi yon gid “Aktivite” ki gen yon
lis evènman gratis atravè lavil lan. Nou mete pake
say o disponib nan bibliyotèk bò lakay ou an.
APÈSI: Premye jou lekòl
lan, abiye pitit ou an
konfòtabman. Mete
pantalon ak kilòt ak senti
elastik sou timoun lan
(zip, sentiwon, epi bouton
ka twò jenan pou timoun lan
pandan kèk jou). Yo ka kreye
pwoblèm si ti moun lan tann
lontan pou l di li bezwen
twalèt. L ap pi fasil si timoun
lan ka rale yo desann. Si
timoun ou an pa konnen kijan
pou li lase soulye li, mete
soulye ak fèmti elastik nan
pye li. Lè timoun ou an gen
plis matirite pou l debouye l
pou kont li nan aktivite rad ak
soulye, wa kite l abiye jan li pi
pito.
KALANDRIYE TRANZISYON
“COUNTDOWN TO KINDERGARTEN”
AVRIL-JEN: Patisipe nan yon Sesyon Byenvni nan lekòl pitit
ou an. Lekòl pitit ou an pral voye yon envitasyon ba ou.
ME-JEN: Pase pakè preparasyon w lan (readiness packet) ki
gen mayo gratis lan (free t-shirt) ak DVD an nan bibliyotèk bò
lakay ou an.
JIYÈ-OUT: Patisipe nan evènman lete gratis atravè tout
lavil lan, avèk ladan li pwogram lekti lete an (Summer Reading
Program) nan bibliyotèk bò lakay ou an. Mande bibliyotekè w lan
enfòmasyon konsènan kat gratis (free passes) pou dives mize (museums).
OUT: Selebre jounen matènèl (Kindergarten Days) nan bibliyotèk
bò lakay ou an. Patisipe nan Selebrasyon Kindègadenn nan “Children’s
Museum” lan. W ap resevwa envitasyon de “Countdown” nan Out ou visite
www.countdowntokindergarten.org pou evènman anvi yo.
SEPTANM: Premye jou kindègadenn lan se premye lendi aprè “Labor
Day” an.
13

DEVLOPE YON PLAN POU PREMYE JOU KINDÈGADENN LAN. Lè ou vizite
lekòl pitit ou an nan sezon prentan an, mande prensipal lan pou l ba ou yon kopi
ajanda (guidelines) pou premye jou lekòl lan. Èske yo pral pèmèt pou w mennen
pitit ou an antre anndan lekòl lan? Gen lekòl ki gen yon règleman serye kote yo
prefere pou paran an rete deyò pou li di timoun lan “good-bye”. Ou kapab prepare
timoun ou an davans pou li ka konnen kisa k ap rive. Ou kapab tou mete yon sijè
fanmi w nan sak timoun lan. Si lekòl pitit ou an gen yon politik ki otorize w antre
nan salklas lan, mande yo pou konbyen tan ou pral la (ou ka senpleman bezwen
10-15 minit). Lè w di “good-bye”, di li tout bon vre.
Si ou panse davans yon difikilte ka rive avèk pitit ou an, pandan peryòd repo
oubyen separasyon nan maten, bay tèt ou yon ti tan pou w diskite l avèk pwofesè
pitit ou an oubyen prensipal lekòl lan, yon fason pou nou ka mete ansanm pou nou
fasilite tranzisyon an poupitit ou an. Sonje, se oumenm ki konnen pitit ou an
pibyen pase tout lòt moun.
Ou pral remake yon postè ki make “Inivèsite Kòmanse nan Klas Matènèl”
(“College Begins In Kindergarten”) nan salklas pitit ou an. Postè sa ap fè w
sonje ke lane sa k ap vini an nan yon salklas kindègadenn nan BPS se yon pa
pwochen nan vwayaj edikatif pitit ou an. Se vole tan an ap vole, e anvan lontan
ou pral genyen pou w di pitit ou an good-bye lè w ap kite l nan inivèsite. Anmize w
byen! N ap di w mèsi pou tèt ou chwazi Lekòl Piblik Boston.
14

Kesyonè Pou Paran “Kindergarten” yo
Nou priye w pran detwa minit pou w reponn kesyon piba yo, epi voye kesyonè
konplete an tounen bay pwofesè tounèf klas “kindergarten” pitit ou an. Kesyonè
sa a pral ede pwofesè an konnen pitit ou an pi byen epi tou l ap fasilite pwogram
enstwiksyon pou li. Mèsi!
NON TIMOUN LAN: __________________ DAT NESANS: _________
KOTE L TE FÈT: ___________________________ LAJ LI: ________
1. Nou priye ou ekri yon lis ki gen non ak laj tout frè ak tout sè pitit ou an, epitou tout
lòt timoun k ap viv nan kay lan.
2. Kilès langaj nou pale piplis nan kay lan? Èske gen lòt lang nou pale tou? Èske
pitit ou an pale piplis pase yon langaj?
3. Avèk kilès moun pitit ou an ap viv (nou vle di: manman, papa, granmè, ou lòt
moun)?
4. Eske pitit ou ka pran swen tèt li poukont li, tankou abiye, fè twalèt li, louvri bwat
goute li? Si li poko ka fè sa, kijan ou ede li lakay?
5. Dabitid a ki lè pitit ou an ale kouche?
6. Ki responsablite pitit ou an genyen nan kay kote n ap viv lan?
15

