You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Réamhrá an Chathaoirligh<br />
Is údar áthais agam Tuarascáil Bhliantúil 2005 a chur in bhur láthair agus aird a tharraingt ar<br />
go leor de na haidhmeanna mórthábhachta a baineadh amach go sásúil i rith na bliana.<br />
Tarlaíonn mórbhearta nua le déanamh gach bliain agus éilimh nua le sásamh agus is breá<br />
liom a chur in iúl gur léirigh foireann OOP gairmiúlacht agus dúthracht arís eile i mbaint<br />
amach ár gcuid cuspóirí.<br />
Bhí an dílárú chun tosaigh go mór inár gcuid oibre agus inár n-intinn agus éadáil ar<br />
shuíomhanna ag leanacht ar aghaidh ar fud na tíre agus tús áite á thabhairt do na<br />
heagraíochtaí “luathaistríocha”. Rinneadh go leor oibre agus dul chun cinn ag socrú<br />
sonraíochtaí riachtanais, lorgaíodh tairiscintí maidir le 8 gcinn de thograí agus bronnadh<br />
'conarthaí' i dhá ionad.<br />
Tugadh Seirbhís na Séadchomharthaí Náisiúnta agus na Maoine Stairiúla ar ais faoi scáth na<br />
hOifige go sásúil. Tá sin anois ina dhlúthchuid d'íomhá chorparáideach Oifig na<br />
nOibreacha Poiblí. Is suntasach an réimse breise lenár gcuid oibre é agus táthar ar bís<br />
maidir leis na deiseanna a bhaineann leis dúinn sna blianta atá ag teacht.<br />
Tar éis chinneadh an Rialtais an cheannródaíocht maidi le Bainistiú an Bhaol Tuilte leagan ar<br />
OOP, baineadh cuid mhaith amach i rith na bliana agus cuireadh Taispeántais Phoiblí i<br />
láthair i roinnt áiteanna maidir le mórscéimeanna fóirithinte tuilte atá á mbeartú.<br />
Ní mór comhghairdeas a dhéanamh le Seirbhísí Innealtóireachta as an ngradam maidir le<br />
Forbairt Leanúnach sa Ghairm a bhronn Institiúid na nInnealtóirí in Éirinn orthu agus go<br />
deimhin leis na hAonaid Ghnó eile ar fad a choinnigh an creidiúnú I.S.O. atá acu.<br />
Tharla an chéad chuid den aistriú foirne, isteach agus amach as an Oifig, chun críche<br />
díláraithe le linn na bliana 2005 agus tarlóidh aistriú foirne níos forleithne arís as seo go<br />
ceann roinnt míonna. Tuigim go dtabharfar dúshlán don Oifig ar roinnt bealaí dá bharr sin<br />
ach tá muinín agam go mbeidh na pleananna feidhme atá againn agus na cleachtais agus<br />
nósanna imeachta a bhfuil dea-thuairisciú déanta orthu ina chranntaca againn agus sinn ag<br />
tabhairt faoi seo go muiníneach.<br />
Go raibh maith agaibh go léir as bhur gcuid díograis agus dúthrachta i gcónaí.<br />
Sean Benton<br />
Cathaoirleach<br />
Oifig na nOibreacha Poiblí<br />
3