AR IRISH Master Irish File

Dílárú ar OOP
Táthar ag leanacht den dul chun cinn maidir le gnéithe éagsúla de Dhílárú OOP go Baile
Átha Troim (Ceanncheathrú OOP), Clár Chlainne Mhuiris agus Ceann Toirc.
Bhí an bhéim ba mhó i rith na bliana ar thogra Bhaile Átha Troim, áit a mbeidh
Ceanncheathrú nua OOP, a thabhairt chun cinn tar éis don Ghrúpa Feidhmithe um Dhílárú
(GFD) an t-ionad sin a roghnú ar cheann de na “luathaistritheoirí” a fógraíodh i mí an
Mheithimh.
Ullmhaíodh plean feidhmithe do dhílárú OOP, lena ndeachaigh Measúnú Baoil
mionsonraithe inar tugadh faoi deara na réimsí tábhachtacha ar gá aire ina leith le linn an
togra. Beidh an Plean agus an Measúnú Baoil faoi athbhreithniú leanúnach, ag teacht le
riachtanais leanúnacha an GFD i rith chéim an chur i bhfeidhm.
Togra Tógála Bhaile Átha Troim
Eagraíodh comórtas deartha ailtireachta maidir le foirgneamh Bhaile Átha Troim go
hinmheánach taobh istigh de Sheirbhísí Ailtireachta OOP. Rinneadh forbairt ar an dearadh
a raibh an chraobh aige, arna chur isteach ag an Uasal Patrick Boyle as Seirbhísí
Ailtireachta 4, agus bhí sé ina chroíchuid de na tairiscintí a cuireadh faoi bhráid an
mhargaidh. Cuireadh tairiscintí faoi bhráid i mí na Nollag 2005 d'fhorbairt ar na hoifigí
nua ar bhonn Tógáil de réir Dhearadh an Chliaint. Tar éis bhronnadh an chonartha,
rachaidh lucht na tairisceana a n-éiríonn léi ar aghaidh le céimeanna na pleanála agus na
tógála d'fhonn an obair ar an bhfoirgneamh a thabhairt chun críche roimh dheireadh na
bliana 2008.
Acmhainní Daonna
Ceapadh Bainisteoir Tionscadail don Togra Díláraithe, an tUasal Michael Fennelly, i mí
Márta 2005. Is é an ról a bheidh aige bainistiú a dhéanamh ar gach gné de thogra
Díláraithe OOP agus, ag teacht leis an bPlean Feidhmithe agus leis an Anailís Baoil,
comhordú a dhéanamh ar na bearta éagsúla a bhfuil riachtanas leo agus cinntiú go dtugtar
i gcrích é taobh istigh den chreat ama atá leagtha amach ag an Rialtas.
Bhí dhá phríomhghné le hobair an Bhainisteoir Tionscadail i rith na bliana:
• Pleananna gnímh mionsonraithe do na réimsí gnó éagsúla a thabhairt chun cinn ionas go
maolaítear oiread agus is féidir ar an mbaol a bheadh ann do leanúnachas na seirbhíse;
• Bainistíocht a dhéanamh maidir leis na baill foirne a bhí ag teacht isteach in OOP, ón
tSaoráid Iarratais Lárnach (SIL) go príomha, an córas ar líne a ceapadh chun clárú a
dhéanamh ar iarratasóirí maidir le gach ceann de na hionaid atá i gceist.
Leanfar ag déileáil le dílárú OOP, a tharraingíonn deacrachtaí dúshláin suntasacha, mar
bheart 'tús áite'.
26