Arrègulas - Acadèmia de su Sardu

1.1.2. Limba Sarda Comuna (LSC)
est a nai: sa lìngua sarda est tambeni su Logudoresu
Sa proposta de LSC, bessia che a sa LSU in lìngua italiana sceti, e presentada
comenti un’esperimentu in bessida [“Adozione delle norme di riferimento a carattere
sperimentale per la lingua scritta in uscita dell’Amministrazione regionale” (Deliberazione
n.16/14 del 18/04/2006, oggetto, p. 1), “da utilizzarsi in via sperimentale
per l’uso scritto in uscita...” (Deliberazione p. 2)] de una lìngua chi est una “varietà
linguistica di mediazione” (p. 5), est una proposta chi arregordat sa LSU etotu, ca
proponit po sa Sardìnnia una norma sceti, sa logudoresa. Difatis su stùdiu de linguìstica
de cantidadi fatu de Prof. Bolognesi etotu (componenti de sa cumissioni
regionali) 1 amostat ca sa distàntzia intra de LSC e dialetus logudoresus est prus curtza
finsas de cussa intra de LSC e unus cantu dialetus de mesania, no nareus duncas
faci a is dialetus campidanesus, chi funt meda prus atesu (‡ su gràficu a pàg. 26 e
sa tauledda a pag. 27).
Sa primu chistioni lègia chi ndi bessit a pillu, giai de is primus pàginas de sa
LSC, est su chi portat in conca sa Regioni de ndi fai de sa lìngua sarda: una “lingua
scritta in uscita dell’Amministrazione regionale”, comenti narat issa etotu.
Cumprendeus, duncas, ca sa segundu chistioni lègia est ca cun sa LSC si funt
destinaus de lassai sa lìngua sarda foras de sa scola, chi est unu logu chi contat
diaderus po no si sperdi sa lìngua.
1
Roberto Bolognesi, La Limba Sarda Comuna e le varietà tradizionali del sardo (2007),
presentau in Paulilatino su 5 de maju 2007, carta7, carta 19 e tauledda 6. Segundu su stùdiu
de Stèvini Cherchi puru, Cumpudu numèricu de sa Limba Sarda Comuna, bariedadi prus
logudoresa che de mesania. Consìgius de acontzus e arricamentus pro dda fai acostai a su
campidanesu (2007), in: http://mastersardo.netsoul. net, in scritus de autoris sardus diferentis,
su 93,4% de is fueddus logudoresus e s’81,5% de is nugoresus funt bonus po sa LSC puru,
mentris sceti su 68% de is campidanesus ddu funt aicetotu.
24