7. Tanpri di nou kisa ki ka fè pitit ou an pè (chen? Lè li pou kont li? Kisa?, etc).
8. Lè pitit ou an fache oubyen pa kontan, kisa ki kapab kalme li, ki ka fè kè li kontan?
9. Kisa pitit ou an renmen genyen ou renmen fè (interests and hobbies)?
10. Èske gen yon lòt bagay konsènan pitit ou an ou ta renmen pataje avèk nou
(«routine quotidienne», sa li renmen/sa li pa renmen)?
11. Èske pitit ou an gen alèji? Eksplike nou kisa ki ba li alèji an. Kijan sa rive.
12. Èske nan fanmi w gen selebrasyon espesyal ke ou ta renmen pataje avèk nou?
13. Èske pittit ou an te gen eksperyans anvan nan yon gadri oubyen nan yon lekòl
matènèl (preschool or daycare setting)? Si w reponn wi, di nou non etablisman sa
yo.
14. Kisa ou espere jwenn nan yon pwogram K2? Ki rezilta espesifik ou ta renmen
wè nan fen ane a?
15. Tanpri di nou yon kichòy espesyal ou ta vle nou konnen sou pitit ou a.
Èske gen kèk lòt enfòmasyon enpòtan ou ta renmen pataje yon ti jan pi an prive
oubyen pi an sekrè avèk nou. Nan ka sa a, tanpri plase yon randevou avèk pwofesè
pitit ou an.
Nou voye meyè souwè nou ba ou pou yon lane eskolè eksitan k ap pwoche! Mèsi
anpil pou tan sa ou pran pou w ranpli kesyonè sa a.
16

Resous pou Paran yo
Sit Wèb:
http://www.ed.gov/pubs/CompactforReading/tablek.html
Bay aktivite ou ka fè ak pitit ou a pou ankouraje devlòpman aprantisaj lekti li.
http://www.familyeducation.com/home/
Edike paran sou kisa yo ka espere jwenn anjeneral nan pwogram kindègadenn. Gen tou
diskisyon ant paran ki bay konsèy youn pou lòt.
http://www.kinderart.com/littles/
Detaye yon pakèt aktivite ki ranje anba tèm diferan ou ka eseye ak pitit ou tankou jwèt
pou sans li, pou sante li ak ranje/matche bagay.
http://www.seussville.com/
Genyen aktivite entèraktif ki enteresan epi edikatif pou pitit ou a.
http://www.jstart.org/
Pibliye yon gid chak mwa sou fason pou fè timoun nan pare pou lekòl ansanm ak lòt zouti ki
ka ede fanmi a.
http://www.terc.edu
Founi plis enfòmasyon sou pwogram matematik TERC la.
http://www.ncela.gwu.edu/pathways/reading/index.htm
Bay lis anpil pratik sou kijan pou aprann timoun ki pale de lang aprann li.
http://www.rif.org/leer
Detaye aktivite pou fanmi timoun ki pale panyòl yo.
Resous:
.
Boston Public Schools
Telefòn prensipal: (617) 635-9000
http://www.bostonpublicschools.org
Countdown to Kindergarten
Telefòn “hotline”: (617) 63LEARN
http://www.countdowntokindergarten.org
School Hotline
(617) 635-9046
(Out & Septanm)
Special Education
(617) 635-8599
Transportation
(617) 635-9520
BOSTNET
(Rele pou opsyon anvan & aprè klas)
(617) 720-1290
English Language Learners
617-635-9435
Food & Nutrition Services
(617) 635-9144
Boston School Committee
(617) 635-9014
Citywide Parents’ Council
(617) 635-9210
Childcare Choices of Boston
(Rele pou posiblite gadri)
(617) 542-5437
17

Resous pou Paran yo
Liv Pou Li
Gade anba a yon lis liv nou sijere ou pou li ak pitit ou a. Vizite nenpòt
bibliyotèk “Boston Public Library” pou prete liv sa yo!
Welcome to Kindergarten
pa Anne Rockwell
Bigmama’s pa Donald Crews
Gathering the Sun: An Alphabet Book
in Spanish and English
pa Ada & Simon Silva
The Dinosaur Alphabet Book
pa Jerry Pallotta
Dim Sum for Everyone pa Grace Lin
Eli’s Night-Light pa Liz Rosenberg
Good Boy, Fergus!
pa David Shannon
Elizabeti’s Doll
pa Stephanie Stuve-Bodeen
Bippity Bop Barbershop
pa Natasha Tarpley
What comes in 2s, 3s, and 4s
pa Suzanne Aker
Big Fat Hen pa Keith Baker
Ten Little Rabbits
pa Virginia Grossman
Color Zoo pa Lois Ehlert
Changes, Changes
pa Pat Hutchins
Mr. Cookie Baker
pa Monica Wellington
Ten, Nine, Eight
pa Molly Bang
Irene and the Big Fine Nickel
pa Irene Smalls
12 Ways to Get to 11
pa Eve Miriam
Giant Pandas by Gail Gibbons
Jamaica Tag-Along pa Juanita Hill
When Mama Comes Home Tonight
pa Eileen Spinelli
La lagartija y el sol/The
Lizard and the Sun
pa Alma Flor Ada
Tar Beach pa Faith Ringgold
When I am Old with You
pa Angela Johnson
Frederick and his Friends
pa Leo Lionni
18

THANK YOU
Countdown to Kindergarten and Boston Public Schools Early Childhood
Department extends it sincere gratitude to the Early Childhood Coaches
and the following Boston Public Schools Kindergarten Programs:
Dever Elementary School
Holmes Elementary School
Philbrick Elementary School

0 1 2 3 4 5 6 7 8 9
A b c D E
f G h J P
PRODUCED BY:
Sonia Gómez-Banrey
Director
Countdown to Kindergarten
Connie Henry
Elementary Math Program Director
Boston Public Schools
Karen Sheaffer and Carol Darcy
Hanson Initiative for Language and Literacy (HILL)
MGH Institute of Health Professions
Catherine Marchant
Early Literacy Coach
BPS Department of Early Childhood
Krystal Beaulieu
Educational Consultant